敘榕軒 (已結業)

本來午餐想吃喜萬年的,但多人到要多等一個鐘才有位,便決定轉地方. 好在敘榕軒有位...這兒的點心真的不錯,在酒店內的酒樓.以為會貴一截,但好彩都不是且有水準,還吃了义燒飽,奶皇飽,春卷,豉油皇炒腸粉,鮮cheuk卷,牛肉球,排骨...但沒有逐一影相呀!金鐘灣仔食飯真的越來越貴,這兒飲茶的價錢都算不錯了,但不能每天都這樣.

五月三十日 (星期一)來到新公司,人生路不熟不過,世界真細小老公仔的新同事之前在我的新公司工作,她的舊同事又是老公仔的舊同學呢相認了,我們相約飲茶去之前未曾聽過這間酒樓座落於榮式雞扒對面的酒店內食物質素真的不錯其中最值得推介的有魷魚鬚用了七味粉炸外脆內嫩,肉質豐富燒味併盆這裡的燒味真的很不錯肉質新鮮,又不覺太肥膩蜜糖雞翼老公仔的至愛甜度適中,雞翼肉質又夠嫩滑蝦餃很簡單-皮簿餡靚,蝦肉很爽!每款點心小菜都是水準以上之作完全不覺得馬虎…難怪我的新同事喜歡常來到這裡飲茶我們五人吃得很飽,每人約$100的價錢(加上用staff card有九折)相比起在中環的酒樓動輒百多元一餐(質素又不是太好),這裡的確是經濟實惠!

1時45分來到，等15分鐘喝下午茶。大廳面積比一般酒樓小，但枱之間空間很足夠，單邊是窗戶，引入陽光，環境也不嘈吵，很舒適。1.香芒雪花卷：長條形芒果糯米糍，一碟4小件。芒果蓉味香、加有椰絲的糯米糍煙韌，不會太厚，整體味道口感不錯，但份量太少。2.別有洞天炸兩腸：以為有甚麼特別，原來「別有洞天」是沒有任何意思的。只是一般的炸兩腸，腸粉有蝦米。炸兩不夠脆，是一般酒樓的共通問題。3.蒜香炸雞翼：８隻單骨雞翼，加炸粉炸，香脆不油膩但雞肉稍乾。4.黃金流沙包：甜味適中，有鹹蛋黃香，餡料一半固體，一半流沙，不會太熱燙咀。5.炸豆沙香蕉：外皮脆，不油膩，餡料是紅豆沙及原片香蕉，但豆沙與香蕉的味道不搭配，熱食香蕉怪怪的。進餐環境舒適，食物味道一般，份量略少。下午茶大、中、小點半價，抵食，5碟點心連兩位茶錢只是九十多元。經過可以一試，不用專程來。

may 08, 10,9大1小嚟做節,最後都喺揀咗個10人全包套餐 : 1) 錦繡乳豬大拼盤-有牛腱,乳豬,叉燒,油雞同臐蹄-個乳豬皮喺脆嘅,有水準,又薄,無厚厚的肥膏跟住,肉也嫩,不錯-其他4味都合格有餘 2) 翡翠夏果花姿胭脂蚌-個夏威夷果仁就唔喺粒粒都鬆化,有d帶點腍添-花姿沒多大的鮮味-普通 3) 紅燒鮑參肚翅-例牌幾"獻"吓-有冬菇絲,肉絲等-味道可以的,但翅feel就無嘜喇..........都好似食咗都唔覺 4) 鮑汁扣柱脯鵝掌-粒瑤柱大粒又完整,有鮮味,呢個不錯-鵝掌腍,不過唔夠入味,鮑汁味好薄 5) 上湯焗大蝦伊麵-上枱時,隻蝦嘅size大得令人嘩然,你唔會睇得到底下嘅伊麵,好有睇頭-蝦味都濃,尤其食蝦頭的膏時,不過肉質都喺唔爽-伊麵都喺酒樓1貫嘅腍腍哋版本,但個汁都有蝦的鮮味,所以伊麵索埋同食,都可以的6) 益菌竹笙扒菜膽 (走益菌)-因為家父不能食菇菌類,所以要求走菌-1見到好似倒水嘅獻汁,賣相同味道都大打折扣 7) 叙榕軒脆皮雞-蝦片很受小朋友歡迎,炸得鬆脆-隻雞嫩滑 8) 清蒸大海斑-蒸得over咗少少,未至於"鞋"/實,只喺有少少"un"咋-不過唔喺好大問題

外公每年生日都會擺番兩圍，自己人食餐飯開心下，今年定了在衛蘭軒的中菜廳鈙榕軒設宴。之前來過幾次食晚飯，感覺上出品是可靠的。店方安排了一間VIP房給我們，大家飯前可以打麻雀和唱ｋ，各自精彩。兩者都唔太好的我，就揀了遲一點出席，待差不多開飯的時間才到場。食物如飲宴的種類和次序，先來的是乳豬全體。瘦肉夾著點肥肉，外皮燒得香脆鬆化，對辦，是真正的化皮豬。近年飲宴不少，感覺上大部份酒家的乳豬都做得有所進步，是可喜的。當然，有些是從外面交來的。按次序，第二味是芝士焗大虎蝦伊麵。芝士焗的伊麵，必定是香噴噴的，麵底亦做得有咬口，合乎要求；大大隻的海虎蝦，爽口彈牙，好吃。這味雖然沒有龍蝦名貴，但論味道絕不遜色。再後的百花釀蟹拑，同樣是炸的香脆可口，蟹肉彈牙，又夠熱，醮上甜酸醬汁，我也吃了兩隻。輪到翅了，一向對飲宴的翅沒有太多要求，總之見到有番咁上下材料便收貨。而這裡的，有竹笙，翅碎亦不少，還有點蝦肉，都算係咁。還有鮑片鵝掌，鮑片幾厚身，卻不會太韌，亦入味；鵝掌夠稔身，又不會溶溶爛爛咁，也夠味；墊底的西生菜爽脆，吸盡鮑汁的味道，自然好吃。到蒸魚時間，是蒸老虎斑，個人對吃老虎斑有點保留，因為不管怎麼蒸肉質都

mar 31, 09,2人嚟lunch,因為剛剛病好,所以少少哋同清淡地叫咗 : 1) 馬蹄牛肉腸粉-嚟咗幾次都試過叫腸粉,原來佢喺喺1長條過........用嘅長碟好有陣容-腸粉皮雖不是好薄,不過亦好軟滑-馬蹄用量唔算多,但起碼沒有細切到食唔出,所以間唔中都會食到爽爽嘅咬口-1睇就知牛肉餡不少,漲漲的,沒有欺場.............免治牛肉好充實,亦食到有少少果皮味-很不錯2) 魚茸腐皮夾-因為唔知喺咩,所以叫嚟試吓-原來喺層層嘅腐皮,中間釀有魚茸-可以啦,無咩特別 3) 叉燒包-例行嘅必叫點心-包皮鬆軟,個叉燒餡又唔會過甜-good 4) 珍珠雞-正常- 好明顯我嘅狀態不佳,2人都喺食到4籠嘢就收手...........因為後來個胃比咗個signal我,所以打包咗1個叉燒飽留番tea time先食 - 從另1友人借來vip咭(9折)

jan 30, 09,2人嚟lunch,叫咗 : 1) 蜂巢芋角-個皮鬆度唔厚,所以蜂巢感唔強-而個貼近芋蓉嘅皮亦有微微少"un"添-芋蓉喺厚,但變相個餡就好少喇-水準普通 2) 腐乳香酥骨-都做到酥香,但就唔多食得出腐乳味 3) 珍珠雞-唔知點解今次白"sey sey"-跌咗watt 4) 奶皇馬拉卷-ok 5) 排骨陳村粉-墊底嘅非預計白色嘅陳村粉,只喺粉皮-不過d排骨就蒸得好嫩滑,肉質結實,應喺新鮮貨色- 多謝友人請食飯 - 嗰日唔比用9折咭

dec 04, 08,2人嚟lunch,叫咗 : 1) 古法馬拉糕-的確做得好鬆軟-但同意友人講個糖應該唔喺用蔗糖(唔夠深色),所以欠了份糖香味,佢果然專業 2) 菠菜餃 3) 蛋撻仔-喺侍應捧住sell-當我見到喺酥皮時,就要咗1碟-望都望到好酥皮吓,1層層,好似花瓣咁-入口還暖熱,好香口,應該喺豬油嘅關係-蛋嘅甜度又剛好,好出色4) 小籠包-呢個就好1般因個皮頂厚,而且帶小粉嘅感覺,咁多味中最失色 5) 燒賣-不錯 6) 珍珠雞-正常 7) 芋頭椰汁糕-芋頭味同椰汁同樣出-不俗 8) 叉燒包-正常- 多謝友人請食飯 - 從另1友人借來vip咭(9折)

今日有同事Last Day, 連經理級人馬都一齊出動, 十多人, 食個飽.完全不知衛蘭軒內有酒樓, 不是收到e-mail通知在此飲茶, 根本不會特別留意.12.30, 已經是人山人海, 若不是一早book了位, 無論你是大多或人少, 找位子都不是易事.點心, 真的不錯, 腸粉, 蝦餃, 燒賣等等, 樣樣都是有水準, 份量亦之作. 而且一呎長的腸粉對我來說, 是首見. 不過單條上, 令人感覺, 在份量, 比平日三條上的腸粉少.點心, 無一可以彈.服務, 是否人手不足的關係, 叫了多次人都沒有回應, 又沒有人收碟, 而部長亦只顧推銷那個午市套餐. 設有點心咭, 但形同無物, 點 心來了又不會蓋印, 叫了炒粉麵亦不會在底寫. 電腦單又不給我們, 根本點了多少, 來了多少, 這個是否我們的.......佢精我們不精.

今天同阿女逛完灣仔電腦城去叙榕軒飲下午茶好多吉枱, 看過餐牌及點心紙, 小點都要$16, 我哋兩母女屬大食之人, 淨食點心分分鐘要7,8籠, 加埋茶位($10/位)及餐前小點($10)另加一, 計落會過$200, 於是索性叫了一個 $128 的套餐,包4款點心(小至大點), 1 款粉麵飯, 假日送老火湯(夠4人用),牛肉腸粉(大)---普通家鄉煎薄餅(大)---麻麻煎釀二寶(大)---好油(得釀青椒及釀茄子各兩只)蒜香蝦春卷(大)---最好味, 蝦新鮮味菜肉絲炒麵(牌價好似要$90以上)---幾好食, 麵煎得好脆淮山杞子瘦肉湯---假期送的老火湯, 味道OK是日客人不多, 侍應更少, 不過服務都好好如果加埋我老公一齊食, 這個份量剛剛好, 是次埋單找數$171....

朋友口中告知叙榕軒早茶的點心十分高水準，極力推介我一試，但對於我這個新界人，又怎會專程早起來回花上幾十元車資往灣仔飲早茶呢！但最近適逢某星期六的清晨，因事需往灣仔走一趟，到十時左右就爭取機會和家人往叙榕軒來一個早餐加午餐的早茶，此店環境倒不錯，裝修有點九十年代的海鮮酒家模樣，和太太兩人點選了流沙奶皇飽、上湯鮮竹卷、薑葱牛柏葉、千絲荸薺夾和淨腸粉共五款點心，而當中的上湯鮮竹卷用上湯浸住，再用西蘭花伴邊蒸，比起以往食開打蠔油芡汁的鮮竹卷為好吃，但那自稱上湯的湯底只有雞湯味，欠缺了上湯獨有的金華火腿香，腸粉散發陣陣的粘米香，千絲荸薺夾有點像我們平時吃開的蘿蔔絲酥餅，只是內裡的餡料用馬蹄去代替蘿蔔，薑葱牛柏葉就千家都是一樣，無什麽突出之處，但吃流沙奶皇飽時要小心燙咀，事關一咬穿飽面，內裡的奶王餡就如岩漿般流出，一不留神就很容易犯上火險。此店小點$16、中點$20、大點$25和頂、廚及味點$35，又設餐前小食$10，而茶錢又分為：早$6、午及晚$10，而早茶設有大、中、小點半價優惠，我們倆人五款點心加茶錢共吃了$145，雖有半價優惠，但都覺得略貴了一點，只不過總算係酒店內的中菜廳，而且水準唔錯，

其實係睇Openrice先知原來衛蘭軒有得飲茶。有要事要到灣仔頭一趟，順便試吓呢度既點心。原來呢度既點心都幾好味，我哋點咗五樣點心，份量絶對唔會的骰，因唔係好肚餓，所以最終都係食唔晒。山東蘿蔔大餅（必食推介）：炸大餅上鋪滿芝麻很香口，蘿蔔絲餡料又熱辣辣，很油膩食四分一個已經足夠墨西哥奶皇飽（必食推介）：墨西哥飽外皮脆卜卜，奶皇不太甜，正灌湯小籠包：外皮太厚，一般蒜蓉蝦春卷（必食推介）：上檯時熱辣辣，鮮蝦餡料又多，正絲苗滑腸粉：腸粉確實幾滑，不過腸粉太大條cut開一半仲好絶對有下次。P.S.:早茶十二時前結賬離座計，大中小點心一律半價優惠。

請間入圍係因為服務超爛。臨離開灣仔，同事跟我來個fairwell lunch，選這兒係因為我未來過。對！我係未來過，但試過一次，no next time！試了墨西哥叉燒包、豆角魚餅、炒蘿蔔糕、雜菌菠菜、椒鹽茄子、春卷…等等。講真果句，樣樣野都有‘偷工減料feel’，料少；樣樣都唔熱；樣樣都好似整起好耐，賣相惡劣！只有兩款食物比較夠熱，就是荷葉飯、西洋菜鯪魚湯。服務方面，愛理不理；倒例湯的待應的衛生意識超低，還要口沬橫飛，口水滴在我們餐桌，甚是恐怖。份入座安排亦混亂，六個只比張四人方形餐桌，咪玩啦！絕對無下次！

20071104週末的時候經常人滿為患，不過今天還好，磨久一點也沒問題：）中午茶市有一個很抵的選擇，98元，有四種點心、一種粉面飯，而且選擇不算少，另外加一碟菜，三個人就足夠有餘了。浸生菜魚滑：看菜名已是很清，上到來比想像中更甚，湯底香的來淡淡的不會太鹹，面層無油，啱哂心水；煎蔥花薄餅：大力推介，不會太油，咸淡適中，表面與餅邊脆脆的，裏面又軟滑得很，趁熱吃一流；另外叉燒腸粉、煎釀三寶、糯米卷、魚湯腐皮翠玉瓜米線等，也都是水準之作。總體覺得比一般茶樓來的清淡，但味道也保持得住，加上這樣的價錢，值得一試：）

我地三位女士，一盅兩件，唔錯唔錯。我地點了墨西哥奶皇包，煎蝦米腸，沙薑雞翼，燒賣，蒸牛肉球，叉燒腸。墨西哥奶皇包，好香軟，微熱，奶黃又唔係好甜，好好味。煎蝦米腸，煎得剛好，好香蝦米味。沙薑雞翼，每件只係半隻雞中翼份量，令雞翼更加入味。幾香沙薑味。燒賣，都唔錯，不過都唔係同價錢(特點) 成正比。蒸牛肉球，好味，我個人幾喜愛的點心。叉燒腸，呢度用一隻長碟盛載的一條腸，但係份量比傳統的小。灣仔金鐘呢帶飲茶都不是太多選擇。呢度都算唔錯。而且位於酒店內，而家酒店重新裝修大堂，格調似hip-hotel 咁，幾特別。