成仔記麵食

营业中

休息中

成仔記，呢一個名已經存在喺我腦海裏面20多年🥹喺我幾歲嘅時候我爸爸已經有同我過嚟食雲吞麵炸醬麵🫶想當年只不過係七蚊一碗八蚊一碗九蚊一碗十蚊一碗😋而家都只不過係唔到30蚊有一碗👅咁多年，環境都冇咩大改變只不過係枱櫈翻新咗舖頭略略咁樣翻新過💗時間在變，人物在變但係食物嘅味道依然不變👍今日叫咗雲吞炸醬麵雲吞裏面嘅蝦依舊係非常彈牙鮮味🥰炸醬，係我哋廣東嘅老式炸醬🐷略帶酸甜，味道濃郁，肉絲依舊係用扁扁林滑嗰種大地魚敖製成嘅湯配上韭黃同蔥花，甜而不膩🐔

由佢10蚊定12蚊一碗雲吞河，食到而家29蚊一碗。今次食韮菜餃河（$29），加豆漿（$5）。呢個時勢算平掛。。。4粒韮菜餃幾大粒，入面有蝦、肥豬肉、韮菜粒。差d忘記左廣式韮菜餃有蝦。湯底有淡淡胡椒味。

路經見到，去食返個河粉先。。於是叫咗兩個雲吞河，豆漿同埋炸魚皮～佢啲雲吞同埋河粉都幾好，唯一就係個湯底，清到有啲似水，最後自己加辣醬落去～.雲吞河 $29好味度：⭐️⭐️⭐️.炸魚皮 $10好味度：⭐️⭐️⭐️⭐️香脆，好味👍🏻😀.佢啲辣醬都幾辣🙈🙈.仲有生的配料俾人買返去打邊爐👍🏻👍🏻.

成仔記雲吞大大粒，蝦肉餡好彈牙，唔似平時出面啲麵鋪咁細粒😆我本時食開雲吞麵，今次試左雲吞炸醬撈河😬😬，炸醬咸咸甜甜，加埋辣椒油非常惹味👏🏻👏🏻街坊老店值得支持，而家價錢抵食👍🏻

位於街市入面既粉麵舖每碗麵份量都幾多蝦餃同韭菜餃都好大隻值得一讚係韭菜餃入面有蝦肉而且肥豬肉比例唔多兩個食食完覺得好飽（同埋都幾濟）可能味精落得比較多而且湯底食得出明顯鹼水味如果驚鹼水味既人應該唔太岩食豆漿都好甜 完全解唔到渴食完要狂飲水先得

從未食過咁難食既雲吞河，雖然價錢好平，但真係垃圾到反胃。如圖所見雲吞皮係未熟，雲吞本身好多味精，食完個口勁乾，好在有4蚊既豆漿（糖水）飲下，湯既簡水味極重，食到想嘔，河粉係用清水煮，煮完放入簡水湯，河粉完全無味，只可以講係維持生命既食物。

呢度係好多中學生同買送姨姨既飯堂～因為佢舖址係街市之中～價錢便宜，岩未有太多收入既中學生黎呢度食lunch😽呢日獨獨lunch嗌佐碗雲吞麵外加炸魚皮，個雲吞好大粒很足料，面既份量足夠。是很傳統的雲吞麵～

本身是老客戶了, 光顧已十多年, 坐下便叫來一碗雲吞河. 可能這段期間夜晚收早（8点）, 這碗河的量比平時來吃的還要多, 最少多出三分一的河粉！人流不算多,入店先量體溫,整店只有3-4人,大家都好自覺地（有間距）地坐.我喜歡吃這裡的雲吞和辣椒油. 雲吞是自家制的, 比外面的要大粒, 蝦肉大而爽口, 咬開即見整隻蝦仁, 啖啖蝦肉, 好有滿足感！而辣椒油真的又香又辛辣, 一定要油連辣椒籽一起試, 才可全面地感受辣的滋味！這種辣是可承受的, 為平凡的河粉添上另一種的刺激.

今日第一次去呢間食，知道佢出名食雲吞麵，叫咗碗麵，覺得雲吞麵湯底好咸 ，加埋粗面，覺得係超級咸 問短頭髮阿姐同佢講呢碗面好咸想攞杯水放入去 或者幫我地拎入去加水阿姐話呢到冇水俾如果要水就用要用$4去買，一聽完覺得有冇攪錯 而家碗面係好咸 都唔肯入去拎杯水俾客人溝淡 竟然叫客人用$4買支水溝淡佢，我哋忍唔住再重申話係面好咸要加入去 再問呀姐拎杯水指明杯水係放入湯底 佢就好串話我地知啲熱水喺度煲緊 冇得俾住隔左成十分鍾先肯俾杯水 好唔人道 覺得超級唔合理 同d 呀姐態度超串 第一次有甘差既 經歷 忍唔住為咗佢第一次寫OpenRice 發誓以後唔再食特別有小朋友更加唔好去呢間食超咸

成仔記麵食，其實上次走去後邊的大元街市已經看見，但是看見門面細細，以為只是10多＄20一碗那些小型雲吞麵店。這是有點兒趕時候，走到成仔記吃少許東西。原來，成仔記內裏挺有規模，星期日的中午亦都不太少顧客。看見門口的阿姨在弄雲吞，友人亦都指稱成仔記的雲吞最為美味，那就不假思索的點了雲吞麵。也不算等得太久，雲吞麵大大碗，立即端來了。看見餐牌上面寫着，雲吞麵＄21 ，但是其實這個幼麵的麵餅也不太少，而且旁邊還有五顆雲吞。其實以20多元的雲吞麵來說，這個都算挺有誠意，雲吞體積夠大，雖然外皮也不少，但是內裏有兩大隻蝦，非常之大，雖然未能稱上香濃，但是也算是味道不錯。麵餅亦都很大個，其實幼麵來說，它的麵質也不錯，可以算是彈牙。唯一不足之處，就是其中有幾條麵，麵條是黏左一起，完完全全黏着，沒有用筷子撥弄開，就像麵餅比薩一樣，小小的不足就弄壞了件事還有，就是對面兩個小妮子出外結帳的時候，阿姐只是不停的問「是不是一齊」的？然後小妮子就說「是」，然後阿姐就將我們的數額亦都計入他們的賬單裏面🤪。當然，正常人類，一聽就會發現，兩個人食雲吞麵，怎麼也很難超過＄100吧？很明顯，呀姐所問的，就是我們四人是不是一起，

招牌雲吞面，一碗23元，有四個大大的鮮蝦雲吞，每一粒都好飽滿，而且蝦也是很足，竹升面爽口彈牙，味道都不錯，湯底有海鮮味，不過偏鹹，要是輕一點就好了。豆漿，五塊錢一杯，要是在那消費就收三塊一杯。

成仔記乃大埔中心區內學生及居民的共同回憶。尤記得當年在附近補習，間中便會到這裡來一碗雲吞麵，當時懵懂之年還不懂什麼是舊情懷，畢竟還是長大後開始要經歷失去，才會明白很多東西原來不是必然，是如此珍貴。這天心血來潮重回了這裡回味一番。店面依然舊，桌椅依然簡陋，這天陽光普照，讓人更愛這種不修篇幅的老店。別處很少看到，但這雲吞麵家是有鳳爪這種茶樓食物可點，當然不能錯過。雲吞拼鳳爪米，再配一杯豆漿。雲吞肉香餡爽，皮薄又有口感；鳳爪軟淋入味，浸在湯內也毫不遜色。才港幣廿多元，換來充滿成長回憶的地道食物，現在明白這是種不願再失去的情懷。

以前舖頭細細 ，有檯櫈要放係舖外。而家，舖頭大咗好多，但仍經常人頭湧湧。 除咗平之外， 最緊要好味。 我最愛招牌雲吞河， 雲吞大大隻， 最緊要包住大大隻蝦呀! 爽口又彈牙，加上啲豬肉， 真係。 仲有湯底， 一啲都食唔出有味精， 加上自家製嘅辣椒油， 點都要加少少先至完美 更加唔少得一杯豆味濃嘅凍豆漿，每碗跟一杯$3， 平平地又搞掂一餐。 呢度客人通常食雲吞，牛肉，鳳爪，全部都食過都，抵食美味。但係有一次試下個魚蛋， 我食到一半就冇食啦大嗌畀淥麵師傅知你食乜嘢， 你起身走時佢地又大嗌你食咗幾錢， 全程冇單， 而家真係冇乜舖頭係咁做法

依間鋪頭真係成長回憶。好記得小學到中學嘅時候，成日扭計要媽咪買外賣俾我，嗰陣時最鍾意就係要佢個炸醬麵，好記得佢個炸醬麵係橙色甜甜嘅，10幾蚊一碗，包一碗湯。由媽咪屋企行去，其實都要15分鐘以上媽咪真係好錫我自從入大學住宿舍之後一直到而家10幾年都冇食過。搬咗返大埔都兩年幾，自己屋企行過去其實只需要2-4分鐘，最多都係試過買佢啲生餃打邊爐。今日去大元邨街市買開餸，心血來潮就想食返。不過而家甜甜地就唔係太啱我，所以就叫咗個芥蘭同墨丸魚皮餃麵。兩樣野加埋先至係＄38好抵！（佢冇單架，落時阿姐大叫，埋單就自己行去櫃檯，收銀望一望就知你食咗幾多錢，以前食面嘅感覺又係返晒來)雖然貴過以前好多，但相對其他粉面店佢依然好平，出邊個面一定過＄30啦。其實本身就冇乜期望，只係想念舊，因為佢裝修同當年都係一樣。面上到嚟都係好平實個樣…點知一飲個湯底…哇我細個真係唔識野！大地魚湯黎喎！仲有蝦子味，絕對唔係味精底！面上邊嗰啲唔係只係葱，仲有韮黃啊！竟然冇因為成本問題減咗呢樣野。連我自己都唔記得咗究竟幾耐未見過湯麵有韮黃！同細個食開嘅雲吞麵係一樣架！今時今日人工又貴租又貴，食材成本都貴，依間鋪頭仲可以做到咁耐，我

唔興寫單嘅傳統粉麵店，由落單到埋單，全程都係大嗌，係香港已經絕無僅有!賣嘅野食唔多，但款款煮足料好味，重要嘅係價錢貼地！所以任何時間，鋪頭都成日人頭湧湧！我手最鍾意食佢地既雲吞麵，雲吞粒粒都係人手包，而且非常足料，每粒都有2-3隻大大隻嘅蝦，爽口彈牙！麵質亦非常好，煙韌有咬口，唔會太淋或太硬，配埋佢地嘅大地魚湯，23蚊就食到，真係抵到爛！唔少街坊打邊爐，都會嚟到呢到買料，因為新鮮又好味! 而除左雲吞，我都好鍾意食佢地既魚皮，酥脆可口，值得推介!