手作功夫茶 (京瑞廣場1期)

营业中

休息中

🧡百香QQ🧡👍🏻勁好飲，本身我男朋友唔係咁鍾意飲百香果嘅製品，佢話覺得好酸喎。不過今次佢竟然覺得呢杯百香果QQ好好飲，佢話冇平時飲開嘅嗰種酸味，感覺上好似呢一杯比較甜啲，而且入邊有好幾款唔同嘅QQ，例如椰果粒，飲落去會比較有咬口。🧡黑糖波霸鮮奶🧡👍🏻超邪惡，雖然細細杯唔夠喉，但係真係好好味。不得不讚！呢一個黑糖波霸鮮奶要自己溝暈，用飲管攪勻嘅時候會呈現一種幾靚嘅紋路，如果大家就快手嘅話可以打卡！話晒係波霸珍珠真係好大粒，大粒得來，又要煙煙韌韌。💁🏻‍♀️我覺得呢間餐廳有好多飲品都勁有誠意，真係用心製作。下次如果有機會喺附近見到都會買❣️

呢間手作功夫茶係石門京瑞廣場一期，地鋪位置，超級易搵，招牌大大隻字寫住”功夫”，一定搵到呀🤓伯爵咖啡凍奶茶( ^ω^ )$29一杯，超級大杯，杯底有勁多咖啡凍，粒粒都超濃咖啡味，又爽又滑，細細粒勁好咬，真係無諗過呢啲咖啡凍都會咁濃咖啡味，成杯都好似飲緊咖啡奶茶咁，奶茶就好濃好滑，香濃既茶葉沖出黎既奶茶好香，奶味又夠，做茶底真係好正，加埋少少冰成杯更冰凍更好飲，好爽呀！呢度位置又咁方便，下次黎到一定要試埋其他飲品呀，呢度仲有其他健康茶飲同奶蓋茶果啲，好多款架！

 今日路經京瑞廣場，突然覺得好口渴亦都好耐冇飲過奶茶，經過見到呢間手作功夫茶就忍唔住買番杯。當然唔可以齋奶茶啦，起碼都要有返啲珍珠。跟住睇下menu都有一個3Q奶茶喎，有齊紅豆﹑仙草﹑珍珠，我見有齊三樣野唔使煩，所以就決定點呢個。🤩⚫首先講下個珍珠，真係超正煙煙韌韌咁，又唔會話銀胃嗰隻。仙草夠哂滑溜味道都幾正宗，唔會太苦澀。紅豆口感厚實，保持到原粒但一咬落去已經夠哂淋，易入口。⚪奶茶方面奶味好香，茶底夠濃，整體唔會太甜太苦，係一個唔錯嘅茶底同奶底。yummy 😋

同朋友去石門行街，去到京瑞廣場，見到《手作功夫茶》，突然就好想飲杯台式飲品🧋😄。咁熱的天氣，點都要降下溫，補充返水份和體力再繼續行😂飲品店門面以黑白為主，非常乾淨舒服。有很多不同的系列的飲品可選擇，有薑汁系列，芝士奶蓋系列，純茶系列，鮮純水果茶，拿鐵等。一於就試下佢的鮮純水果茶系列，我地2個都叫左🍯🍋蜂蜜檸檬蘆薈，清香的檸檬汁和果肉配清清甜甜的蜂蜜水，仲有咬落去超多汁補水的蘆薈，酸酸甜甜非常好飲。蘆薈仲可以美顏保濕😍

•¨•.¸¸☆･ﾟ•¨•.¸¸☆･ﾟ•¨•.¸¸☆今日又要介紹茶飲店啦！今日比我寵幸嘅店舖就係手作功夫茶店🤤•¨•.¸¸☆･ﾟ•¨•.¸¸☆･ﾟ•¨•.¸¸☆唔知點解今日真係好想飲黑糖波霸鮮奶，我知我知！黑糖鮮奶真係好Heavy呀嘛！算啦突然之間想飲，一日半日，我諗都冇所謂嘅😌唔食飽點樣減肥呢？•¨•.¸¸☆･ﾟ•¨•.¸¸☆･ﾟ•¨•.¸¸☆呢度嘅鮮奶好滑，真係充滿奶香，佢哋嘅黑糖會沉底，如果我哋飲之前攪拌嘅話就會有少少虎紋嘅效果😘賣相都幾靚㗎 ！兩樣嘢Max埋一齊又唔會話好甜喎❤️•¨•.¸¸☆･ﾟ•¨•.¸¸☆･ﾟ•¨•.¸¸☆佢嘅珍珠真係煮到剛好，勁爆煙煙韌韌👍🏻very good

今日去左試下手作功夫茶嘅飲品，呢間係沙田石門京瑞廣場分店，見到有少少人排隊，等左一陣咁，都ok👍🏻 呢間分店感覺衛生，店員都幾好人😙叫左杯 “抹茶紅豆奶茶” 來試，個抹茶好香好濃好正，岩哂一聚熱愛抹茶嘅港女們😍 抹茶牛奶就飲得多，原來抹茶奶茶都幾夾幾好飲，仲有紅豆，有得咬下，飲下抹茶奶茶再食下紅豆都幾正😋講真，飲品又多款式，又好味，下次都一定會再幫襯試下其他味道，而且地點都算幾方便就腳，以後又多間飲品店可以買廢水飲到飽飽滿足了😛

石門呢間手作功夫茶有好多間唔同既分店，呢間係京瑞廣場1期既分店，企企理理既一間鋪頭，每次行過都見到排晒隊既人龍。我今日試佐芝士奶蓋紅茶😍$28一杯，芝士奶蓋超濃，香滑既芝士奶蓋芝士味真係激重，飲一啖成口都係芝士味，紅茶茶底又香，成杯都勁好飲，飲到底啲奶蓋都仲未散，勁厚勁綿，大大杯真係好正，好抵飲，就算啲冰溶佐啲都唔會淡味好多，呢個價錢簡直性價比一流，仲可以加其他配料添，超爽超正！🤩呢度除佐肥仔水仲有健康既生果茶架，超多選擇，行過都可以試唔同既款式呀！

放左學，經過京瑞廣場1期地下的《手作功夫茶》，一直都好鐘意飲佢的伯爵咖啡凍奶茶，上完堂飲佢成個人即刻醒曬。而且的店面以黑白色系為主，睇落去型格，店舖又乾淨整潔，好放心飲。飲品店有很多不同的系列的飲品可選擇，有薑汁系列，芝士奶蓋系列，純茶系列，鮮純水果茶，拿鐵等。伯爵咖啡凍奶茶🧋濃郁咖啡味的咖啡凍，配上幼滑香濃的奶茶，非常香淳幼滑。每次我都會在少冰微糖的配搭，咁就唔驚D冰溶化沖淡左奶茶的味道，微糖有少少甜味和奶茶的甘味就最好飲啦！

本身都好鍾意飲抹茶，所以如果有得揀我都會揀佢嘅。今日行開石門，見有間間手作功夫茶未飲過，所以就去試下。❣️抹茶紅豆奶茶❣️咁豪不猶豫，一定係揀抹茶啦，咁我就點咗呢一杯。佢大杯裝都幾大杯嘅，比較長身。開頭都擔心冇走冰，冰嘅味道會令佢變到好淡，但其實個味道又啱啱好喎，唔會太甜會唔會太淡。抹茶本身個茶味好香，跟埋個奶好香滑，兩隻加埋一齊嘅配合，我覺得係啱啱好嘅。🥰試埋最底部紅豆都幾足料，而且唔會碎曬，最重要就係佢保持到原粒嘅形狀之外，又可以做到好林。🤗所以飲落去成個質感都係幾充實嘅。因為本身抹茶同奶都係比較傑身，所以抹茶加奶就係一個比較傑身嘅組合，飲落去會覺得特別充實嘅。加埋紅豆呢種飽肚嘅食物，令到飲完杯嘢之後覺得零舍飽肚。🈵

🥤柚香晶球綠茶呢杯柚香晶球綠茶係來自沙田石門京瑞廣場嘅手作功夫茶😍 見到個顏色已經覺得幾靚幾吸引, 有少少好似橙色漸變咁, 搞暈佢飲, 好香好好味! 飲落第一時間係柚子香, 好正嘅柚子茶, 感覺幾岩宜家秋冬🤤 綠茶味都好香, 唔會話太重搶左個柚子味但又飲到綠茶嘅fresh~✨環境方面呢間分店好乾淨, 令人感覺好舒服☺ 有少少人排隊, 但都唔會話等好耐, 唔錯~❣️服務方面店員都好nice😆 當係落order 個陣又會問要唔要少冰少糖之類, 都幾細心, 抵讚~

✨ 柚香晶球綠茶✨Laam Laam脷指數:👅👅👅👅👅點解有五條你咁高分係因為呢一杯飲品有我最鍾意嘅爆爆珠🥳，平時益力多味就食得多，柚子味好似真係好少食到，一咬落去有啲濃郁嘅柚子汁爆出嚟係口腔四濺😌我鍾意爆爆珠嘅原因係因為佢哋會令到原本嘅飲品變得更加濃郁。我都幾欣賞佢哋嘅製作，一啲都唔Hea 㗎 ！除咗又有節爆爆珠之外，仲有啲柚子肉同埋柚子皮，有啲咬口。賣相都幾吸引，一邊飲一邊拎佢嚟影相😍我記得嗰日飲嘅時候仲要係黃昏，揸住嚟打卡好似一幅畫咁靚😌。除咗呢杯綠茶之外，大家仲可以試吓佢其他唔同嘅茶！佢哋個Menu真係超大張🤭有勁多嘢飲‼️

石門有間手作功夫茶，係京瑞廣場一期地下，呢間飲品店係其他唔同地方都有分店，呢度用既都係即沖既天然靚茶葉，超正！🧋3Q奶茶呢杯好茶既3Q分別係珍珠，仙草凍同布丁，超邪惡但都超豐富。珍珠係黑糖珍珠，好甜好香，又煙韌又柔軟，成為成杯飲品既甜味，仙草凍好滑好大粒，味道唔濃但好香仙草味，布丁都甜甜地，又係好滑，口感超正，三樣一齊飲落口就超爽，加上香濃既奶茶，味道超好， 十分正，飲完勁爽。呢度既飲品杯杯都好大杯，勁抵性價比超高，好似呢杯3Q奶茶都只係$27，會唔會太平呀😳

3Q奶茶🆚百香QQ我今日就係飲3Q奶茶，我男朋友就飲百香QQ ，我哋喺落單嘅時候仲喺度研究緊到底邊個嘅嘢飲好味啲🤣飲到最後我哋一致決定覺得3q奶茶特別啲💁🏻‍♀️點解3q奶茶特別啲？🤨💁🏻‍♀️因為佢嘅口感層次更更豐富，有三種唔同嘅食材喺入邊，有仙草、珍珠、果凍等等。佢個奶茶嘅茶底都好甘香，唔會話好苦。奶同埋茶嘅比例剛剛好唔會話其中一邊嘅味道被覆蓋。👍🏻百香qq相對上就比較清新一啲，雖然都係有少少煙煙韌韌嘅粒粒，但係只有一方。感覺上好似奶茶比較抵飲 🤭唔知大家通常去呢一間手作功夫茶會飲啲咩呢，有冇嘢好味過我哋揀嘅呢兩杯呢？如果有嘅話快啲介紹我哋！

一杯“柚香晶球綠茶”，竟然令我覺得非常特別，所以都想同大家分享下我飲呢杯嘢嘅感覺。💗首先佢個外表都非常吸引，非常清新，上面佈滿咗白色嘅晶球，下面就係會漸變嘅黃色，係一個好有藝術性嘅顏色表現。其實佢本身係綠茶，但點解會對黃色嘅呢，因為佢加左柚子入去。🍊飲時候係連埋茶同晶球一齊飲嘅，所以一啖入面就有晶球嘅口感同埋茶嘅清甜。晶球浸住啲茶，都吸收左茶嘅味道，將茶飲入口後，喉嚨有一種回甘酸甜咁，好清新。餘下嘅就係喺口入面嘅晶球，同樣帶住呢一種味道，比我再慢慢咀嚼。👅所以我覺得呢種感覺真係好特別，都推介大家試飲呢杯！

想同大家介紹一間位於沙田石門京瑞廣場嘅飲品店，名叫手作功夫茶，見到都有些少人排隊，不過都唔會話等好耐👍🏻 呢間分店個店面環境望落幾乾淨衛生，而且店員都幾nice，menu 入面飲品款式都幾多，有不同選擇任你揀👍🏻抹茶紅豆奶茶試左杯抹茶紅豆奶茶，中意抹茶嘅人士必點，佢個抹茶真係好重好香濃，再加奶茶溝埋又估唔到幾夾，仲有紅豆係底，可以試下mix 下佢先飲，幾正又有紅豆食下，感覺好健康👍🏻好味指數： 👍🏻👍🏻👍🏻👍🏻👍🏻 抵食指數： 👍🏻👍🏻👍🏻👍🏻👍🏻 衛生程度： 👍🏻👍🏻👍🏻👍🏻👍🏻 服務質素： 👍🏻👍🏻👍🏻👍🏻👍🏻