敏華冰廳 (Mikiki)

营业中

休息中

呢間餐廳最出名係佢嘅黯然銷魂飯，用上金鳳香米，叉燒即叫即燒用上厚切梅頭肉，燒到燶邊好香口兼且好Juicy，上面淋上香蔥甜豉油，加埋嗰隻流心荷包蛋，每粒飯都沾有香濃蛋漿同埋甜豉油，真係好好食！

之前去親敏華食，都一定叫個豬扒蛋飯，佢個豬扒真係幾好食，隻蛋個蛋黃好靚。但後來發現原來佢仲有一個餐「榨菜肉絲雞翼公仔麵」$42都好好食。雖然係一個好普通嘅公仔麵，但係佢呢一個榨菜肉絲雞翼公仔麵裏面嘅榨菜係比一般嘅楞菜爽口，口味，有啲似潮洲榨菜。另外敏華咁多款公仔麵只有呢一款係落足麻油，在配搭埋雞翼成個組合食落去個口感真係好好味。再配埋一杯凍奶茶簡田係一流嘅配搭。可惜佢供應時間只係去到下午六點，如果夜晚都有得食，我諗我一星期都會去幫襯兩，三次。

一早起身想飲支奶諗起敏華就落去食轉早餐再返工，明明係為咗支奶去食敏華佢點知到咗嘅時候佢同我講今日未有牛奶送黎....so sad 又會咁黑仔嘅唯有叫返我平時食開幾忌廉雞湯通心粉，再搭過煎熟蛋同多士，冇牛奶就唯有叫個凍華田我都幾鍾意食佢哋嘅通粉，火腿份量都幾多，再放埋個熟蛋落去一齊食連埋個雞湯perfect match~ 而我個人覺得佢個雞湯可以加多少少水落去冇咁濃味應該會好啲，而我最鍾意食佢哋嘅多士，因為真係好鬆脆，有一陣陣嘅牛油香氣，平時配埋牛奶一齊食就最正🤩

下午茶諗唔到食咩好，最後入咗敏華冰廳諗住是但食啲嘢就算突然好想食炸雞髀可惜呢度冇 最後唯有嗌咗個脆皮雞翼不過係5件份量嘅，因為驚3件嘅食唔飽因為好耐冇飲過牛奶，又係突然間好想飲 所以飲熱鮮奶，佢啲鮮奶值得一讚呀啱啱煲滾嘅，所以真係好好飲有好濃嘅奶香味，亦都好滑啲雞翼啱啱炸完出嚟，所以好辣口好熱 我太心急即刻食，一放落口辣親條脷哈哈哈果然冇令我失望，脆卜卜之餘仲好香一咬落去 皮脆肉嫩，啲肉好香好滑啲肉汁係咁滲出嚟好鬼正唯一美中不足嘅，係入面啲肉炸得有點唔夠熟＆ 味道有啲鹹，因為見到仲有d血男朋友就嗌咗個招牌菜～黯然銷魂飯佢啲叉燒肥瘦均勻，每一塊都好大件 真係夠曬足料，睇得出好有誠意 食落有種好香嘅燶燶地味，咁先最正佢啲飯亦都好多，啲咪好大粒食落去好煙煙韌韌，又有好香嘅飯味隻煎蛋勁大片淋滿曬豉油，睇見都覺得好正 隻蛋都仲係流心嘅狀態， 味道 亦都好好 撈埋落啲叉燒＆飯入面食，好味到暈呀！不過如果隻煎蛋煎得冇咁熟就好了 因為略嫌仲未夠流心，哈哈

一直對敏華的質素沒有懷疑,而早幾日係茶餐廳群見到個特厚鮮油多同炒蛋蕃茄菠蘿包, 非常吸引而又竟然未試過!!所以將今個星期既肥仔quota留左比佢做情人節午餐點知到落單時搵極menu都無菠蘿包,原來呢間分店無失望左一下🥲而鮮油多塊鮮油都無相咁厚🥲 不過鮮油多唔係慳到離譜點都無得輸既常餐炒蛋多士都正而奶茶而家真係唔係好多間茶記好飲以chain黎講也不錯😊仲叫左個奶醬多, 奶醬都無慳沙牛叉通今次就無特別試了, 朋友說正正常常沒特別吧😀

我常常幫襯敏華冰廳， 早餐、下午茶都好好，不貴又好味。早兩天Honey已嚷著想吃黯然銷魂飯，今天到Mikiki跟Honey食午飯，一定要叫招牌黯然銷魂飯！還有珍寶雞扒飯，好大份！珍寶雞扒飯：$55(包飲品)雞扒真的尤如大男人的手掌般，又厚又大！煎得好香脆，一點都不肥膩。雞皮煎得焦香 ，就算吃了雞皮也不覺得罪惡……不過，球拍般大的雞扒，還不罪惡？招牌黯然銷魂飯：$63(包飲品)叉燒確實非常好味，梅頭肉嫩少少肥，甜甜醬汁，微微焦燶，原本是完美的叉燒。不過，味道太濃，所以吃起來比較膩……原來「太好味」……食客(我)…真麻煩 ！又好味又大份的午餐，好味得「罪過罪過」😈😅😍🙈❤

知這餐廳有很多分店，今日（7/10/2020）還是第一次幫襯，因每次行過這餐廳都排長龍。十一點多還有早餐，看餐牌時覺得似曾相識，想起上月尾曾幫襯另一餐廳，因沙茶牛肉麵比較少有，所以點了，再看回上月相片，兩間餐廳的餐牌都差不多，可能是同一集團。同樣點了同一個早餐~潮式沙茶牛肉公仔麵拼炒滑蛋及歐式軟多士。沙茶牛肉公仔麵，沙茶醬好香，牛肉好食炒滑蛋及歐式軟多士，多士好脆亦好好味上月幫襯，看回會錢是$58，今日食是$36，相差$22，真是嚇了一跳

#小秘書 呢日請咗假同 #屋企人 去睇 #醫生，左等右等離開嘅時候已經差唔多下晝四點鐘。當時大家個肚已經餓到打晒鼓，唯有近近地去附近嘅「Mikiki」搵食🤪 落咗 #的士 走入商場大門，大大個「文華冰廳」招牌就喺眼前。難得當時冇人排隊，一於試吓啦。我哋一行三人，要分開兩張枱坐，不過好在都唔算隔得太遠，細細聲隔住紙版都可以傾到計嘅😅 我知道 #爸爸 最鍾意食「敏華」嘅 #黯然銷魂飯，而我就簡簡單單同 #媽媽 share一份 #腿蛋治 就夠啦。不過爸爸又點會捨得我哋齋睇冇得食吖，佢每人分咗啲 #叉燒、#煎蛋、#白飯 比我哋😉 原來「敏華」啲 #叉燒 真係唔錯喎，#汁醬 比較濃，#叉燒 發出淡淡嘅 #炭燒味，好香口😙 至於份 #腿蛋治 都唔錯啊，#麵包 軟淋淋，加埋滑嘟嘟嘅 #炒蛋，再飲啖冰凍嘅 #檸檬茶... 正呀🤩

Honey晚上有工作在身，我們在工作地點附近，隨便吃個下午茶。雖然說隨便，但也想吃比較高質素一點的茶餐廳食品，所以選擇敏華。敏華的常餐比較貴，和早餐差不多一樣的，但買50多元。下午茶餐相對地就抵食得多，30多元。Honey選擇了榨菜肉絲雞翼公仔麵($39)：榨菜肉絲有少少甜口，不會過鹹。而且，麻油香好惹味。公仔麵也煮得剛剛，不會太稔。我就選擇蛋牛治($32)：雞蛋煎得過熟，多士也烘得過火……整體還可以。豐富美味的兩個下午茶餐，只需$71，都算抵食。

抗疫期間 好多時都避免唔去人多地方 盡可能都唔會堂食 避免交叉感染同細菌傳播 今日放工經過敏華冰廳 見到外賣自取有88折優惠😍 頓時叫番個番尾企慢慢食黯然銷魂飯 敏華黯然銷魂飯一向出色 除左叉燒夠彬 又有麥芽糖包住每一塊叉燒外 太陽蛋同米飯都好出色👍🏻 只要你用叉一吉太陽蛋 蛋漿即刻爆開 每一啖飯都包住濃濃蛋汁 好味呀😋 除此之外 敏華標榜用泰國金鳳香米 粒粒米好好食超大雞扒飯而我最愛食超大雞扒飯 雞扒份量超大 等於平常茶餐廳兩塊雞扒咁大 再加上薑蔥撈飯 好味😋 推介因為而家外賣自取有88折 一共慳左$12 一個飯只係$4x 好抵食

我第一次光顧「敏華冰廳」的時候，是在上手手提電話跟「開飯喇」戶口還未報銷的時候，在九龍灣商場「德福廣場」一期的分店裡面。當時我光顧九龍灣分店的時候，店名還叫做「文華冰廳」，而不是現在的「敏華冰廳」。當時我在光顧九龍灣分店「文華冰廳」的時候，感覺還算是很寫意的，因為當時的「文華冰廳」有很大份的雞扒做餸的「雞扒飯」，還有準時新鮮出爐，「菠蘿包」跟加入新鮮牛油在裡面的「菠蘿油」。後來我第二次光顧「文華冰廳」，是在現在新「開飯喇」戶口運作的時候。我光顧將軍澳寶琳「新都城中心」二期分店，不知道發生了什麼原因，「文華冰廳」就已經改了名稱，變成了現在的「敏華冰廳」。我光顧將軍澳「新都城中心」分店「敏華冰廳」的時候，將軍澳分店「敏華冰廳」忽然出現了，用電腦屏幕自助點餐方式，取代傳統的人手點餐，食客還需要像光顧快餐店一樣，需要先付款，然後才能享用食品飲品。當時我在將軍澳「新都城中心」二期分店「敏華冰廳」裡面，發現將軍澳分店原本沒有廚房和師傅專門製作「菠蘿包」跟「蛋撻」，讓當時的我感覺是有點失望。當時我在於下午茶時間光顧將軍澳分店「敏華冰廳」，最後點了一客在九龍灣「文華冰廳」也不知道有售，鋪滿豬肉叉燒的「

由細到大我都好鍾意食叉燒，試過好多唔同餐廳整既叉燒，對叉燒有一種執着😆 而呢一間餐廳係我食過咁多間叉燒店最好食之一，就係「敏華」。今日我地兩個去食飯，原本我地打算叫兩款不同食物share，但最終被大大既海報吸引住。唔該！要兩碗黯然銷魂飯。黯然銷魂飯一上枱，我被兩隻雙蛋吸引住。要用叉拮穿流心蛋，流心蛋既蛋汁包住每一粒米飯，再配以頭抽、秘製香蔥油同埋金鳳香米混在一起，食的時候感到很幸福❤️ 當然唔少得主角，有四塊厚切的半肥瘦梅頭叉燒，每一塊的叉燒都包住甜甜的麥芽糖，好好味呢🤤雖然價錢加左$1，不過仍然唔會減低我鍾意食銷魂飯😂

來這裡的目的就是吃黯然銷魂飯，已經忘了第幾次特地來吃這個飯。黯然銷魂飯吃第一口有點像食神裡好像薛家燕的感覺。厚切叉燒：假如牛扒有分A5等級的話，這裡的叉燒相信是豬肉界裡的A5，叉肥非常肥美，不會太乾身，吃下去每啖都有濃郁的脂肪，配上特製的頭抽，口感非常豐富，這裡的叉燒是用獨特的燒法，暫時未找到同價錢能媲美的叉燒。流心荷包蛋：我會將荷包蛋的蛋漿撈飯，本來白飯已經有香蔥油混在一起，再加入蛋漿，令每口飯都有頭抽、蔥油、蛋漿及白飯的味。這個飯吃到最後有點膩，配上凍檸茶就可以將膩的感覺沖淡。

黎到敏華冰廳，每一次我只會叫一樣野！唔該幫我寫個黯然燒魂飯！敏華黯然銷魂飯即係一碟叉燒煎蛋飯，但佢同一般茶餐廳既叉燒煎蛋飯有絕對的分別。敏華既叉燒係用上自家製厚切梅頭豬肉，梅頭豬肉肉質夠腍軟、脂肪均稱兼無筋，每啖咬落去都係有嚼勁。叉燒面頭仲要有甜甜的香味，最令人驚喜既係，叉燒都會帶點「焦香」，真係啖啖香口。再配搭埋半熟流心荷包蛋，食既時候要篤穿蛋黃，流到飯粒之間，加埋佢哋自家製既頭抽同香蔥油，與金鳳香米混為一體，真係OMG!!! 記住一定要狠心拮穿隻蛋，等啲蛋黃滲入熱飯先係最高享受。

好多地方都有敏華冰廳，餐廳食物種類唔算多，多數都係食常餐或者叉燒蛋飯，今次都唔例外，懷舊厚切餐肉煎雙蛋飯$46， 叉燒湯意粉拼炒滑蛋雙腸加牛油厚多士$56，加鮮奶$3。本身諗住叫蛋撻但已經過咗七點半所以唯有下次！講返常餐，常餐嘅價錢唔算平，幸好賣相都唔差，牛油厚多士烘得幾鬆脆，腸仔煎得剛剛好， 滑蛋又真係幾滑溜！叉燒較硬， 意粉普通，沒有特別。餐肉煎雙蛋飯，味道普普通通啦，沒有什麼出色之處。其實我每次去敏華，都係為咗食佢嘅熱辣辣酥皮蛋撻。😂