敏華冰廳 (MOKO新世紀廣場)

营业中

休息中

堂食四寶飯啫、唔駛比埋頭頭尾尾既垃圾叉燒既，以後都唔會再食呢間，只做遊客生意吧。或者全店也是這些、正常的留返自己落場時食卦。即走另一間買外賣，保持到質量，所以下次令願行遠些都要去返食開那間。。。

2024-7-29, 9:30am 到店食早餐已經要排長龍，坐定定後想叫人落單，四眼小姐服務勁差，對客冇禮貌，叫佢落單叫我哋掃碼，我話要有要求佢當聽唔到，麻煩上級要對佢咁差既服務多加培訓！幸好仲有一位札頭髮壯健的女職員有禮貌地幫我落單！好彩有佢！

餐廳算細，而且好多人食完都係照坐，所以排隊排咗3個字都有先入到安排坐係樓梯位，其實又無話唔得既，但係果個位好明顯唔應該用黎放枱櫈而且係後門位，垃圾車出入既路徑，衛生始終唔係咁好餐單方面，價錢偏貴，而且中菜好少選擇，數埋唔夠10款，唔知係佢廚房細還是間間都係咁咁就叫咗個剁椒蒸倉魚同埋菠蘿咕嚕肉咕嚕骨份量偏少，味道還可以剁椒魚，好少豉油，係有少少辣，普通差唔多食完，我後面果枱，仲早過我入黎，竟然仲未上到佢個豬手煲

行街睇嘢行到攰會地，梗係要食返個下午茶。嚟到旺角MOKO，經過敏華冰廳，一於坐低醫醫肚。本身下午茶選擇唔算好多，不過有得追加小食，點左一個蔥油雞扒撈公仔麵，追加奶醬多士。先黎左個奶醬多士，略嫌奶醬太少，不過還算夠味，太多可能會太甜？！另外嘅蔥油雞扒撈公仔麵，就真係唔錯喇！雞扒煎得啱啱好熟，多汁軟熟，皮脆。配搭薑蔥，非常港式！撈公仔麵也有很香的蔥油味，如果有外國親戚來講，必到餐廳！最後也叫了一杯凍鴛鴦，味道啱啱好～

叫了一份煉奶花生醬西多士。正常應該係甜味嘅食物，但我食到咸味😓。我問伙記，佢話材料係甜但炸嘅油炸過雞翼所以有咸味😳佢話得一個pan 所以冇問題⋯⋯⋯ 以後唔會再嚟😓😓😓😓😓

態度惡劣，一係問嘢唔應一係態度勁差。。。問佢攞杯水答咗好等到食完都未有，再問另外一個服務員話喺嗰度啊自己攞！仲要啤人加反白眼，個面冧曬，腸仔同蛋都凍曬先上，個麵包勁乾

週六3點幾黎，第一次要等位（多謝旅客）前面排左兩台（1人+2人），有位就比排第四嘅3人先（點解唔可以一次坐哂前面三堆人），人多有著數等左一陣，坐低點餐。梗係要自己scan QR code落單啦。scan左無數次都scan唔到，叫個侍應落單，講完要點嘅餐，回我一句：你要自己掃曲點餐大佬，我就係scan一大輪都唔得先叫你啦難怪大家都上大陸消費，又唔係平（常餐加左價要$61/67）奶茶係好飲但其他嘢就普通茶記啦

厚多士超级难吃，又油腻且无味，面包很口感很粗，销魂叉烧饭口感一般，我们一行小朋友比较多有点吵，店员服务态度很差，还没有上海的敏华好，希望对待客人的态度可以一致点，毕竟开门做生意，客气相迎

今日一家四口因買了早埸睇戲，所以順路去敏華食早餐。伙計叫其中一張枱的客人轉去另一張枱，好等合併兩張二人枱給我們。坐下後便掃QR code 落單，食食下，收銀員氣沖沖拎張單黎叫我地對單，我發現多了份三文治所以便同佢講，佢話唔知點解我地張單痴左落人哋張單，話我好搞亂張單，又話落左外賣(諗返應該係轉枱那人落了份外賣三明治，我地坐下後掃枱上的QR code, 所以便變同一張單了），成段對話個收銀態度好差，好冇禮貌，直到我反駁返佢才冇出聲。

話說番工既時候想食個快飯，見到敏華好似唔洗點等位就入左去食，佢個黯然銷魂飯（$73）做緊推廣好似好型咁😆 就打算叫呢碗試下，佢地呢度係比你用QR code自己落單，咁就可以慢慢睇好先叫👍👍見佢係主打野諗住應該唔錯，黎到結果賣相還好，不過叉燒份量都真係比較小🤷‍♂️食落都算好味既，但就唔夠肥，鐘意食半肥瘦多d😋 男仔食既其實唔係好夠飽🥲整體唔係話差，但$73食呢碗飯係完全唔值😰 佢係好食過一般燒味鋪既，但係我覺得有更好選擇，下次食都唔揀呢個餐🤷‍♂️

今早在Pure Yoga 上完7點鐘堂，去了這間敏華吃個輕量早餐——歐式軟多士配奶茶。以下是早餐時刻分享：我9:20手機落單，杯熱奶茶9:24就送到，效率很好。味道方面，個人感覺茶味比以前淡了很多。新冠疫情期間我與朋友不時在這𥚃吃早餐，當時在帝京酒店游水後，就會光顧這間敏華。是否敏華所有分店的奶茶配方都已改為淡味茶呢？兩個禮拜前行完將南大橋，去了康城那間敏華，發現奶茶茶味變淡了，心想可能因為是周日關係，茶水部主打師傅放假，所以質素有變。今天光顧了Moko 這間，茶味更淡。我覺得McDonald 港式奶茶質素反而持久維持水準，每次飲都從未覺得有失準。聽聞好似是捷榮出品。今朝見到有不少內地遊客在這間敏華吃早餐呢。

食物水準一般，樓面不知是人手不足還是手腳慢，－杯檸水等半個鐘。其實我係幸運一個，眼見水巴上的羅宋湯已放了超過半個鐘仍然未有跑堂攞去比客人，有點懷疑有冇人察覺有餐出呢？

唔係第一次食敏華，食過好多間好多次。亦都唔係第一次食呢個炸菜肉絲雞翼米粉，食過好多間好多次。平時雞翼通常要等，因為要炸。但係今日用QR code 落單之後，大概3分鐘就有。食咗啖米粉，飲咗啖湯。咦？咁燶嘅？初初以為自己條脷有問題，繼續食。咬下隻雞翼，味道正常，同平時一樣。再食返米粉，又有燶味嘅，可能個爐煮燶過嘢？由於我趕時間，所以冇同侍應反映，繼續食。之後我就見到有d黑色野喺個碗度，原來d肉絲燶咗😖但係嗰陣時已經食到尾聲。最後我只係食炸菜，米粉，同埋個湯都已經無燶味。即係一定係個肉絲⋯⋯

豬膶夠爽口份量足夠，雞湯三色菜$18有6-7粒西蘭花或急凍形萝卜片，但黑糖奶茶酸嘅，飲完都唔知會唔會肚痛，兩個食咗$97當下午茶叫嘢食老嘢夥計睇到當睇唔到繼續發吽豆The pork loin is fresh enough and the portion is enough. The three-color chicken soup $18 has 6-7 pieces of broccoli or frozen radish slices, but the brown sugar milk tea is sour. I don’t know if I will have a stomachache after drinking it. Two people eat $97 for afternoon tea.Ask the old guy for order, he pretend couldn’t notice us and keep daydreaming while standing.

昨天行經過新世紀敏華冰室食午餐，期間叫了一個蔥油豬扒飯及凍奶茶， 這個餐我都在唔同店舖食了好幾年， 過往的感覺都是覺得有少許偏鹹，豬扒一般， 奶茶好飲！ 但今次有唔同嘅感覺 ，鹹味適中，豬扒juicy， 這次是我食咁耐以嚟最好食嘅一次，但奶茶相比起以往，茶味差了一點。 在我餐後埋單之時，我決定向店長要求稱讚廚師的製作時 ，他說自己不是店長，很忙碌地沒有理會我對此店的稱讚！這一點我有點失望！ 但總體而言我對這餐有很驚喜的感覺！ 我以後都會繼續支持這間店舖！