摩芽雞蛋仔 (已結業)

今日去新蒲崗掃街，朋友話試下呢間好出名嘅雞蛋仔！Menu有好多各式各樣嘅口味，好多味都好特別好想試晒去😋 最後我地揀左奶茶雞蛋仔，因為佢有張大大張嘅poster，相片影到好吸引。等左一陣我地個奶茶雞蛋仔終於整好啦，當我地打開個袋想食時，點解無左啲星星嘅?!! 朋友當時仲問我啲星星係咪溶左😂 但我地見到隔離有人拎住個有星星嘅雞蛋仔，就問店員係咪比錯咗我哋。然後店員話：「冇錯呀，你要呢個係奶茶雞蛋仔」我地問：「點解無左啲星星？」店員：「你無講要星星喎」我地再問「但張poster寫住奶茶雞蛋仔，但佢張相係有星星」店員：「星星要再加錢叫」我地覺得加錢叫唔係問題，但張poster就甘寫奶茶雞蛋仔然後佢張相係有星星，真係俾佢張poster fake左！食唔到星星係有少少唔開心，除左無星星，我覺得個雞蛋仔都無咩奶茶味，有少少失望。可能其他味道會好一啲🤨提下大家下次如果想叫奶茶雞蛋仔又想要有星星一定要記得講埋加星星呀，唔好信張poster!!

話說第一次去食摩芽，見到佢店外有張poster，上面有一款星星雞蛋仔！於是同朋友討論後，指住果個星星雞蛋仔，叫左個‘’珍珠奶茶‘’味雞蛋仔！等待既十分鐘，我地熱烈討論一間點打卡、雞蛋仔有星星好特別、食落會唔會好脆呀之類！點知！一接過雞蛋仔後，發現冇星星既！店員話：要星星你要另外加架！本身已經好灰，店員既語氣係一d都唔關佢事，連少少憐憫我地既語氣都冇。岩既，佢係有道理既，因為我地嗌錯左。但我地只係知個牌寫住‘’珍珠奶茶‘’，張圖係有星星，就指住嗌。我覺得，呢間店既員工非常冇人情味，我唔期望佢整過個俾我，但至少唔係咁理直氣壯去回應啦🥹。味道同待客之道，其實同樣重要，亦影響食客既觀感/體驗！最後，雞蛋仔普普通通。

🧁食物質素：😍😍😍📸打卡指數：😍😍😍🧹衛生指數：😍😍😍💁🏻‍♂️店員表現：😍😍😍💵性價之比：😍😍😍 地址: 新蒲崗康強街32-34號康強洋樓地下16A舖 🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹 好耐冇掃街，經過呢間舖頭口痕就買咗🤣見到佢都幾多款幾特別，所以買咗一個雞蛋仔同格仔餅，疫情真係令到小店好難捱，佢哋之前有好幾間分店而家都得返兩間🥲大家得閒都支持下唔同嘅小店而家嘅飲食業真係好難做☹️ 🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹 星星朱古力雞蛋仔 $28 Rating: 4/10。佢入面有蜜糖星星令個賣相幾特別。但係朱古力味唔夠濃同甜。蛋香又被蓋過。最衰仲要係唔夠脆。入面空氣多過蛋糕。麻麻地🥸 雙重芝士肉鬆格仔餅 $30 Rating: 7/10。推介👍🏼👍🏼👍🏼👍🏼。格仔餅勁厚勁足料。佢將肉鬆同埋芝士放晒落個蛋漿到整個窩夫。一咬落去就感受到芝士同肉鬆。仲要好重牛油香。個窩夫仲要好鬆軟😋。再加正常嘅花生醬煉奶砂糖。可以話係邪惡到一個極點😛 🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹

#新蒲崗 #摩芽雞蛋仔 #雙重芝士格仔餅 $26 抵食夠芝👣新蒲崗康強街32-34號康強洋樓地下16A舖味道: 8/10味精: 0/10價錢: 8/10環境: 7/10服務: 8/10#vinainsanpokong #vinafood #vinasnack #moreeggettes #hongkongstylefood #hongkongfood #hongoongwaffle #streetfood #doublecheesewaffle #新蒲崗黃店 #foodporn #foodie #hkfoodie #f4follow #f4f #likesforlike #l4l #l4likes

我在觀看「摩芽雞蛋仔」在「開飯喇」戶口裡面的相關圖片，無意中發現原來「摩芽雞蛋仔」曾經推出過「雞蛋仔」、「格仔餅」、手調飲品以外的熟食食品，例如西式「意大利麵」食品。後來我在星期六，為了準備早點趕回「西貢」看電視，所以嘗試在「新蒲崗」找尋可以購買外賣「雞肉」「意大利麵」，跟「雞肉」小食食品的食店，讓我能夠預留多些時間享用「牛腩飯」，然後儘快坐專綫小巴趕回「西貢」。我曾經嘗試在「新蒲崗」「摩芽雞蛋仔」店舖外面，尋找跟「摩芽雞蛋仔」「雞肉」「意大利麵」食品有關的價目表，可惜事與願違，我最後還是找不到跟「摩芽雞蛋仔」「雞肉意大利麵」有關的餐牌和價目表。結果我詢問過「摩芽雞蛋仔」廚房櫃檯裡面的店員，發現原來現在的「摩芽雞蛋仔」，已經沒有製作和售賣「雞肉」「意大利麵」食品很久了。所以我最後只好無奈放棄在「摩芽雞蛋仔」裡面購買「雞肉意大利麵」，購買一般「摩芽雞蛋仔」廚房製造的「雞蛋仔」小食食品跟手調飲品好過。另一方面，我無意中發現「摩芽雞蛋仔」裡面有跟「雞蛋仔」或者「格仔餅」配手調台式飲品的套餐，但是一時大意忘記了「摩芽雞蛋仔」套餐只包括一般「珍珠奶茶」飲品跟一般口味「雞蛋仔」、「格仔餅」而已。結

今日一心去新蒲崗 就係預左食雞蛋仔但我地係食飽左 都要食原本打算食個間 就隔個星期日先開 咁岩今個星期日無開就行過佢對面依間 試試佢啦其實我都係最愛 original 先最有風味佢 門面既poster都做得幾靚店細細 但企門口等既有好多人眼見一人 原來 鋪內還有一位姐姐2位 十分忙碌 收前打單 叫號都是佢地但 姐姐斯文 係 要行埋D先可以聽到呀等左10-15分鐘左右完整 一塊靚既手感 唔係好脆個種但佢 食落 蛋醬香滑有蛋糕仔口感食下食下 唔界損口 唔乾身 都幾好味😋真心推薦去試下呀 佢重有好多味道呀鐘意都可以去試下鋪內重有 急凍 雞蛋仔賣添我地下次就想試埋個Waffles啦雙重朱古力 ～正呀佢waffles內 夾齊晒 牛油 花生醬 砂糖 同 煉奶 不得了呀！

每次過去新蒲崗，都會幫襯呢一間雞蛋仔，呢間雞蛋仔同埋啲格仔餅，真係冇得輸。如果你冇食過，咁就嗱嗱臨去新蒲崗食好嘢，呢度雖然係一個小小嘅區域，但係隱藏咗好多比山珍海味仲要好食嘅嘢😏😏1, 星星朱古力雞蛋仔$28🤩🤩招牌星星朱古力雞蛋仔真係超好味，因為依家疫情，所以就唔會周街食嘢，咁就嗱嗱臨買完返屋企食啦。嘩！真係好好味，仲係好香脆，每次食親都驚唔夠喉，買嘅時候又驚買得多，心大心細😙😙2, 紫菜肉鬆格仔餅$26😋😋咁家姐就嗌咗個格仔餅，啲紫菜肉鬆溝埋一齊，嘩！簡直就係絕配，人間美食😚😚

摩芽雞蛋仔 More eggettes ⭐️ℍ𝕠𝕟𝕘 𝕂𝕠𝕟𝕘 𝕖𝕘𝕘 𝕨𝕒𝕗𝕗𝕝𝕖 𝕥𝕙𝕒𝕥 𝕚𝕟𝕗𝕦𝕤𝕖𝕕 𝕨𝕚𝕥𝕙 𝕤𝕥𝕒𝕣-𝕤𝕙𝕒𝕡𝕖𝕕 𝕙𝕠𝕟𝕖𝕪 𝕔𝕖𝕣𝕖𝕒𝕝𝕤🧇📸🥚𝙒𝙚𝙡𝙡-𝙠𝙣𝙤𝙬𝙣 𝙗𝙮 𝙩𝙝𝙚𝙞𝙧 𝙞𝙣𝙨𝙩𝙖𝙜𝙧𝙖𝙢𝙢𝙖𝙗𝙡𝙚 𝙨𝙩𝙖𝙧-𝙥𝙖𝙩𝙩𝙚𝙧𝙣𝙚𝙙 𝙚𝙜𝙜 𝙬𝙖𝙛𝙛𝙡𝙚𝙨, 𝙈𝙤𝙧𝙚 𝙚𝙜𝙜𝙚𝙩𝙩𝙚𝙨 𝙨𝙚𝙧𝙫𝙚𝙨 𝙖 𝙬𝙞𝙙𝙚 𝙧𝙖𝙣𝙜𝙚 𝙤𝙛 𝙛𝙡𝙖𝙫𝙤𝙪𝙧𝙨 𝙩𝙝𝙖𝙩 𝙞𝙨 𝙪𝙣𝙞𝙦𝙪𝙚 𝙖𝙣𝙙 𝙚𝙭𝙤𝙩𝙞𝙘, 𝙞𝙣𝙘𝙡𝙪𝙙𝙞𝙣𝙜 𝙨𝙩𝙧𝙞𝙘𝙩 𝙘𝙪𝙧𝙧𝙮 𝙥𝙤𝙧𝙠 𝙛𝙡𝙤𝙨𝙨 (香辣咖哩肉鬆), 𝙤𝙧𝙖𝙣𝙜𝙚 𝙘𝙝𝙤𝙘𝙤𝙡𝙖𝙩𝙚 (橙朱古力), 𝙝𝙤𝙣𝙚𝙮 𝙛𝙤𝙣𝙙𝙖𝙣𝙩 (流心蜂蜜) 𝙖𝙣𝙙 𝙨𝙬𝙚𝙚𝙩 𝙥𝙤𝙩𝙖𝙩𝙤 (紫薯). 𝙁𝙚𝙚𝙡𝙞𝙣𝙜 𝙩𝙝𝙞𝙧𝙨𝙩𝙮 𝙖𝙣𝙙 𝙝𝙪𝙣𝙜𝙧𝙮? 𝙏𝙝𝙚𝙞𝙧 𝙨𝙩𝙤𝙧𝙚 𝙖𝙡𝙨𝙤 𝙥𝙧𝙤𝙫𝙞𝙙𝙚𝙨 𝙝𝙤𝙢𝙚𝙢𝙖𝙙𝙚 𝙗𝙪𝙗𝙗𝙡𝙚 𝙩𝙚𝙖 𝙖𝙣𝙙 𝙙𝙞𝙢 𝙎𝙪𝙢.🍊💜🍛1️⃣𝐂𝐡𝐨𝐜𝐨𝐥𝐚𝐭𝐞 𝐒𝐭𝐚𝐫𝐫𝐲 𝐇𝐊𝐃 𝟐𝟖With a crunchy chocolate exterior, the star-sharpe

好失望，原本又係甘多好評去試，點知中伏，大熱天等都算，點知等左甘耐正常岩整出黎應該脆牙麻，完全係淋架囉，頂，仲要d質地係糕甘又冇蛋香味，麵粉朱古力糕，d朱古力粒少到可憐，唉，真係出左名d質素就吾駛理，因為大把人會幫襯🙄

以前食過覺得好好味，上次食紫菜肉鬆覺得差咗好多 唔甘心，所以比多一次機會佢！今次嗌咗雙重朱古力雞蛋仔，係朱古力味嘅蛋漿再加粒粒碎朱古力。每一粒雞蛋仔有一粒朱古力碎，但係朱古力碎冇溶落個蛋漿度，我自己覺得麻麻地～

雞蛋仔同夾餅嚟講，其實我比較鍾意食夾餅，不過一諗起入面啲糖呀花生醬呀煉奶呀等等等等，又高糖份又高卡路里，所以近年都好少食，只係好間唔中會食下雞蛋仔。摩芽雞蛋仔呢我就第一次食，睇佢 menu 都有幾多選擇，不過作為朱古力控，唔使點諗就揀咗雙重朱古力。一底雞蛋仔好唔好食，主要睇佢個質感同埋味道。傳統嘅炭燒雞蛋仔外脆內軟，口感一流，不過近年九成九雞蛋仔已經轉咗用電，質感唔同哂，變得又硬又乾，呢底都唔例外。雖然質感麻麻，不過味道係唔錯嘅，叫得雙重朱古力，朱古力味濃得嚟又唔太甜，幾好食。

雞蛋仔喺香港嘅特色小食，呢間同一間幾出名嘅店舖。我叫咗朱古力味，幾多人排隊等一段時間。雙重朱古力要$23 ，我即刻食咗一啲都幾香脆朱古力味都好濃。剩低一半我拎咗返屋企，好可惜你哋返去就林晒。記得即刻食啊！

睇住佢由一間開到而家都好似有三間定四間...由有鬼巴士到而家出埋急凍雞蛋仔🤭真係好西利..平時食佢嘅雞蛋仔同格仔餅都好好味.. 食到個姨姨都認得我地一家人.. 小朋友最鍾意食佢嘅朱古力味雞蛋仔.. 佢每一粒都會有起碼兩粒嘅朱古力粒粒有時小朋友想食多幾粒個姨姨都好好人咁比多少少朱古力粒我地😂而格仔餅我地都係買朱古力味真係名副其實嘅朱古力控一家格仔餅除左有奶同花生醬.. 佢仲有少少朱古力汁流出黎.. 正到飛起而家見佢有出左其他口味嘅雞蛋仔同格仔餅... 又可以試新口味lu

如題，走花生醬、走煉奶，走任何配料記得落單時要講埋！🙈因為老闆娘/店員係會將所有配料都加埋，然後成份送上黎比你。如果有對花生敏感（花生醬）或者有乳糖不耐症（煉奶）的人仕，記得要留意番！🙈講番食物，個格仔餅咬落脆身、香口。個雙重朱古力隻味，我覺得似M&M既朱古力豆味！而老闆娘/店員整果時，都見到佢有落朱古力豆，落起上黎係吾會輕手。係每格都有朱古力豆咁，但當然吾係M&M既朱古力豆啦。🤣我當時係吾記得走花生醬，而我自己係吾喜歡食任何花生類食品，所以先會提提大家走配料要提前講！但其實佢呢個花生醬食落都吾錯，有花生味之餘完全吾鞋口，非常之柔滑易入口！但係我依然吾鍾意食花生醬，純粹個人口味問題！😂😂😂價錢我覺得合理。另外，老闆娘/店員都非常有善，會同你吹下水咁！🙈

黃店 💛 #摩芽雞蛋仔 #新蒲崗之前收工見有啲肚餓就買咗個雞蛋仔食嗱~平時成日聽同事推介，今日終於去左試。😆🥨 橙星朱古力雞蛋仔（$27）為咗打卡，我揀咗呢款算貴嘅橙星朱古力雞蛋仔，一樣味但冇星星嘅係平兩蚊咖～個雞蛋仔一出爐就聞到好香橙味，中間有甜甜嘅朱古力醬（但唔會太多），食落層次豐富之餘又唔會太膩。橙味比朱古力味突出，正！😍有人話食雞蛋仔要$27好貴，我就話絕對值。一黎係良心，二黎佢地真係用心製作！😘