新東記魚蛋粉

营业中

休息中

很久沒來買粉麵回公司吃.今天點了一直喜歡的潮洲四寶麵.每回返到公司, 公司同事都說好香好香~每間粉麵店的湯底和配料各異,這店的湯底很清爽,不會有濃濃的蝦殼味 (好怕).每次碗麵都有魚片頭, 魚片,墨魚丸,魚丸和我鍾愛的魚皮餃.有時我會加點一碟走油油菜, 胃袋就會超級滿足.

我好中意食牛腩米粉所以經常前往不同的地方找尋牛腩今天找到這家粉麵店在荃灣廣場附近人流很多剛好遇上下午茶馬上點了一個套餐肯定點牛腩米粉還有一杯豆漿價錢也不貴 性價比很高😉

天氣晴朗，熱辣辣30幾度緊係唔想㷫烚烚食飯啦。今次去荃灣搵食（麵），岩哂想頹食又對品質有啲要求嘅你。新東記都只賣即日手打魚蛋/片，新鮮熬製魚湯，仲有魚麵添。留意番呢間餐廳淨係收現金！上次去食唔夠現金，結果佢地超好人叫我下次經過先比番，最後收平我幾蚊（大家唔好學我）⭐️牛筋魚蛋河 𝑯𝑲𝑫𝟓𝟎蔥花連炸蒜 |手打魚蛋 |牛筋| 河粉超鍾意個腩汁底，河粉都煮得岩岩好，爽口唔會偏腍。魚蛋彈牙有魚味，又唔會太咸。仲有牛筋有驚喜，估唔到一間主打魚蛋嘅麵店連牛製品都可以做得咁入味。蔥花一湯匙滿滿俾你冇手軟。（如果包埋野飲就perfect）油膩指數🌑🌑🌑🌑🌑好食指數🌕🌕🌕🌕🌖抵食指數🌕🌕🌕🌕🌖

元朗新東記潮州粉麵,應該元朗人細細個就食,起碼我自己都食咗20幾年,佢哋嘅湯底係魚湯底,如果食牛腩麵我自己就會叫佢加多啲腩汁,腩汁同魚湯加埋一齊完全冇違和感，牛腩永遠都係質素咁穩定，又香又淋 雲吞都係勁好食，唔會好似出面咁啲皮會硬咗一舊，大地魚嘅味都好香濃，每次食完一碗都覺得唔夠想食多碗😂係咪細細個食開，所以有情意結覺得佢，覺得其他舖頭都唔夠佢好食。

⭐️牛雜河粉河粉嘅質感非常出色，河粉軟滑有嚼勁，幾乎係融入口中，又唔會過於軟爛，保持住綿密口感，牛雜，佢嘅鮮味同濃郁嘅汁液都係咁好味⭐️墨魚丸拼魚蛋河粉墨魚丸非常特別Q彈有嚼勁，魚蛋彈牙，墨魚丸同河粉互相襯托，一啖墨魚丸，再一啖河粉，鮮味升華令外呢個辣椒油佢嘅香辣味道簡直係無敵，一開始係舌尖感受到微微嘅辣勁，然後慢慢升華成一陣濃烈嘅辣味，辣椒油唔止係辣，仲有啲微微嘅香料味，例如花椒同蒜蓉，呢啲香料令味道更加豐富

今日夜晚9點25分係大壩街想揾間舖頭坐低食嘢，去咗三間都話9點30分last order，10點要離座，的而且確疫情真係有影響🙈 最後人咗呢間新東記，唔知係咪大家叫嘅嘢唔同，Openrice見到都不少負評，我今次叫牛筋雲吞米線，跟腩汁底，$50，足料得嚟又好食，我偷食咗朋友嘅牛腩都真係超級高質🤓 不過佢嘅豆漿就真係麻麻地🙈 凍豆漿係室温豆漿，不過味道就正常嘅🤭 佢嘅冬菜令到成嗰麵都高分咗，不過葱落唔落就見仁見智😋

中午12點去買魚疍河外賣，叫佢分開湯結果湯連河粉裝埋一兜，返到屋企打開湯已索咗九成，無奈肚餓照食，湯冇味河粉碎，不會再去幫襯，也勸各位不需理會這餐廳，附近好多嘢食，千祈唔好幫襯佢，唔好話我冇講你知！

住咗喺荃灣咁多年始終最好食係呢間，呢條街好多間食肆但係佢都算係屹立不倒好多年，每次去基本上都係食牛雜，佢嘅味道偏鹹少少，應該話個滷水比較鹹，適合食嘢比較濃既人，大腸粉腸好食但耐唔耐都會有少少苦，牛蒡略嫌洗得未夠乾淨經常黑色，草肚好食，加少少辣椒幾香，成個荃灣牛雜河佢啲河粉最滑，價錢又唔貴30幾蚊，加個油菜都係10幾蚊，下午茶仲有支可樂送！炸魚皮本人覺得麻麻地因為唔鍾意食有骨嘅炸魚皮，餐廳開咗咁多年有少少殘但係環境還可以，之前食過佢個豬手都好林幾好食😋抵食

Hello 大家好👋🏻！今日我嚟到位於荃灣大壩街嘅「新東記魚蛋粉」。美食攻略：最鍾意佢地嘅特制魚麵， 麵質彈牙又有魚肉嘅鮮味，我每次嚟都會食佢哋嘅魚麵。 佢地河粉、米粉、蛋麵其實都好食，不過我對佢地嘅魚麵情有獨鍾。 而佢哋嘅魚蛋係自家制手唧魚蛋，同魚麵一樣彈牙有魚味。佢地嘅湯底以魚骨豬骨熬製， 湯頭夠濃郁鮮甜。 今日我點咗佢哋嘅「魚蛋魚片魚麵」🤤 今餐真係含豐富嘅奧米加脂肪酸同蛋白質😆。另外點咗碟油菜，菜芯青嫩新鮮，唔會灼得太淋。 有魚又有菜簡單一餐營養滿分😋。美食指數：5🌝最高味道：🌝🌝🌝🌝🌜環境：🌝🌝🌝🌚🌚服務：🌝🌝🌝🌚🌚賣相：🌝🌝🌝🌚🌚

而家物價越嚟越貴，想搵到又平又好食又飽肚嘅一餐真係唔容易！荃灣新東記真係好好食😋雖然有人話環境麻麻，但係老字號，就係食返呢一種味道！我同老公二人分別叫左: 牛筋牛肺雲吞河牛筋牛腩魚蛋麵加咗一碟腐乳通菜，同細碗炸魚皮！出餐快，賣相好，味道係非一般嘅好食！牛筋入味又淋入口即溶，牛腩肉同肥嘅比例相當完美，好正！手打魚蛋更加唔使講，又滑又彈牙！喜歡食辣嘅朋友，如果加埋新東記自家製嘅辣椒油更加係錦上添花🤣雖然我講到好誇張咁，但係其實真係好好味😋兩個人食到飽一飽都係$132 好好珍惜呢一啲地道嘅美食同餐廳☺️

諗住食過魚蛋河粉都係香港人平時會識到嘅粉麵一個魚蛋粉配杯凍奶茶加埋辣椒油不過呢間新東記魚蛋有啲怪味河粉質感麻麻地試埋個辣椒油冇乜feel:-(服務態度同想像中有出入冇下次

服務態度差到一個點，完全沒禮貌，叫 抹乾淨張枱，叫咗十次都冇睬你，聽左等於無聽。湯底一個咸字，味精勁多，食完勁口乾。以為都唔會再去，貼錢買難受。就算裝修再靚都無用，現今的服務質素，怎樣叫人再去食。

我食左個4寶河，河粉超難食，極不推介，只此一次，永遠black list。除非想試伏，否則建議大家留返啲錢食其他嘢。但不可否認，潮流魚蛋味道不差，除此以外，找不到其他優點。

今日lunch唔想食太飽肚既野，所以諗住食碗粉就算，行過有牛雜粉食，結果就走左入去牛雜河 $38不過不失，粉底份量算大，牛雜都有大概七八件，算多附近有仲另一間粉麵檔有得食牛雜，下次再去試試

夜晚9:30附近啲食肆都閂晒門，咁唯有試吓呢間魚蛋粉啦。問佢油菜有冇得蒜蓉炒，佢用極差嘅態度答我：「梗係冇啦，咁你要唔要呀？！」跟住叫佢俾杯水我，佢望都唔望下我就話「轉頭先」，okay! 等咗5分鐘再叫多佢一次，佢都係話「轉頭先」！我嬲咗大聲問佢咁即係幾時有，佢話佢serve緊客喎。我嗌兩餸麵同埋油菜又唔係白食佢，都唔明點解啲服務態度咁差。。細細碗嘅兩餸麵要$44冇嘢飲又唔係好食，真係可一不可再，絕對冇下次！