成記牛什粉麵

营业中

休息中

成記粉麵店由細食到大 佢哋嘅牛丸，非常出名成名之作就係佢哋嘅牛丸 不過價錢有少少略貴佢哋嘅粉面食得出用咗好多嘅心機去製作 湯底都非常足料！呢間餐廳其實都幾推介俾大家如果大家睇完都有興趣，不妨嚟試吓

話說本人從小在新蒲崗區讀書，而且學校距離呢間粉麵舖相當近，但係居然一次都無試過食呢間馳名牛腩粉，反而係有一日突然再重臨舊地既時候，忍唔住走入去食左一碗，果然令人驚喜。一碗出色的粉麵要有湯底開始驚艷食客，湯底牛肉味濃郁，加上牛腩以及牛筋十分lum，果然係十分好味，唔怪得就算無我既幫襯，都可以屹立二十多年，如果仲未試過既朋友可以前來一試，我相信唔會比中環的九記差得去邊。我之後仲買左牛丸返去打邊爐，都係十分濃郁好味，不過食過振興牛丸以後就無再係呢買lu～

評分：9/10⭕小店真係好抵食又好味！值得再黎食**************✳️牛根丸👍👍質地有別其他既爽口彈牙軟軟綿綿，更黏，手工造！味道香濃👍加入肥豬肉、芹菜、冬菜更香但又唔會影響牛味✳️大大粒新鮮雲吞👍肉香味濃皮又滑溜💕✳️炸魚皮可以點啲湯會無咁硬同入味但唔係特別推介✳️腐乳通菜特別既腐乳醬😯唔係平日一磚加水既味道唔會好刺味但都唔係我口味😂🤩🤩呢啲小店，最緊要係咩？夠曬抵啊！就唔好預乾淨有服務啦😂******************⭐味道 9/10⭐️性價比 9/10⭐️服務 3/10⭐️環境 4/10⭐️賣相 5/10

Take away 生的 諗住俾屋企人分享 本身諗住牛丸半斤 + 雲吞$30 左右 並唔打算買半斤雲吞 問一問「店員呀姐態度極差劣堅持話雲吞屬丸類🤷‍♀️ 要買就只有半斤！」「明明只寫丸類最少買半斤 但雲吞其實都不屬丸類？！」 但個呀姐死撐 話雲吞都要半斤起賣😂好😂咁我都照買了各半斤 返到來 「我媽發現完全不夠秤 雲吞根本不足半斤！」 呢間店生意手法同態度 絕唔會再返轉頭 ！

今日早收工突然好想食碗麵，聽同事講呢間牛丸好出名專登過嚟試，叫咗一碗牛丸膀肺麵。個面好彈牙冇鹼水味，手打牛丸好彈牙肉味濃，不過好易癡牙。牛什醃得好入味，個湯底好濃好夠味，食開重口味嘅我會覺得好正！。

終於一睹風采，果然名不虛傳，不枉專程1⃣️行⋯ 先試吓啖湯，夠味足料，又唔會有口渴感覺，正！牛什夠淋又香，係金錢肚，每個部位都有2-3仵！米粉好彈牙，又係一個字正，唯一美中不足，分量有D細，一碗下午茶可以，正餐未必夠飽⋯

新蒲崗好出名嘅成記牛雜粉面大家都知道好嘢啦！如果你鍾意食地道風味嘅牛雜粉面，佢確係首屈一指👍🏻唔講你唔知如果你堂食牛丸係會細粒啲嘅，如果你買生嘅牛丸攞返屋企打邊爐係會大粒啲嘅，咁所以我常備成記牛丸係屋企個雪櫃㗎，有時自己煮個麵落返幾粒成記牛丸，又或者打下邊爐都可以回味成記既上品囉！

呢間位於新蒲崗小街道既牛什粉麵店，好耐之前食過一次，今日經過突然又想食，所以就走左入去。先講下餐廳環境，絕對係地道既香港粉麵店，開放式玻璃廚房，完全可以望到曬廚師整野，客人位置都係一啲摺枱同摺凳。我同朋友到達時剛好有二人位。落左單好快就有，雖然menu 冇但我叫左個牛肚麵。 牛肚好淋唔會好難咬，都算大塊數量都多，湯底好清飲左兩啖，啲麵係一般雲吞麵啲麵，幾好食，唔會有梘水味。我朋友叫左碗雲吞麵，唔好意思原來影唔到啲主角😂 不過雲吞都算大粒，皮薄，都好似有5-6粒，都算多，我個咀刁既朋友都滿意👍🏼我地仲叫左碟菜，雖然啲莖好粗但唔會好難咬冇渣，幾好食👍🏼

小店有超過四十年歷史，以手打牛丸最為聞名。呢到裝修就好似80年代咁，大風扇、摺枱、膠凳就係咁簡單。雖然沒有華麗嘅裝修，但充滿住歷史同人情味。留意餐廳没冷氣，所以如果夏天去真係有啲熱。————————————————🥟 牛丸粗加芥蘭 , $32+9（3/5）一碗麵有五粒牛丸，面頭有葱同炸蒜（唔鐘意記住走），我自己仲加左少少辣油。牛丸係店舖自己手打，質感鬆軟，比較似山竹牛肉球嘅質地，食落比其他粉麵檔更有牛味，係我暫時食過最好嘅牛丸。粗麵麵底有少少油同有啲鹼水味，我就麻麻。辣油係香嘅嗰種，唔算好辣。湯底加左腩汁，但食完個麵有啲口渴。如果再嚟食，可能只會叫淨食牛丸。

衝住個個話牛丸好味去試，外賣左1斤$110牛根丸、牛根河同牛雜面試下。面類都叫ok，份量唔大，但個牛根丸真心難食，好似去酒樓飲茶d牛肉丸咁軟淋淋，食落都幾重味精，冇咩牛味。中意食彈牙、有牛味的人一定唔會覺得好味。試一次就夠。。。

成日見到有人介紹佢嘅牛丸，今次終於嚟試吓啦！叫咗牛丸牛雜麵，真係無介紹錯個牛丸好有牛味，但係又唔係潮州彈牙嗰隻，係偏腍身嘅。牛雜都好食，煮得好入味。湯底仲會加左啲炸蒜，更加香。不過食完之後覺得好口渴，唔知係咪落咗好多味精呢！

仲係中學生果陣lunch time我諗一星期都會有2-3日黎食畢業之後有時搵舊同學都會黎呢度食返碗食下呢度既牛腩炆得軟淋之餘亦都好入味肥瘦均匀唔會太肥又唔會好似柴咁除左牛腩, 呢度既牛什都係唔錯既

同同事去新蒲崗食lunch，揀左黎呢間出名手打牛丸既小店。牛腩牛丸米牛腩肥瘦適中，牛丸Juicy彈牙雖然位置比較隔涉，環境又一般，但客似雲來，就係食地道老店既風味。

位置自己找，店內有好幾把風扇，如果不是特別怕熱，都應該還好😂成記粉麵好像最出面就是牛丸？所以一坐下就沒有猶豫，就叫了牛丸撈麵。撈麵有得選擇腩汁/蠔油，而我就選擇了腩汁。碗底會有點汁可以撈，令麵身不會乾身，但麵身有點油🤔牛丸真的同一般牛丸不同，軟身，口感很好，並非實的的，絕對值得一試。朋友試了牛什粗麵，話所有配料都很好吃，大家都可以一試。另外，這間店舖旁邊有間賣飲品，大家可以吃完去買一杯解渴/買定一杯，邊喝邊吃💛

牛雜粉麵檔周街有好多，但好食嘅唔多，好食得嚟仲要有手打牛丸嘅更加少。但呢間舖就係少數之中我覺得正，食完會想再食嘅。佢嘅牛雜唔會太咸、味道啱啱好。今次就唔係食牛雜，食佢招牌淨牛丸加油菜。.淨牛丸加油菜牛丸好有筋道，齋睇佢紋路，已經睇得出係手打，唔係機。咬落去，正，唔係啖啖粉個啲打邊爐牛丸，加埋碟玻璃生菜，就係一個完美lunch。影相前已經等唔切，食咗少少，所以實際應該唔止。順帶一提，佢啲辣椒油都好正，不過最近太熱氣，無加到落去。