成仔記麵食

营业中

休息中

差唔多平均一個月都會食一次, 雲吞的蝦就真係冇得彈, 唯獨河粉就真係要努力了!!!服務也不錯, order 到食到都唔使三分鐘~一杯豆漿加雲吞河, 已經好飽!!

見到都流哂口水..yummy,,好大粒,唔駛個麵我都飽哂!!d蝦又大隻,,碟菜ok,唔算好好食! overall好抵~13蚊一碗,大粒到咁,想點?

成日聽屋企人講"成仔記...成仔記",聽得多都想去試下.今天下午三時路經此店,發現有位.便速速坐下,叫了碗雲呑河..唔洗一分鐘上枱...堅!!當時碗野只見到河粉,於是搵筷子不斷反開..終於見到第一粒雲吞既出現呀雲吞size同雞蛋咁大舊,仲要係四粒..係四粒呀..用筷子夾開,發現一粒至少有隻半蝦肉呀..仲要d蝦係彈牙..一定係新鮮.而個河粉就係普通至到難食之間,湯底應該係用左上等味精煉製而成,另此渴.個到樓面全部都係呀姐,每個呀姐都會駁命嗌!嗌咩??每次落完單又嗌,賣單又嗌(因為沒手寫單呀)總之連"動力火車"都要行開一邊個種$14蚊都算抵呀...但係抵在雲吞咋

今日我同老公去打完璧球...唸住搵地方食lunch醫肚...唸起平時想試那間雲吞麵...因為之前工作關係...太夜已經收左舖呢...今天有得試...很開心^^...d 雲呑超正正...勁大粒蝦同埋很彈牙...未試過咁好味的雲吞呢...tasty ^^...大大碗的雲吞河盛惠十四蚊...好抵食...豆漿(連碗麵)都只是兩蚊...真的不錯...見到好多人都試腐乳通菜...應該ok ar...值得一讚的係...那裡的staff 很nice...很有笑容...唔知點解...全部都是女人呢...hahaha =P

雲吞面超正，d蝦又新鮮又彈牙，口感超好，食之前食碗炸將面，開下胃口，包你食完下次會再黎，記住唔好食得太快，因為我試過有一次有條蝦尾條刺係d雲吞度- -14蚊雲吞面11蚊炸將面2蚊杯豆漿

其實同一般粉麵檔差唔多，總體都幾好食。佢勝在0的阿姐個個都好醒目、好快手，個個客order完分零鐘上下就有得食。叫左碗雲吞魚球河，有雲吞兩舊同鯪魚球三舊。佢果然係鯪魚球至耍家，好滑好彈牙。仲有0的雲吞0的蝦都幾大隻幾鮮，唔錯吖~同埋佢真係名副其實客似雲來。食粉麵0既野唔會食得耐，0的客大概食幾個字就離開，但係我食咁耐，佢從來無空座，一有客食完，就有新客走入黎，不停咁黎，幾旺場架！留意我唔係晏晝時間去喎，我三點半先出門口落去食架。真係薄利多消，雙併先16蚊，係咁浸住全日十零蚊十零蚊咁不停賺，成仔記都幾發個喎！

雲吞好好食...13蚊大大碗..粒雲吞好大粒好好食..好多蝦嫁..牛肉都好食..炸醬都唔差..10蚊真係好鬼抵..而且野食仲好快黎..D阿姐都FRIENDLY既

之前同老婆成日食雲吞面, 今次就食鯪魚球粗面。鯪魚球好好味, 又彈牙, 加上成仔記的辣椒, 好好食呀!粗面都好好食。十蚊一碗真係抵食。(加2蚊有豆漿)另: 老闆娘一邊包雲吞一邊收錢都幾唔衛生下, 不過大菌食細菌, 都唔怕啦!!

以前未做野又唔駛返學o個時, 都間唔中o黎呢度開餐. 而家做左待業青年, 唔想日日自己煮又或者懶到淨係去附近o既富園食牛什飯, 我阿爸又唔想食周明園, 於是今日個lunch 就o係度解決.我同爸爸一坐低, 都係叫o個味: 佢要鯪魚球麵, 我要雲吞河. 唔駛三分鐘就有. 兩碗野一上檯, 我地即刻加辣油, 我再加少少醋去o的河粉度... 講真, 佢地o的粉麵真係冇乜特別, 同一般麵家都係一樣勝在個爐夠熱, 滾一滾就上得, 同自己屋企煮唔同. 不過佢地河粉都OK, 唔會好散, 又唔會太油. o的雲吞依然大粒, 依然好味... 個鯪魚球都幾好味.食左一碗, 唔夠皮. 再叫. 爸爸要牛肉麵. 我雖然好鍾意食雲吞, 但都係驚食得太多唔覺唔覺咁食多左肥肉(雲吞水餃呢類野整得好食o既就通常都會有). 不過o的牛肉就唔o岩食(係就係調得幾好味, 有o的麻油味咁, 不過咩牛味都冇, 又搵梳打粉呢類野整過, 都係唔好搞我!), 結果, 聽到後面o的檯有人嗌粗麵食, 爸爸又話牛丸唔錯, 於是要左碗牛丸粗-- 肥就肥啦! 佢地o的麵都有少少 水味, 於是我又加o的醋落碗麵度. o的粗麵其實又係冇乜特別, 不過o

這裡所有的麵都很好吃,我最喜歡就是雲吞麵同炸醬麵另外又可以買d料返屋企打邊爐.

吃了一碗雲吞魚球麵, 雲吞內的蝦肉生鮮爽口, 鯪魚球也鮮美, 十六元的價錢十分合理, (如單叫一樣材料, 除雲吞麵十三元外, 其餘皆十元.)加二元還有一杯豆漿, 正好配合該店的辣椒油, 因此店的辣椒油比其他食店提供的要辣得多.我一定會再光顧的!

必食雲吞！平記食麵　ｄ雲吞係大埔右係出晒名嫁啦　ｄ雲吞大大粒　蝦好新鮮　麵爽口彈牙　難怪敢出名不過我覺得ｄ湯係咸左ｄ　大致上都好ｏｋ

這間近街市的小店，出品的鮮蝦雲吞水準相當高，泊得住麥文記。兩者的餡都是（或幾乎是）全蝦，蝦很新鮮和爽，而且皮薄。此店的另一推介是鮮製鯪魚球，下次可試試。

雲吞大粒而且新鮮，Price is reasonable, although a little but crowded......d阿姐ok好人ga!!

細細個已經開始食成仔記...果時既湯底同雲吞好好食....可能經過易手之後湯底同雲吞都變差了但係十蚊食到各款粉麵(除左雲吞$13)...真係抵到爛~所以我諗唔到食乜.... 就必去食成仔記