手作功夫茶 (荔枝角道)

营业中

休息中

個女職員可以由頭到尾無講過一句說話，無論我落單定我話少甜少冰，佢可以完全保持沈默兼面無表情。見佢喺度睇片。不論沖出黎杯嘢味道如何都足以影響顧客心情。係咁多湊字數

星期六晏就大概一點幾鋪頭只有一個有鄉音的男店員我叫左杯鐵觀音珍珠奶茶番到屋企發現無珍珠杯野飲失哂色🥲我去既時候已經唔忙 無乜客咁都可以比漏好失望 飲唔到珍珠唔會再幫襯呢間….

開鋪時間櫃臺冇人，係曬廚房後面食煙，入去買野，問都唔問聲買咩，就企係收銀機度等你開口落單。（夜晚，店員黑長頭發戴眼鏡，返飲食披頭散發）買杯野飲話佐加料，少冰，少蜜，點知俾杯少料我，d冰多到出盜汗水，搖落去成半杯係冰，兩個人係鋪面，兩個都黑口黑面唔休做咁款，收多我4蚊冇加料，我買完行返上樓越唸越唔對路，平時買少冰幾乎杯身唔會有盜汗水（一直叫開少冰），篤開黎飲，第一啖已經唔係好飲到珍珠，想拎杯野落樓對質，我又開佐黎飲。唔知你哋老細睇唔睇comment，黑口黑面好似唔休佐咁

有一日經過呢度，見到呢度有間茶飲店，未試過呢個牌子，就入去點左杯水果茶。俾左錢後，等左5-6分鐘就沖好，味道幾好，賣相都得，同其他台灣牌子水準無差無幾，茶味夠，水果都新鮮。店員態度幾好，要求微糖少冰都做啱俾我，因為試過係其他舖頭買講左都有時出錯，飲一啖甜到死，有時趕時間買完走左都無計，唯有照飲。呢間店員收錢時有講Thank you，俾飲品飲管時又Thank you 過，都幾有禮貌。下次要試下佢既珍珠奶茶先。

屋企附近新開茶飲店，佢依家推出期間限定嘅愛玉系列 我係愛玉狂迷，點可以唔試過先我買時啱啱開鋪，所以都唔駛等， 幾乎兩分鐘就有杯嘢飲不過店員就唔係好出聲，比較冷漠。杯茶其實同我想像嘅有出入，因為我一開始以為佢呢杯係有奶嘅飲品，點知睇番杯名同number係我杯茶黎架喎?!! 點解會有d白白地嘅係上面嘅?! 飲左先知，原來白白地果d係冰黎，仲要係超碎嘅茶味碎冰怪唔得標明唔可以走冰啦～原來內有乾坤好掂！茶味甘香清新，加埋滑dudu嘅愛玉同微酸檸檬茶好好飲！P. S.我嗌嘅係微蜜（即微甜) 。仲有我見佢制作飲品嘅廚房位好乾淨企理，地面乾爽完全冇任何水漬，好乾淨衛生

買左杯柚香綠茶返上屋企飲 飲到一半先發現有隻幾大嘅蚊係杯野裏面🤮 影低相去返鋪頭同店員反映睇杯野飲有蚊 霖住可以退款 退到款就算啦 店員表示佢哋控制唔到個品質 確認唔到每杯都冇蚊喺裏面 所以冇得退錢 叫我再買杯 最多比個九折我叫我唔好 po 出黎。 姐係我比錢買左杯有蚊嘅野飲 我冇得飲 仲要另外比多次錢自己再買一杯 咁奇怪？比個九折叫客人唔好講出去😂 直接退款唔好咩？ 店舖衛生出問題 影響到飲品品質 店家唔退錢比客人 仲叫客人再消費一次。

櫃檯等候5分鐘 1句都無 係入面慢慢整？？？接咗平台大量訂單 唔係問題如果先打單 同講句大約等15分鐘都好吖？ 等完你整好 再落單又再等…..? 咁到咗7月8月點算？ Fineeeee. 預先打電話 或者apps 比錢先行到去⋯⋯「嗌咗咩？」 或者未開始整 😑

本身想買奶茶 跟住我企喺個收銀度成幾分鐘都冇人應 見到有兩個Staff喺入面 一個就整緊嘢飲一個就篤電話 過咗幾分鐘篤電話嗰個就過嚟仲唉咗一聲 態度勁惡劣咁問咗一句「要咩？」跟住杯奶茶終於整好 另一個Staff就行過嚟勁大力咁掉支飲管喺收銀枱度 好冇禮貌 講真咁冇禮貌態度咁差不如唔好出嚟返工 返屋企做返你嘅公主 錢唔係咁易賺 亦都唔係全世界都圍住你轉 時間係4月17星期一嘅5.左右 兩個女職員 態度咁差野飲質素幾高都好 遲早瀨野

一直以為珍珠奶茶都是凍的，今日在店長介紹下才知道有熱的珍珠奶茶飲，味道也不錯，可以推介給大家。不過太多珍珠，好飽！下次要改小珍珠才掂！天寒地凍飲杯熱飲，成身都温了這家功夫茶，位置雖在大街上，但行過都見不到，不起眼的！

昨天和老婆在太子做原腳底，途經荔枝角道去太子站落 地鐵，口乾乾想飲啲熱嘢，前面見到有一間街舖 功夫茶。 我其實都經常幫襯功夫茶，據我所知佢哋多數在屋村裏經營，好少開街舖的。咁啱俾我搵到一間，就走入去尋找一下我熟悉的味道。我入到去，等咗一陣叫咗一杯珍珠奶茶和一杯芝士奶蓋綠茶， 同之前一樣，佢哋都係現場炮製的。分量十足， 品質控制得很好，總是給我一份親切又熟悉的味道。我這一間功夫茶， 門面比較寬敞，隱約看見廚房裏面都幾大， 十分之乾淨。同店員閑聊，知道這點才開了幾個月。 另外值得可嘉的是店員經常 保持微笑，我佢哋服務態度令到我都幾舒服。

公司附近開左新既功夫茶😍熱辣辣既天氣最岩飲珍奶，「黑糖珍珠鮮奶$33」糖度固定左，因為本身黑糖就係甜，但係甜得黎唔會口渴個種，即係唔係死甜，幾好飲。。個杯既設計都幾靚，而且冰同鮮奶既比例岩岩好，總結黎講，呢間既珍奶都俾到90分🥰👍🏼👍🏼 同事飲水果茶都幾讚，話佢水果份量又多又大杯🤣 。特別想講下收銀姐姐幾好禮貌🙈我本來叫錯左珍珠奶茶🧋，已經落左單話想轉珍珠鮮奶，佢都無黑我面🥰🥰真係好好既工作態度，值得一讚🥹🥹