新豐記

营业中

休息中

终於開始凍啦❄️係時候打邊爐🍲 食羊腩煲 Soy Egg 🥚同9 Flag 🏳️見到有間打冷有羊腩煲食🐑見凍凍地就入左去試啦😋是但食評🌟💬✰環境🙂普通大排擋feel🙂都算幾光猛都叫乾乾淨淨幾張圓枱加D圓櫈無咩花巧裝修🔨✰羊腩煲 ($398) 🐑 煨左😟都係基本配置有個爐hit住仲有一兜生菜同腐乳一上枱 都幾大兜 入邊有炸支竹 白蘿蔔 冬菇 馬蹄 🍲羊腩都俾得幾多 有骨 有肉 份量係幾足🐑羊腩本身係幾入味 食到花椒八角味同藥材味 南乳味都幾夠可惜佢本身有小小煲燶左😟食到小小燶左果隻苦澀味😟幾百蚊竟然係有燶味 真係失望到爆😟羊唔算好腍 有D咬口 但唔會咬唔開果隻 都合格既🐑✰潮式炸蠔餅 ($88) 🦪 多蠔 唔腥 好食😋炸到好似奄烈咁 都落得幾多蛋🥚食落好實在唔會食極都係得D脆脆好多蔥 好香 愛蔥既一定好開心🌿D蠔都落得幾多 唔會腥 都鮮甜 🦪洗得幾乾淨 無殼本身調味唔係好咸 點埋魚露就剛剛好👍

🙃你係金菇嚟架咋🙃瑤柱豆苗 $88都好食既其實如果餐牌寫金菇扒豆苗我都覺得可以丫黃金蝦球 $108 好食，炸漿好脆，比較細碟但值得一試豉椒炒蜆 $9x不過不失正常發揮除左炒蜆有三隻唔開，所以食物都比我清哂味道係ok 黃金蝦球有驚艷到我睇落有少少細碟，但都有十隻八隻既太肚餓 唔記得影相到佢嚟個「瑤柱」豆苗 果下有啲攪笑先拍照留念一下💀

2022年5月18號晚上，大約7點幾，叫咗圖中嘅幾個餸最後加咗一個西檸骨，西檸骨就沒有影相，就咁睇西檸骨係最差嘅檸檬都沒有一片，就係煎炸好嘅豬扒煎剪好一件件再回汁，就真係只有執一片檸檬都冇但叫西檸骨唔係應該好似京都骨嗰啲一粒粒嘅骨咩？呢度就好難理解乾炒牛河無一層油喺底值得一讚，河粉係用幼河粉，味道係足夠，但牛肉係冇味嘅唔似豬肉唔似牛肉嘅肉片，唔知以為係假嘅，河粉都幾香有啲似用豬油炒。炒菜正常味，沒有過老鹹淡。我唔食菜心嘅炒菜心嗰碟冇食，講唔到意見椒鹽鮮魷每一嚿椒鹽都好均勻脆漿唔算過厚同太薄，魷魚都算不過不失，美中不足是魷魚沒有芥花欠点口感豬紅入味夾不散的，但太過鹹，韭菜浸咗喺底，就超級咸🙊🙊粟米魚肚羹味道稀杰息中，但係啲魚肚有枕超級龍嘅雪氣味，唔食魚肚係冇問題嘅

讚1.服務幾跌眼鏡地唔錯，啲叔叔個個都幾好脾氣，外面仲有人排隊都同客講慢慢諗，唔使急2.煎牙帶魚係夠鹹身，係送酒嘢，瑤柱蠔仔粥既米粒完整，蠔仔多兼飽滿，同埋入口唔係一味死鹹既味彈1.環境就真係油左啲既2.一開波就放個花生酸菜呢啲三寶比客，食左先醒起呢啲係要收錢既嘢，印象中好少打冷鋪會咁做

葵芳小巷食打冷 潮州人煮夠地道潮式煎壕餅 $75 外脆內軟超級香 沾埋魚露食更香🦢鹵水鵝腸 $75 鵝腸鹵得夠入味 但鵝腸本身帶硬 牙力唔好嘅你地 就要花d時間咬著名鹵水鵝 $90 香噴噴嘅鹵鵝肉 肉汁溝埋鹵水到 一齊食超級入味 但肉質唔算嫰口 建議下次可以食 佢地嘅鹵水鵝片韭菜豬紅🐷🥬 $55 真係值得一讚嘅 本身我唔食豬紅 但係佢地嘅豬紅 竟然會無血腥味 濃郁嘅調味掩蓋 豬紅嘅血腥味😵‍💫 第一次可以食到 好幾舊韭菜豬紅 真係一試就愛上 佢地舖頭嘅豬紅

/ 同屋企人去親葵芳行街，多數都會去食打冷🤤，而呢間真係由細食到大，就算而家搬左屋，都仲會返黎食👍🏻📍豉椒炒蜆📍滷水鵝腸(配豆腐底)📍三寶 (花生、菜莆、鹹菜)📍豆腐火腩📍菜心📍白粥💬我地今次無叫到煎蠔餅，因為比較熱氣，但鵝腸配豆腐底一樣出色，好好食😋！炒蜆都好有鑊氣，唔錯👍🏻呢間打冷真係可以encore好多次，我同屋企人都食極唔厭🙈💕

味道正正常，不過不失。上菜速度快，阿叔非常熱情介紹。但疫情下，專登5點去食晚飯，諗住小啲客人，見到侍應、老闆、廚房冇見到一個正常帶番口罩，食完急急腳走人。傳菜時口罩放下巴仲要口水花噴噴講野，忍唔住叫佢帶番好個口罩，疫情期間真係唔會再去。

呢度食嘢環境真係一般又逼夾，但就好鍾意食呢度嘅韭菜豬紅、鵝肉片同蠔仔粥，太鍾意食蠔仔粥所以今次一上枱就急不及待食，已經清晒都唔記得影相，粥水清甜豪仔又夠多，十分足料，好有潮州菜館嘅風味，其他小菜都好夠鑊氣，而且價錢有大眾化

以前係葵芳返工時間唔時都會黎呢度食LUNCH，因為貪佢價錢算平同埋味道都好呢度既午市係正宗「快餐」黎，毎張檯既TURNOVER RATE 都好快，所以等好耐就會有位今日星期日LUNCH再次黎葵芳揾食，所以又同呢間餐廳一聚我㨂左沙嗲牛筋腩飯，同行友人就叫左和式豬軟骨飯。由於我無試到友人既豬軟骨飯，所以唔COMMENT了沙嗲牛筋腩飯既沙嗲好味，雖然個沙嗲既味就同沙嗲牛麵個種沙嗲唔一樣，但係都好惹味！筋就淋，一啖就咬得開，又有少少膠膠地既質感。腩就好鬆化，唔會UN就基本要求，又唔會乾到好似咬緊D渣咁。呢個沙嗲牛筋腩飯絕對收貨 加上個份量對我黎講好大好夠飽！仲有一樣野好值得讚！！！就係凍飲唔洗加錢！！！！！依家香港咁炎熱既天氣，行到黎智芳街都身水身汗，叫返杯凍飲唔洗加錢真係要值得加分！而且凍飲既份量都好大杯，奶茶又好飲，絕對要THUMB UP呢間餐廳有個特別之處，就係如果想邊食煙邊食飯，係可以安排客人坐係餐廳前面不過就唔會有冷氣同檯，淨係俾d 櫈你疊高做張檯再唔係可以快快手趴完個飯，拎埋杯野飲出去一路煲煙一路飲餐廳既員工都好友善，總結而言係值得再來的

#蜜椒薯仔牛柳粒 $90講到薯仔牛柳粒 大家可能會諗起萬x今次小編去咗另外一間試食小菜最驚唔熱 嚟到依到就唔怕啦每一件都係熱辣辣嘅🥰薯仔外皮係脆嘅 再加上蜜糖甜甜地好好食不過乾身啲再脆啲會更好而牛柳粒就都幾大粒😂大過小編喺其他舖頭食嗰啲而且黑椒味都幾重整體嚟講都唔錯 可以試下如果依個價錢再大碟啲會更好🤔評分:7/10

住開呢頭都會知道有幾間潮州打冷喺附近，環境就一定係地地道道架啦，不過碗碟尚算乾淨。最推介蠔仔粥、蠔餅，一啲都無腥，都無沙石，好食👍🏼炒蜆都食得出有鍋氣，好食。價錢都只係大概$100/位，幾抵食，會再去

行行下新都會，有d 肚餓，又想食小小野，就揀左潮州打冷啦，因為係葵芳既街坊食堂！ 因為老闆推薦豬紅，所以我地都點左個豬紅👍🏻👍🏻 新豐記必食都係豬紅，因為豬紅很入味，下面有韭菜墊底不錯不錯

新豐記一直算係葵芳最出色的打冷！ 所以每次想食打冷都食佢，但今次太失望了！ 今次我們來食宵夜，點了3樣野，豉椒炒蜆、鹵水豬紅同埋鹵水鵝件！ 話說個炒蜆係佢地問我地要唔要的，咁佢地介紹，我地也冇所謂就點了！ 佢地好快就上了檯，但個炒蜆係不熱既！ 好明顯就係落錯了單，就叫我地要！ 但都不要緊，但總不能凍既咁上檯俾我地吧！ 所以大大要負皮佢！ 而且個鵝件又勁肥 又多皮！ 冇幾多件有肉的！ 感覺受騙！ 除左個豬紅都keep到往日的水準！ 今次實在太失望了

童年住係葵芳，住係林士德對面十多年，果時我地叫信芳街果頭叫新區，依家.... 面目全非鳥！朋友依家住葵芳，佢話新區最好味嘅潮洲打冷係新豐記，而且朋友請食飯，咪聽佢意見，試試新豐記。點咗滷水豬大腸併墨魚豆腐底，炸蠔餅，蠔仔粥，蒜蓉蒸開邊蝦。豬大腸滷得夠入味，墨魚亦唔韌，朋友果然無介紹錯。蠔餅係水準之作，如果炸得脆d更啱自己口味，蠔仔粥嘅蠔仔極之幼嫩，份量亦唔少，無偷工減料，滿意！開邊蝦每隻都唔會太細隻，份量足夠，有d重有蝦膏！由於未食過其他嘅潮洲打冷，但新豐記嘅菜色絕對唔差！哈哈.... 真衰仔！又食又拎添，多謝朋友免費俾張美心月餅卷！

今日一家四口係開呢邊睇完早場，睇完就搵個地方食晏，行過呢邊，爸媽說很多回憶😌呢間野都成30年。入到去我叫左個雞扒米線，另外家人叫左兩個黑椒牛扒餐同一個吉列魚柳餐，出餐都快既。我叫既米線其實覺得不錯，雖然係普通常餐麵既清湯，但我加左好多辣椒油當佢麻辣米線咁食😂😂幾鍾意個米線，因為本人食得比較慢，米線一路食都無話變到好淋，keep到彈牙，佢既米線係比較粗身少少個種。而雞扒係分開4件既，肉都滑而且餣味剛好仍食到雞味唔會死實實，呢個價錢來講幾滿意。爸媽既黑椒牛扒餐$36，其實都ok既，有片牛油方包，雙蛋，一片蕃茄同d粟米。食左蕃茄同牛扒一舊，蕃茄新鮮又甜，牛扒都ok,普遍茶餐廳既味道。妹妹個吉列魚柳就無試過，但佢話肉係彈牙既，算唔錯～而家呢個價錢，而質素唔差算係幾好，食得過。