敏華冰廳 (Tower 535)

营业中

休息中

快步行到銅鑼灣敏華食返個飽餐先😊可能個別人的問題吧。我和朋友每次來到呢間敏華都感覺係自己的屋企食飯果種感覺❤溫馨的。經理和其它侍應睇到好忙，但總可以每次笑着招呼客人。前日來食午餐突然好大雨，經理把自己的雨傘借比我。仲話唔晒返今日天氣唔好人都唔知食咩，經理介紹了茶餐，我選擇了蔥油雞扒面和凍檸茶，哇晒的正。明天再來試試黑椒炒意粉。

晚餐同早午時段真佢相差甚遠，銷魂飯係穿咗既熟蛋，叉燒居然係凍嘅，飯居然有生骨硬到篤牙肉！未試過咁差！以後再好難幫襯晚飯，要去太興用埋的coupon. 晚飯要改去貳號先得！

服務差   好惡  短頭髮果個女經理仲要串串共。無人招呼坐底 坐底左又問你咁早坐做咩 又要你自助落單 落完單又話自己系統壞 用qr code 比唔到錢 scan 唔到架 記住拎票去比錢 拎票去比錢都唔緊要 好聲好氣少少得唔得 唔係老馮知道你做咩。又成日比錯野食 嘩 又唔環保 堂食都用紙杯 飲左啖又錯嘅 仲問你做咩飲 你擺底唔講係咩 我唔飲鬼知錯架咩 點解比錯左仲要咁惡死 早餐連墊嘅炒蛋 又碗麵食完先黎 等左廿分鐘先黎炒蛋 吹佢佢又唔耐煩 服務真係差到一絕 no next time

其實一直都想試吓傳聞中嘅黯然銷魂飯今日既然行過 就決定入去試下因為睇唔到QR code自助落單所以舉起隻手好耐直至大聲嗌其中一個阿姐嘩！佢好cool叫我自己掃QR code同埋眼神好鄙視我可能覺得我係大鄉里掛冇問題我嚟食嘢啫 唔係求生氣然後餐牌上呢樣嘢好吸引我就係夠薑豬膶牛肉米粉常餐嚟嘅 我配咗多士火腿同埋凍鴛鴦啖湯真係夠薑 湯底非常鮮味豬膶好粉好嫩滑牛肉係無乜特別 喇到好林不過都有牛味喎米粉係我中意嘅質地杯凍鴦好好飲 茶底靚又香又滑家姐就點咗黯然銷魂飯賣相麻麻地佢好失望 我試咗一舊叉燒蜜味OK 不過又鞋又硬隻蛋煎得好核突啖飯合格嘅 最好味係個豉油汁呢個飯真係言過其實唔會再點嚟食囉

一段時間沒來，今天在銅鑼灣辦完事情，才11點多，過來吃點東西。想不到這個點都滿人，等了一會就有位。看到12點前還可以點早餐，我掃描點了煎雙蛋火腿，奶茶。奶茶的確夠味，香濃。煎蛋煎的不錯，只是蛋味不香。36塊的早餐，算可以了。

諗住入去食個下午茶 原來轉左手機落單 落完單睇到叫錯咗 咪諗住舉手叫人幫手跟下個個都淨係得一句對白講手機自助 全間舖頭都淨係識講呢句說話我夠知啦 有問題先嗌你呢啲人呀嘛 如果唔係你哋其實喺度做乜 服務態度勁差 但係不可多得嘅係全間舖頭啲人都係一樣 管理層做到野先

本來還挺喜歡這一家的米粉，可是一來送餐時間越來越慢，跟本不夠服務人員，多拿個辣椒油還要給臉色，不願意可以直接把辣椒油放座位上，不要為了省這一麼一點錢收起來又不願意拿給客戶失望

之前第一次試黯然銷魂飯，叉燒又乾又硬，我諗住係太夜過去，得返d賣剩叉燒啦，所以算啦，琴晚俾多次機會，再食一次，我想講真係冇下次，依然都係又乾又硬，求其搵間燒臘鋪或者街市買d叉燒我都肯肯定會好食過佢。食落完全唔似叉燒，唔係嗰個texture, 唔係嗰個味.... 仲要真係好難咬。唯一ok既，咪隻蛋囉…見佢又poster又有晒圖咁，以為係佢地點既重點推介，仲要用 “黯然銷魂飯”呢個名，點知.....真係食個常餐咪算囉....唉。

一早諗住食完個早餐先返工，成間野得 2個樓面，等完帶位（有吉位但冇人執台）再等落單，落單一等再等，等完又等，等佢執好晒人地d 台，上完人地d餐，收埋錢，派埋外買埋單，催幾次都仲係叫我等陣先，到問佢其實佢想我等幾內先肯幫我落單，先至有人理我離晒譜。即係話如果你係等得既就會由你慢慢等，到你急時再落單。野食已經唔係好食，等上菜又係唔知要等多幾內。趕返工真係唔好係度食。之前食另一間態度，野食都唔係好，價錢又唔係平，以為只係個間係咁，原來間間都係咁，以後唔會再幫襯

此餐廳開業初期本人常常光顧，無論食物質素及服務水平也不錯，但自從大量人客和自由行後，食物水準開始及服務員態度差了，可能工作繁忙引致，而且無團隊精神似的，如本人叫一杯白開水也要三次以上才送上，所以改去其他分店了。昨天上午再光顧一下看看有否改善，食物水準回覆了九成，服務就無改善，依然係反應慢，回應慢，手忙腳亂，好可惜，希望店長好好訓練一下服務員，希望下次光顧時有改善，謝謝。

Book咗一堂六點鐘嘅瑜伽班，但係又有肚啲肚餓，要食少少野先，樓下有間敏華，就去試食佢個茶餐少少哋OK。試咗佢T2下午茶餐，軟多士配炒蛋，連餐飲＄33。這個茶餐份量對今天的我來說，啱啱好。軟包稍稍烤過，微脆內軟。炒蛋夠好味，即夠滑夠濕。奶茶濃面滑。滿足而果腹，食物質素，如價錢及期望相乎，嗯，可以開心去上堂。

Lunch time shopping，Sogo 35週年賞進入 Part 3 (也是最後階段)，跑了趟銅鑼灣，10分鐘就有收穫！還有時間吃午餐，到了Tower 535的敏華冰室，運氣好！剩最後１個併桌卡位，剛剛不用等！點了A３常餐：#沙茶牛肉公仔麵，號稱沙茶最強，所以試試，味道確實好！尤其是公仔麵軟硬適中，吃了不會口渴！推薦！#炒滑蛋雙腸配軟多士，軟多士好吃！炒滑蛋okay！雙腸普通貨色，沒啥特別！#熱鴛鴦，好喝！是近年喝到最好的港式鴛鴦，紅茶、咖啡、淡奶的比例，很對我的口味！

又到我喜愛的敏華冰廳， 今次到銅鑼灣謝斐道分店， 雖然敏華菜式不多選擇， 但常餐和黯然銷魂飯的味道確有水準， 今次點兩個一樣的常餐A3 $54～ 沙茶牛肉公仔麵， 炒滑蛋、雙腸、歐式軟多士， 原味凍咖啡跟餐$3。沙茶牛肉公仔麵～沙茶甜味較輕， 微微的辣， 公仔麵軟硬適中不會太腍， 牛肉嫩口，讚！炒滑蛋、雙腸、歐式軟多士～ 炒蛋口感香滑， 煎腸仔就比較油膩， 歐式軟多士配上牛油香脆好味。凍咖啡～ 喜歡這裏的凍咖啡沒有冰粒，原汁原味。今次因為太飽沒有吃到至喜愛的蛋撻， 下次一定要再食過。

今日黎到銅鑼灣嘅一間冰室嗌左圖中呢個飯食。本身我都成個上晝無食嘢，去到餐廳已經下晝兩點幾，非常肚餓，諗住食呢個飯應該啱啱好。其實個飯味道係唔錯嘅，但食到後面就會覺得有啲濟，因為佢啲叉燒全部都好大件，仲塗左一層好甜嘅蜜汁係面，食得多就會有啲膩。

一杯奶茶，一件蛋撻，就是正宗的港式下午茶奶茶可以說是茶餐廳的靈魂，好喝與否，正可顯示水吧師傅，技術如何，沖奶茶有沒有功夫。其實除了功夫外，用料也是十分重要，荷蘭黑白淡奶，來貨價比較高，很多茶餐室不願意使用，可能因為成本控制的問題。但好的東西，一定有棒場客，生意便不成問題。敏華冰廳的奶茶，香濃茶香，配上黑白淡奶，相映成趣，到餐檯的時候，溫度剛好，立刻享用。新鮮出爐的蛋撻，永遠是最美味，這裡有現場烘焙，外間少用。蛋剛熟，蛋汁還在流動中，令人回味。一件$7，兩件$13，所以認不住，多點一件外帶。他們是酥皮蛋撻，個人還是喜歡牛油皮蛋撻。可能因為是幼時的回憶。