手作功夫茶 (宜安中心)

营业中

休息中

上次試咗功夫茶嘅王牌飲品冰淇淋芝士鮮奶黑波霸 覺得真係唔錯同埋真係覺得好新奇，好少見到奶茶舖有得加雪糕有牛奶有珍珠有雪糕又有奶蓋真係好正！！！ 好難得🤤另外再提一提功夫茶仲有一個平價天花板—38奶霸真係好抵囉，一個價錢仲有三款料可以食抵到爛啦 平時零用錢唔夠我就係咁佢㗎啦跟住呢間舖頭嘅員工都好Nice囉 仲會請我食糖買夠$100仲可以做會員 會員仲可以打九折喺呢度飲嘢真係好平 大推！！！ps多嘴講多句我覺得比歇X亭好飲

今日拜完年口渴想飲杯嘢，見到呢間新開嘅手作功夫茶，咁就買左杯芝士奶蓋鐵觀音+珍珠試下，點知真係幾正，入面勁多好多珍珠，同埋黑糖鐵觀音飲落甜甜地幾好味，值得推介👍🏻

位置行過咁岩見到觀塘新開左間, 上網一check原來佢有好多分店.  呢間位置係24小時惠康對面, 對於街坊既我黎講好方便, 因為想飲台式飲品終於唔使再行去工業區果邊啦~ 環境望落門面都幾靚, 以黑白色為主, 走型格路線, 店內乾淨衛生, 見到都keep住有人黎買, 但唔需要等好耐, 唔錯~ 種類睇張menu, 佢有超多系列選擇, 奶茶, 芝士奶蓋, 拿鐵, 黑糖波霸, 水果茶, 純茶系列, 仲有好特別既薑汁, 冰淇淋系列.  每個系列仲可以揀3種冰度同5種甜度, 仲有11種toppings可以加, 由健康到邪惡既款都有,每款都想試, 真係花多眼亂~ 芝士奶蓋芒果其實之前係社交平台既入面見到好多人都讚既芝士奶蓋好正, 趁而家有機會當然要試一試, 見佢張menu推介, 就揀佢黎試~ 飲品超級大杯, 識飲既緊係先飲一啖芝士奶蓋, 濃濃既芝士味, 質感綿滑, 好正!  跟住將芝士奶蓋混落下面既芒果汁同埋芒果肉, 味道好似飲緊mango cheesecake咁, 清甜既芒果同香濃既芝士混埋唔會太甜太膩, 層次豐富, 比例完美, 好match, 好邪惡, 但超級好飲, 讚~ 價錢而家做會員有9折

觀塘康寧道終於有珍珠奶茶啦～ 次次黎呢邊探朋友都想買d飲品上去一齊飲，xx亭又唔好飲，今次經過見到呢間新開嘅功夫茶就試試有冇伏 點知一啲都唔伏，仲要幾好飲wor！性價比好高，大大杯，價錢又唔貴🌟芝士奶蓋+芒果好好味，個底好多果肉，雖然今次唔記得左叫少冰，但好彩都唔係好多冰試左一啖特濃黑糖波霸鮮奶，甜度適中，珍珠夠軟，仲有濃濃一浸奶蓋，真係好好味，好啊我決定每次過黎探朋友都要買唔同味，全個menu試勻晒～

見到新店開張，門面幾企理乾淨，同埋同事一買luch完買外賣番公司飲。 落單同出品都冇出錯，少甜，少冰各樣跟足晒，店員有禮貌。雖然係lunch時間,等侯時間都ok😀

Yeah~ 我屋企留下新開左間珍珠奶茶舖，以後唔使叫熊貓喇第一次飲依間功夫，雖然仲係試業，但係我都唔知揀邊款好，收銀姐姐推介左我飲依杯特濃波霸鮮奶！（又幾好服務喎）杯野又幾好味喎，特濃奶香，口感順滑，珍珠有咬口，甜度又剛剛好，黑糖同鮮奶好夾，仲有濃濃嘅芝士奶蓋，超夾！鹹鹹地甜甜地又幾得意，掛杯又掛得幾靚，最岩post相呃like😝。份量都幾多，飲完一杯都幾飽，真係超正！！要介紹俾我啲同學飲我下次要試過第二杯

諗住新開張 試業就買柸伯爵珍珠奶茶飲下 但食唔到啲珍珠。 咁返到屋企 開個頂蓋黎睇 點知柸奶茶有3分之2都係冰 咁樣會唔會太偷工減料 太多冰呀。。。。 。。 真係多冰到太過分 唔抵 試業就應該認真啲