敏華冰廳 (啟德零售館1)

营业中

休息中

再訪敏華冰廳，今次試人氣套餐：冬菇酸菜紅燒肉飯：米飯份量多，紅燒肉係切成細細舊，非常軟腍肥美，不過食多會膩，酸菜令紅燒汁偏酸，而唔係我預期嘅甜度，而且食落有沙，要扣分，冬菇爽滑，試過就算，下次試其他。套餐附送飲品，揀咗熱檸蜜，唔錯。敏華冰廳 (啟德零售館1) (九龍城)九龍城啟德承啟道38-39號啟德體育園啟德零售館1 2樓M1- 215號舖

同姊妹嚟啟德體育館附近行，參觀吓新運動場，跟住你零售館食下午茶，本來喺food court度搵嘢食，但係見food court嘅又貴，又唔係咁吸引，於是喺敏華冰廳搵食，之前幫襯過一次，印象唔係咁理想，但今次令我大大改觀，叫咗四個茶餐，每一個都好出色，啲麵軟硬合度，沙茶牛肉好夠味，冬陰功湯都唔錯，咖吔西多士雖然邪惡，但係都好好食，奶茶同咖啡都唔錯，只係個杯稍為細咗啲，總括而言，值得推介，加之價錢理想，絕對會再返嚟。

今日又啟德開工，同伴鍾意食，雖然排隊但都係等咗10分鐘就入到去，同其他分店一樣都係比較迫可能要同人搭檯，手機落單，方便唔會落錯單。黯然銷魂飯：厚切半肥瘦蜜汁叉燒，外面燒至焦脆，咬落一啲都唔韌，軟腍多汁，撈勻半熟流心荷包蛋、香葱油、金鳳香米，一啖落去，真係充滿蛋香，飯香，肉香，甜甜哋，真係好好食，大大碗真好飽好滿足。午市套餐叫咗西洋菜蜜，盛惠$75敏華冰廳 (啟德零售館1) (九龍城)九龍城啟德承啟道38-39號啟德體育園啟德零售館1 2樓M1- 215號舖

今日有事要去啟德園區，行到去啟德零售館有啲肚餓，就搵地方落吓腳。路經敏華剛好下午茶時間，見無人等位個心有少少驚嘅，但見到收銀者笑容滿面話有位，仲有下午茶餐serve, 就入去試吓。始終食店新開，正常都要啲時間trial run。但入座後見地方乾淨企理，侍應爽手，已滿心歡喜。總算同內地食店可以比較一下。叫咗三個茶餐，上枱見擺盤唔錯。冬蔭公豬扒米豬扒咬落夠淋又唔會太乾，湯底夠香又惹味。米粉硬度剛剛好、又夠咬口。公司治 多士少少燶，咬入口做到外脆內軟，炒蛋算滑，生菜新鮮嫩綠，絕對可以收貨。西多士心型牛油配煉奶，再加花心醬夾心。 個牛奶蛋漿炸得剛剛好，蛋漿炸得鬆化起絲。咬落口雖然有少少油但絕對比坊間高質好多。希望此店可以繼續保持水準，必成啟德區搶灘成功🏆食店