敍·龍閣

营业中

休息中

聞名不如一試，果然係直昇機，員工態度又差， 十問十唔應，仲要漏單，半個鐘之後搵到人問，過咗一陣，離遠同我講，話冇入到單，唔知點解喎，咁點解我張咭又有寫到，答我都費事走咗去，難怪全晚得幾枱客囉，食物方面真係得個咸字，就係我昨晚上的體驗，總言之不可一不可再！

琴晚食將軍澳呢間野得幾張枱有人 係有原因 除咗食物一般 員工態度超級差係度遇過變臉最快最大對比既員工 死罪一：冇問飲咩就捧哂汽水過黎 一黎先黑臉， 同她講想換其他汽水或啤酒 跟住扮聽唔到 一臉不滿唔肯換的樣子 過十秒後用死氣沉沉加一臉怒氣的樣子同你拜年 好似被人咒緊利是一比完佢 主動過黎話要分湯同拎濕紙巾過嚟心唸：仲邊個咁要你服務 彈開啦 見到都影響心情。死罪2: 得幾枱客仔 員工都一比一咁濟 可以叫人上甜品叫2次都等左超過半小時。紅棗糕 即蒸都最多十幾分鐘 。明明咁少客 又唔係累 冇服務都算 仲要我地睇你面色 捱惡劣員工的無禮態度😡

我到敍·龍閣飲茶，沒想到酒樓員工服務態度極為惡劣，衹是在門口「襟張飛」就被櫃檯知客破口大鬧，「襟乜野飛，自己入去坐。亅入到去，我地隨便坐下，另一位待應又駡：呢張大枱，你們差一個人，無得坐大枱！我們肯換張細枱，但當時沒有細枱，還有幾張大枱無人坐，出面又無客人。那位女經理趕我們走(即使無人坐都唔俾我地坐)。我地開了茶包，我們唔肯走(因為要計我們茶錢)。我們只有繼續坐，那女經理鬧完我們走了。之後水機壞了，告知侍應，首先侍應先鬧我們不會用，到最後發現原來水機真係壞了，就死死地氣再去處理，基本上沒有人服務，全自助形式！由入去開始全程都被職員鬧，沒有服務可言，惡言相向。本人寫食評，希望貴酒樓能夠正視此問題，尚德只得一間酒樓，老人家腳痛，又行不到遠處，次次去酒樓都被人鬧。期望酒樓服務態度有所改善。

屋邨酒樓 以抵食作宣傳 主要是做街坊生意 但今晚是冬至前一個星期 所有優惠暫停 好明顯客人少了我們共6人 要了6個菜 最有特色是熱石醬烤乳豬 無論創意 賣相同味道都不錯貴妃鷄頗滑大星班2味 咕嚕肉一般瑤柱金菇扒豆苗 很嫩在這個屋村商場內的店 有這樣水準 可以接受

未試過要嬲到寫評語，史上最差酒樓！唔係為左就老人家都唔會幫襯佢！訂2圍枱慶生包房食飯首先呢度d櫈已經好污糟，職員衛生常識都無將成塊木餐板直接擺係擺滿晒餐具既枱上面之後到準備切蛋糕 有隻小強係枱面行叫個經理黎睇 佢話 可能頭先個枱底污糟咁明知污糟你地又擺上去餐具上面？佢跟住走左唔應你正常包房會有個阿姐汁茶遞送分蛋糕切蛋糕時見佢唔到問佢針茶加水叫你自己黎到開始食時會有汽水啤酒叫你地自己攞叫佢換啤酒轉汽水 攞走左無回頭問佢 佢話擺左係隔離枱你自己攞番有冇搞錯呀？上菜快到未食晒都格硬將d送分落你個碗岩岩上完壽包就話你地d野到晒嫁啦 趕你走明明之前講好晒全包晒幾錢 臨收錢話壽包要再加一服務費真心想問你間野憑咩收服務費呀態度差極 口黑面黑 如果你係熟客仔會對你好好既但我唔會想做熟客 唔想比錢受人氣仲叫人做會員儲分？黎都唔會再想黎！

今晚同屋企人+親戚食飯, 由於我到個陣已經坐底坐, 所以有冇乜野前戲我就唔清楚。坦白講我都係食完先見到呢間野咁多dislike, 不過大部份人主要係針對態度問題, 的確態度上有d姐姐係麻麻地。落單個陣唔講以為我地得罪左個姐姐, 戴住口罩都感受到佢個燥底樣, 之後再追4個白飯佢竟然問返我地幾時落單, 其實個姐姐淨係跟進問題咪okay lor~ 雖然態度上咁, 但食物係幾好gei~咕嚕肉 - 呢個整得好開胃, 啖啖肉, 冇乜多餘肥肉, 好好送飯象拔蚌 - 呢個都唔差, 屬於正常味道, 象拔蚌都算彈牙燒汁薯仔牛柳粒 - 我好鍾意食呢個餸, 佢個汁好味gei, d薯仔都煮得好淋, 但d牛柳應該煮得過左火, 而且有d牛仲有少少羶味, 有d牛仲痴住d肥膏炸子雞 - 味道岩岩好, 唔會過咸 (除左雞翼吸晒d味所以比較咸), 雞皮都炸得好脆口, 係唯獨雞胸唔知點解斬得咁大舊整體論食飯係唔錯, 加埋有d特價菜, 埋單都唔算貴, 而且佢份量唔細碟。如果唔介意d姐姐態度唔太好, 其實可以1試。

見到食評其實已經好唔想黎呢度飲茶，但老人家話要食，無辦法，即管試試係咪真係咁差。結果原來所有評論都有過之而無不及。震撼位1，我自己一個先到達，係門口嘅時候。我：唔該4個大人，其中一個要輪椅。經理：你飲咩茶呀？我：香片啦。（經理就隊兩張點心紙，加一個茉莉花茶包俾我，我真係而家先知，香片=茉莉花茶)我：咁啫係點呀？經理：你入去坐啦，有人會帶你位嫁啦。經理(對對講機):4個大人，一張輪椅。震撼位2，入到去我好迷惘，好無助。見到有個樓面好似望住我，我咪跟住佢囉，跟跟下，佢走去serve 人地張枱。我: 你係咪帶緊我位嫁？樓面呀姐: 吓？（略帶迷惘)你幾多位呀?我：4個大人，其中一個坐輪椅。樓面呀姐（企係一張污穢枱前面）：呢張啦，轉頭幫你執枱。震撼位3，個樓面呀姐就好熟手咁將個茶壺入面嘅茶倒入架嗰啲新式沖熱水機入面，之後行開。隔左一陣有個有少少禮貌嘅樓面靚女拎拎啲餐具過黎。我：我想問你哋係咪會幫我換過對茶壺嫁？樓面靚女：用返呢對嫁。你用大滾水沖沖佢啦。順帶一提，啲餐具非常精緻，個size同我細個玩煮飯仔嗰啲一樣。震撼位4，等左十幾分鐘終於有嘢食，上左碗粥同碟芋角。我 (指住碟芋角):唔該可唔可以

要自己揾位🙄同媽咪一齊 一入到去就揾到位(4人位) 之後有幾個呀伯入左嚟同個員工講左幾句，個員工就走埋黎叫我地讓位比佢地3個，要我地同人搭枱，但明明周圍仲有3張枱係一 個人坐。我地同佢理論，佢就淨係識重複講「佢地3個人丫嘛」🤥😵🤢🤬🤬之前去食已經 態度惡劣 又用啲滾水會溢出嘅水車 搞到爭啲淥親啲客🤯🤬😡🫣啲野食又梅，油水浸淮山雞札都可以照出比客，勁噁心🤮真心嗰句 無心做 淨係做熟客生意 無邏輯 無常識 無禮貌 差到爆🤮🤮🤮

未去過一間‘’服務甘差‘’嘅酒樓首先一入去, 自己要同人搶位, 因為酒樓完全唔會安排你入座, 完全要靠自己好辛苦自己搵完位, 之後叫左十幾次d姐姐, 都冇人肯汁枱, 個個都話個區唔關佢事, 叫我等等😡最後等左15分鐘, 先有人肯汁枱！！！！唔怪之得, 越嚟越少人食～ 唔會再去, 冇下次！！！野食一般；環境一般；服務就更一般地差仲要經常上錯野食！！！-.-*PS 已經係平日下午茶時段, 並非十分繁忙時間😡🤬😤😡😠

晚餐同朋友到此店吃飯，點了燒鵝同蒸魚腩孖寶，點知只上了燒鵝，蒸魚腩等咗30分鐘都未上枱，叫樓面跟進，樓面話蒸餸係要咁耐。再等10分鐘，再叫另一樓面跟進，都係話蒸餸要等咁耐。於是再等10分鐘，搵店長跟進，先發覺原來有隻夾仔夾住張紙放咗在枱面，意思係魚腩沽清，冇魚腩。我真係火起 ，乜食材沽清，不是要通知樓面架？放張紙仔係枱面，聲都唔聲，即係乜野意思？班樓面見顧追單，都不嘗試跟進，究竟又係乜野服務態度？還顧當晚枱數不多，但工作侍應的工作態度同服務態度都咁差，令我覺得香港飲食業做唔起，都唔使可憐。其實同樣的遭遇，都不是第一次。

(自費食評系列) 今天我們二人來到將軍澳尚德敍.龍閣吃午飯他們有午市優惠, 美味不錯二人吃了總數$259元帶子腸，份量少潮洲蒸粉果，一般好平北菇滑雞煲仔飯，可能雞油多，飯冇焦臘味煲仔飯$78/煲，雖然啲飯在煲底係完全食唔到，但係味口可以，$78元一煲價錢有d 合理，也足料，如果可以做到有飯焦可以食到，仲更加好食，因為其實整煲仔飯飯焦也是吸引人吃之處，不過佢地要好少心控制火力所以衣間酒樓做唔到也是正常山竹牛肉球三粒大大粒牛肉球好正好抵食

把其他客人單亂入他人枱。再大聲漫罵。有枱號，當客不懂看。樓面收單懂嗎？不理照入，不止一次，連續錯送兩次，巳知茄子我們只叫一次(共送三次)。叫佢印單查清楚，門口收客人禮券知客卻大聲罵，距離8米，唔係幫你取消張單，得唔得呀？俾我取消先，係咪唔得？幫我？誰15:24屈我枱入單，D問題客再追再入15:39竟再入單。二個人吃十樣東西，兼不斷重覆嗎？客入錯，職員要知枱號，與文盲無別亂入。若是晚市，是否阿拉斯卡蟹，又不斷屈客入單？？？？錯小事，叫你印單免爭論，卻罵人。福苑零客服，叫佢老闆出來奕地而處。想不受氣，別去。

今日夜晚4個人去食龍蝦伊面 花膠雞湯 搖柱炒飯 炒蜆 等等 … 落單不用15分鐘所有菜已經上哂 仲快過食茶餐廳 海鮮冇味不特止 仲要好難咬 似食緊擦子膠。炒飯冇味 炒蜆有4分3都係冇肉 呢間野真係唔會再有下次 係差到請我食都唔會食 難食到極點 … 埋單居然要$1000

得閒去飲茶啦! 現在去cafe傾偈多，週末又多咗去食Brunch ，反而少咗去酒樓飲茶，但並非表示我不再鍾意飲茶，而是肯同我飲茶的朋友好似少咗咁😅， 但係同屋企人飲茶都係一個唔錯嘅選擇今日三個人少少，所以我哋都冇叫太多點心， 酒樓有點心拼盤剛剛好點心拼盤有 蝦餃 燒賣 叉燒包 粉果 薑汁椰子糕另外叫咗紅燒乳鴿籠仔蒸棗皇木耳龍躉蒸飯呢個龍躉蒸粉不得了有驚喜，荷葉清香味滲透飯粒， 而且仲係炒飯底粒粒金黃炒飯有淡淡荷葉清香🥰ps: 問姐姐攞辣椒油嘅時候，姐姐好細心幫我哋洗咗個兜，先畀辣椒油我哋值得一讚👍🏻

因父親生日所以Book 枱6點食飯，客人不多，可能因為8點後有特價，淨係響門口已經問你要飲咩茶跟手就比茶包你自己拎入枱，侍應推薦半席有龍蝦伊麵，熱石烤豬等，不用半小時所有菜連甜品都上曬檯 ，湯都未飲完就上埋甜品，燒豬唔知係咪下晝賣淨番燒，D皮燒燶曬又乾又苦，釀蟹鉗係餿嘅，同侍應講不停問你有咩問題？終於忍不住叫佢搵部長先肯拎走去換，整體上係度食飯就覺得好似餵豬咁，不停要你係咁食唔停，如果唔係就冇位放食物，總之就是冇招呼，侍應態度差，除非你係熟客，簡直係招呼周到，噓寒問暖，茶都幫你沖埋，之前下晝飲茶冇咁差，估唔到夜晚係咁，簡直離曬譜😡😡😡請都唔會再去