影片
以上资料只供参考，请与餐厅确认详情
同幾個朋友食飯最岩就係去大排檔🤩坐幾耐都得，又可約試多幾款菜式黎到紅磡文記就係最佳選擇喇😍推介佢地既酥炸小棠菜外面炸得很酥脆，裡面既墨魚肉就超鮮香極彈牙😍蜜椒薯仔牛柳粒🤩薯仔蜜香味的表面小小脆甜甜地，薯香肉軟，牛柳粒都超嫩口易咬🤩椒鹽九肚魚🐟香脆鹹蒜香既外皮包住軟淋淋既香滑魚肉，記得襯熱食先夠脆🤩除左小炒，仲有潮州滷味😍😍滷味拼盤，有豬耳，魷魚，紅腸，豬腸等 幾特別😂😂最後最後仲有新鮮海鮮🦞！蒜蓉開邊蝦勁新鮮，口感彈牙😍唔知點解仲好容易脫殼，蒸得時間岩岩好呀😍好似話仲可以自備海鮮黎加料🐟🐟相信佢地都好有經驗處理😍😍呢到有提供酒水可樂，但都可以自備飲料不另收費，太體貼了吧一班朋友聚會呢間大排檔都係唔錯既選擇😍😍當然環境係街市環境，大排檔黎講算係咁😂
继续阅读
上星期去同朋友朋友嚟慶祝啦，點知呢啲嘢食好鹹冇鑊氣，叫豬紅豆腐淨係嚟得豆腐、啲瀨尿蝦仲要唔新鮮肉質唔爽，完全被欺騙嘅感覺😡 食到我朋友一肚氣，不推薦大家去食😡😡😡
继续阅读
鮮魷太鹹 又少3/10蠔餅炸粉太多，淨係食粉同埋油膱味好重蠔餅真係1塊餅咁上嚟真係長見識 0/10沙嗲牛肉粉絲垃圾 啲味都唔知係乜味 3/10椒鹽九肚魚，稍為好少少 但係都係唔好味 無乜味 5/10鵝腸叫做好少少 都食得落肚 6/10啲白飯同埋可樂幾好 起碼冇伏 10/10野食份量都偏少人生之中食過最難食嘅一餐大排檔之中食過最差嘅體驗等嘢食等咗有一個鐘都唔明點解無人話差 伏到死希望我嘅食評可以幫助到大家 唔使大家親身試服食完完全唔飽 人均170左右
继续阅读
朋友話要嚟呢間飯店試吓佢口中稱讚嘅羊腩煲，我心諗：試下又未嘗不可喇🍲。首先，材料嘅豐富程度真係一絕，羊腩煲裡面嘅羊肉塊十足肥美，每嚼一口都散發出濃郁嘅肉香味，肉質又滑又嫩，真係令人食指大動。跟住佢哋啲馬蹄同冬菇炆到軟綿綿，吸滿咗濃厚嘅肉汁，食落真係有種心滿意足嘅感覺。咀嚼之間，羊腩煲嘅湯底滿溢住中藥同香辛料嘅味道，溫暖又撲鼻，冬天食真係正🥘！再講吓啲生炒骨，外酥內軟，鑊氣重、肉香四溢😋，雖然翻筋肉感覺稍微韌咗少少，但都無損佢喺我心目中嘅地位。總之，今次嚟這家飯店嘅體驗，真係令我有啲驚喜，羊腩煲值得再嚟幾轉！
继续阅读
幫襯十年，唔係常來，但一年都有四五次。今日平日晚市嚟到，見人煙稀少，都明嘅，疫情過後港人飲食習慣變左，少左出夜街。講返味道，今次明顯差左，淡口而量少，量少其實問題不大，來貨大家明貴左，但鑊氣、色水、味道真係要加把勁，否則熟客都俾唔到幾多次機會。豉椒鵝腸($98)鵝腸好貴嗎🙃好貴都唔好切到碎濕濕先上枱，完全無口感，揾唔到一條過嘅鵝腸，一條都無。味道亦好淡口，明顯廚房唔敢落味，驚鹹，但認真講句，嚟得大牌檔熟食中心食小菜，就係要重口味，預左送酒預左濃味。豉油王海蝦($160)呢個好好食💯好夠味😊蝦亦都好新鮮茄子牛仔骨煲($118)抵食，量足而味道適中豉油皇炒麵($68)色水一睇就知唔掂，無上色咁濟，又有好多燶嘅鑊撈麵條咁，搞乜😐成條大葱都可以就咁上碟，廚房完全唔合格。份量真係少左，老實說麵唔係貴價野，無乜需要慳吧？量少左又係咪真係逼到客人嗌多碟其他餸呢？脆皮炸大腸($108)中規中矩。有啲邊位又係燶黑色
继续阅读