文華饕記 (已結業)

咖哩豬扒飯$50$50有飯食有嘢飲 餐廳座位寬敞港式茶餐廳味道豬扒香口不會硬，咖哩賣相一般但味道不錯。••••••••••••••••••••••••••••••

灣仔/紅磡美食攻略文華饕記 Man Wah Restaurant 今日黎左食下午茶,$30,佢呢度個西多士有水準,上次食過今次試上次唔滿意既瑞士汁雞脾,大約等15分鐘先上,唔知係即浸定無貨再煮但起碼我食到呢一隻好滿意,浸得岩岩好,浸到好入味,雞肉唔過熟個皮入曬皮好好食,滷水雞脾最好食係塊皮!好夠味！2個人食左2隻雞脾加一客雞翼沙律薯角下午茶熱咖啡略嫌佢苦左D,飲2包糖都頂唔住,太重手,雞翼係即炸既,夠脆香薯角唔夠熱,沙律無乜特別呢個價錢好抵食,環境又唔會太迫,服務又夠快手餐廳位於灣仔克街1-5號展鴻大廈地下D-E號舖#文華饕記 #茶餐廳 #下午茶 #瑞士雞脾 #滷水雞脾 #港式茶餐廳#香港茶餐廳 #常餐 #快餐 #特餐 #港式風味

今日有嚟到灣仔食午餐，平時食開豆腐火腩飯，今日見到餐牌入邊有個茄子火腩飯，覺得好新鮮，決定試吓佢❗️❗️❗️火腩：火腩一如以往咁，夠曬火喉，好食👍🏻👍🏻，份量都唔少，滿瀉😨😨😨😨😨茄子🍆：煮到好林，因為Lam嘅緣故，同啲汁撈埋一齊，令到層次分明，撈飯嚟食好好食，雖然賣相未必好好睇，但其實內涵好夠👍🏻👍🏻整體來講質素好高，文華饕記真係絕對唔會令你失望👍🏻👍🏻👍🏻

呢間餐廳啲座位好闊落，而且冷氣通風都幾好，父母都話坐得幾舒服☺️☺️叫咗晚市套餐沙拉骨！沙拉骨份量都幾多，而且唔係好大舊骨嗰種，食落口啖啖肉，而且啲肉質好柔嫩，廚師烹調肉類嘅時間拿捏得好好，啱啱好可以鎖住啲肉汁，夠晒juicy！同埋其他餐廳嘅沙拉骨醬汁通常係用白色嘅現成沙律醬，呢間餐廳嘅沙律醬係蛋黃黃色，但係又唔係出邊買到嘅mayo ，所以覺得幾特別仲有叫咗個炸雞扒司華力腸公仔麵，不過原來得半條最值得一讚就係店員好細心咁將塊麵包放喺炸雞扒同埋司華力腸嘅上邊，咁樣就唔會令到啲油滴落塊面包到，搞到塊面包淋晒😆

文華饕記 灣仔克街1-5號展鴻大廈地下D-E號舖Shop D-E, G/F, Chin Hung Building, 1-5 Heard Street, Wan Chai之前係apple優惠買左2蚊雞脾同2蚊西多士見人地寫西多士我又寫下先🤣落單後都係幾分鐘就上，西多係即炸既厚身麵包全身沾滿蛋漿，中間再抹上大量花生醬炸得抵挻身飽滿，再加上一片大牛油，最變態係糖漿任加，唔覺意就變左糖漿浸西多士濃郁既花生醬夾埋鬆軟既包身西多士黎講幾有水準❤️講返隻雞脾，真心唔得，係夠大隻，但成隻脾掛滿左黑色一點點類似焦左既味道食完成口苦澀味，無甜味無滷水香味就得苦味🥵我諗唔係因為優惠先失準佢起碼係再熱左隻脾比我食

今日黎到文華饕記試下佢個出名既常餐👍🏻👍🏻懷舊沙嗲牛肉公仔麵餐 $48蒜蓉多士：蒜蓉好多，蒜蓉味好夠，多士個外皮好脆，難得難得😋😋😋鮮奶炒滑蛋：滑蛋好滑，唔會炒到好老，鮮奶味又夠出，好食👍🏻👍🏻👍🏻沙嗲牛肉公仔麵：沙嗲汁夠花生味，但又唔會太鹹，唔洗去洗腎😂😂😂牛肉又冧，但唔會太勁鬆肉粉味，好味道😍😍😍凍奶茶：茶同奶比例岩岩好，唔會太甜，好飲😋😋😋😋😋😋

今日又係我呀！ ！嚟到文華饕記食晏就👍🏻👍🏻豆腐火腩飯 $55豆腐火腩飯叫得做男人嘅浪漫🌹就梗係因為佢夠大大碟又飽肚啦，咁黎得文華，呢樣野又一定會附合到👍🏻👍🏻而睇一個茶餐廳有害，睇佢煮嘅豆腐火腩飯都可知一二，火腩要用猛火去炆，但又會容易太老，所以火喉一定要夠，而呢度既火腩就真正做到，火腩同時又肥瘦比例岩岩好，令到佢層次分明，油脂又入口即溶，好味😋但減肥既女士就要小心d啦😂😂豆腐有炆到入晒未，又夠冧，高質👍🏻👍🏻

今日又要出街到灣仔食飯，黎到呢間文華饕記，食番個港式午餐😍😍❗️❗️講開港式茶餐廳，其中一個特點一定係干炒牛河，今日就食佢啦❗️❗️❗️干炒牛河（$55）：乾炒牛河既重點就梗係要夠干身啦，另外就係夠足料，而呢度嘅乾炒牛河就絕對做到牛肉夠冧夠肉味，仲要份量一d都唔失禮，而其他配料都多，正👍🏻👍🏻👍🏻另外牛河又炒得夠干身，好夠QQ，好味整體來講，質素好高，灣仔區既平靚正之選👍🏻👍🏻👍🏻👍🏻

街坊系列 – 文華饕記由運動到抗疫,文華都係文宣組既佼佼者立宇宙法後,店內雖然少左大量感人文宣🥺但依家有大量吉祥物和你EAT🐷🐶🐸------------------------------環境: 店舖面積非常大,座位好闊落😆淨潔程度稍稍有點欠缺,座位同枱面都有點污漬😥上年被一班藍暴徒破壞店舖後(無人被捕)😡依家都仲見到D破壞痕跡😔(P.S. 要裝修花費巨大,明白的)💪🏾------------------------------食物: 早餐B($33)🥱😴😪沙爹牛肉麵+奶油豬+炒蛋🍳麵質岩岩好,唔會太淋化開哂🍜沙爹味濃,牛肉份多而無筋🥩奶油豬勁大個🍞小編食完都飽飽如果脆身多小小,咁完美啦💛炒蛋味道正常🥚滑但係偏油左小小🤏🏽------------------------------服務: 店大但員工唔算多🧐今日全程都由一名女店員主理👩🏻雖然佢講野好快無尾音😰但勝在戰鬥力極高,咩都佢做哂咁😆------------------------------環境: 4.5/10食物: 6/10服務: 6/10地址: 灣仔克街1-5號展鴻大廈地下D-E號舖人均消費: $40 - $60

有位泊車，咁無計啦，附近揾食。求其揾一間，方便睇住架車，就入左呢間。一入去見到選擇都幾多。叫左一個紅豆西多，不過忘了影相。講真，個紅豆西多真係唔錯，唔油，甜度適中，而且炸得啱啱好。 另外見佢推介常餐。咁當然信佢啦。但....雪菜肉絲米，鮮奶炒滑蛋同蒜蓉多士，真心失望。雪菜肉絲唔太入味得少許喊味，個米粉有D似粉絲但又唔係粉絲，個粉唔夠“林”，好難形容，個蛋又好普通，無鮮奶味，唔滑，而個蒜蓉包又林又唔熱又軟乃乃.....只可以講，食紅豆西多我一定會再黎...常餐...不了。

我哋呢啲九龍人，甚少過港島行街，早排去開灣仔，行行下，忽然有啲肚餓，搵下搵下就搵到嚟呢間。一睇餐牌，毫無懸念之下叫咗個常餐嘅必食推介：雜菜牛柳粒茄湯米線，配鮮奶炒滑蛋同蒜蓉多士。本來對個蕃茄湯有啲期望，但係可能食得番茄師兄多，相比之下，呢個湯較似羅宋湯，蕃茄味唔夠純正，牛腩都有少少韌；炒蛋嘅鮮奶味雖然唔係好出，但係個蛋都算幾滑，有蛋味；成個餐最好食嘅反而係塊多士，蒜蓉味好強，好香口。總括嚟講，呢個常餐就正正常常😆。

加班加到天昏地暗.. 收工時已經無咩選擇..😟行到黎，經見文華未收，甘就食佢啦！唔係既話返再屋企只可食公仔麵😢今次叫咗 - 沙拉骨同炸雲吞，有好大碗飯+老火湯，加埋凍檸茶少甜，好滿足既一餐😊沙拉骨 - 攞到返屋企都仲係熱辣辣、入口仲係好香口！ d汁又多，好好味！炸雲吞 - 無諗過佢炸完出黎仲係甘Juicy!!! 入面粒蝦超大粒！！老火湯湯料十足，飲極都仲有😳配埋凍檸茶及靚仔一大個，飽到訓唔到啦～～晚餐如果堂食應該仲好食，仲熱辣辣值得推介👍🏻

//食物 🌕🌕🌕🌗🌑1️⃣魚香茄子煲 $68一上枱仲見到啲油喺到咋咋咋，食落好香口惹味，味道唔會太咸，送飯一流😛個餐可以揀要嘢飲定例湯，今次就叫咗嘢飲，上次去就叫咗湯，都好足料，唔係味精湯嘅味🥳2️⃣常餐 雪菜蝦米肉絲湯米 $48碗米粉比我預期嘅多料，啖啖都有餸，加埋啲蝦米口感就更豐富😍可惜個炒蛋就偏油，食完個嘴會令立立🙁個包就有驚喜，牛油落得夠多，仲要脆嘅😍//價錢 🌕🌕🌕🌕🌑價位中等，都係普通茶記價，份量好足👍🏻//位置 🌕🌕🌕🌗🌑灣仔站行大約七分鐘到🙆🏻‍♀️雖然位於橫街，不過都好易揾🙈//環境 🌕🌕🌕🌕🌑每塊隔板都會見到連豬😂成間茶記好白雪雪，而且非常乾淨，啲枱凳都唔會有嘢食碎啊水漬之類😛//員工 🌕🌕🌕🌕🌑我地上年11月去嘅時候，一坐低有個後生員工免費送左兩碗湯比我地😍而且呢間店嘅員工態度都好好👍🏻//總分 🌕🌕🌕🌗🌑

💛 #黃色經濟圈 早排接完男朋友收工佢話帶我去食黃店~嗰條街都好似有幾間我地就求其入左間🤤Menu有好多都好吸引~但得兩個人又食唔到幾多🥺🍴當紅炸子雞($98 連餐湯，白飯)餐廳價錢以茶記黎講比較上係冇咁平~但係就比一般茶記嘅選擇多d😚好似炸子雞咁都比較少茶記有🤔外皮炸得好脆之餘雞肉仲好嫩滑而且都幾入味唔係太需要再額外沾淮鹽食😋🍴蓮藕片炒燒腩仔($68連餐湯，白飯)另外叫左個簡單啲嘅小炒~調味啱啱好唔會太咸~😋腩仔份量都好多啱曬餸飯😚另外小菜套餐仲包左餐湯/餐飲~當日就揀左菜乾湯😋稍為唔係好夠濃但整體都ok幾多料😉📍 文華饕記 (灣仔)灣仔克街1-5號展鴻大廈地下D-E號舖

日日經過灣仔，第一次試呢間茶餐廳，坐得好舒服，好多卡位，嘢食都不錯，奶油豬雖然細細個但有成隻~餐牌上面無話有茄汁豆，黎到有，有驚喜！唯獨個炸魚柳嘅炸粉有啲厚，魚柳味道一般，下次試埋個牛麵先。