文華雞飯(新加坡)

营业中

休息中

今天經過一番跋山涉水，終於來到了這家傳說中的文華雞飯。繼上次點了海南白雞套餐，這次換換燒雞口味。海南燒雞（脆皮）搭配湯品，先從湯品說起，一碗什麼都沒有的湯，本以為會清淡沒味道，沒想到這個湯、讓人一口接一口的停不下來。接著重頭戲燒雞登場。首先小黃瓜真的是非常的脆口，給人清爽的感覺，搭配雞肉一起吃，可以均衡飲食。接著入口一塊雞肉，雞皮的部位，非常的脆，帶點鹹味，再加上非常有雞味且軟嫩而不柴的雞肉，真的是人間極品。今天的用餐體驗還不錯，下次有機會再來試試他的肉骨茶。

到過文華雞飯堂食外賣幾十次，尤其鍾意其燒雞、叉燒、清雞湯底海鮮米線及珍珠奶茶。老闆亦親切有禮。奈何該店一位年約五十至六十歲、身形微胖、戴眼鏡、經常負責帶位/收銀/接電話/落單的女士真係極度無禮貌。於非繁忙時間堂食，餐廳明明人不多，偏偏要你坐在其他人隔離，就係你行去其他枱都大聲喝你叫去坐張左右都有人坐嘅枱。依家有疫情，你餐廳無跟政府規定每張枱隔1.5米，想於非繁忙時間同其他人保持1.5米距離都唔可以。有次打電話落外賣order，嗰位女士超串又大聲話佢唔得閒聽電話。心裡十萬個為什麼- 嗰位女士已經聽咗個電話，外賣落單只會用不超過30秒。唯一解釋就係佢大把生意唔休做。用Uxxx Exxx App 落單老闆話怕叉燒早賣晒所以App係無叉燒飯。要叉燒就要响App落雞飯再打電話去轉叉燒。嗰位女士唔知又串你叫你响App度㩒叉燒。想直接同老闆講，佢又話老闆唔會得閒接我電話。明明我已經好多次都係直接同老闆溝通。呢位女士真係連基本禮貌同正常待人接物嘅態度都無。

我都幾鐘意食海南雞飯，兩星期內最少食一次，係openrice度search到呢間老字號嘅海南雞飯，一於放假去大角嘴試試。餐廳有一股懷舊feel，lunchtime有唔少白領同街坊幫襯，店員們都好殷勤親切，亦係老字號吸引人嘅地方。有白雞同燒雞飯套餐，一場嚟到當然兩款都要食！套餐仲配油飯、油菜、肉骨茶(細)或飲品。白雞燒雞賣相都好吸引，雞皮十分有光澤。除左雞肉嫩滑外，白雞嘅鹹度啱啱好，唔點海南雞醬油三寶(薑蓉、辣椒醬、黑醬油)都已經好入味，燒雞雞皮微烤額外多了份脆脆嘅口感。油飯亦係重點，淡淡雞油同蒜香外，米粒粒分明，唔覺唔覺就食哂。肉骨茶有驚喜，雖然藥材/胡椒味唔重，但勝在足料，細細碗已經有肉骨、豆卜同菇，以跟餐配嘅湯嚟講真係一D都唔馬虎。海南雞超嫩超好食，有菜有湯而且午市唔收加一，性價比高，非常推介！Menu-

⭐️文華雞飯⭐️大角咀中匯街17號地下突然之間好想食新加坡嘢，好想食海南雞飯，成日喺香港都裏面嘅海南雞飯去試吓！今日都唔例外！⭐️海南雞飯呢個海南雞飯嘅油好好食，雞油嘅香味非常濃郁！而且都係用咗無骨雞，所以食落去非常方便！雞皮唔會好油！連埋一齊食都好好食！

新加坡既香口肉骨茶加埋個叉燒海南雞，果然係絕配之作喇沙湯底香口冬陰功，油飯濃度啱啱好絕對可以番兜再食。。。。。。。。。。。。。。。。。。。。。。。。。。。。。。

同男朋友黎左大角嘴搵食，好耐唸住食飛機餐廳不過原來佢2點先開，平日營業時間好kick，醒起好耐之前朋友推介過呢間海南雞飯，我食過一次就念念不忘，所以就帶男朋友黎食，我地每人叫左一個海南雞飯lunch set，包一碗清雞湯，雞湯好好飲好甜，熱度入口啱啱好，飲完一碗好想再添😂😂因為真係好清甜，飲得出唔係重味精湯，海雞醬擺係枱任君選擇，酸甜醬，甜豉油同蒜蓉就必備，個人最中意三溝，無骨雞真係好正，份量啱啱好，飽到上心口，海雞肉質非常滑嫩，皮清得好乾淨，肉同脂肪比例平均，隔左咁耐冇食依然係好正，仲可以比八達通消費卷

夜晚肚餓喺大角咀搵食，見到呢間貼好多同明星合照既相，一於入去試吓。一共叫左兩個海南雞飯同一個砂礓雞腳小食。先講海南雞飯醬汁自己任落，海南雞正正常常冇乜雞味，佢全靠啲醬汁同個油飯令到整體感覺好食。但係重點，雞份量好少，主要靠下面嘅青瓜墊底，雞切得又薄又細，真係食完都唔覺食左，仲要賣$68一個飯，重點仲要有加一服務費。個人覺得唔值。仲有個小食$28砂礓雞腳價錢雖然平，但質素好一般，啲雞腳蚊到好淋，雖然入味，但口感唔好。整體而言，食過一次唔會再食。個人認為間餐廳裝修又舊衛生一般，唔明點解仲要收加一服務費。埋單兩位$180，但兩個都覺得唔夠飽。

暫時我吃過最好吃的海南雞飯！大角咀一個不算就腳的地方所以好難得先可以去一趟坐低10秒便可以落單「一份燒雞、要肉骨茶」$92「一份白雞、轉脾、熱奶茶」$92然後5分鐘內食物便能端上甚少海南雞飯可以跟燒雞而且咸香嫩滑肉骨茶有豆卜豬骨、用料豐富油飯甘香盡顯雞油美味可惜，一段時間沒吃就已經加價了不過我仍會繼續拜訪在未找到另一間美味之前！#hkeats #instafood #igfoodie #foodies #enjoyyourlife #foodie #drinkandthink #hkgal #hongkongfoodie #hongkongfoodblogger #hkfoodblogger #foodporn #instagram #followme #instatag #foodlover #852foodies #打卡 #香港打卡

<海南雞飯>無諗過屋企附近有間咁好食嘅海南雞飯💋油飯油飯係亮點，做得又夠乾身，又夠香口，又無味精。以後可以外賣淨飯😍肉骨茶原本諗住星加坡口味，以為無咩藥材味。一飲，勁足料，勁香藥材味，個湯好濃好香。

咁岩去開大角咀探朋友, 搵到呢間食雞飯嘅餐廳! 餐廳有兩款招牌雞飯, 今次都有叫到, 白雞飯套餐同埋燒雞飯套餐, 價錢都係一樣, $86, 包左有一碟雞, 一碟菜, 一碗油飯同肉骨茶/飲品! 都幾多野食~~野食好快就送上, 雞件份量都唔少, 每碟都有9-10件左右, 而且好嫩滑, 仲可以啖啖肉! 配上店家醬汁同豉油, 勁惹味! 而燒雞就再多一份焦香味, 不過D皮並唔係脆身, 感覺有少少奇怪🤣肉骨茶好好飲, 胡椒味濃, 飲到有藥材味, 但又唔算話好重藥材味, 相對易入口, 配料有菇同埋豆卜添! 油飯好香, 而且米飯粒粒分明, 食落唔會覺得油膩,唔錯! 仲有菜心一大碟, 份量好夠!!

山長水遠由尖沙咀坐車到大角咀港鐵站，再行十分鐘，終於到了大家食完也讚的海南雞飯。我們晚上8點到餐廳，不用等位，一坐下朋友就點了一個海南雞雙併套餐（白切雞+油雞），套餐包括雙併雞、油菜、油飯、餐飲/肉骨茶，我點了叉燒套餐，都是包油菜、油飯加$3、餐飲或肉骨茶。白切雞+油雞十分嫩滑，油飯味道適中，肉骨茶十分入味，藥材味不重，易入口。餐廳位置不太易找，需要多點時間找到，所以不用訂位都容易有位子食飯，下次可以再試。

有一日係social media 睇到有人介紹呢間餐廳，咁我就search 下外賣app，搵到喎，一於試下啦～我點左海南雞半隻，同埋細肉骨茶。個外賣袋都幾得意見Openrice 有咁多好評，又見social media 有人推介，話好食過文華酒店嘅海南雞。我未食過文華酒店嘅海南雞，所以比較唔到，但呢間餐廳嘅海南雞，我真係覺得無咩特別，好普通，連d醬汁都係好普通，可能我本身期望比較大。。。除左肉質都算嫩之外，真係談不上好好食海南雞下面有青瓜墊底。反而呢個肉骨茶有驚喜，有好濃嘅胡椒粉味，唔錯。如果你地咁岩經過呢間餐廳，都可以試下嘅。但如果要專登搭車黎食，咁就未必值得了。

朋友介紹 呢間真係有新加坡味道外賣包裝冇得頂 包到好實肉骨茶的包裝還有保鮮紙包住 唔會瀉到周圍係叫咗套餐 (雞飯,油菜,飲品)雞可以選擇炸雞或白雞飲品可以選擇細肉骨茶或者其他飲品平時出去食飯食得海南雞飯就食唔到肉骨茶叫呢個餐就可以滿足兩個慾望海南雞 好滑 份量唔算少底部有青瓜 清爽佢啲醬汁 好野味 撈埋落啲油飯到食 送飯一流佢啲油飯一粒粒米唔會太林唔會太硬味道好食肉骨茶 裏面啲肉 係豬軟骨 可以連骨一齊食埋湯底仲有啲菇 豆卜 好入味

走到入呢間小店感覺好似去左新加坡食街咁🤣 裝修簡單 款式都唔多😅 但係以真誠簡樸既味道取勝😋試完雞飯果然出色💕 直頭想飛一轉新加坡了✈️⭐️ 白雞+燒雞套餐 🍗三心兩意既我一次過叫曬兩種口味😜 我最鍾意白雞 白雞並不平凡🐔調味唔多但係食到濃既雞味 肉質唔柴好嫩滑😚一D都唔肥 係香港我試過最好食既既白切雞不誇張🏅️ 燒雞皮脆帶焦香🔥比較惹味 加上油飯可能鹹左DD🍚 套餐加上油菜🥗 仲可以轉一杯好足料既鹹檸七🍋 檸檬夠酸夠鹹👍🏻 好有街頭風味🥰⭐️ 肉骨茶套餐 🍖肉骨茶偏星馬風味既混合🤔 帶濃濃既藥材味 感覺好補💪🏻 同時亦富胡椒香 排骨唔肥🦴但係湯底偏小小鹹😅 撈飯食就Perfect

行開大角咀呢邊，突然好掛住新加坡嘅肉骨茶，就即刻去食啦！餐牌上面都有好多食物揀！嗌咗一個白雞飯套餐同一個燒雞飯套餐套餐有一碟雞，有菜，油飯同肉骨茶真係好夠飽 ，而且佢d份量都唔少 幾抵食無論係白雞定燒雞，都一樣係咁嫩滑，正！油飯好大碗，下次要嗌少飯呀！肉骨茶好足料，好夠味，好味！見到枱面有兩隻醬同豉油，立即倒小小出黎試下可以調起雞既鮮味！多左層次！唔錯！下次再掛住肉骨茶/或者想飲d湯水，我都一定會再黎呀！又正又抵食！