成記粉麵茶餐廳

营业中

休息中

我最近去了一家小巷子裡的餐館，嘗試了他們的雲吞牛腩河。首先，讓我說說那碗麵的湯底，湯的味道並不過於鹹，非常適合我的口味，只係我食得比較慢，湯底好快被河粉吸到所剩無己。牛腩幾嫩滑，肥瘦均勻，融合埋湯的味道，味道鮮美！雲吞外皮很薄，包裹著滿足的餡料。每一口咬下去，都能夠感受到雲吞的美味。可惜牛腩和雲吞的數量不太足夠，但這個價錢已經性價比很高。總的來說，這碗雲吞牛腩河令我有點喜出望外。湯的味道、雲吞的足料和牛腩的美味讓我回味無窮。如果你喜歡湯麵和牛肉，我強烈推薦你去嘗試一下這道美食。

鰂魚涌週末無乜人，帶狗狗坐外面，地方算乾淨企理，老闆店員都好相遇，叫咗牛什紫菜米加細魚皮凍檸茶60幾蚊，腸唔算太肥，牛肺最好食，魚皮再脆啲就好啦，下次再試埋個腩

下午叫左牛腩河試下，來到極少腩，價錢係正常價但料極少，兩野食晒，叫佢多蔥又冇比，味道一般正常但肉質比較粗似煲湯渣，地方比較迫。但收錢個陣又好似收數咁款，搵笨，唔會再來。

這間牛雜非常好味，價錢相宜，每加一款餸只加$6。河粉非常滑溜，湯底濃郁。加埋牛腩，便是滿滿的一碗餸都只收$42 ，非常抵食。牛腩都是半肥瘦，有咬口，又入味，是必選的一款餸。地方雖然不大，勝在食物上枱時間快。最啱上班一族的午飯地方。

上星期五，朋友帶左我去呢間媽媽細細間嘅老字號麵店食lunch我叫左碗牛肚麵牛肚份量都幾多，口感爽口、味道都唔錯。可惜麵量唔算好多，一個男仔食可能未必夠，但女仔食都應該夠飽

點解可以咁少 叫左碗牛雜河 d河粉好碎又少 牛雜一般 但都入味既 但其實價錢都幾貴 晏晝冇套餐 加野飲就要另加十幾蚊 勸勉大家如果好肚餓就千祺唔好幫襯 我試過一次 下次唔會再幫襯！

Was in the area and again looking for noodles. Found this gem which has very good beef tendon.I ordered beef tendon rice noodle. Beef tendons well flavored and very tender, but not "chu hau" style. I prefer "chu hau" style so probably won't go back. Reasonable portion for the price.Its located down a wide alleyway and looks a bit run down on the outside but quite a few customers.

係鰂魚涌搵食，周圍都起碼六七十蚊，今日去食個平價午餐！叫左碗牛腩雲吞撈粗 撈面一向係本人至愛！今日呢碗撈都幾唔錯，牛腩淋得黎又入味，雲吞有蝦係入面，不過皮就唔夠薄身，但係想平平地食個晏，都係唔錯嘅選擇！當然環境就唔會係好舒適喇，食完快快俾錢去行下街好過喇！

大家可能覺得我是痴線的，魚蛋粉有什麼特別要寫。這裡我先為成記說句公道話，雖然成記是地道得不可以再地道的粉麵店，但在太古坊來說勝在價錢合理。每每我在忙得不可開交，沒有胃口又要吃點東西時，成記可說是不二之選。以粉麵店來說，店員的態度也算是可以的。而這天在臨時的情況下，拉了星星陪我吃了鰂魚涌的成記粉麵。星星竟說沒有吃過這價廉物美的成記粉麵，我多少有點意外。上回說到星星吃的真沒所謂，所言非虛。在人山人海的、擠擁的店子裡，星星竟然叫我坐裡邊，自己則坐在路口邊，說什麼我大病初癒，不要吹風之類的話，讓本身工作忙得透不過氣的我感到一份暖意。我們就是在這搭檯的古怪情況下，開始了午餐。我點的是魚片頭出前一丁及凍檸啡。平日我自己吃的時候一定會加菜。不知道是真的太累，還是被星星吸引著，到最後竟然忘記了。我的麵先來，星星後來知道我想吃菜，就加了在自己的那一碗，之後分給我吃，加了的好像是波菜之類的物體，總之我就一般喜歡吧，但因為是星星分給我的，好像真的特別好吃咧，也就照單全收了。不知道大家有沒有喝過凍檸啡，我好多朋友都沒喝過，於我來說凍檸啡既有咖啡的提神功效，也比有奶的咖啡解渴。每每我在極需集中工作時就會要一杯。

Reviewed on 2013年5月17日 鰂魚涌成記-腿蛋公仔麵 彈牙: 7/10 味道: 8/10 彈牙度來自有點undercook，麵芯還是硬身，麵的味道亦不是太明顯，要細嚼麵條下才會散發出來。 轉丁+$3

兩星期前, 師傅喺放飯時間, 突然興之所緻, 決定調轉黎行, 從前喜歡行太古方向行, 是次決定往北角走, 邊行邊搵食! 由於師傅冇咩心水, 唯有順著心情, 睇下到時想食咩啦, 行行下見到呢間食店, 好似好吸引, 但又唔知好唔好味, 不過最後師傅還是豁出去! 入到去剛好有個位, 於是就坐底! 食店環境唔算大間, 不過都算幾多食客; 講真, 呢個環頭放飯時間都冇咩邊間會冇人, 如果冇人的都應該執得; 所以呢個時段用人潮係不足以確定食店嘅水準! 坐底後望左一陣, 又想食魚蛋, 又想食牛雜, 不過計過度過都係覺得牛雜穩陣啲, 於是就決定柯打一碗牛雜米! 牛雜有牛膀, 牛肚, 牛肺同牛腸! 未試牛雜前, 師傅還是先試湯底, 湯底味道唔算濃, 五香味唔重, 師傅覺得只係比清湯稍為濃少少, 並不吸引; 至於牛膀並唔算最好, 入口雖然冇異味, 不過較為韌身, 同十三座的真係冇得比; 牛肚就勁腍, 賣相就好似腍到爛咁, 口感一般; 牛肺相對地較好, 肺身煙煙韌韌, 微微爽口, 感覺勁正; 最後牛腸較韌, 基本上都要費啲力去咀嚼, 唔掂! 不過最差莫過於米粉, 米粉本身較粗身, 坦白講粗身嘅米粉已經令口感

平時就好少會去呢區,因為近來係北角做野,所以有機會試到呢區茶餐廳既食物今日就試咗呢間,店細細間,座位比較迫,坐得唔係咁舒服,我叫咗至愛沙爹牛肉麵加凍冷茶凍冷茶>>普通,跟一般茶餐廳相若,沙爹牛肉麵>>賣相唔係好掂,牛肉味道ok,不過吵爹味唔夠香及濃,麵就ok!

成記係我同家人tea time 必去 hea 點，都已經十幾年啦牛腩同牛雜都好有水準，小弟認為鰂魚涌最好食既牛腩同牛雜粉面就係成記今次小弟介紹大家既係佢地既奶油多。佢地既奶油多比普遍茶餐廳既厚d，大約有二至三塊方包厚，多士烘面啱啱好，外脆內軟。本身方包好好食 (得閒問下老細用邊間麵包舖既麵包)，再加上牛油同煉奶，正呀！

今晚剛吃完，事緣只是大病初癒，想吃碗魚蛋粉，知便見到這間瑟縮在小巷深處的粉麵檔，在路口當眼處放著招牌，上面寫道下午茶2:30 至晚上8:30，$21 包一碗粉麵及飲品，勁抵，因為冇晒河粉所以轉魚蛋麵了。不消一會，一碗加了腩汁的麵端來，枱上還放著一大碟一丁麻油任加，好新鮮呢！麵質有勁，冇乜鹼水味，合格，惟魚蛋胡椒味太重，整體尚算好味的，我又發掘了新的麵竇^^

呢間都己經開咗有耐，自己以前間中都有去食，不過對上一次都幾乎成六、七年前。早幾日食晏時行過，見冇乜人唔駛等自己又趕時間所以入去食。叫咗牛腩牛丸撈麵。牛腩冇乜肉味，唔係出色；牛丸係牛根丸，幾夠趙頭又幾好味，比牛腩重正；麵就真係唔掂:梘水味重，麵身有少少淋淋地唔夠爽口。整體嚟講冇印象中以前嘅水準咁好。