影片
Holiday mood 唔想煮饭，同屋企人去咗将军澳新都城食晚餐，喺 UG 楼层见到有间「揾食工房」～内在环境宽敞，装修骨子企理，而且入面仲有好多卡位，坐得好舒服。有人系食肉兽，一坐低就第一时间点咗客工房经典铁板美式杂扒配薯菜，而我就拣咗客铁板香煎苏格兰三文鱼拼意式扒杂菜配意粉。 铁板餐奉送餐汤、牛油厚多士及热饮，+$3 可以升级丹麦多士，而转特饮亦都只系+$9。罗宋汤酸酸辣辣，味道对办，入口惹味开胃。丹麦多士带浓郁牛油香。杂扒有猪扒、牛扒、鸡扒、香草猪肉肠和烟肉，猪扒软腍不死实，牛扒熟度刚好。薯菜唔系薯条，而系口感细腻嘅原个焗薯，诚意十足。三文鱼扒厚度刚好，外皮煎得很香脆，鱼肉湿润嫩滑，入口带鱼油香。杂菜有翠肉瓜、茄子同番茄，饱肚又有营养，够晒健康。饮品选了新潮奶茶红豆冰 同 清新消暑嘅热情果柠檬梳打，红豆煮得好腍，奶茶香滑，甜度适中。另外仲点咗份公司三文治配薯皇，面包烘到外脆内软，餐肉煎得非常香口，生菜、番茄十分新鲜，加埋芝士、火腿同鸡蛋，用料好丰富，配埋脆炸薯角，滋味满分。
继续阅读
揾食工房😘😘😘美食探索将军澳新都城中心二期、除咗购物、商场太多美食吸引、揾左卖相睇得又食得「look for eat」、店内装修整洁、宽敞、浅色木系、背靠厢坐又舒适！✨铁板香煎澳洲特级10oz西冷牛扒配意粉（黑椒汁）/牛油厚多士$125-香煎澳洲西冷牛扒金黄诱人、表面微脆、七成熟、肉质鲜嫩多汁、散发著浓郁的烤香、色泽鲜艳、令人垂涎、每一口都充满肉香、蘸黑椒汁、提升味蕾口感、配搭意粉、软腍爽滑有嚼口😋+$9新潮奶茶红豆冰有惊喜、超大杯、最少500ml溶量、极香醇茶胆、软腍绵绵红豆🫘、完美套餐配搭、饱肚满足、吃不停口、舔舔脷👅✨铁板宝云酥烤/大漠风沙羊扒配意粉/牛油厚多士$135多士有厚度、外脆内软、涂上牛油、烤烘金黄！口感松软👍🏻羊扒七成熟、肉质呈鲜粉红、煎香金黄、油脂分布均匀、洒上脆炸面包碎、蒜蓉、像沙漠大风沙、金黄色泽艳丽、卖相吸睛、散发著浓郁的羊香气、为整体增添了创意、口感丰富、意粉配搭、锦上添花、回味无穷❤️❤️热咖啡餐后咖啡香气四溢、浓郁的咖啡味道与微苦的余韵相辅相成、让人放松心情、搭配少量糖、增添丝滑口感、完美结束一顿美味佳肴、带来温暖的满足感！✨法兰西多士$25多士中间涂上浓香花生酱、沾满奶香与鸡蛋、煎至金黄酥脆、外脆内软、面层涂上邪恶牛油、淋上枫糖浆、甜而不腻、令人回味无穷。揾食工房将军澳宝琳欣景路8号新都城中心二期UG楼UG051号舖港铁宝琳站A2出口，步行约4分钟
继续阅读
约咗号称”长期粮尾子”嘅友人交收，去佢屋企附近商场食埋饭先走，佢带我去食呢间。大量卡位，装修明亮，入坐率都九成半，佢话好多街坊真系当呢度系食堂架。先黎个小食，想信炸鸡翼无人会抗拒得到，至少我系 (哈哈)。三种味道(其余为黑松露咸蛋黄/水牛城)。友人拍版要蜜糖芥末脆炸鸡翼配沙律 ($43)。沙律系好怀旧经典嘅杂果沙律，无花巧就系一食令人回忆返晒来。至于只鸡翼外皮超热脆，搽上蜜糖及唧上芥末，甜辣味令人回味。快手嘅可以食多一只，YEAH!!餐牌上其中呢页写住系将军澳店限定，即系其他分店食唔到啦，咁就要食吓啦。送埋餐汤加牛油多士，白汤就一贯饮开嘅忌廉汤味道，反而件牛油西多就香脆，唔系一早整定等客叫。呢客铁板极上纽约封门柳 ($153)，可配饭/意粉/薯菜。选配烧汁，放埋上铁板上”庆”住。侍应落单时有问想要熟D定生D，呢客系五成熟，肉嘅份量绝对唔少。点少少烧汁，增加味道，水准唔差得过西餐厅，绝对抵食。薯菜系原只焗薯，配上日式芝麻酱汁。跟餐加冻饮只需$6，冻柠茶就此出现。呢度嘅焗饭类应该几受食客欢迎，见每枱都至少有一客食紧即跟队，叫个焗鲜茄拿坡里鸡扒饭 ($59)，份量相当震撼，拿坡里酱及芝士帮呢客鸡扒饭”盖被”。两大块鸡扒，肉质相当滑，啖啖肉食得轻松。炒饭底粒粒分明，配埋个酱汁食几令人开胃，最终系食咗大半饭。想食点甜野，茶餐厅中就会谂起西多士。呢度仲有芝士流心西多 ($30)，超邪恶啦。未食已闻到香味，切开未见到流心状态，味道有糖浆嘅甜及芝士嘅咸香味，几得意。茶餐厅嘅价钱，但味道同食物选择唔输西餐厅，唔怪之得咁受街坊欢迎。
继续阅读
今日揾食揾到将军澳宝琳站。和朋友行街行到攰，最后选了这一间揾食工房。 餐厅空间座位舒适阔落，职员友善亲切。餐厅的餐牌选择类型非常多，有中式西式及港式。由轻食到主食到铁板，总有一款岩你食。1.焗印度皇室咖喱海鲜（ $65 ）非常喜欢他们的焗饭，非常多汁，且非常惹味。他们的海鲜种类非常多，有青口、虾仁、鱼柳、和扇贝。饭底用上蛋丝炒饭底，配上浓浓的咖喱汁，非常惹味。2.法兰西多士（ $25 ）他们的西多士有三款选择，这次我选择了我最爱的法兰西多士，用上满满的花生酱粗粒夹制而成，多士炸到香脆内软，且金黄色。非常邪恶之选，不能抗拒。3.蜜糖芥末脆炸鸡翼配薯条（ $43 ）轻食有三款鸡翼供选择，这一次我选择了他们的芥末蜜糖鸡翼，他们还有黑松露及水牛鸡翼。鸡翼煎得香脆，且芥末酱汁浓郁，配上金黄酥脆的邪恶薯条，正。4.新潮酱香咖啡（+$9）茶餐厅都加设了酱香咖啡，除了有香浓的咖啡香气，还充满了满满的酱香味道，爱酒和爱啡之人必试，有点像瑞幸咖啡。
继续阅读
今日睇完中医已经好夜，有藉口做「无饭」主妇，叫老公一齐系附近食。老公见商场有新店，就话要试。餐店新净企理，环境光猛，开放式门口，好阔落。里面有唔少座位，整齐舒适。选择类别多，有炒粉面、焗饭、意大利面/饭西式烩饭、印度咖喱、铁板、薄饼、轻盈小食、沙律等。我地都好耐无食过铁板，儿时回忆….铁板餐配餐汤、多士和热饮。我地都拣罗宋汤（$0/跟餐），暖笠笠上枱，味道香浓，酸酸地有啲辣，好惹味！仲有好多蔬菜，用料好足，多饮又好食，喜欢！餐汤配牛油厚多士（$0/跟餐），香口软熟，涂满牛油，啖啖咸香。餐饮拣咗热柚子蜜和柠蜜（$0/跟餐），两杯都落足料，酸酸甜甜，好滋润。老公大食，要工房经典铁板美式杂扒配意粉（$108），有齐猪扒、 牛扒、鸡扒、 香草猪肉肠和烟肉，全部肉肉肉，叠到高高高，大满足！丰富饱肚之选。先淋上烧汁，「喳喳」声系铁板餐嘅标记….. 意粉唔会太干身，配上烧汁，咸香美味。各款扒类都啖啖肉，肉嫩咸香，仲有啲焦香，特别钟意牛扒和鸡扒。我要咗铁板香煎苏格兰三文鱼拼意式扒杂菜配薯菜和蒜蓉汁（$93 ），全个焗薯好粉绵，有薯香。三文鱼煎至皮脆肉嫩，有鱼油香，几肥美，质素不错。杂菜都几多款，有翠肉瓜、茄子、番茄、西兰花等，新鲜爽嫩。另要碟大虾凯撒杂菜沙律拌脆炸巴马火腿（$68），色彩吸引。大虾沾粉香煎，微脆弹牙；杂菜沙律新鲜爽嫩，配上凯撒酱更好味，唯一是脆炸巴马火腿干硬了一点…
继续阅读