批&撻專門店

营业中

休息中

「批＆撻專門店」，香港有名的西式肉批，和甜品撻類食品的專門店，在我的記憶中好像已經有十多年歷史，儘管曾經有不少分店已經結業，但至今仍有十多間分店健在，包括在人來人往的港鐵站內營業。例如在九龍灣港鐵站的分店，位處於九龍灣港鐵站近嘉和園，得寶商場的出口。每日有大量上班上學的人，沿途經過「批＆撻專門店」，都可能會買個麵包或肉批當早餐，又或下班買幾個蛋撻、芝士撻或牛奶撻回家。不過，對我來說，在「批＆撻專門店」買肉批外賣自取到底還是第一次，見店前還有不少人在購買食物，我在旁默默守候，只等購買人群稍為散開，就立刻上前到「批＆撻專門店」面前，購買我十多年來從未品嚐過的肉批。肉眼所見，店內櫥櫃大部分剩下仍然發售的，多數是肉批，剩下的奶撻蛋撻不算特別多。鹹味肉批當中，除了平日較為常見的雞批之外，買有較少見的「丹麥海鮮批」、「芝士吞拿魚批」、「薄餅批」和「鴕鳥肉批」。我就比較偏好味道為主的鹹味批，例如「法式粟米批」、「美式螺絲肉汁批」和「咖喱牛肉批」。最後我在眾多香熱的肉批當中，揀選了「咖喱牛肉批」，另外再選了個以馬鈴薯跟粟米為材料的「法式粟米批」。其實我本來還想買個奶撻回家品嚐，奈何眼闊肚窄，儘管花錢開

Pie & tart由細食到大，通常買吞拿魚酥同咖哩酥，有時會買雞批！今日經過一樣買左吞拿魚同咖哩，仲第一次買muffin，番到屋企咬一啖已經覺得有問題😫1/有陣膠味 2/硬過石頭 一啖都頂唔順，即獲利回吐，就算幾難食既muffin都無可能硬到咁囉😒疑似隔夜？？？呢件所謂既muffin，究竟開舖賣之前無檢查清楚？

成日經過pie and tart總有間係左近，聞到香味但次次都唔肚餓。今日咁岩經過九龍灣MTR Station，肚餓去左pie and tart買左個芝士鮮奶撻，原來係超好食既。係我最喜歡既曲奇皮，超濃芝士味配鮮奶，食完一件真係好想食多件!!店子亦有其他不同的撻，下次一定要試下其他!

一向好鍾意食紫薯味嘅野，見好多人推介呢個流心紫薯撻，今日特登試一試紫薯撻 撻皮邊鬆脆，撻面有一層微甜紫薯粉。撻入面係流心嘅，但係紫薯味好淡，唔突出。撻皮同底太淋，唔脆。可能今日D撻無咁好食掛 試完真係有D失望⋯

收工去到九龍灣地鐵站，見呢間批店嘅批幾靚！又成日見好多人買，今晚經過就去買個批！地鐵出口一個小店，無堂食，只限外賣！見呢款賣相幾靚又只剩一個！所以揀呢款，店員好爽手袋入紙袋！紙袋有卡紙墊底！比埋膠叉！不過紙袋無手挽，攞上來唔方便！可以八達通比錢方便！美式螺絲肉汁批（$15）錫紙兜，買時仲好熱！回到家已涼了一截！薯蓉多，味道較淡，唔突出！下面嘅螺絲粉比蕃茄醬炆好！啲醬杰身而味道好酸，醬汁味道無層次！螺絲粉比較粉！唔好味！有強烈中伏嘅感覺！店員爽手正常！可能揀錯款！或我真係唔鍾意呢款煮法！

每次一行過地鐵站, 總係聞到濃濃嘅牛油香今日過咗嚟九龍灣, 因為正在返屋企途中所以買幾個撻返去同爸爸一齊分享❤️唔使多講, 每次來都批&撻都係買嗰幾味😂😂😂今日都唔例外買咗一個雞批 & 兩個流心鮮奶撻買咗三個, 所以用硬卡紙分開兩層擺放由細到大我同爸爸嘅喜好都係食雞批, 難得今日爸爸放假當然要買翻個去孝敬佢啦😆😆😆 ＄13嘅雞批 份量都幾多, 而且同以前一樣絕對冇偷工減料, 不過唯一不足爸爸就話牛油樣冇以前咁香, 不過食落都OK架👍🏻而流心鮮奶撻係最近嘅新產品, 其實已經食過好幾次😁 鮮奶撻呈現流心狀態, 上面灑滿左芝士粉. 食落除咗食到鮮奶嘅香味之外仲多咗一層芝士嘅香味, 好味道😋😋😋

流心紫薯撻😚💜非常之流心💓👆🏼😻 可以用匙羹食😋面層薄薄一層烤熟的皮 加滿滿的紫薯粉😆食下去淡淡的紫薯味 吾會好油膩～撻皮邊位算香脆 但餡下面的即教鬆軟和濕潤飽飽😚😚

玉米批上面很漂亮的那層沒什麼味道，下面有玉米粒有火腿的部分好吃。芝士流心蛋撻還不錯，甜度剛好。紫薯最好吃，也是那麼多家蛋撻里最特別的吧。所有蛋撻和批都是熱熱的包在紙袋里。

【PIE & TART】＃地点 九龙湾B出口 ＃紫薯流心挞 紫薯的味道挺浓的 皮也是酥酥的＃蛋白质芝士挞。。。流没了吃完午饭以后就去买的蛋挞 然后陪朋友去金钟办事放在书包里 结果就悲剧了 它真的是流心的 留在了我的书包里🌚。。。。

食Pie and tart真係由細食到大！特别係佢個鮮奶撻。由$5食到依家$7.5。好喜歡佢個種表面有一層模，一篤穿左就係燉奶質地既鮮奶層！真係好滑！而且甜味都調得剛剛好！至於個撻皮就不嬲都好濃牛油味同好鬆化。係用匙羹可以切開個種鬆化感。今日再食，少年回憶在心頭。

因為等朋友時太肚餓，所以諗住黎呢間買個tart食。因為我已經好耐無食過pie and tart，見到有個朱古力鮮奶tart，覺得幾特別，所以買左黎試試。一食落口，食到好香既朱古力味，而且又有芝士味，仲要係半溶，真係好滋味。個皮既質感剛剛好真係好食。

最近好流行紫薯甜品，紫薯蛋糕、紫薯Tart⋯九龍灣這家Pie and Tart是我買過的分店當中最好的！幫襯過多次都是吃鮮奶撻，今次主要紫薯流心撻的鮮豔色彩吸引住～買到暖暖的紫薯撻感覺真好，Tart放久了冷掉就會影響口感！薄薄香脆外層包著甜美的流心熱薯～ 起初怕會太甜，但甜度卻很適中！而且撻皮也夠香脆，口感好，而且非常好吃～下次必定會再光顧呢！

逛左陣街想過下口癮，但距離晚餐時間仲早，所以買左個肉鬆酥$10食住先，不過估唔到個size幾大。酥皮食落幾脆身，而肉鬆既份量都多，唔會食食下冇左啲餡，個皮雖脆但唔太鬆化，而且都幾易食到周圍都係，肉鬆同酥皮都好易跌，又唔可以一啖食晒，唔好既係食完個口好乾，要飲水緩沖下，而且都算飽肚，如果做早餐應該算抵食。

Pie & tart價錢唔費，門市又多，有時口痕會買個鮮奶撻過下癮~ 不過平日行過都冇為意，原來pie & tart出左個流心紫薯撻，身為紫薯控的小編沒有多想就買左個試下~ 紫薯撻表面加上一層紫薯粉，外表好吸晴，一口咬落去，勻有少少鮮奶味既紫薯醬已經慢慢流出，吃到濃濃的紫薯味，十分幸福~ 而鮮奶撻之前已經試過幾次，唔知是否紫薯撻味道太濃郁，所以覺得鮮奶撻個味道好似冇以前咁突出，但味道都算唔差~

中午唔知食乜好，但又見肚餓，左揀右揀最後買批&撻填肚之前一直有幫襯開，我買左平日最常食既鮮奶撻同埋蘑菇撻。今次我對鮮奶撻好失望，成個撻唔夠熱，明顯放左好耐奶味冇乜，食落好水，個撻底竟然有陣窿味！完全係失準！而個蘑菇撻$12真係細得離譜，對比起其他批真係冇咁抵食雖然有晒芝士、蘑菇、洋蔥，味道還好，但價錢定價黎講唔太接受，如果就咁食一個既話，一定好快又餓。