拾味正宗刀削麵館 (渣甸街)

营业中

休息中

即叫即製的刀削麵，口感零舍不同🤤這間在銅鑼灣的刀削麵，麵食有多種款式選擇，包括有湯的，也有熱拌麵，另外有夏天最啱的冷刀削麵，配料選擇都超多的。🔶肥牛熱拌刀削麵 $63來到發現每碗麵份量超多的！不單止是面多配料也很足，超喜歡吃肥牛，點了這碗肥牛刀削麵，牛量很令人滿意。即削麵條很有口感，嚼勁十足，加埋微微辣的秘製醬汁，撈起來十分美味。🔶牛筋腩熱拌刀削麵 $63同行朋友點了牛筋腩，另外加餸的話每款只需+$10，加了紅燒豬手。牛筋腩和豬手都十分軟腍入味，特別是豬手，雖然是加餸料，但份量都很多。🔶凍飲+$8好抵飲

由第一間灣仔舖開始食到而家 越做越差 口水雞絲碟底黃瓜絲俾水浸住加埋上邊嘅所謂口水汁溝埋 得個咸字 一啲都唔冇口水汁味 雞肉硬度似擦子膠 幼嘅肉絲勉強咬完之後吞到 大件嘅吐左 費事影相 湯底淡 完全飲唔到店舖條片所講的煲湯材料 食完後幾個鐘都頸渴到不得了 極之失望！

點了一道口水雞刀削面和一杯熱豆漿。食物味道還可以，但口水雞的份量比較小。總共花了港幣63。座位較窄，衛生環境普通，最失望的是餐廳沒有提供餐巾，希望餐廳能改善啦。

暫時係我食過🥇全港最高質嘅刀削麵舖💯足料好食❣️仲有live 削麵表演睇👀👅#sdm銅鑼灣 #sdm灣仔 #sdm中環 💎G餐：熱伴刀削麵 $63必食💯💯（😋：9/10）👍🏻：配一個餸，冇湯就跟四川擔擔麵醬，少少少辣，好惹味🤤🤤同平時四川擔擔麵醬唔一樣🥳鐘意濃味嘅朋友要試吓🤩🤩👎🏿：。💎 豬頸肉必食💯💯（😋：8.3/10）👍🏻：好大塊豬頸肉！仲要煎到肉邊係好香脆嘅😚😚肉質幼嫩，一啲都唔鞋🥩👎🏿：。💎 豬軟骨必食💯💯（😋：9.5/10）👍🏻：有三大嚿，全部都炆好淋好入味😍啲軟骨淋到好似啫喱咁🤩好正！👎🏿：。💎 東坡肉 一般⭕️（😋：6/10）👍🏻：。👎🏿：得一嚿，肉質較硬，層次太分明，分開咗3層😂💎 B餐：刀削湯麵 $60必食💯💯（😋：8.8/10）👍🏻：配一個餸，湯麵湯底🍜係清湯，比較適合食得清淡啲嘅朋友🈴️👎🏿：。💎 麻辣豬耳必食💯💯（😋：9/10）👍🏻：份量超多！未見到$10可以食到咁多豬耳😍😍😍而且係非常爽口有口感，原味就清淡啲，食得辣嘅朋友🌶️一定推薦你加埋麻辣醬食🥳🥳👎🏿：。💎 麻辣牛筋腩必食💯💯（😋：9.9/10）👍🏻：有2嚿牛筋，2嚿牛腩！全部都好大嚿，炆得超入味，肉質超淋🥩唔

想起一位山西籍的好朋友，於是來到銅記的"拾味”來執返啲記憶。經典的美食帶來絲絲美好回憶🧡🧡牛筋腩熱拌刀削麵，牛筋腩係我鍾意嘅美食，再配埋有筋道的山西刀削麵，更有啲拌醬，撈埋一起簡直滋味無窮，再來件東坡肉，佢肥而不膩、軟而不爛，非常啱口味，凍杏仁霜口感清新，適合夏天飲用。麻辣大腸刀削麵，由於係湯麵之故，店家將少少麻辣味道的大腸同刀削麵分開上，好細心🩵，加6蚊就有杯健康的豆漿，含有大量的蛋白質和營養物質，對身體非常有益，健康有益的一餐。

中醫語重心長叫最近一星期的我必須戒口（因為榴槤實在吃太多ԅ(¯﹃¯ԅ)）所以今天吃清淡一點 …….本身諗住去買麻糬波波 經過見到超多人食刀削麵，所以就揀咗佢❀竹笙溫泉蛋木耳刀削麵❀熱豆漿刀削麵可以選軟硬度太好了！因為我超怕食啲超硬嘅麵！所以通常有得選擇嘅話，我－定會食比較淋既麵，仲可以望住師傅現場削麵條～～～竹笙一咬 湯汁係口腔四濺極濃清甜溫泉蛋，半流心good!整體來講都很好份量超級多 銅鑼灣地段呢個價錢好合理好想試麻辣刀削麵🤭唯有等下次冇咁熱氣先啦！

咁岩約左姐妹係銅鑼灣行街，行到攰攰地發現到有間刀削麵店，所以就入去試下我地2個唔太肚餓同埋當日天氣太熱啦，所以嗌左3個涼拌小食，一個麵同一杯野飲上海水餃刀削麵: 麵同水餃份量十足，水餃重要大大粒，我食左2粒已經食唔落要交比姐妹食涼拌海蜇: 海蜇伴青瓜絲絕配，個汁係自己整的，唔似出面餐廳個d咁重味涼拌海帶絲: 雖然都係涼拌，但個汁同海蜇唔同，有少少辣辣地幾醒胃醋椒黑木耳: 份量十分多，絕對係平時其他餐廳的起碼double份量，黑木耳對身體又好，食多d都唔怕

呢度嘅刀削麵，即叫即削即煮，碗碗有水準，除咗有湯刀削麵，仲有撈刀削麵，分冷撈同埋熱撈，冷撈係佢地首創，啱晒夏日炎炎嘅日子食。一般係國內都係淨係得熱食，我今次都係食熱撈。叫咗碗豬軟骨熱拌刀削麵再加手絲雞豬軟骨大大嚿，超入味，而且炆到一咬即化，雞絲亦唔會老，加入咗青瓜絲，口感清爽，加埋擔擔醬一齊撈勻，真係啱曬重口味人仕。一啖熱拌刀削麵，一啖凍手撕雞，一冷一熱，加多$6配埋杯凍豆漿，係Lunch食啱啱好。

想喺銅鑼灣快快脆脆簡簡單單食碗麵，見呢間分店到幾多同都幾多客就試吓，一入到去已經見到個靚仔師傅現場削麵都幾吸引，覺得啲麵都好食啲。😆呢度嘅麵食套餐分為熱湯類、冷麵類、熱拌類。除咗刀削麵之外，仲可以揀拉麵、米線、年糕或者菜飯，滋味小食種類都好多。✨麻辣手撕雞、豬軟骨熱湯刀削麵✨麻辣金錢肚、生菜熱湯刀削麵 兩個套餐叫埋凍飲🥤都係$160🏠拾味正宗刀削麵館 (渣甸街)📍銅鑼灣渣甸街44號地舖☎️26822345

餐廳：拾味正宗刀削麵館地點：銅鑼灣渣甸街菜式：刀削麵餐牌：餐牌有推薦菜式，刀削麵自由配，冷刀削麵，熱拌刀削麵，溫泉蛋木耳刀削麵。唔食麵都有其他選擇，例如上海菜飯，滋味小食等等。飲品有常見茶記冷熱飲品。刀削麵可轉拉麵，米線或者年糕。麻辣牛筋腩 $70麻辣牛筋腩大概係半筋半腩，牛筋炆得入口即化，滿口骨膠原。叫左走辣，個滷水汁好入味。麻辣豬頸肉 $70麻辣豬頸肉一大碟有大概15片，皮脆肉唔韌，食落啖啖肉，係熱辣辣上枱。口感味道唔錯，好香口。我地都叫左走辣，本身味道已經夠。凍豆漿 $10凍豆漿係杯裝，都大大杯，唔會太甜，但係又剛剛好唔會太淡，夠解渴又健康。星期六兩點半後都好多食客。

收工落咗銅鑼灣唔知食咩好，見到呢間黃色招牌嘅都餐廳好似好吸引，於是就揀咗佢啦❣️❣️拾味冷刀削麵 （$63）呢個係由手撕雞，豬脷，青瓜🥒🥒粟米撈埋刀削麵再落埋千島醬嘅拾味冷刀，本身仲有擔擔醬，不過怕太辣所以冇加到🤣我就鍾意將佢哋撈埋一齊食，手撕雞嘅肉味加豬脷嘅爽口配合粟米嘅甜，青瓜嘅清新最後千島醬嘅酸，簡直係一次過滿足你5個願望丫。而且師傅絕不手軟，每款配料都勁多，性價比十足❣️❣️溫泉蛋木耳刀削麵 （$63）嗰日咁啱舖頭冇木耳，於是就佢俾我揀咗另一個餸，咁我就揀咗竹笙🤣🤣另外餸方面就揀咗個上海雲吞❣️上海雲吞皮薄餡靚，啲料好飽滿，又夠香口🥰🥰刀削麵我就轉咗年糕，唔使另外加錢😋年糕份量都好多😍食極都仲有😆

位於銅鑼灣中心地帶的一間小店，專食刀削麵，個人都幾鐘意食刀削麵既質感，但香港好少有，呢間係專門做刀削麵既麵館，每一個order都即叫即削，小小open kitchen的位置可以偷睇到廚師既刀功！另外店面仲有部電視講解佢地既製麵過程，每一個工序都非常講究。麵身較彈牙，伴隨的是麵食的清湯，而餸方面都好多元化，今次我就揀咗麻辣雞絲，醬汁都好濃好夠味，配搭埋啲脆脆花生🥜好香口！底部仲有啲青瓜絲可以refresh一下。

唔知大家鐘唔鐘意食刀削麵呢我就好鐘意啦今次要為大家介紹既係 - 拾味正宗刀削麵館拾味正宗刀削麵館有三間分店 (中環，銅鑼灣，灣仔）今次我係去左銅鑼灣店佢地地址係位於渣甸街44號地舖顧名思義餐廳就梗係主打食刀削麵啦佢地係qr code落單今次我點左個水餃刀削麵追加仿鮑片個麵係師傅即刻用刀削出黎 係勁勁勁新鮮而且佢食落勁彈牙煙韌 同個薄身偏口好有咬感 超讚Location: Causeway BayPrice : $60-$80/p.p

早排去開銅鑼灣，諗住是但揾d野食就返屋企🤣見呢到店鋪唔大，但6點零鐘去已經坐滿人了好多人都好似係剛收工黎整返碗 再滿足地離開❤️一種大家都好「習已為常」既感覺見咁多人食 應該唔會差吧🧐見除左堂食外 仲有一堆外賣單睇住師傅手刀落完全冇停手咁削真正人手 #刀削麵 👍🏻今次我地同一時間俾呢個items吸引，就係溫泉蛋加木耳，所以我地2條友叫既野都差唔多😂：🔸上海雲吞溫泉蛋木耳刀削麵🔸上海水餃溫泉蛋木耳刀削麵呢到係scan QR code落單有個細心位，可以俾客人選擇如麵硬d, 淋身d多葱少葱走葱等等…etc全部都可以按個人喜好選擇👍🏻我地加左$10轉左 #酸辣湯唔係講笑，湯底真係好香辣😍唔同平時既酸辣湯一味得個酸字🥲佢辣味既後勁真係唔弱 食得好過癮👍🏻而佢既主打刀削麵我地揀左偏爽口既口感入口彈牙 唔會太硬同埋份量好夠 大大碗😍再加埋隻溫泉蛋😂真心滿足❤️

午飯獨自速食，隨選了未試過的刀削麵，開創食物新版圖！門口展示了餐牌，花樣多多，總有合心水！點了一大堆，豐富得很！🥰🥰🥰蒜泥牛𦟌刀削麵 $62，湯底是醬油味，最基本的鹹湯！還是頭一回品嚐刀削麵，口感比預期腍滑，有驚喜！蒜泥牛𦟌，分碟上，抵讚！蒜泥混了酸醋，加重了蒜蓉辛辣！牛𦟌有咬口又不覺韌，還算不錯！追加雜菌 $10，雜菌包括有金菇、鮮冬菇和白雪菇，整體質素算新鮮！溫泉蛋 $12，蛋白爽滑唔硬，蛋黃晶凝通透，加點醬油，已經很好！郊外油菜 $25，夠油潤，份量亦算多！👍凍豆漿 $6 （跟餐價），甜度適中，有豆味，好飲！雲吞都是新鮮即包的，下回鐵定要試一試！😋😋