敏華冰廳 (MOKO新世紀廣場)

营业中

休息中

今次接近3點先食晏，餓到肚都扁埋😶‍🌫️咁肚餓黎到敏華一定要食佢既黯然銷魂🍛其實就係焦香叉燒再加流心蛋，配埋佢地既秘製醬油🍳就算下午茶時間黎到都見到好多枱食緊呢個叉燒飯😆$73一個飯再加杯熱華田😙雖然唔平，但太耐冇食食返都覺得好正😝最出色係佢既叉燒，現場燒製，超級香口😍而且好軟林，就咁用匙羹都分得開啲肉，真係好正💯流心蛋我就轉左全熟蛋，撈埋豉油😎加埋啲飯粒粒分明，好正‼️野飲叫左杯熱華田，有啲太甜🤭但我欣賞佢既奶味好香，同一般茶餐廳飲到既華田唔同🤗高質茶餐廳，快食之選🤓/😋食物質素：7/10🍽️用餐環境：5.5/10💰性價比：6/10👣回頭率：5.5/10

旺角周圍都勁多人，餐廳普通一個意粉都過百蚊，一條友搵食又唔來食咁貴，最後黎左敏華食tea, 星期日仲有tea食，太開心了。🥰叫了雞扒公仔麵，賣相係樣衰d, 但味道good, 雞扒好淋又香，只係公仔麵都太淋，失色左。🥲咖啡一般茶記水評，不評論了😂

有時減肥去茶餐廳，真係唔知食乜，可以選擇呢個。濃湯火腿米粉，卡路里極低，可以配一杯奶茶少奶。味道真係唔錯，尤其是個湯底好濃，但如果要減肥就唔好飲湯啦。呢間相對比較多人，有時要排隊。因為moko 冇乜茶餐廳，所以成日都快滿同埋好多人買外賣。

平時想不到吃什麼的時候，就會跑來吃這家敏華冰廳一整天都可以吃到常餐很喜歡他們家的多士但是有時候會發現常常上餐的時候會忘記上蛋和火腿的配菜，會在想難道煎蛋會需要很長時間嗎

敏華冰室都幫襯過好多次，通常自己會食茶餐，牛肉豬潤米，係我經常叫，豬潤幼滑，又有厚度，剛剛熟，真係冇得彈。不過今次又想試吓佢哋嘅下午茶餐，款式都好多㗎。我就叫咗蔥油雞扒撈公仔麵，蔥油撲鼻，雞扒煎得皮脆肉滑，煮公仔麵對佢哋嚟講冇難度啦，煙靭不太淋，甜豉油汁略為太多，我自己覺得有少少咸。再配上一杯港式香濃咖啡，呢個下午茶非常之滿足。

今次接近3點黎到敏華食下午茶😆但原來下午茶冇乜選擇，大部分都係多士三文治😗我就揀左馬來三叔公咖央多士（$34）份量雖然小，但味道唔錯👏多士烘得超脆，夾住一片牛油同茶滿咖央😍咬落去好滿足，好耐都冇試過成舊牛油咁食🤣下午茶配埋野飲，我叫左凍檸茶（+$3）都係正常茶餐廳既水準🙂不過因為冇食lunch，淨係食呢個茶餐好快又肚餓🤣所以真係當下午茶黎食就好😝/😋食物質素：7/10🍽️用餐環境：5.5/10💰性價比：6/10👣回頭率：5.5/10

今天在旺角新世紀嘅民華餐廳食午餐，我們一行四人， 兩位先攞位入座， 另外兩位需要先在停車場泊車，稍後才到。入座後，有職員（ 不友善的 ，身型肥胖的 ）每隔幾分鐘就過嚟問其餘兩位幾時先到， 我們（ 已經落了單的客人 ）好像要不斷向她解釋為何其他兩位仍未到， 為何食客要受氣 ？今時今日仍有這種服務態度呢？ 真的令人氣憤! 更離譜的是 ，隔離枱的一位女士也正在等朋友， 相關職員也同樣煩擾她幾次了， 有一次還要求這位女士打電話催促他的朋友 ，這態度惡劣嘅職員真的令人看不過眼! 我真的想知 ，究竟是職員的問題還是餐廳嘅問題? 如果餐廳有需要嘅話，其實可以叫客人到齊先畀位人，就無須這樣得失已經入座嘅客人啦! 如果不是公司嘅 指示 ，就必定是這位態度惡劣員工自把自為了， 公司必需要正視， 不能夠给呢啲害群之馬破壞公司嘅名聲!!

員工服務態度真係好差，我和另外一個女仔在門口等安排入座，個較肥嘅女員工問完我哋幾位之後顧住講電話，再不理我們，而我見到裡面同外面都有空枱，之後又有個新客嚟，裡面較肥嘅眼鏡男員工即刻問佢幾位就即刻帶佢入座，咁我哋嚟先，點解遲來嘅人會有位先，完全無視出面門口等緊位嘅人。個肥女員工繼續講電話，我等咗一陣，見無人理我就走了。我今次無幫襯，以後亦不會幫襯，但可寫下之前的經驗。我今次去只因為在酒店門口，我又肚餓諗住唔駛等，結果裡面有位，但都要你等，仲要無人理。裡面好迫，食物好普通，價錢唔平，一碗火腿通差唔多40蚊，出面食連埋雙旦多士都唔駛40，質素又差唔多，總之又貴服務又差又迫唔知點解D人仲去幫襯。

疫情關係好多餐廳食肆都暫停服務，敏華仍保持營業，有早餐食即刻去幫襯下，座位的距離工作都不錯食得放心，不過員工態度有待改善，就算入單或出餐有錯，問題不應該在客人面前互相爭拗。兩個夥計一人一句喋喋不休。這裡是自助手機落單，我喜歡這樣不用麻煩。我點了火腿通心粉西煎雙蛋同多士🥣 超多火腿湯底濃郁好味，通心粉有口感咬落有麵粉香，不過我最欣賞係西煎雙蛋，金黃燶邊熱辣辣香氣撲鼻，而家好少食到。☕️咖啡就一般茶記咖啡質素無要求。

居住附近也因爲敏華冰廳早餐收得比較晏，所以幾乎每個週末都會來這裡吃早餐。他們的食品種類不多，味道也一般，環境比較擠逼。服務：員工態度一般，不熟悉如何適當安排食客入座，就算餐廳裏面已經有空檯，還是喜歡罰食客企。對客愛理不理，什麼都看不到，聽不到，就算回答客人都是敷衍了事。最後要食客自己動手去取需要的東西。

上次黎食左個麻麻地既义燒湯意粉😆今次黎食茶餐就有返啲水準😛下午茶時間2點零都好多人全餐廳都滿座，不過流量都好快等左幾分鐘就有位茶餐就唔係好多選擇🍜四川榨菜肉絲公仔麵、配脆皮雞翼2隻，連飲品（$45）公仔麵正常，榨菜份量都好多👍每啖都食到有榨菜，肉絲就得好少而且冇四川味，一啲都唔辣，不過岩我唔食得辣😛雞翼味道都正常，可惜唔係脆皮可能唔係新鮮炸起，食落去都感覺好多油😣飲品就叫返我最中意既熱奶茶😋茶餐廳奶茶最好飲😍/😋食物質素：5.5/10🍽️用餐環境：5.5/10💰性價比：6/10👣回頭率：5.5/10/📌敏華冰廳旺角太子道西193號MOKO新世紀廣場MTR層M39號舖

敏華冰廳近年愈開愈多分店，仲進駐埋各大商場旺角新世紀moko呢間就係MTR層好好生意，經常都見到門口要排隊👀好彩佢上菜速度快，所以唔洗等好耐都有位趕時間既話都可以考慮😆今日望一望餐牌先知原來敏華係太興集團旗下🍜常餐： 忌廉湯叉燒意粉配炒滑蛋、火腿及歐式軟多士（$63）🥤凍奶茶（+$3）本身意粉想轉做通粉，但落單時姐姐可能聽唔到冇轉到😣因為趕時間所以冇叫佢轉返個忌廉湯底好失望，食落去完全冇味😟令到啲意粉好齋，認真唔合格👎記得之前食過早餐既忌廉湯通粉係好食既，今日唔知係廚師失準定轉左煮法🥲下次應該唔會再叫佢地既歐式軟多士我個人就一向都好中意😋真係做到外脆內軟👍炒滑蛋亦都係好滑，係好食既😍每次黎敏華我都會叫奶茶，一黎我好中意飲茶餐廳既奶茶，二黎真係好香濃茶味同好滑🤤推介/😋食物質素：6.5/10🍽️用餐環境：7/10💰性價比：7/10👣回頭率：7/10/📌敏華冰廳旺角太子道西193號MOKO新世紀廣場MTR層M39鋪

原來敏華冰廳前身係文華冰廳，小朋友時期經常跟家姐，今日都還是第一次來敏華。旺角這家分店開了不久，裝修企理光猛潔淨。早晨之選，細心睇一輪終於清楚如何落單，相比傳統餐單這比較複雜。😅🍴忌廉雞湯火腿通心粉 $37🍴配炒滑蛋歐式軟多士☕️熱齋啡忌廉雞湯樣子很濃食落尚算可以淡淡地，通心粉軟硬適中，溫度暖暖夏天都不錯，份量適合小鳥胃女士們。炒滑蛋香滑有蛋香不太油膩👍，歐式軟多士幾特別，口感香軟好有麵香。熱啡濃度適中。服務方面服務員都算勤力快手。

樓面員工態度好懶散，客人叫好多時愛理不理，今朝一家到此店光顧，落單叫了早餐，落單時位呀姐個樣已經好唔耐煩，坐低左成10分鐘一杯水都唔比，叫佢比兩杯水就只來一杯，再叫佢要多杯水又聽到扮聽唔到，聽到我地話咁佢地D服務差，佢地就全部"歸隊"，不單止不再理你，我地枱望到bar枱出餐飲，我地杯餐飲就放着不送等佢凍，到D樓面見到你望住先慢慢送，跟住發現杯餐飲裡放左張紙，同個經理講佢重笑住講”有冇攪錯呀我同你cancel佢”，我話唔使cancel, 我照比錢，你地咁攪D食客根本係倒米同趕客，之後我要求要投訴電話，在寫緊投訴電話期間聽到個呀叔樓面同個經理講話我實影左相放（放左紙杯餐飲）上網，經理竟然答佢”咪炒晒我地囉”，之後打去佢比嘅電話梗係無人接啦，再直接打去太興集團接左我投訴，而家等佢回覆

今天傍晚六時十分於此餐廳叫外賣，一踏入該餐廳，已於收銀處遇到一名態度極度散慢的員工，我叫了四個飯(不是焗飯）就行埋一邊等，等了大概20分鐘，眼見有幾枱比我遲落單的堂食客人已在進食中，放是我就向站近㕑房的員工查詢一下，怎料那位員工不但沒有替我跟進，反而態度極度輕佻的跟我說”我都想快呀”，我繼續請她替我跟進，然後她行近㕑房，跟另一位職員朝我的方向細聲講大聲笑，於是我向她走近，她立即刻意大聲的嗌”快啲喎”，終於我等了30分鐘。時間是一個問題，該餐廳員工的工作態度亦是一個很大的問題，遇到客人跟催，不但沒有安撫客人，反而怨氣沖天、態度輕佻，如此的工作態度，食物就算有幾好食都會趕客。