新東記魚蛋粉

营业中

休息中

衛生極差！！！！！！！一入門口，一陣極臭的味道撲面而來，用手拎d檸檬幫我沖檸檬茶，之後轉手就去收錢，落單等等，個冰桶擺係洗碗隔離，洗碗d水極其有可能滴落冰度，總而言之非常差非常嘔心，唔好再食⋯兜菜仲有河粉，真係試下做野做好d，唔好咁hea啦，仲要比食客當面睇到都唔知點解會做到落去我地夜晚差唔多9點去，2個人碗野擺低食冇幾多就走真係頂唔順仲要唔係平兩碗粉，一個菜，兩杯野100幾蚊極品極品極品極品差！

近來返荃灣我兩都選擇了外賣午餐，盡量減少跟陌生人有接觸，這星期就走到新東記魚蛋粉買粉麵作午餐！已有一段時間沒幫襯過東記了以往也覺得味道不錯的！不知現時質素能否保持到水準呢？我選了五香牛筋魚蛋河＄42，牛筋炆得口感不錯有嚼勁之餘不會硬掘掘，魚蛋就真的差了不少不夠魚香亦不夠彈牙，湯頭亦有不少師傅吃罷有點口渴。車爸爸吃南乳豬手河＄34有兩大件炆得入味的乳豬，河粉亦夠滑溜可惜被湯頭拖累否則是不錯的！車爸爸加了＄5點上一杯熱奶茶，看他的眼神便知味道聊勝於無啦哈哈！

今日一早出荃灣廣場約左女朋友睇戲，睇完戲出到嚟餓餓地，同女朋友行左成個荃灣廣場都搵唔到食乜好，因為幾乎間間都已經試過晒，又唔想食得太heavy，就離開左荃灣廣場。一出廣場，就見到對面間新東記，一間由細食到大嘅粉麵店！問下娘娘意見，佢都話無問題！咁就入去懷舊下啦！一定要試一定係佢地最出名嘅嘅魚蛋粉，師傅話日日手打，魚質鮮嫰，十分彈牙，魚味重。我女朋友叫左牛肚麵，味道就不過不失，略咸。另外要試嘅係佢地嘅炸魚皮，亦係坊間很少數由自己炸嘅魚皮，很香很脆，無油「益」味。價錢仲十分平民，兩人埋單都係$80左右。

於荃灣區，潮州粉一類店確實不少，新東記還算有點名氣，也上過電視，今晚下班過來，不吃魚丸要牛腩。牛腩配河粉是我的標配，因為河粉的滑，牛腩的淋，毫無違和，而且河粉無鹼水，與腩汁無衝突。首先河粉份量就不多，交貨一般質素，不碎散，還可。牛腩煮得頗佳，瘦肉位不鞋，筋位淋，整體入味又夠時間。有配冬菜。這是從前潮州粉的必配，現在大多數只放幾粒炸蒜。辣椒油貨式一般，可免。整體而言，荃灣有不少店食磅粉麵，價錢在三十以內，然而新東記價錢稍貴，食物還是可以的。

同大陸呀姐落 order 要兩碗瘦腩魚麵，講咗好耐，佢係咁話小腩......幾經辛苦 make sure 佢明要瘦腩，最後碗野黎到係９成肥!!!!!!! 真係肥到食唔到......見到有小強同呀姐講, 佢就咁踩死咗就算後來有枱講普通話同英文嘅一家四口，落單用普通話問呀姐有無飯，個呀姐竟然話返個客唔識廣東話。。。我地同佢地互望，大家都流露出無奈嘅神情。。。野食好普通，人極差（全部呀姐都超差態度），環境衛生差，完全唔值得去幫襯！

由細到大 都經常會幫襯新東記 因為覺得特別好食 隔左一排 今日再黎食 但對姐姐既態度好失望本身嗌左一碗魚蛋頭米 點知黎左碗魚蛋頭麵 咁我就同阿姐姐講黎錯左左喎 佢竟然同我講麵仲好食啦 阿妹你識整咩 今次試下麵啦 同啲醋仲好食啲呀 嗰下我真係心諗 我黎俾錢食嘢 唔係我決定食咩架咩 我今日想食米粉所以先嗌米粉架啫 到你黎決定我食咩 你好好聲氣話 唔好意思 落錯左 我都無咁嬲 你講到我好似一定要食左碗麵咁 就真係火都黎埋 咁既態度真係幾好味都唔想再黎

魚蛋粉魚蛋妹面無未沖唔香湯唔龍好難食仲要$35我食杯麵好過!諗住愉景新城呢啲大商場想支持下小店都冇辦法啦山長水遠行過去特登由愉景新城拎住杯嘢飲薪水咁行過去諗住買碗魚旦粉食諗住魚蛋河飛買魚蛋麵點知一打開滑潺潺咁樣起晒泡魚涌有冇啲瑜伽得幾粒都算啦仲要妹爹爹阿婆都食到啊好難食到啊我建議80歲以上先去食完全係冇咬下無照口幾耐今朝咁易架.....

見完"東張"介紹，今日慕名而來食個下午茶，要咗碗魚蛋米加魚皮，味道正常，但魚蛋頗淋唔彈牙，到埋單收錢發現收多咗，明明下午茶加魚皮係+$12，但佢收我正價$20，阿姐話原來+$12係一碗魚皮，我話一碟所以收$20，最差係，佢話我唔問喎!嘩~大佬呀，我第一次嚟食，點知你分一碗/一碟定籮呀！咁樣捉字蝨，比你收多$8咪少咗個客囉！

一早搵早餐食，去到幾間吾係休息就系未開門，真系父親節影響？突然想起之前電視介紹手打魚蛋同牛丸，但果兩間太遠啦！就試一下荃灣哩間新東記。門口介紹早餐粉麵大部分都係34蚊連飲品，入去坐低一個啊姐就過來，問佢係眯自己做魚蛋同牛丸，吾答；問佢牛根丸同牛丸有乜分別，吾答；請到個倒米夥計就乜野功夫都浪費。牛丸麵- 麵幾好，但吾夠爽，牛丸有肉味但帶“蘇”，湯幾好味但好好好好油啊！魚片頭米粉-米粉好硬，（難怪旁邊的客人一叫就要講明”林”D），魚片頭同其他店比較系細D，一樣吾爽，有一面應該炸吾夠，同樣湯幾好味但好好好好油啊！咖啡當然吾系即磨但都OK。

粉面店越嚟越難搵，今日午餐去咗呢間新東記魚蛋粉，全店基本上都要搭枱，但環境唔算好迫， 同一般嘅粉面店差唔多。叫咗一份牛腩米，牛腩好瘦，最岩怕肥嘅我。米粉好咬口，午餐份量岩岩好，唔太多唔太小。不過食緊途中見到對面有個uncle叫咗一份炸魚皮，但後來見佢同侍應講太硬完全咬唔入，本身我都想叫但見到咁樣最後都放棄左。

行過路過 , 荃灣-大壩街 發現這間一直好想幫襯 , 但又從未幫襯過的 新東記魚蛋粉 , 於是就行入去吃碗粉 ~Menu ~ 凍檸茶 (走甜) : 雖然茶底不太夠味 , 但味道跟茶餐廳的仍可以相比 ~墨魚丸 拼 魚蛋 (魚麵) : 湯頭的味道比較普普通通 , 喝一兩口就覺得沒有把湯去飲的必要 ~ 魚麵 , 當然是用魚肉製成的麵 , 麵條的質感比較粗糙 , 吃落爽口 , 有魚味亦帶有胡椒味 ~魚蛋 , 質感少少爽多多腍滑 , 重魚味又有胡椒味 , 真材實料，好吃 ~墨魚丸 , 質感很厚實 , 吃落有墨魚肉，好有咬口感 ~本篇完 ~

之前電視節目香港原味道有介紹過新東記魚蛋粉慨牛雜好好食，咁啱又行開荃灣呢頭，所以好想去試嚇，不過女朋友就唔食牛雜，好彩渠都 肯陪我食！ 去到現場都唔少人等緊位，不過好彩我哋兩個人所以就容易搵位。我叫咗個牛雜米走腸，女朋友就淨系叫咗個魚蛋面。值得一贊 系牛雜洗得好乾淨，完全無異味，而且湯底濃郁，米粉索曬啲湯汁好惹味。女朋友分享左渠一件魚蛋比我食，都好彈牙但系就偏咸， 另外加小小辣椒油落個米粉度仲正！同埋我哋叫咗個腐乳通菜，腐乳好香，平時自己系屋企好少整腐乳通菜，因為廢事整到成屋都系咸 香味，所以今次食特別覺得好食，推介各位喜歡食牛雜慨朋友前來一試！

今日去開荃灣，男朋友記得睇電視節目介紹過新東記魚蛋粉嘅牛雜好好食，雖然我就唔食牛雜嘅，但係我可以食魚蛋粉，既然佢想食就陪下佢啦！都唔係講笑，一間魚蛋粉居然有咁多人食，仲有人等位，果然電視節目嘅力量可以好強。好彩兩個人又唔難搵位，一入到去就有得食喇！男朋友叫咗個牛雜河，我就叫咗個魚蛋麵。麵底爽口，湯底似用大地魚熬製，魚蛋鮮味彈牙，但略嫌偏鹹。特別欣賞餐廳提供的辣椒油，加入麵中好香辣味，令整碗麵的口味昇華了不少。另外點了一個腐乳通菜，腐乳鹹香味很濃，很有家的味道☺️但吃完麵後一直感到很口渴，已喝了一大瓶水，不知是天氣太熱的關係，還是有味精，但食物的確偏鹹，適合口味愛好偏濃的人士，口味偏淡的人士要考慮清楚。

真係睇咗某電視台節目所以特登嚟幫襯🤣🤣🤣鋪頭喺荃灣廣場隔離所以都好方便就腳👍🏻👍🏻👍🏻麵檔出名兩樣野：第一樣野係手打魚蛋第二樣嘢係牛雜其實我都覺得鋪頭好有誠意因為兩種食材都好考功夫制作真係需要時間、人手處理所以都值得支持！魚蛋魚片米粉魚蛋魚片都好爽口質感較一般鋪頭魚蛋比較軟身冇腥味，不過比較偏鹹魚蛋牛雜河粉$40真係好抵👍🏻👍🏻👍🏻牛蒡、金錢肚、牛腩、大腸每一樣野都好花時間煮味道非常好！夠熱亦都夠新鮮！

早兩晚同朋友玩夜玩嘢左, 個肚有少少餓｡於是返屋企途中去荃灣睇下仲有咩嘢食, 估唔到呢間新東記粉麵開到咁夜！我叫左一碗魚片頭河粉, 河粉十分滑, 加上潮州辣椒油,真係將魚片頭嘅獨特味道帶出來｡通菜翠綠, 加上醬油調味,同魚片頭河粉十分夾檔。呢度有好多舊街坊好夜都捧場！