揚食屋

营业中

休息中

服務態度超差 一男一女 男嘅係戴眼鏡瘦瘦高高 女嘅係黃毛帶黑口罩 女服務員如果唔想返工可以唔返 講野串到不得了 落order嘅時候搏命點個mon 好似得罪佢咁 男服務員好似聽唔到人問野 次次問佢都扮聽唔到 總之呢次體驗超差 唔會再黎

中環士丹頓街 《揚食屋》 經理好好人安排素食 「蛋包飯」控 🥘 的 lunch食堂喺中環之前成日經過 廿一堂，都冇留意原來同一間舖嘅「揚食屋」有新素餐牌 經理叔叔熱心為我地素友食客人 安排素option，服務周到。值得推薦給 LIKE 👍🏻 傾偈之後先發現原來經理太太都係素食油，唔怪之得啦😂Homurice is my new lunch spot in Central - their recently released veg-friendly menu is a must try for all greeners 🍀 Recommended dishes 必吃忌廉真菌蛋包飯 Creamy Mushroom Omurice 🥛🍄🥘特製炒雜菜 Homemade Stir Fry Vegetable 🥘🍆🥒🥔🌽🥕🍅🧅🌶️🧄🍠🫑🫛🥬

今晚同太太行完兵頭花園經過入去試下，有驚喜。兩個唔同既牛排餐都好有水準，經理都好好服務，主動介紹，值得支持。而家好難食到咁好食既野，重要價錢合理，香港人要珍惜！

天氣凍，想食熱辣辣午餐除咗食湯麵之外,就諗起鐵板.餐廳位置其實好近中環橋底，入口位於士丹利街士丹利街.同一個入口其實係兩間餐廳，今次就去入口左邊呢一間日式便當。職員送上餐牌其實都好多係蛋包飯嘅選擇，我哋就留意到餐牌上有一個a la cart : 鐵板牛柳珍珠米雖然嚟到快鐵板唔係熱到（自自聲）,不過都係有鑊氣,嗰板夠熱,加上燒汁即刻提升口味。牛柳全部都夠林，同埋本身係醃製過，冇根,抵讚雖然個職員冇畀刀我哋,亦絕對唔需要切開先食到

🐻係中環搵食，lunch周圍都好多人，經過呢間日式碟頭飯個樣望落唔錯，仲要冇乜人，份量足價錢公道👍🏽🐻叫左鰻魚玉子飯加多十蚊有麵豉湯同日式厥餅，睇相以為好細，點知黎到條鰻魚勁大條，蛋🥚又夠晒厚，鰻魚汁係甜嘅，條魚好彈牙同煙un（勁膠質），要用筷子🥢幫手先可以咬得開，好新鮮同厚肉，冇諗過百拎蚊都食到呢個質素，玉子就正常啦，好食既，份量多到係食唔晒碗飯🍚，食晒條魚同蛋都夠飽🫣下次要小飯先搞得

今日去完中環行街，突然之間好想去食蛋包飯，就去左附近嘅揚食屋食咖哩蛋包飯。店舖同另一間廿一堂同一店舖，2間都有d似嘅，都係日式餐廳，我地就揀左揚食屋。我今次就叫左個日式牛柳蛋包飯$92元。呢個餐唔包飲品，午餐時間都要92蚊的確係有d貴，如果轉定食就加多10蚊，包埋一杯烏龍茶同埋2粒甜品。蛋包飯就比較細份，我估男人應該唔夠飽，不過咖喱飯都好香，牛柳好林，好易咬開，再加左幾粒醃製羅白都幾爽口，加埋飯一齊食好好味。

中環嘅唔同類型既食店真係越開越多，平既有貴嘅都有，search 見到揚食屋，見到有咖哩蛋包飯，好吸引所以就去食個晏！入到去原來依間餐廳分左兩間店舖，兩間都係日式嘅為主。由於好想食蛋包飯所以就去左揚食屋。叫左野食就等送餐。叫左吉列豬扒咖喱蛋包飯，豬扒炸得香脆，咖哩汁非常香濃，同埋比較杰身，蛋算滑但就比較薄唔夠喉，不過味道都幾好。今次加左10蚊買左定食，包左兩粒麻薯都幾煙韌，仲有一杯冷嘅烏龍茶。臨走見人地叫左個彩虹刨冰都幾吸引可以下次試

起中環食lunch好多人，黎左donki附近既日式餐廳食蛋包飯❤️我鐘意食蛋包飯因為好豐富👍🏻好多野食有咖喱配飯好味道，炸豬扒好香脆好好味😆有麵豉湯前菜同甜品，依個套餐好抵食👍🏻呢間餐廳除咗咖喱蛋包飯，仲有其他嘢食，遲啲再試吓其他嘢食先

咁啱經過中環 見到有個🥚蛋包飯專門店日式風格設計 一入去見到兩間餐聽 左邊揚食屋🍛 右邊廿一堂睇返佢地IG之前仲有甜品同麵包George叫咗兩個蛋包飯🍛 一個係吉烈豬扒🐽 一個日式🧀芝士漢堡扒快餐型式 出餐都好快💨日式咖哩🍛唔係好辣 幾香吉烈豬扒炸得好香脆😋日式芝士🧀漢堡扒做到流心👍🏻✨揚食屋 (中環)中環士丹利街33號地舖#揚食屋 #中環美食 #tg31eat中環'''''#852 #hkig #hkfoodie #foodie #hkblogger #foodporn #likeforlikes #like4likes #hk #hkfood #yummy #手機食先 #相機食先 #蛋包飯 #omurice #吉烈豬扒 #japanese #cheese

📍中環 揚食屋又去到返工等到食午餐嘅時間，今次去咗附近嘅揚食屋，試左佢哋嘅日式芝士漢堡扒蛋包飯。日式芝士漢堡扒蛋包飯🍛漢堡扒嘅口感都ok，唔算太乾身，食落去都會有肉汁，入邊夾心會有芝士流出嚟，芝士同漢堡扒不嬲都好夾，算係一個想像到嘅味道。而個咖喱就係熟悉嘅日式咖喱，甜甜地唔會辣，對我嚟講，就係有啲似食緊一個成人版嘅兒童餐🤣總括依然，揚食屋喺中環食午餐嚟講算係一個唔錯嘅選擇，大家可以考慮一下去試下食😋

去完日本返嚟冇耐好掛住滑嘟嘟嘅蛋包飯今日晏晝心思思想食俾我搵到呢間揚食屋見話主打蛋包飯一於去試吓點知 大伏 十分大.根據餐廳介紹揚食屋嚴選日本卵、米作為原材料還原這道簡單美味的日式洋食蛋包飯之前其實食過隔離嘅21堂正正常常.至於揚食屋咁嘅價位你唔會expect食到咩正常質素日本嘢諗住叫做平平地求其食嘅質素滿足一下我當下嘅crave明明已經調低期望居然可以打破食物嘅下限.白飯 份量很多務求塞飽蛋包飯好重要的蛋A4紙咁薄唔係滑嘟嘟都算唔係fluffy egg都算真係煎蛋皮 咁薄 同咁熟.我點嘅係山賊燒牛肉蛋包飯牛肉都係有啲調味 炒吓食到心灰意冷只想快啲食完move on.不禁懷疑人生 我到底食咗啲乜

📍 揚食屋🇭🇰 中環士丹利街33號地舖最近好想食蛋包飯！咁岩係中環經過呢間就試下佢～佢係有少少快餐店形式個種😋 吉列豬排蛋包飯 $88個豬扒個皮炸得比較硬 但都係薄嘅 好脆肉都幾淋 唔乾咖喱係真係日式個隻甜甜辣辣啲蛋好滑 飯粒粒分明幾好食！佢個定食仲會配兩塊玉子燒 玉子壽司個種仲有兩塊黃豆粉麻糬😝飲品可以揀伯爵茶或者烏龍茶😋 日式芝士漢堡扒蛋包飯 $92個漢堡扒比起平時個啲淺色但好厚！好淋裏面仲有流心芝士 好正！

4月28日星期五，晚上九點左右我嚟到呢間洋食屋，由於時間比較夜很多店鋪都已經關門，見呢間還有營業的店舖便入內。太夜時候座位當然很多而且坐得都非常舒適，看看餐牌便到櫃面點菜，我點了鐵板牛柳珍珠米飯，其實樣子有啲似平時食開的鐵板牛肉飯所以我都覺得有啲信心，大約五分鐘便送到上枱可能由於之前的信心令到我有點失望，鐵板沒有想像般那麼熱單營都可以煮熟牛柳表面，雖然牛柳不應該煮得太熟，但由於熱力不足令到牛柳半生熟所以牛柳相當之淋，米飯亦都一般般我諗下次不會再來。

一坐低見到個menu 就見到好多唔同種類嘅蛋包飯，今次我就揀咗吉列豬扒配日式咖喱汁（當然要加埋邪惡嘅芝士🤣）個飯上到嚟都係熱辣辣嘅，最緊要係夾開舊豬扒佢仲識拉絲，果然呢$10係冇加錯xdd 豬扒嘅份量都比我想像中多，有成六件咁多，件件都好大舊，食落超級滿足(⁎⁍̴̛ᴗ⁍̴̛⁎)個汁係好普通嘅日式咖喱，入面有啲薯仔同甘筍，淋得嚟又會冇晒口感，不錯不錯。整體嚟講講我覺得個飯有啲濕，其他都還好，可能係因為個飯係五目飯嘅關係先咁。我食食吓嘅時候見到隔離枱叫板燒飯，香到不得了，下次再去試吓先👏🏻

係中環食左間好抵食嘅日本餐廳，魚柳大大塊，而且仲有兩塊添，魚柳煎到好脆，仲有炒蛋、多士、薯餅同烏冬。下午茶只需要40蚊可以食到飽曬😂餐廳環境唔錯，好有日式餐廳風味，值得一試