影片
营业时间
今日营业
08:00 - 20:00
星期一至日
08:00 - 20:00
以上资料只供参考，请与餐厅确认详情
食家推介
招牌菜
同朋友約好咗喺附近去玩，但又未食得切嘢，就去咗買PIE & TART食。呢間有鹹批有甜批，但我都係覺得食佢嘅鹹批比較有特色，因為甜批好多餅舖都有做，但鹹批除咗雞批都真係無咩喺其他地方見過。我今次食咗個法式薯仔粟米批，十八蚊大大個，食一個已經夠飽咁濟。個薯蓉調味好足，入面仲有少少白汁嘅感覺，食落唔會太乾身。加埋我好鐘意食粟米，所以有啲甜甜哋嘅配料做點綴整體加埋食得好開心！不過我覺得佢個撻皮做得唔係太好，非常薄，又唔係脆嘅口感。本來以為可能係曲奇蛋撻皮嗰種感覺，但佢太薄啦，唔太覺得係餅底有存在感。同埋佢餡料比得好足嘅程度係食到最後一啖都仲有薯蓉可以食得到～下次如過唔想食太飽附近又有PIE&TART嘅話都會再過嚟買！
继续阅读
紫薯 tart本身對紫薯甜品 唔太喜歡，但朋友話唔錯，咁好啦，就試一試。基本上個 tart 皮 同鮮奶tart一樣，而中間嘅 紫薯 饀料 好似瀑布咁傾瀉出嚟，味道真係有紫薯味，唔假，而口感同鮮奶tart一樣滑溜雞批疫情前，只傾情 鮮奶tart 😆疫情時，先開始食雞批到依家，質量冇乜變，雞肉饀料好足料，面層焗皮好有口感、鬆脆咖喱牛肉批朋友鐘意個咖喱嘅辣度，而且牛肉饀料唔少，好滿足
继续阅读
Intro: 全港都有P&T嘅專門店，而呢到嘅撻類都保持到水準，雖然近年嘅價錢都加左唔少，但都仲算係一個價錢相宜嘅甜點，今次就試下佢地最出名又最平嘅鮮奶撻。___________________🍽 鮮奶撻💰 9 ⭐️ 8/10✍🏻 撻嘅鮮奶味幾香濃，口感仲好濕溜溜；✍🏻 撻皮真係好脆，連埋鮮奶咁食嘅話，有脆又淋嘅口感；✍🏻 撻嘅大小正正常常，如果有新鮮出爐會更好。___________________🏠 Pie & Tart Specialist📍 各大P&T分店⭐️ 8/10___________________
继续阅读
經過尖沙咀 加連威老道 聞到一陣好香嘅味道 吸引咗我過去， 價錢竟然嚇親我竟然 價錢都唔會好貴 大大件，款式又多，我唔係一個食批嘅人，膽粗粗買咗一啲蘋果批同埋雞批 點知一時之下 竟然有特別嘅驚喜。之前食嗰啲蘋果批 就算係大品牌嘅都好似有一陣藥水味 蘋果肉又少 但係呢一個滿滿嘅蘋果肉有一陣好香嘅香味真係用新鮮水果呢做 我非常滿意 亦都介紹咗畀我嘅屋企人同埋朋友。至於雞批 皮脆肉嫩用料新鮮 好可惜嘅係我去到嘅時候排隊最後一個鮮奶撻俾前面嗰個人買咗 我又趕時間 下一次我一定會 嗰個鮮奶撻。。值得一提嘅係員工非常友善 幫我包多啲卡妥妥當當 所以之後我都多買幾個送俾親朋戚友。。。
继续阅读
以前pie and tart 很多分店， 現在少了很多， 尖沙咀就得此間， 每逢去開加連威老道， 總會去pie and tart 買幾個回家。今午經過， 買了1）芝士肉醬千層寛條麵 $20員工將此批放最底層， 回家需時1小時， 回家後批已壓扁， 芝士肉醬黏住紙卡， 賣相唔掂。 此批寛條麵好粉好硬， 係茄汁肉醬味酸酸甜甜， 入口才好些。 只能食肉醬， 麵太硬及粉， 食唔到。2）美式螺絲肉汁批 $18此批味道較好， 螺絲粉口感適中， 能入口， 沒有太多肉醬， 只有茄汁及粟米。 感覺料少了。法式粟米批。$18取回家後， 因壓扁了， 賣相一般。總評：5.5分 年青回憶失去了， 感覺不像以前好味。 。。這樣下去， 即使日後消失了， 應該也不可惜吧！。。
继续阅读