敏華冰廳 (元州商場)

营业中

休息中

今日去明愛醫院探病，之後行落山經過元州街，入呢E間敏華冰廳，叫咗一個雜扒飯同埋一個麻婆豆腐飯，麻婆豆腐飯好快到左，但係雜扒由落單起計到依家已經過咗半小時都未到，最後到達所需時間為40分鐘

敏華冰廳成日有蛋撻出爐，一出爐就嗌咪嗰隻，本身諗住食菠蘿油餐$22連熱飲，食食吓忽然間有蛋撻出爐，就順便叫咗兩個蛋撻！菠蘿油係好脆口，但係脆得滯，而且菠蘿包上面嗰塊皮同個包有少少分離我覺得冇一般菠蘿包咁好食，純粹係脆面！蛋撻係一般味道，唔覺得好熱，如果呢區要食蛋撻有更多選擇！

外賣平台叫外賣，冇扣coupon 立即通知商家重新下單，商家拒絕取消單，外賣平台介入亦處理不到。全程幾秒鐘時間話已經出單，員工態度差。其後看外賣平台評語是商家出錯出漏都會拒絕處理。以後永不帮診。

黎到長沙灣，呢邊都算有啲野食可以揀下，比較多冰室餐廳可以試下，今日行下搵下黎到商場就揀左敏華食，之前都去過其他分店，呢間質素都算還好既。义燒意粉，雙腸火腿多士，凍檸檬茶。义燒意粉， 味道還算是可以，份量算正常。义燒就有點點肥吧不過還好，因為自己喜歡食瘦點點。雙腸火腿多士，只是多士味道唔夠味咁，就算牛油加上去總覺得唔算太吸引吧而且都唔太夠熱。凍檸檬茶味道正常，茶記味道。總體黎講，食一個速食既午餐，今次午餐算是正常吧，又唔駛等得耐就有。

今日係冬至。重要係我個人生日。一定要食豪D。張蕊薰講咗，踏入九運冬至日要食栗子炆雞。見到敏華冰室張貼咗冬季限定。有一味餸叫栗子滑雞煲。一定要入去。$76栗子滑雞煲，$20蠔油菜心，$3熱鮮奶。總價$99。個栗子滑雞煲用火盤親拓。我不需要火盤。弄熄後進食。個栗子滑雞煲好足料，有栗子及新鮮雞塊。混入白飯好美味。再加入蠔油菜心，爽口。杯熱鮮奶好飲。人口好暖。

好耐無食過敏華茶記個招牌黯然銷魂飯，今次點咗。價錢$68包杯熱奶茶。間餐廳橫裝以深水埗為主題。個黯然銷魂飯，半肥瘦叉燒。好美味。隻荷包蛋半熟，混入白飯好美味。加埋杯醒晨熱奶茶，正宗港式風味，香濃。值得推介。

敏華而家越開越多分店，間唔中都會過嚟食吓早餐或者下午茶🍜🦥四川榨菜肉絲米粉配脆皮雞中翼最鍾意食呢個米粉，覺得呢度嘅榨菜特別好食，成日都會order多榨菜😆可惜佢哋嘅榨菜無得買，如果有得買應該會買返屋企餸麵食😜下午茶仲配咗雞翼，都幾香口🌲🌲🌲🌲🌲🌲🌲🌲🌴只想懶住食、懶住玩、歡迎餵食🌴💤🦥得閒就Follow吓，不過懶得Follow翻你🦥💤 敏華冰廳 (長沙灣)長沙灣元州街303號元州商場地下G16號舖

食過敏華黯然銷魂飯，今次食午餐肉煎蛋飯。加埋杯熱奶茶都係$51。個午餐肉微咸。好開胃。個煎蛋混入白飯，好美味。午餐肉足料，夠份量。食完好飽肚。個白飯好軟身，入口即溶。杯奶茶白杯上。好重港式奶茶。個人推介一定要食午餐肉煎蛋飯。味道同黯然銷魂飯一樣咁好食。

有一點趕，時間唔多，仲要處處也滿場，只好退而求其次，再去試吓。上次另一分店經驗不大好，希望今次有改善，我只要求正常茶餐廳品質。因為不大想食嘢，所以簡單選嗰常餐，期望佢可以正常一點。常餐：腸仔雙蛋厚多士---好……腸仔係雞肉腸，熱辣辣我鍾意……蛋可選全熟，煎兩邊，太陽蛋，炒蛋……鍾意有選擇，厚多士仲有牛油可自己塗，一百分。沙爹牛肉公仔麵---感覺好一般，沙爹味好似唔係好正宗，公仔麵，就預咗唔係麵質最好的級數，沒有期望，所以沒有失望……可能之前多士已飽了。鴛鴦（走）---好味，d煉奶好吸引……，沒有叫齋啡，所以沒有要求啡味，茶香……，重點要甜的感覺，做到，所以成功。

冇野好得過，下晝食一個黯然消魂飯，半肥瘦叉燒脆邊香口，加上香甜叉燒汁，食到停唔到口，兩隻太陽蛋蛋汁撈埋叉燒汁同豉油汁一齊食，真係精粹所在，捞到好多碗飯，真係會問天啊點解咁好味架？

今日去咗屋企附近間茶記。點咗個大馬特色咖吔多士。價錢$32。個咖吔多士只加入好小量咖吔醬，但大量牛油。食落口無大馬風味。感覺唔似大馬。個多士麵包好旱身，食落好脆。好美味。加上杯熱奶茶，只是香港地度式香滑奶茶。無大馬風味。個人建議如想去食大馬風味美食，都係去有名的大馬食店。香港式仿大馬風味的下午茶，無大馬風味。

今日去咗敏華食下午茶。點咗個$32馬來亞三叔公咖吔多士下午茶餐。加杯熱奶茶。個四件大馬風味既西多士。加咗大馬咖吔果醬。食落有點大馬風味。四件好細件西多士真係唔飽肚。杯熱奶茶好香滑。好重港式地度熱奶茶。個人誠意推介。

下午同朋友去左長沙灣元州商場敏華餐廳食晏，我地叫左香茅豬扒煎雙旦飯同Big men , Big men 餡料豐富，以菠蘿包夾著芝士，炒旦，午餐肉及蕃茄，食落去好充實，充滿口感，不過略嫌芝士太咸搶了菠蘿包的甜味。而香茅豬扒煎雙旦飯，飯用了泰國米，豬扒好大塊好厚，香茅味夠濃，兩邊都煎得好香，配上了薑蓉，特別好食。兩隻煎旦生熟剛剛好，好多旦汁，整體幾好食。但留意番Big mem在中午時段是無供應的，在12點前，2點至6點先有得賣。

今日假期 ，原本想瞓晏啲但早咗起身， 經過敏華 見到冇人排隊，同埋又唔知食咩好，最後就入咗去食個早餐。兩個人分別叫了兩個早餐。一個是潮式沙茶牛肉公仔麵拼火腿歐式軟多士。 另一個士忌廉雞湯火腿通粉定炒鴨蛋及歐式軟多士。第一次食潮式沙茶牛肉公仔麵，覺得佢比一般沙爹牛肉麵濃味好多，好香花生味，湯底正。 歐式軟多士不過不失。而忌廉雞湯火腿通粉，就有淡淡的雞湯味，湯底飲落順喉。 而炒滑蛋，好軟滑又有蛋味。

因為一張海布，吸引我走進茶記食黯然銷魂飯。加埋杯凍奶茶都係$69。五分鐘有得食。個賣相好正。叉燒半肥瘦。加兩隻荷包蛋，混入白飯一齊食。滋味無窮。白飯好軟身。份量好足料。杯凍奶茶個器皿好特別。好有特色。間茶記橫裝好似樂園茶餐廳。重在街道名做招牌。