手作功夫茶 (鯉魚門廣場) (已結業)

周圍都見到佢嘅分店，真係越開越多！仲要性價比高，價錢唔算貴，如果有埋會員卡仲有9折添呀！！成日路過都會幫襯下，佢仲係有良心小店添呀！！佢啲珍珠好有咬口，唔會好甜，真係好少有👍🏼👍🏼出面一杯閑閑哋都30幾蚊，有啲更加40添，佢20幾已經有，仲要高質，仲唔正！！！😚只要有一次買咗100蚊就有會員卡啦！！對於成日會飲嘅人黎講，係必要👍🏼🤣

好耐之前已經喺其他區飲過呢一間手作功夫茶，真係估佢唔到會喺油塘開一間分店，仲要開喺街市入面，次次經過都見到人流唔少🤣🤣-而家做緊開業優惠，拎住佢哋嘅coupon仲可以減$3添，好抵呀🤣-我試咗佢嘅黑糖珍珠鮮奶，珍珠整得唔錯，唔會太硬或者太軟，鮮奶亦都好香濃，唔會太甜👍-而朋友就是咗佢嘅芝士奶蓋四季春茶，四季春比較特別唔係度度都有得飲，佢都係綠茶嘅一款，有淡淡的花香味，芝士奶蓋亦都整得唔錯，鹹甜適中😋

冬瓜輕檸檬加仙草很好喝，不會太甜十分推介柚香晶球綠茶，有回甘仲叫左杯特濃波霸純鮮奶，奶蓋很滑很入味店員很有禮貌，不過街市入面有啲難搵，但會再次光顧希望能維持品質

呢間「手作功夫茶」好耐之前飲過一次，感覺都唔錯，最近見佢狂開分店，仲要開到嚟屋企附近，當然要再試試，台灣四季春青茶(加黑糖珍珠&寒天晶球)四季春青茶比起翠玉綠茶多少少清幽嘅香味， 飲落茶味都會濃小小，但完全唔澀，易入口。黑糖珍珠煮嘅時間啱啱好，唔會太軟，亦唔會硬心，而且仲會keep到喺最佳狀態，放入杯仲係熱嘅，每一粒都充滿黑糖味，甜得嚟又大粒又煙韌，可以話係我食過最好食嘅一間，另外，寒天晶球就爽口彈牙，成杯野整體味道好好之餘，口感亦非常豐富。PS.後來發現用openrice叫外賣仲有8折，抵到爆裂~~