文記粉麵茶餐廳

营业中

休息中

今日放工好攰唔想煮飯，就叫埋朋友一齊落街食算數。我叫咗個臘腸雞煲仔飯，我朋友就叫咗個牛腩魚麵。魚麵好快就到，可憐我個煲仔飯等咗成20分鐘，不過即叫即整就係咁，要食好野就要付出代價……我朋友既牛腩魚麵同平時一樣，牛腩淋，軟，滑，食入口唔可以話即溶，不過唔會痴牙，魚麵彈牙唔腥，湯底清香重腩汁，落埋佢地秘制辣椒油就真係無得頂。我個臘腸煲仔飯都唔錯，啲雞好滑好香臘腸味，有幾隻冬菇，啲飯唔太硬，個底有飯蕉。不過有樣美中不足既係條臘腸……好多肥膏，一咬落口成口油……所以下次都係唔好叫臘腸穩陣……

媽媽今日同朋友們番大陸, 所以無人煮飯, 就是但搵左個朋友落街打碗粉麵就算慈雲山文明粉麵的文記, 出名腩汁入味, 牛腩夠腍, 真係食碗粉麵都一定要飲晒D湯先捨得但如果係夜晚黎食, 就一定要加底, 因為個河粉真係少左DD, 無論男女都未必好夠…

近期与人吹水宵之选，之前几次食过牛雜，四宝之類，味一般，是次改奌小菜試厨房手艺，奌了黑椒牛柳，干炒伊面，黑椒牛柳超惹味，送反送酒一流，色香味俱全，甚至比大酒楼还好味，伊面爽口軟硬中，但鼓油味重及配料不足，再奌西多士，新鮮熱辣。

個樣好似好好味，位置是街外如大排檔的感覺，近近地就食下啦，雞排魚腐魚麵份量一個人剛剛好雞排魚腐都係炸既，所以油左D，而且咸左少少而魚麵是見到黑黑地既魚皮在麵條內，感覺好似幾真 一碗野連凍飲約41蚊，不過不失吧

這間文記真的很勤力，早近乎7點開，夜一點幾仍營業，年中無休。一般的舊食茶廳沒有太大要求，環境衛生待應服務稱不上，相信大家只求快手快腳填肚不過不失算數，但填肚能選擇好味的更佳。臨臨種種食品中都是至愛牛肚河，牛味濃，配搭河粉得宜。但可惜今年加了幾次價，現$21碗，密食都不化算。其他食品味道一般不過不失，食客似云來，希望他們的電視機音量收細，好很大聲。

接近十一時才去吃晚飯，慈雲山中心的食肆已關門，所以我們去了毓華里，那兒的食肆營業時間較長，尚有不少選擇，文記粉麵茶餐廳便是其一。朋友吃了$26的晚餐，包括～牛雜飯：牛雜很入味和爽口，份量十足，可謂「大碟夾抵食」！例湯：胡椒味極濃，味道不錯，除了蔥花，湯內沒有其他材料。凍檸樂：加$3也是物有所值，因為送來的是大樽裝可口可樂，起碼可以斟滿三杯，爽！我吃了$24的常餐，包括～火腿奄列：我最喜歡這種煎得恰到好處、不會過熟的奄列，好味道！豬扒米線：豬扒頗香脆，如果沒有浸到米線的水、另外一碟地送上肯定更好。米線味道一般，個人偏好濃味，所以覺得有少許淡。熱菜蜜：看到朋友的凍檸樂，我有點羨慕，可惜喉嚨有些痛，只能喝熱菜蜜潤喉。整體來說，文記粉麵茶餐廳真的價廉物美，好！

話說今日落街食個下午餐,一路都未幫襯過呢間, 今次決定應該比次機會食一次.門口睇吾到淨面幾錢, 得套餐價, 22 面連汽水 , 轉凍飲+2, 都接受到.入去到先見到淨鮮蝦雲吞面16蚊, 都OK.伙記幾好禮貌, 落單好快面就到4隻鮮蝦雲吞 , 爽口香甜, 味道吾錯, 面彈牙, 無簡水味 , 正.十足十我平時係旺角某老字號成日自命雲吞專家個間食, 水準好相似. 慈雲山都做到呢個水準, 價錢仲要平三成, 抵!抵! 下午餐必選, 下次再試埋其他面先

小弟住慈雲山都有十年，記得第一次去文記食，叫了乾炒牛河，用蒜蓉炒，感覺幾好食，但食多幾次就好頂唔順啲蒜蓉味...直到依家都有去食晚飯，佢嘅所謂快餐要等10幾分鐘真係好唔掂(估計應該等夠order先一次過炒吧...)，而某啲阿姐(服務員)比人感覺好似魂遊咁...環境衛生真係麻麻，冷氣滴水不止，最討厭係食緊飯時有好多"翼仔"圍住碟飯飛...不過直得一讚係煲仔飯，的確好好味，但係冬天先有~

$17。牛腩河：想講個湯底夠火喉，清得黎又有牛味同豬骨味，應該熬左好耐，最緊要夠滾。有坑腩喎，肉質比起普通牛腩當然更勝一籌，嫩滑不痴牙，牛腩是由秘製滷水所燜製而成，入味又軟淋，我就嫌有d肥，但人地話肥得滋味，肥脂位入口即溶且甘香喎$20：牛丸拼魚頭米：試勻兩樣野先廿蚊，抵啦！首先，魚片都幾彈牙，牛丸則牛味濃，不錯$15@。淨水餃、淨雲吞：淨食或配粉麵都同樣係$15，超抵食啦！而且雲吞係自己包，蝦與豬肉的比例配搭得幾好，鮮蝦夠爽口；水餃大隻好味$27。乾炒牛河：牛肉切得好大件，肉質都算滑，大家都話食完都唔會太油膩，ok$26。揚州炒飯：炒飯炒得不錯，飯粒粒粒分明，配料有叉燒粒、火腿、蔥粒、蝦仁，份量不多，但鑊氣十足，味道挺好

不是經常到慈雲山的小弟，今日因看到報紙報導說這兒的粉麵很有名，是電視城內各人吃夜宵的必然首選，於是慕名來吃一下。不過令人失望的是，吃過後總覺不過爾爾....自己吃粉麵時的習慣必定是先來一小碟清菜來清清腸胃的。要了一碟芥蘭全走，可能是由於灼得太熟之關係，進口時應有的"嗦嗦聲"已是蕩然無存，顏色也有點"啞"。看來，用來用之來加強腸道功能倒是可以，若要稱之為好吃，卻是怎麼樣也談不上了....從牆上貼出來的介紹看到有魚麵吃，實在是久未嘗此物，於是叫了牛腩及片頭與之共吃。先吃自己認為是主角的麵條，魚味是存在的但不算濃，進口亦不覺很彈牙，失望；牛腩屬清湯之風格，不過肉卻是韌得可憐，吃了數件，差不多大部份都吐掉了；片頭外皮炸得不夠金黃，跟魚麵一樣，魚味亦是不夠.....可算是"盛興而來，敗興而回"。不過聽說附近巷內有不少亷價美食可再細嘗。一次的挫折，是不能阻止我等饞嘴人覓食之決心的.....

Not as good as advertised. Lunch, I had Gon Child Ngau Hor, it was ok, not so oily. One magazine said you won't find oil at the bottom of the plate. That was bs. Yau Choi was ok too. Together with one hot lemon tea. Total $48. just average price.Dinner, I had sausage + chicken Bo Chai rice. Lousy. Sausage was bad, chicken was bony. Don't bother to try if you go there. Again with Yau Choi and hot lemon tea. Total $53. Again average price.The kitchen is always busy with take-out order

前幾天見到報紙介紹這間粉麵鋪，於是我和老公便走去試一試。我們叫了牛什河、蕃茄豬扒燴意粉和熱奶茶。 牛什河： 湯底很濃郁，牛什夠淋夠入味，美中不足是牛腸不夠肥‧ 蕃茄豬扒燴意粉： 送上來時，已聞到味道很香，意粉入口時更覺得鑊氣十足；至於豬扒的味道也不遜色，既香且淋；配上酸酸的茄汁，煞是好吃！ 熱奶茶： 味道竟然較為普通，因為茶味不足！

文記其實一路都好多人話好食嫁啦特別係炸醬麵好香好食不過最近可能d食材加價所以佢都加價普通特餐都加到$24牛腩食品仲要加多$1不過而家個牛腩就無以前咁好食而家個牛腩可以嚼到我半個鐘不過個常餐個豬扒麵都係咁好食個豬扒唔會好油又煎得夠香相反d特餐o既炒粉麵就落油落得好重手

天氣轉凍，又引起食煲仔飯的興趣。文記雖然只係一間唔起眼既小店，但佢既煲仔飯絕對好過廟街，我地今晚食左兩個煲仔飯，好滿足啊！窩蛋牛肉煲仔飯 ($30)：牛肉嫩滑，煲仔飯煮得剛好，飯粒香噴噴唔乾身，底部飯焦唔會燶到食唔到，好正！臘腸肉片煲仔飯 ($30)：臘腸大大條，肉片鮮美，飯都係甘好味。我地另外要左碟菜，平平地又好味，重食到好飽呢！

早2日屋企冇煮反去左買外賣諗住買黎試下..因為買返屋企食..所以冇買佢d粉麵食喇買左盒西炒反同椒鹽豬扒反麻麻地啦...反而佢杯朱古力又幾好飲..下次會試埋佢d粉麵..