敏華冰廳 (The LOHAS康城)

营业中

休息中

今日黎到敏華冰室食下午茶，叫左馬來三叔公咖吔多士。這款多士外表金黃酥脆，內裡則是軟滑的牛油和香濃的咖吔味，口感層次分明。每一口都散發出濃厚的椰漿香氣，搭配微微的甜味，令人回味無窮。

食個早餐其實都冇好講究～ 平時都鍾意去食返一個沙嗲牛肉公仔麵!! 唔知係咪真係太少選擇，長期都好多人排隊每次都要等好耐好耐入坐叫餐之後有時都要得好耐🤨今次真係有少少嬲～ 叫左3個套餐有碗麵同餐包炒蛋沙嗲牛肉麵同通粉都好快就到左🙌🏻嘢飲都飲晒~ 點知連小朋友都食晒所有通粉～多士同煎蛋都未到😥最後要催咗四次都小朋友都不斷問我姨姨究竟幾時拎嚟？我哋幾時走得？ 就係等呢一份煎蛋多士～啲姨姨根本連回覆你嘅時間都冇～ 證明好唔夠人手～辛苦晒班職員 同等候緊既食客

午飯時段 , 人頭擠擁, 排隊亦在所難免, 主管 態度友好 亦 好快安排到座位 , 最欣賞 佢地嘅 凍鴛鴦 + 餐旦飯 賣相靚 又美味 , 服務員 態度超友善 , 環境清潔美觀 , 值得比3個讚 👍👍👍

等40分鐘的火腿，腸，多士服務差，催單時說煎蛋要等久一點！大哥，冇叫蛋呀！下次可以話油剛用完！點了杯咖啡，全是奶以為自己點了熱奶加啡！而唔係咖啡少奶大家有興趣可自行選擇我就唔會有下次

去敏華茶餐廳打卡，出餐速度很快。招牌黯然銷魂飯名不虛傳，叉燒肥瘦相間、香甜入味，溏心蛋戳破後蛋液裹著米飯超讚。凍檸茶味濃郁、環境雖稍顯擁擠，但充滿港味氛圍，服務也很親切，值得一去。，

7點開門點外賣，錢又收左，7點半同我講做唔到外賣，退唔到錢要搵經理，要入去大聲閙事先正視問題，到底係點解呢？解釋一下。又無投訴電話。平時早上7點堂食等餐超過15分鐘。7點開你d員工7點先返？水吧唔洗早1個鐘開檔？早唔到開門前1個鐘開檔你唔好開7點門，個4 眼經理不知所謂，水吧4個位有人冇返工走去頂麵檔，做得又慢，我多士食完奶茶飲完，麵都未上，頂唔到麵檔頂沖茶唔得？咁垃圾都做得經理，親戚關係？有個員工成日邊做邊講搞唔掂，是否講比食客聽？都解釋一下。

呢間敏華日日都超多人, 外面好多人排隊, 就算入到去坐嘅話都要等一段時間先可以有早餐食！建議有多啲時間先好入去食！但係我係覺得佢個早餐真係好食嘅！我食過好多次！通常都會嗌沙嗲牛公仔麵, 加滑蛋同多士！沙爹牛肉份量都多, 滑蛋整得好出色, 多士亦都係又熱又脆！

上次買左一次佢地個外賣自取，拎到番屋企時比錯哂d野食，今次堂食多次佢，算係挽回番少少分數。今次我叫咗佢哋一個五香肉丁公仔麵嘅早餐，加3蚊凍檸水，肉丁麵都係正常茶餐廳質素冇乜特別，今次上菜速度係快既，的確抵讚，不過餐廳裡面都間中有少少蒼蠅飛黎飛去，有少少影響食客，希望餐廳可以再多加留意一下衛生情況，令我最滿意係杯凍檸水，呢度啲凍飲聽朋友講都係好冰震同好飲，今日試完都真係幾爽一下極體黎講叫做中規中矩。

外賣左個常餐，拎個陣一打開黎check已經比左個太陽蛋我，但我係要炒蛋，方包走烘，佢就比左個烘底我，都算，佢地都即刻換番比我，望到係榨菜肉絲個碗應該冇問題啦，我係叫左轉公仔麵分湯，一打開左個麵碗，佢就比左粉絲我…點解可以咁

住喺日出康城，難免會幫襯呢間連鎖港式快餐，食評奇差就走去試試，果然中伏。中午食飯時間真的慢得很，叫咗蔥油豬扒煎旦反，豬扒好似肥騰騰，有成一半唔食得😞😤。有位保安姐姐坐咗大半個鐘都未有得食，個樣急爆，要5分鐘內食晒碟飯，真受罪。啲員工抹枱好求其，可能廚房樓面都唔夠人，老闆或管理層快啲正視問題，愈做愈差，如果唔改善，好快會執笠！🤯🤯🤯康城商場好多食肆已經換咗別間，下一次就輪到敏華冷廳😝😝😝😝

QR code點餐，叫了一個歐陸豐餐。但最後等了半小時，走了。途中15分鐘問了是否漏了單一次，25分鐘再問，30分鐘就決定離開了。其實侍應幫忙追了幾次，中途有提過是魚柳炸衰左，但之後等咗10分鐘都冇嘢黎。應該是廚房問題吧，但這樣會搞得顧客心情很差。其實如果中途上少少嘢食先，麵包火腿啊咁，唔使等成個餐砌好先出嚟，咁其實個客會感覺好好多。或者一單半單餐廳duncare, 不過對我嚟講，平日keep住食嘅客，會因為咁短時間唔再去，因為回憶唔好。

康城近年多左食肆，見敏華食評每況愈下，所以好耐無去。今天下午兩點幾經過，見有空枱，不用等，就入去緬懷一下最喜歡的豬潤牛肉湯米常餐。今次體驗，發現伙記好像換左新，很有禮貌，坐低有姐姐比杯水。可能人不多，奶茶先上，豬潤米也很快。見豬潤厚切、色澤鮮明，已覺不錯。食落爽口，有些部份雖有少少根位，但$67大大碗多料，有飲嘢、雙腸、煎雙蛋(蛋味很香)、多士，真是算扺和好味道我承認好多劣評講的我都試過，不會質疑。但今天試過，希望是改進的好開始，加油↖(^ω^)↗備註：收到編輯提到餐廳有比優惠會員寫好評。但我絕無收取過餐廳優惠，以正價付款。與餐廳也無任何關係，是真試過豬潤牛肉米常餐，覺得好左。真❤希望鼓勵他們繼續做好。其他食物無試，不會評論。

坐低即叫落單又話要電話落，等成十分鐘先俾個QR CODE嚟嗌完個常餐等左廿分鐘先行過嚟話冇，叫個姐姐幫我取消咁我嗌過第二樣飯餐又唔睬人之後又冇取消到照拎啲常餐炒蛋多士過嚟，同佢講多次幫我取消左個常餐都係唔睬我好啦，到坐足一個鐘多啲終於食完埋單個下都係照計我兩個餐，好聲好氣同個哥哥仔講番，佢就好悔氣話我地依到係冇取消，你落左就係會照做照出然後同佢講唔係我要取消，係你地冇果個常餐都唔幫我取消我仲要提左兩次，最尾先係靠個類似店長嘅姐姐取消一個餐先埋到單等一個鐘有多都算，當混亂手腳慢安排差但咁樣嘅禮貌同態度真係希望再培訓一下

今日去睇戲，睇11:00 場，我地10:30就入左去坐，10:33 已經落曬4個早餐。我覺得係香港茶餐廳食半個鐘其實都算係正常，自問全家食野都快，所以都唔擔心。點估到11:00 啲野食先到曬。我地坐果個位見到個吧枱出餐位，見到啲餐擺曬上去無人送。望住啲侍應慢慢行，攞住碟多士腸仔擺上手又放返低喺度，好似自助餐揀嘢食咁。然後啲麵碗放左係枱都無人送我覺得唔係廚房出餐慢，係啲侍應送餐好慢。不過無論係邊個慢都好，最後都係你好耐先至有嘢食。警世！趕時間真係唔好食！

原本都幾鍾意食敏華，簡簡單單，質素都幾好。不過唔知係咪康城呢間特別差，除左越黎越難食，啲服務又差。以常餐為例，最出名既炒蛋無喇喇加入啲高湯，濃到好似飲緊味精湯咁，蓋過晒啲蛋味！仲有啲奶茶以先有冰鎮，而家完全唔理你，話知你咁多。仲有啲腸！以前都係以雞肉腸為主，㕑師腸個類咪符合茶記要求囉，唔知係咪要慳錢又改埋晒啲脆皮腸，又唔係好食過人，完全唔啱feel。抵佢呢間野人越黎越少。管理層再唔理不聞不問既話呢間野應該好快bye bye