手作功夫茶 (寶林市場) (已結業)

省妹當然省得幾多就省幾多，所以近排常常都睇下有咩外賣優惠，而其中一個我常用的是Openrice外賣自取，裏面有$5立減優惠、滿$50減$10、滿$60減$15等等，不同優惠內有不同餐廳，要慢慢細閱先得。今次只係買杯飲品，所以用了$5立減優惠。對於我來說，天氣仍然keep 住凍，最好就飲返杯暖身的有薑飲品。小店有三款薑汁系列，揀了杯熱薑汁奶茶($16)，原價$21，用了優惠就減$5，即係實收$16，抵! 出門前下單，行到去店就馬上有得拎，又方便又唔駛等，拿上手仲係熱添，讚呀! 大大杯，入口溫度好岩我，茶味不濃，甜度就揀了少蜜，一般的甜度就岩我。薑味都唔算好突出，但驚喜在有薑渣，好似真材實料。提外話：Openrice外賣自取雖有不 同優惠，有啲真係抵架，但有啲就.....網上的價錢比在實店所定的價格貴幾蚊，減返優惠可能只是打嗰和，或者貴咗，所以大家用之前要睇清楚。

質素非常差的一間分店，奶蓋四季春一比到黎已經溶哂，我問店員係咪奶蓋開得唔好，店員答因為走左冰，但就算係沙角分店/健威坊分店/其他分店走冰都唔會有呢啲情況出現！根本就係個奶蓋唔得，我直接同店員講可否換過杯，若你奶蓋唔得我寧願你淨係比茶我，我唔洗你退錢😓店員先話可能‘尋晚’個奶蓋開得唔好，大佬，你放過夜話唔好話比個客呀...明知開得唔好就再開過啦兩個𡃁妹店員掛住傾計唉呢間分店冇眼睇，老闆祝你好運🤷🏻‍♀️🤷🏻‍♀️

因為珍珠奶茶有優惠價成日都走過黎買 , 又平又好飲 , 而且 d 珍珠係黑糖珍珠 其實都好抵下 。不過買時建議叫少甜半甜或微甜 ，因為杯野真係勁甜 , 平時飲開全甜嘅我都頂 5 順 。推薦大家叫半甜

寶林街市呢間手作功夫茶，我同男朋友間唔中都會飲，通常都係飲38同珍珠奶綠，因為奶精成份好重，一般我都叫半奶，我同個收銀位嘅女職員要求半奶～佢話唔係果啲奶（我話知，係奶精要半奶得啦）佢無乜理我又黑黑地面.......咁比完錢我再講多聲（麻煩同水吧講我要半奶）...冲好～我即飲...佢無應我要求同水吧講...好甜好重奶....我飲一啖成杯比返佢......好失望......平時啲女仔都會好應客人要求.......希望今次只係個別事件

今日天氣熱，同同事仔一齊lunch後，梗係去飲杯野 ， 我叫左38奶霸， 味道不是太甜，唔錯，珍珠彈牙， 同事叫左杯芝士奶蓋芒果，芒果味濃，超正員工服務都可以，有介紹味道給我們聽

新開業，試下新野。38奶茶就係涼粉同珍珠max 埋既奶茶，茶味較濃，我自己就比較鐘意奶味重，不過涼粉同珍珠2種口感😘，我鐘意。柚香晶球綠色 唔算太甜，有柚粒👍🏻晶球似椰果，有口感。2杯比較鐘意綠茶多D