敘榕軒 (已結業)

昨天中午我地一行20人來呢度飲茶farewell個同事，分左兩桌坐，各桌叫了10人套餐及另叫點心。大致上所有食物都好好食，傳統點心如蝦餃、燒賣、义燒飽等，即叫即蒸，新鮮熱辣，size亦好正常，奶黃馬拉千層糕好正，鬆軟好味，甜度適中，總之整體都好好食。而且每人送左杯暖粒粒的檸檬柑桔水。環境好，坐得又舒服，服務良好，一班人來飲茶最開心，尤其是個套餐幾抵食。

今日返工前黎呢度飲茶,12點前埋單大中小點$9.8,前菜$10,茶芥$6位.我地叫左8款:蘿蔔糕,芒果千層酥,蔥花煎腸粉,炸兩,鳳爪排骨飯,墨西哥奶皇包,蒜茸白菜餃,小籠包.蘿蔔糕---一般.芒果千層酥---酥皮可以再鬆化d,芒果奶皇餡甜度適中,吾錯!蔥花煎腸粉---吾掂!腸粉太散,一d口感都無!鳳爪排骨飯---size迷你得很!大約1個日本飯碗咁大,但味道十分好,排骨瘦得黎吾韌,飯粒粒分明,加埋d甜豉油一齊食,吾錯!墨西哥奶皇包---3小個,包身頗軟熟,咬落去奶皇頗滑,唯一要彈既系個包太空心,感覺似食左好多空氣.蒜茸白菜餃---餃皮晶瑩剔透,蒸得剛好,菜餡新鮮,蝦粒爽口,值得一讚!小籠包---皮做得夠薄,肉餡夠鮮,唯肉汁吾夠清.埋單$100,舒適寧靜既環境+過得去既食物水準;都可以一試!

點心唔錯，真才實料。可能是地點有少許偏的關係，午飯時間人客不多，但幾舒服。

而且又係下午茶...又係..同老公.2人order 10碟點心:必叫金粟煎蝦餅, 夠彈牙, 但.油左少少上海小籠包, 即叫即蒸, 以$9.8三隻來講真係冇得彈, 唔穿皮, 多肉汁, 夠熱辣~例牌的牛肉腸、鳳爪、排骨共十多碟...蒸點好似過火左少少, 口感偏"林".好彩最愛的炸鮮竹卷水準保持, 入口鬆化.$9.8的大、中、小點, 午市要$15起, 貴好多o架.

上次同家人在這裡晚飯, 質素一般. 惠顧共5次, 其中4次是茶市, 茶市水準比晚市高一倍!岩岩上星期與老公食下午茶, 2pm後大、中、小點$6.8, 其中炸鮮蝦腐皮卷最掂, 香脆足料! 腸粉, 點心水準與早市一樣, $6.8一碟真係超抵. 食得飽飽埋單唔使一百, 環境又夠靜, 夠乾淨, 是灣仔區最正嘆點心地點.

過時過節，同事們一定諗起呢到飲茶。雖然冇d新意，勝在夠近同d野食到ok，最唔好就係坐得幾迫。唔知係咪做節關係好多人，好彩d點心到好快o黎到。有我鍾意食的壽包，一籠有6個，同鴻星、東海差唔多大，不過味道就比唔上個兩間，最主要係內面個蛋王唔流油，同理d蓮蓉唔夠香，佢可能將晒d靘蓮蓉o黎整月餅。奶皇千層卷好過潮江春，起碼我會食到奶皇味，蒙古風沙骨，味道搞到似羊肉，有d怪怪地味。其他點心都係大路貨式，中規中舉。我o地仲叫碟雪菜肉絲炆新竹米粉，唔錯好爽口，唔會淋pat pat，而以前我o地都食過佢d炒粉麵，都唔錯ga!