新東記魚蛋粉

营业中

休息中

看完朋友的演出，一時懶惰不想回家煮，行過這店入去食宵夜，結果就中伏。竹坐下見人丁單薄，心中已暗覺不妙，再看價錢牌價錢中等不算平，也不能說貴。我叫了個四寶麵，炸魚皮和油菜，炸魚皮非常脆口，但奇怪的是將魚皮浸湯後也不會變軟當中十分詭異；油菜是芥蘭，菜不算太老，但却微帶苦澀味；最大鑊是碗麵，先是個店員話四寶無魚餃，比另一樣代替，我也接受，誰知上來變得三樣，魚蛋、肉丸和魚片，份量各兩件，這時隣檯一名食客因遭遇與我一樣，向店員投訴，店員仲大聲夾惡地說:『無魚餃咪比多咗件魚片你囉』，我心想一次過，都唔會再來，食完早走早着，誰知碗麵食入口，麵條梘水味甚重，頗為難食，除了魚片較為彈牙有魚味，是為正常可接受外，其餘魚蛋就略帶腥味兼且口感頗削，肉丸就硬實實，全無肉味，真是稱得上是我近期最難食的一餐，最差是少了料又收足錢。

尋日同女朋友去開荃灣，想食下啲魚蛋粉牛腩麵，去左呢間，勁唔掂我叫左個牛腩雲吞麵，我女朋友叫左魚蛋麵牛腩肥瘦係ok，但竟然係順紋切既，好“鞋”，雲吞啲蝦ok爽，但無黎鮮甜，女朋友亦表示魚蛋唔好食仲衰既係原來店中極多烏蠅，好唔掂，唔係啲麵到左先見到既話一定走價錢又唔算抵，普通水平，但加野飲既算貴（野創加10蚊）

荃灣廣場四月主題是台灣網路人氣icon米滷蛋，吾家一向是粉絲，所以就選了在這一天去看看。途中先找個地方醫肚，新東記的魚蛋和魚麵一向喜歡，就順道來吃了。這裡總有一種「油淋淋」的感覺，就好像大部份的潮州粉麵店一樣，坐著是有點不舒服的。叫了一碗魚蛋魚麵，這裡的蔥和冬菜是用匙羮分開盛的，就算你忘了「走青」也不用怕。其魚麵大少長度不一，咬落彈牙，頗有魚味，不錯，但就是價錢貴了點，而且份量很少，底還鋪了大量生菜，感覺不便宜，也吃不飽。魚蛋依舊彈牙，值得一讚。黑椒牛丸魚麵頗有黑椒味，咬開輕易見到一粒粒的黑椒，牛丸也彈牙，但牛味好像被黑椒搶去大量風頭，黑椒有點過火了。這裡的魚蛋和魚麵真是不錯，但之前吃過的牛腩和雲吞，甚至今天的黑椒牛丸等都不成氣候，一招走天涯又一例証。

因為想食清de, 就去左一試, 點知~~~魚旦河, 河粉... 軟身.. 好似熟左好耐, 又冇口感... 唔掂湯底 .. 熱的時候尚可以, 仲幾好tim.. 一凍左 = 味精湯魚旦 都 ok, 冇乜特別fired 魚皮 = 好"益"其實一碗廿多元的魚旦河, 我對他有要求, 真的有點過份.. 不過以門面, 我相信 這間 shop 應該唔差o者...

忽然想食雲吞，一條友食最易辦事，是但找間麵店便可。找好位置坐低，立即要碗雲吞魚麵，再加枝可樂。有人可能會覺得奇怪，唔係應該食雲吞麵嗎? 頂多都係雲吞河，點會揀魚麵架！不過食這件事，很主觀的，縱然雲吞和魚麵兩者未必很夾，只要我鍾意，照食可也。雲吞沒有散尾，咬落，是豬肉遠多於蝦，比例8:2，因此只能吃出肉的味道，小小的蝦仔，有等於無。以這樣的斤兩，又怎會有好吃的雲吞呢?喜歡吃魚麵，主要貪其質感彈牙。而這裡的出品，大概也做到這效果，只是味道過咸，隱約還吃得出有點腥味，水準並不出色。可樂勝在是枝裝，夠氣又夠冰凍，喝一枝，很爽！

睇完戲就去戲院對面食返d野先返屋企啦$24有個雙拼麵, 價錢合理啦... 魚蛋唔係好彈牙架咋, 不過真係好有鮮魚味! 牛腩就一般, 唔建議食~ 油菜同豆漿都係普通啦~~~支持中小企, 不要大集團, 大家下次經過都去試下魚蛋啦

同A先生影完相,,本想去食burger既,,但望到有魚旦粉喔,,就行咗入黎試下啦^^A先生食lg7既魚旦粉食上癮xD 魚旦米..d魚旦唔彈牙,,不過ok有魚味啦,,魚片就麻麻地啦,,反而個湯唔錯,,幾鮮甜既感覺,,即刻好味咗^^ 另外個辣油都做得幾好,,好香,,食得辣既一定要試呀xD 牛腩河,,"鞋"..d腩又薄又淡,,唔得試下都好既,,不過就唔好再叫牛腩啦!

見佢門口寫到好似手打魚蛋專家咁....就入黎試一試啦店員俾左張幾入面的檯我一坐低 野都未食 就不斷有烏蠅降落到我張檯度叫左個魚蛋米線 一般般 碗野一黎到我就搬去第二張無咁多烏蠅的檯不過都係俾烏蠅搔擾-___- 食得無癮店員態度又串串咁 貫徹茶記風格當然無下次

難得阿會過到黎荃灣...就搵下有咩野好食...見到openrice對於呢間既全部評語都係好既...加上我又鍾意食牛腸...好啦,就一於試下呢間啦!我嗌咗碗"魚片頭+牛腸河",我好鍾意食呢兩款餸的.- 魚片頭,評語:可以啦!- 牛腸,評語:好un...要咬好耐...唔得!又唔夠肥...牛腸唔夠肥,點得架!!仲有,又俾得細細舊...

一個人搵食，不想吃茶記的特餐常餐快餐，更不會去快餐店搞掂，來吃碗粉都好，反正好耐未食過魚麵，有少少懷念。吃粉麵這些地方，來來去去都係個幾味，餐牌都不用看了，來一碗牛雜魚麵，飲杯凍檸茶。牛肚、牛腸、牛肺和牛膀都有，偏偏找不到我想吃的牛根，亦冇腩。沒關係，反正內臟我都喜歡吃，牛肚略有彈性，亦入味；牛肺煙韌，唔會好腥；牛膀粉軟，新鮮好吃；牛腸堆滿肥膏，豐腴肥美，都收貨了。魚麵是我近期必選的，雖然魚肉鮮味不重，卻吃得出是手打的，亦不失彈牙口感，都好吃。這地方的凍檸茶始終唔掂，是暖的，味道怪怪，下次飲可樂仲好。埋單三十蚊，不便宜，但偶爾來吃一次彈牙魚肉麵，未嚐不可。邊吃邊周圍望，發現這裡新出了片頭，也有興趣一試。

今天老公回公司開 OT, 我就在家開 OT, 自已一人又去食粉麵, 這幾天天氣太熱了, 人走不遠, 唯有在附近找粉麵店吧!紫菜墨魚丸貢丸米, $26, 單併, $18, 雙併, $23, 加紫菜, +$3, 自製爽口貢丸4粒...欠了一點吧, 冬菇味也不夠, 爽滑墨魚丸3粒...爽是夠的, 但吃不到太濃的墨魚味, 樣樣也欠一點點, 這裡的魚蛋牛雜還是會嚐試, 但要試埋其他食肆才回頭了!

手打河的確好正,而且19蚊又咁多粒,好平,好值..

試過堂食, 覺得d魚旦好味, 所以就買左魚旦及炸魚片頭比媽咪煮粉食. 連媽咪都贊炸魚片頭唔會炸到硬身, 仲係好軟熟, 味道亦調得好好, 只係用開水滾熱都好夠味. 舖頭都係舊式既粉麵舖裝修, 圓枱圓椅, 但勝在唔會太迫. 魚麵都ok架, 食得出無乜點落粉, 但一碗份量會少d, 男仔未必會夠飽.服務都ok, 因為我試過想買魚片頭時, 見佢成間舖關左燈, 仲拉埋半閘, 但佢都肯賣比我, good.