手作功夫茶 (健威坊)

营业中

休息中

星期五晏就食飯諗住叫杯嘢飲🙂🧋叫咗杯薑鮮奶走甜，但加咗珍珠🧋🧋🧋諗住咁叫會無咁甜，最多係少少甜姐🧐但點知..好似甜到冇走過糖咁，仲甜過小甜🫠🫠🫠定其實佢以為我加甜🫠🫠🫠係咪嗌杯正常，應該都唔會有咁甜嘅感覺？🤭🤭🤭真係甜到懷疑人生明明點左走甜，佢應該都估到我都唔想要甜/無咁甜佢係咪係黑糖珍珠個度加重糖比我之前叫過杯有珍珠走甜真係岩岩好架點解今次甜到咁……有無得係網上落單加返個備註，係個度打返3次「走甜！走甜！走甜」‼️

之前飲過都好好飲，價錢又平，點可以唔推介俾大家，真心$20-$30咁大杯質素又唔錯！🧋 芝士四季春 走糖走冰 $28 (8/10)無糖四季春好清香，茶味比較淡，帶有微微澀味，芝士奶蓋質感比較杰啲，有芝士嘅香味同奶味，甜甜哋，甜味比較出，如果芝士再濃啲就更加完美～推薦指數: 9/10如果用OpenRice或者外賣APP嘅話會平啲，真心呢個價錢真係唔錯，飲得過！

之前在慈雲山飲過並入了會有折，今日放工回家經過健威見到KungFu Tea，就入去買。比完錢才忘記提供會員打折，侍應很好幫我補上。真心推介水果茶。味道清甜，豐富新鮮水果，真不錯！

［功夫茶］伯爵咖啡凍奶茶加仙草Q凍我叫了微甜少冰囉😆好夠伯爵茶味，但係咖啡味就唔會太重淡淡的，佢除咗仙草之外，有仙草Q凍，會比較彈牙，一粒粒正方形，口感好特別。

聽屋企人話功夫茶幾好飲見北角開咗間就試吓唔講唔知原來咁多分店 連Canada都有😅當然有可能係franchisee 間間味道都可能唔同睇下menu先 有啲係掌門推薦（好搞笑）選擇都幾多 今次我就叫咗鐵觀音奶茶 / 微甜 /去冰記住去冰都係凍㗎 微甜對我來講個甜度啱啱好 茶味濃 奶味相對淡啲 呢個價錢呢個size同味道都算唔錯裏面環境四四方方 有位置可以企喺度等 晏晝2:00鐘佢都幾多人買 整體唔錯 下次可以試下其他飲品夜晚8:00後買仲有八折優惠😂😂😂

新開台式飲品店， 係試業期間唔係所有飲品都有，我就試左個水果茶。 有百香味道，但都係飲得出係糖漿味（其實好好多間都係）茶味唔太夠，但我覺得試業期間都有呢個質素算係咁了，會再隔一排去試試其他飲品。

呢間台式飲品定價唔高，大部分飲品都係二十幾蚊見到餐牌的黑糖波霸系列全部用上鮮奶，非常吸引😍所以最後揀咗波霸觀音鮮奶最初以為個名無黑糖呢2個字，就只係d珍珠有黑糖味，但原來都會有黑糖醬，只係個茶底唔同，而且同好多台式飲品店唔同，呢間嘅黑糖系列係有得揀甜度 (呢個店稱為"蜜"度)。味道方面，粒珍珠係屬於偏林同痴牙少少，但黑糖味濃，好味！不過鮮奶味道稀薄，就好似脫脂奶，而唔係全脂奶嘅感覺，我已經叫咗少冰，第一啖都覺得稀，之後就愈飲愈稀，好彩珍珠出色搭救

👣 手作功夫茶 👣🧋🧋🧋🧋🧋🧋🧋🧋🧋🧋🧋🧋🧋🧋🧋🧋🧋北角建威坊新開左間功夫茶雖然功夫茶已經喺香港開咗好多間分店但我之前係未試過 🤣所以即刻去試吓😝去到之後發現店舖入邊有免費充電嘅位置！如果你有帶叉電線線既話 可以用喔🤪⭐️⭐38奶霸 HKD$26⭐️⭐呢款咁大杯先2️⃣6️⃣蚊可以滿足你三種不同口感我覺得幾抵！ 珍珠彈牙 仙草滑溜 蒟蒻爽甜😆珍珠真係煙韌度十足 可以媲美天仁嘅珍珠！不過奶霸先係靈魂所在❗️奶加埋啲配料一齊係好好飲 😜有咬口之餘 飽滿感高😌但佢唔係厚奶嗰種好creamy既質感而係好順滑既感覺🤪不過38奶霸叫正常糖的話 係有少少甜大家可以叫少甜試下！味道：🌕🌕🌕🌗🌑價錢：💰💰

奶油包一向都好鍾意飲凍野既但係係屋企附近就一間都冇最近既都要去到北角匯真係有DD遠特別係疫情期間真係唔想去咁多地方咁岩係呢個時候健威坊就開左『手作功夫茶』以奶油包咁鍾意試新野既心理就梗係係佢試緊業就去幫襯啦店面裝修好清爽而門口位置仲有中英對照既Full Menu可以俾客人未入門口之前就好好睇下要買咩飲亦都方便Non-Chinese既人去購買店內既牆身仲有幾個位置可以俾客人既電子產品叉叉電試業就只有16款飲品供選擇奶油包就試左台灣四季春青茶飲品都幾大杯既甜度分級都幾得意佢係用『全蜜』『少蜜』，『半蜜』，『微蜜』同『無蜜』唔知既好易叫錯不過奶油包一向飲咩都走甜既所以今次冇叫錯但係有一個比較想『手作功夫茶』改善既係飲品既問題就係飲品既冰度『手作功夫茶』只可以揀100%，70%同0%如果可以將冰度既級別分成100%，70%，50%，30%同0%會更好四季春茶樹在台灣種植很廣產量好大既茶樹品種而四季春茶葉所製成既茶香氣十足四季春青茶茶味好香有一種青甜既感覺仲有四季春青茶係烏龍茶嚟四季都岩飲奶油包決定等『手作功夫茶』正式開業後再試試其他既飲品好似仙草奶茶基本上奶油包見到都會想試下

晏晝好多人會去買野飲，試過一次去門店叫野飲，雖然好多人但店員好快手，有幾杯好直得一試，38奶霸好多材料(蒟蒻,珍珠,仙草)同事覺得好扺飲🥳，芒果芝士奶蓋真材實料，有芒果粒係入面，叫半甜小冰岩岩好吾會太淡味到💕，同埋有杯珍珠奶綠嘅，我自己吾太中意甜野，所以叫左微甜小冰，因為佢哋珍珠係用黑糖整嘅所以我選擇左微甜🤣，珍珠食落都比較彈牙，飲落口仲會飲到淡淡嘅綠茶味，都值得一試嘅，如果晏晝去嘅可以一早落單預翻時間去拎。

我已好多年冇飲珍珠奶茶，對上一次係幫襯「x茶」已叫微甜但都好甜，此後一啖都冇再飲今日跟屋企人見到這間賣珍珠奶茶，好奇心態下買咗：柚子晶球綠茶/ 鐵觀音珍珠奶茶/ 芝士奶蓋杧果，收銀姐姐細心問要什麼甜度，又教我家姐先嚐奶蓋，服務態度好，價錢又合理，一飲落去感覺就係甜度啱啱好又有茶香芝士奶蓋又香又滑值得推介所有人去試吓這間手作功夫茶

北角健威坊新開既台式飲品，叫功夫茶，好開心，以後唔洗行咁先有得飲台灣茶，yeah試左芝士奶蓋芒果涷，涷柚香晶球綠茶，涷鐵觀音珍珠奶茶。芝士奶蓋芒果涷好香芒果味，飲落好有層次感，好少台式茶店可以造得咁有果味又有口感，奶同芒果味道都會互搶，又滑又香，激讚涷柚香晶球綠茶，柚味加綠茶好配合，好清新，如果鐘意味道無咁濃，呢款茶係唔錯既選擇。涷鐵觀音珍珠奶茶，本來諗住無乜特別，係店長介紹，就試下囉，估唔到喜出望外，茶唔會太濃，奶同茶比例啱啱好，啱晒我口味，好似係呢度皇牌之一，多謝店長好介紹