我杯茶 (已結業)

估唔到，豬扒包真係好正下午茶時段，冇乜人，open kitchen, 我睇得好清楚，師傅用心烤香麵包，然後煎塊超大豬扒，豬扒唔太鹹，夠鬆軟，絕對超水準而且麵包都好軟熟奶茶味當然夠濃

今日返到嚟我杯茶再度食一次沙嗲牛肉蛋治烘底但可能今日係最後一次嚟呢間野度食今日廚房負責煮嘢嘅哥仔 衛生程度同意識真係要大幅提高一 沖凍嘢飲嘅冰桶 隔離放住一個大嘅綠色垃圾桶二 哥仔夾好咗個三文治之後 用把刀將三文治切開一半 然後拎把刀去洗嘅時候 用隻手捽刀上面嘅牛油 然後隻手唔抹 濕笠笠咁拎起嗰份三文治入盒重點來了 今日啲沙嗲牛肉入口之後明顯係變酸 我相信呢間嘢要好好review煮好嘅食物嘅存放另外負責整嘢食嘅哥仔 我知你好鍾意㩒電話同唱歌 但你煎下蛋又㩒下電話 洗濕對手又掂下啲食物 遲早整一鑊金嘅食物中毒 你老細真係多得你唔少結果我同內子 回家後肚瀉了一鑊 希望快啲無事

下午茶時段要搵到一間用心搞食物嘅餐廳唔容易呢間嘢以外賣為主 成個廚房全透視式擺喺你面前整食物每一個step 俾完錢之後您都會清楚見到蛋牛治塊方包係師傅用個大掃搽滿牛油先放入預熱好嘅焗爐即刻烘然後見到佢用預先溝好嘅蛋漿快速炒出一個滑蛋 放上去放滿沙嗲牛肉嘅牛油多士上面 沙嗲牛肉勁香 唔會過鹹 咬落去唔會有渣 亦唔會過淋一咬落去塊多士充滿牛油香 層次咬口又勁脆 嗰陣香味絕對係直接衝擊味蕾配合埋我至愛嘅凍奶茶走甜又肥一個碼

一間食店做得成功與否，除味道外，更重要是有一個服務態度良好的員工，因客人一進店，接觸的不是食物，而是接待的那位⋯我杯茶(銅鑼灣分店)由開業第一天我已開始幫襯，當時我幾乎每天都會去光顧一次，但並非這是𥚃的東西特別好吃，而是這店剛開業時那位收銀是一位太太，她的態度非常親切有禮，但後來換了現在的金髪收銀美女後，我已大半年沒有再去了，因其態度極差，至於怎樣差就不多説了，相信感受過她態度的客人一定明白 ⋯但今天我又本著感受一下她態度有否改善的心態再去幫襯，結果態度如是，而食物質素依然維持開業時的味道，沒有大改變，而本人最愛是這店的炒滑蛋和金磚，但經過今天再一次體驗，以後不會再幫襯了，反正銅鑼灣區也不缺這一家，何必讓自己難受呢😔

銅鑼灣朝早時段，已幫襯了好幾次買早餐，有一名女收銀員（同一個人）經常性態度惡劣，黑口黑面都算，每次都對客人態度唔好，呼喝客人，永遠不再幫襯，已忍了很多次，態度不能再接受……………………………………………離哂大老，我買早餐者，唔係耶蘇受難日，我都忍了好耐，忍夠了，我係真實買早餐客人，不能接受，不能接受……….😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡

外賣買咗一個15號套餐（香草奶油脆豬拼番茄奄列）配熱奶茶☕️熱奶茶幾好飲，好有茶香，澀澀哋但係未去到苦但係落單嗰陣講咗想加大杯熱奶茶，但係俾咗杯細奶茶我。（雖然冇收貴我，但係落單嗰個始終miss咗人哋嘅order）個香草奶油豬都幾好味（可能外賣所以食嗰陣已經唔脆qaq）值得一讚係佢外賣會俾另一個細細哋嘅煉奶盒！第一眼見到個奄列 淨係覺得好大份！分量夠多！食完都好飽！不過佢俾咗份火腿奄列我。如果你冇曬番茄，整唔到蕃茄奄列，係咪都應該同個客講聲？睇下個客會唔會揀其他野食？或者有其他options俾個客揀？粒聲唔出就俾其他野食個客，萬一個客對火腿敏感？咁人哋俾$30就淨係可以食到奶油豬同熱奶茶就唔抵啦。

經常都會去我杯茶買杯奶茶飲吓(我杯茶嘅港式奶茶係唔錯嘅, 茶夠味而且奶香), 近來多數去銅鑼灣呢間, 因為橫巷偷雞泊一陣車比較容易！本來快餐店就冇乜食評可寫, 但係尋日經過想買杯奶茶嘅時候竟然發覺新出有辣椒醬腐乳撈冷面！諗起好耐以前有一次喺臺灣食通腐乳拉麵, 驚為天人, 今次見到本地有呢樣嘢於是立刻買份試下。用來撈嘅係出前一丁, 腐乳撈起上嚟非常夠味。必須要講下嘅就係辣椒醬, 呢種有D似廉價 xo 醬嘅辣椒醬非常之香而且並不太辣, 入邊有啲脆嘅好似係炸蝦米, 撈麵真係好正！由於要食辣椒醬撈麵, 所以今日就冇飲奶茶, 改咗飲凍檸茶！

在收銀落完order, 好正常咁問幾錢。女收銀員好唔滿意咁說個價錢。收銀機唔係向住我，好正常比錢問下啦。平時去餐廳買野如果係外賣，就會特別講，所以我諗住堂食咪無特別講，等緊期間我見佢入袋，咁我咪同女收銀員講我堂食，跟住佢好不禮貌咁"下次一早講"，我點知堂食要特别講。我見佢咁嘅態度，我咪同佢講你咁唔滿意，我外賣啦。一肚氣，下次唔會幫襯。

第一次經過，試吞拿魚三文治早餐。在收銀處點餐冇問題。取三文治及奶茶後，坐下開始享用。女收銀員跟著大聲說'你原來堂食呀'！我不知道堂食和外賣要事前通知，女收銀員事前又冇問我。使我覺得有責任和造了錯事。算數，繼續食我的早餐。平心而論，三文治及奶茶都是好味及格。食完早餐將紙杯及三文治包紙整理一下推埋一邊，起身走人。女收銀員又來了，大聲喝出來'喂，你要自己把纸杯及包紙掉入垃圾箱呀'對，是我錯，是我冇留意門口有垃圾箱，但是我不同意被人喝令！全無基本禮貌，以後不去。

喺附近做完運動經過，諗住買個外賣返去食，見依間餐廳嘅餐牌，食物都算係好簡單，而且價錢非常大眾化👍🏼👍🏼簡簡單單叫個米粉，唔使$40🤔🤔仲要有一杯奶茶送嘅👍🏼👍🏼冷熱都得，感覺更加抵杯奶茶係類似港式冰鎮奶茶，味道偏甜，茶味幾濃，好啱我口味，雖然好邪惡，但係幾正，間中飲下當獎勵自己都好😁😁見佢哋嘅午餐肉係黑毛豬午餐肉，所以今次叫咗三寶米粉，一次過食到午餐肉，炒蛋，雞翼，同埋沙嗲牛肉，都幾豐富。佢哋嘅米粉都算係唔錯，彈牙，唔會太林爛晒👍🏼👍🏼炒蛋都正，夠晒滑，份量又多。糧尾一定要黎😎😎

新開試菜、所有項目都係高級茶餐廳水準！米粉煮到剛剛好QQ口感，多士夠脆，夠多牛油！另外還有一盒奶醬慢慢加，真係好味！雞扒味道好，如果脆邊就更好！茶就不用多說，香濃！好期待下一次試沙嗲牛肉！