拾味山西刀削麵館

营业中

休息中

鍾意周圍食野的我，今日就去到灣仔集成中心隔離＜拾味正宗刀削麵館＞，呢度食品款式非常多，可單點，或配刀削麵、米線、拉麵、年糕、上海菜飯等，刀削麵選擇有湯麵、拌麵、冷麵，味道有辣有唔辣。 麻辣牛展刀削麵$58加配麻辣魚腐$10加配麻辣大腸$10 呢度麵餸係分開上，刀削麵有咬口，湯底滿有芫茜葱香味其中最有驚喜的餸……魚腐，薄薄魚腐，外層煎至脆香，入口少少甜味，香脆味美牛展厚薄適中，大腸肥美有咬口，加上香蒜、辣度適中的麻辣汁，非常惹味 加配凍蜂蜜袖子蜜$10

曾幾何時試過拾味山西刀削麵館，仲記得呢度既刀削麵非常有咬口，今日經過又食返餐先。餐牌有推薦菜式，刀削麵自由配，冷刀削麵，熱拌刀削麵，溫泉蛋木耳刀削麵。唔食麵都有其他選擇，例如上海菜飯，上海淨水餃，上海淨雲吞，滋味小食等等。飲品有常見茶記冷熱飲品。刀削麵可轉拉麵，米線或者年糕。口水風味冷刀削麵配牛肉絲 $68刀削麵係粗身扁狀帶少少不規則，非常之咁有咬口，非常煙韌，真係要咬一陣先好吞。配有清爽青瓜絲，香脆花生米少少同擔擔醬。個擔擔醬係酸酸辣辣，入面真係有豬肉粒，都幾好味，汁份量絕對夠撈麵。可以選一餸，我揀左牛肉絲，其實係牛展切絲，少少口水汁放係牛肉絲上面，最後灑上白芝麻粒。麵量好多，食極都有。熱拌刀削麵配牛腩 $62熱拌刀削麵原來比冷刀削麵淋好多，個人覺得熱拌麵質感最好，軟硬度適中。跟四川擔擔醬，個醬都係暖，味道好好。牛腩4大舊，炆得好腍，入口即溶，而且個汁好入味又好香。芫荽蔥花放匙羹另上。蒜泥牛展 $70蒜泥牛展一客10片，面頭中間一大pat蒜泥，自己選擇加幾多。牛展質感係要咬下個d，本身個汁都好入味，係滷水味，加埋蒜泥就變左酸辣。總括而言，呢度d麵大大碗，包食飽，特別推介牛腩同熱拌麵。

粉皮小小厚都幾特別第一次見識山西刀削麵咁樣整嘅真正手打 見廚師拎住成嚿大冬瓜咁去刨 ；真正大嚿粉皮咁去刨👏👏👏👏好多材料食物選擇👏👏包括小食燻蹄菜心樣樣都有

好久沒吃刀削麵了，想起來都有點饞了，好想去吃。說起刀削麵，我最喜歡到灣仔的拾味正宗刀削麵館，疫情前來過好幾次，現在完全放寬，可以隨時來吃。現在的刀削麵已經有好多款式，有冷面熱面好特別，這次就點了冷刀削麵和熱拌刀削麵試試看。冷刀削麵的話就口水風味冷刀，裏面有青瓜絲，擔擔醬，口水汁，花生，芝麻做配料，另外加了手撕雞及豬肚絲，撈埋一齊食口味十分豐富，刀削麵超級爽口，手撕雞小小辣好開胃，豬肚絲爽脆，加上配料味道合適，十分好味道。熱拌刀削麵就選了上海水餃撈四川擔擔醬，味道似豆瓣醬，上海水餃味道也不錯。小食就選了這裡出名的蒜泥牛展，這個牛展真的不得了，超級煙韌嫩口，加上蒜泥的開胃，好好味啊。最後慢慢品嚐刀削麵的同時，還可以點這裡的豆漿，也是不錯的搭配呢。

我自幼以麵为主食长大，之前公司搬迁到附近巧遇此山西刀削面，忍不住要一试。刀削面平时有瓦罐汤面，炒面，凉拌之分，此家中规中矩，而且采纳车仔面调制的本士化方式可以选送另加。但係这麵就。。。叫左FO2凉拌刀削，发现如下问题1.使用機器切面，調教唔夠，導致麵條較厚，有機會面胚本身問題，亦可能機器問題2.因问题1導致面需要煮耐啲，但是因為要急出餐，導致火候不够面芯不熟。面咬落去韧劲过高，咬肌超负荷工作，實在肌無力就放棄左。。。

以前吃中環拾味，覺得幾好食，但今次食灣仔分店，係世界級失望。配料無味，刀削麵同樣無味，朋友叫口水雞，都係雞無雞味，口水汁無辣味。所以冇咩人食🫣*豬軟骨熱拌刀削麵 $62豬軟骨有三大塊，但係係無味嘅，無豬肉味，無任何調味，而且肥肉佔4成，軟骨嘅份量少得可憐，豬肉偏乾硬。刀削麵麵質偏向軟腍，個人覺得唔夠煙韌，但同樣都係無味，表面有四川擔擔醬、底有腩汁，撈埋一齊都係無味，無豉油味無辣味無鹹味，一句總結就係無味。

Intro: 喺灣仔食夜晚好難用70蚊內埋單，而今次就搵到一間專賣刀削麵嘅舖頭，而呢到餸嘅選擇都好多，但多數都係麻辣，呢次加埋豆漿都係64蚊埋單炸！___________________🍽 麻辣豬頸肉刀削麵 ⭐️7.75/10🍽 麻辣豬軟骨刀削麵 ⭐️7/10💰 58 （+6送豆漿）✍🏻 刀削麵嘅份量好多，好煙韌好厚身✍🏻 湯底似用咗粟米去熬煮，甜甜地嘅味道✍🏻 豬頸肉被炸得外皮香脆，好爽口又入味✍🏻 豬軟骨肉質偏硬，軟嘅地方係肥肉部分✍🏻 豬軟骨醃得好入味，但真係辣到建議大家要加杯凍豆漿___________________🏠 拾味山西刀削麵館📍 灣仔灣仔道212-214號怡康大廈地下A號舖⭐️ 7.75/10___________________

難得出開灣仔🚶🏻‍♀️🚶🏻見到網上啲人話呢間嘅刀削麵好好食順便決定去一次究竟😗🤙🏻同朋友叫咗兩碗刀削麵🍜朋友叫咗水餃🥟🍜我就叫咗佢哋推介啲嘅麻辣牛腩🐂一嚟到嘅時候見到份量一啲都唔細😆而且作為第一次食刀削麵嘅我😗對於刀削麵始終都有啲期待🤩佢哋嘅刀削麵入口好煙韌同好入味❣️配埋麻辣嘅牛腩成件事真係好惹味❣️但唯獨美中不足嘅係刀削麵比較厚身🙆🏻‍♀️如果想食比較薄身嘅刀削麵就唔太建議🥲但係佢哋嘅刀削麵都係大碗兼抵食嘅💛如果喺灣仔搵唔到嘢食🤕佢其實都係一個明智之選🤙🏻

📍「拾味山西刀削麵館」- 灣仔今次食食食之旅黎到灣仔😌呢排食得太多西餐，想食返啲港式野，呢間👧🏻以前lunch 成日去食，因為好中意佢哋嘅刀削麵，今次帶埋👦🏻去試試佢😎📷餐廳位於灣仔道，雖然店舖唔算大，但座位都算幾闊落，坐得舒服😇👍🏻值得一讚係職員上菜速度都算快🤗🍴麻辣牛展刀削麵💰HK$58✨推薦指數：7/10麻辣牛展刀削麵可以3樣嘢完全分開上，平時麻辣牛展一齊會有太咸既感覺，依家分開上可以自己中意點幾多就幾多🤗牛展比較薄，咬落唔會太淋😛不過由於薄身，所以口感比較一般，不過又唔會太咸，有啲似食緊五香牛展咁🫣可惜個麻辣醬有啲失色，麻既感覺一啲都無，辣亦都唔覺香🥹一讚嘅係刀削麵口感一流，軟淋適中，咬落煙煙韌韌，而且唔會碎得好嚴重，份量亦都相當多😛可能揀其他餸配刀削麵會更好🤣🍴上海雲吞溫泉蛋木耳刀削麵💰HK$62✨推薦指數：7/10唔食得辣嘅朋友仔都可以揀呢款👍🏻夠哂清淡😗上海雲吞有3️⃣隻，食落個皮幾薄而且幾滑，餡料係豬肉碎同蔥，份量唔算少，味道偏清淡😇溫泉蛋有半流心狀態，唔會太熟🤗木耳份量都幾多，而且好爽口，口感一流😋刀削麵就依然出色，煙煙韌韌好咬口😌

呢間餐廳個刀削麵真係真材實料 同埋每一碗刀削麵個份量好足 好夠飽坐係到見到師傅真係即場一條一條削啲餸份量好足 大份但賣點當然係佢啲刀削麵啦如果個湯可以濃味啲會更加好呢

唔知點解對刀削麵有情意結，上網search到呢間餐廳就去咗。呢度嘅款式都幾多，又凍、又熱、有湯、有撈，而且每料都有好多唔同嘅選擇，總有一款啱你心水。我哋兩個人嚟到，知道佢碗麵比較大碗，所以只係叫左一碗，係雞 + 面。唔好睇小隻雞，都幾大份而且好肥美！另外我哋就去咗紅油抄手，抽手好大粒，而且佢啲皮係超級好味，唔會太硬唔會太林，配埋啲豉油、紅油、花生、蒜蓉，我真係覺得幾好味！而且一定會夠飽。下次我想再食下佢嘅夏日撈麵

灣仔再搵野食，見到有刀削麵檔就決定試，位置位於銅鑼灣同灣仔中間，2邊行過去都要10分鐘，夏天真係熱死。平日6點左右去到唔需要等位，入座就見到形形色色既poster，餐牌好多野揀，有湯麵冷麵撈麵，配料有辣有唔辣，五花八門，任君選擇。麻辣東坡肉刀削麵3/5分開上菜，即係湯底係大家都係同一隻，加辣都係睇配料既辣度，我覺得可以有誠意啲會煲埋辣湯囉。刀削麵麵質煙韌，唔會太硬太淋，粗幼啱啱好，份量充夠，可以接受，合格而已。東坡肉味道一般，肉質分明，一係肥一係瘦。叫左杯豆漿，係室溫水壺倒落黎，好似擺咗好耐咁，衛生情況令人擔心。溫泉蛋水餃木耳刀削麵 3.5/5溫泉蛋有薑醋味，友人覺得有趣還可以接受，水餃大隻粒粒飽滿，肉餡有麻油味，開胃又香氣撲鼻，意想不到，麵量充足，食得滿足。地理:灣仔銅鑼灣中間位置，可以搭巴士電車中間落比較方便快捷。地鐵站出就要行10分鐘。環境:正常裝修，文宣告示，但可以再乾淨少少，提高衛生意識。價錢:65蚊人頭費，呢個價錢可以食譚仔食得好飽，一餸收65蚊算偏中高價位。服務:自助落單，上菜速度正常，仲細心提醒客人小心注意門口有梯級

同男朋友一人叫一碗冷刀削麵（$68可自選一樣餸） 揀咗招牌手撕雞，本身可能有好大期望，見佢電視上面播緊「香港開電視」嘅訪問介紹，睇到師傅好用心準備食物....好吸引結果食落發覺太有落差，有啲失望。雖然份量真係好多，但有啲over多，啲麵好難消化、口感硬，所以食得會唔太舒服，個胃頂住頂住。啲雞非常乾，入口有雪味，唔推薦。反而見幾多人叫湯麵，我諗湯麵會比較好，麵會易咬易吞啲，同冇咁重口味（啲擔擔醬同麻辣麵有啲重手，食到底好口渴！！！）小食嘅木耳落糖重手。服務幾好 唔算難食但都應該冇下次了。

第一次覺得難食到要食評提醒下大家針對嘅係佢嘅食物同服務是咁的 最近係附近返intern，咁今日冇帶飯，放lunch行過，見到好似唔錯，都幾吸引喎，就諗住試下啦 結果伏了🫠佢係可以用Qr落單嘅，咁我見天氣熱，佢又有個消暑冷刀，所就諗住試下啦。 叫咗一個手撕雞冷刀削麵，一落枱 心諗賣相好好🤩一定好好食！結果…手撕雞勁「鞋」仲有陣怪味？可能係平時啲人講嘅雪藏味，但我唔識分只可以形容俾大家聽係怪味😮‍💨跟住到個面啦…食第一啖 呆咗😨差啲咬唔開 真係韌過香港人條命…跟住上黎OpenRice 睇下發現um…啲人推薦話：好煙韌！有咬口！正！但我真的欣賞唔黎 可能係我人生經驗未夠 唔識欣賞🥱如果你鐘意煙韌口感 呢間野一定係你嘅最佳選擇👍🏻 最後，到野飲，加$6 要咗杯凍豆漿，環保冇飲管我明，但大佬呀，你白色杯，跟住杯邊有啲黑色一達達嘅痕跡我點落口呀？咁都算啦，我攞紙巾抹咗一圈 同自己講 可能係佢甩色呢🤪 跟住飲第一啖 震驚了🤯飲多啖確認下，我竟然飲到陣涼茶味？GG唔通我中咗covid，味覺失調咗？真係勁難飲，20歲人第一次飲咁難飲嘅豆漿🤮題外話：我坐吧台，佢個雪櫃係我斜後面，個姨姨次次黎攞野都勁大力閂

暫時雨停就從銅鑼灣行去灣仔，本身諗住去試鬍鬚仔，點知前幾日啱啱結業😭不過行前幾步係我好鍾意既拾味山西刀削麵館，都有段時間沒食過，擇日不如撞日lu💛雖然從健康角度我就唔應該食辣，不過日日落大雨食啲辣都ok啦🤣就嗌咗麻辣冷刀削麵加手撕雞，淨上海雲吞😋返到屋企因為車程關係麵都變咗一大舊咁😂青瓜絲，雞絲，擔擔醬同麻辣醬都唔少，mix晒所有料拌下拌下都變返正常。之前試過口水風味冷刀都唔錯又唔會覺得好辣，不過麻辣係餐牌度比口水多一個🌶️果然個辣度翻咗倍😂麻就唔係好feel到不過辣就真係好鬼辣🤣好彩我有買淨雲吞，都要間中食下雲吞飲啖湯先可以繼續食麵🤣麵都好韌有咬口，有keep到個質素👍淨雲吞都係我幾鍾意既encore，因為可以嚐到幾分正宗既上海味道🙈雲吞就中等size，菜肉約1:1咁，鹹淡適中，皮少少厚有上海ful，淨湯係有落豉油不過唔鹹剛好，雖然因為車程個雲吞皮浸得耐好容易斷，不過都仍然好食，同埋今日個雲吞真係救命雲吞😆麻辣風味冷刀削麵 7.0/9淨上海雲吞 7.5/9OVERALL 7.5/9唔食得辣既話真係唔好輕易嘗試麻辣😂我食咗半日都覺得胃入邊仲有一股暖流😂而家好擔心聽日既菊花🙈今日發覺比之前