拱照車仔麵 (已搬遷) 新店位置

今日早o左出門口, 可以行遠少少食個豐富既早餐以前o係舊公司, 就算要行遠啲都好鍾意同同事o黎呢間舖仔食早餐因為呢度舖仔細細, 低就好有人情味, 而且食物真係抵食o係灣仔, 要搵一間好食又抵食既食店真係好難早餐一碗魚蛋米 + 一份 (腸仔/火腿/午餐肉/蛋 任揀二款) + 方包/多士 + 飲品 = 都係 $25 (凍飲當然要+兩蚊啦) 真係大件夾抵食細食既女士真係可以食一半, 打包一半做午餐o架難得舖仔既伙計個個都親切待客話事人Icy 仲好鬼好記性記得啲熟客既口味難怪去親舖仔都見一班熟口熟面既客人個個原本唔識都食到熟哂, 有傾有講除此之外, 阿叮都係振店之寶個個熟客o黎到都要搵阿叮陪坐

「拱照車仔麵」在「快樂餅店」旁邊，午飯時段也蠻多人的。除了車仔麵外，還有其他款式的碟頭飯。環境擠迫，但阿姐的服務不錯，跟客人閒話家常。雞翼、牛腩、時菜米粉，配腩汁。最讚的是牛腩，肉質鬆軟，非常入味。鮮甜的白菜仔，腩汁充滿肉香又不至油膩。惟米粉的份量較少，女生也要考慮加底喔。小什會、牛腩米粉，配腩汁。「小什會」名字有趣，以為是牛什，但原來是豬紅、豬皮、魚蛋、豬肚、紅腸、時菜，感覺有夠大堆頭的。在灣仔區 ~$30 的車仔麵套餐，雖不連餐飲，但性價比仍屬超高，可以一試。

突然想食車仔麵，車仔麵之家午市實在太多人，應該都要等上半個鐘，轉上小小黎左呢到。食車仔麵，都係要d大路野，要的幾款餸以蘿蔔最好，夠清甜，其他就普普通通，不過呢到既車仔麵好似少左d野，同事話係個汁，因為無咩味，就總覺得差了一點點。加埋杯野飲要$34蚊，麻麻地既車仔麵。

七月二十六日 (星期二)自轉了新公司後,更多機會發掘金鐘灣仔一帶美食雖然未有驚人發現,但都試過一些較好的食肆近排真是"有心無力",因為心是想去試新食肆,但奈何近期工作是peak season只好乖乖地在附近地方吃,或是急急買回公司快吞,連味道也沒有試真就要再開工現在還好,可以吃熟食,以往舊公司只限吃凍三文治和壽司,對於我來說是"不可接受"今日和老公仔前往吃這家於快樂餅店附近的車仔麵店子頗舊,冷氣機還嚴重滴水,用一個大水筒盛水,真誇張雖然有燒味飯,但是它的招牌菜始終是車仔麵,當然要一試恐怕不是真正所謂的魚腐吃過我認為最好吃的生記過後,這裡的只可以說頂多是壓扁了的魚蛋貢丸也是一般的超市貨色鯪魚肉豆卜义燒米線鯪魚肉尚算新鮮因為見到其他食客都有叫义燒,所以都試試半肥瘦,但感覺普通,肉質未算做到很煙韌最有趣是看到某店員掛着芋公司的員工證在秘撈嗎? 真的揾食艱難!!!!

本來打算到隔離食焗飯, 但見此間店內人流如此多, 於是改變想法, 已下午3時, 入內全店坐滿人, 理應不差噃, 唯有與人其卓, 叫了咸蛋蒸肉餅飯, 餐也, 包熱飲, 原來時段不同, 價錢有異, 12時-2時來$32, 而此段時間之外則只收$27, 我來時已3時, 所以平了$5, 餸與飯分開上的, 咸蛋蒸肉餅放在一隻十貿小型的金屬碟 (直徑約3吋), 碟望落雖少, 但我都食唔晒, 咸蛋是一件圓球形的, 好過好多其他的店, 街外見的多是圓形但扁平的, 唯味道略淡, 肉餅肥瘦適中, 但有部份有些少暗色, 肉餅邊已經嚴重與碟分離, 明顯放耐了, 飯是分開上, 飯粒的軟硬度尚算適中, 可惜不夠熱, 而且有部份有些少焦和硬, 如果這是少$5的後果, 那我寧可多付$5了

家住附近, 這裡成為唔開飯時既飯堂.食物質素如媽媽煮既菜, 夠味, 足料又大大碟. 特別喜歡例湯一D都唔求祈, 是老火湯!好放心, 好健康!如想食清一點可點蒸鯇魚飯, 好味!不過6點就關門, 如果做埋晚市更好啦!

是日又是遲來的午餐,到拱照來個超值的下午茶餐, 這裡的下午茶 2:00pm 開始,選擇都甚多,今天選了雪菜肉絲米粉,午餐肉奄列配多士特別喜愛這裡的午餐肉奄列,因為午餐肉份量多,蛋漿夠薄突然師傳的功架,值得推介

在灣仔返工，最愛就是去拱照吃碟頭飯。咖哩牛腩、蝦仁炒旦、經常有的時日精選‥樣樣都是我的最愛，每次食都有種媽媽煮飯的感覺。雖然樓上的呀姐態度麻麻，而且食物的份量開始越來越少，但店內那懶洋洋的貓和美味的蝦仁炒旦飯，依然吸引我去。d相係我一個好同事影既...暫借來用用

2008年5月21日，拱照鮮茄豬扒煎蛋飯：鮮茄多,又有通菜,重有豬扒煎蛋，雖然豬扒味道一般,但24元送飲品,多菜飯餐，實在啱我。

今日 lunch 去了拱照，仍然係人頭湧湧，走上閣樓終於有位了，在車仔麵及碟頭飯之間揀了芙蓉蛋飯跟熱奶茶($30)註明了要稍候的芙蓉蛋飯在五分鐘後已經送上來，大大隻炒蛋完全覆蓋了伴菜及白飯，翻開了蛋，有大量叉燒、蝦、芽菜，用料豐富，味道當然幾好，是一個甚具水準的芙蓉蛋飯，大大碟相當抵食!!!只可惜閣樓真的是太迫了，樓底又低，環境影響了食欲

2008年4月7日，拱照茶餐廳中午時段,這裏有幾個套餐只賣22元，但要在12:45前付款離開。試過兩個套餐，包一杯熱飲，1．咖喱牛腩飯2．叉燒煎蛋飯兩個飯的份量都足夠，味道方面都不錯，特別是叉燒煎蛋，叉燒新鮮，蛋煎得嫩，豉油味道好。最喜歡是它有幾條菜，不是放到凍哂的菜，熱熱地。24元重有飲，所以都抵食。不過鋪內有個子頗高的年紀不算大的女人，可能是負責人，好鬼惡，次次見到佢都見佢鬧人。有次個客說看不到對面牆的餐牌，個女人話：嘩！有無搞錯呀，睇唔到？真有D驚佢！

公司行去灣仔較中環方便，而且又較抵食，中午通常與同事行去灣仔食。慢無目的走到這間車仔麵店，以為只有車仔麵，原來都有碟頭飯，款式亦不少，價錢又平。除了車仔麵有紙仔每選各款餸 及麵食之外，碟頭飯也有，還可以選擇好少飯、少飯及多飯，幾特別又不會浪費食物。我要好少飯的叉燒炒蛋飯，可能我要少飯，所以顯得炒蛋特別多，雞蛋炒得好滑，但未夠濕潤，來貨的叉燒質素亦不差，最細心的就是每碟飯加了不少菜，合符健康要求。同事的車仔麵好大碗，餸 不少。這間又抵食味道也不錯，可以再來。