新豐記

营业中

休息中

今日做嘢搵食！因為要遷就拍車，所以食呢間！可以睇到架車！阿姐好熱情响門口拉客！地方平民裝修！無特別！幸好尚算乾淨！揀咗午餐F「沙嗲牛腩飯」$38，冷飲唔使加錢！仲可以免加錢飲紅豆冰！不過我唔飲得凍飲！都係飲熱檸水！食物極速送上！牛腩好多！仲有幾件牛筋！炆得入味淋身！肉質唔嚡！沙嗲汗偏咸！一定要送飯！仲有少少椰菜做配菜！我成碟飯食晒！係食到尾覺得有啲咸得滯！配杯熱檸水就剛好消咸！熱檸水正常！食緊期間！全個場都係學生！因為真係價錢平，又大碟！平靚正！

26-5-2013(日)是日改了期，一連上、下午兩場都要補習。好！早上醒來後，便坐巴士 30 號來到葵芳，在勞動前先在 新豐記 吃個早餐。點叫了一個 豬軟骨米線、火腿蛋、多士 套餐。豬軟骨份量也頗多非常入味，腍身的肉質，骨是脆口的；不是很多肥的部分，吃下都是啖啖肉，正！米線煮的時間適中，夠爽口。多士烘得非常脆口，加上內裡的半溶牛油一起吃，簡直是一流！這個早餐，能為這勞動的星期天打打氣、加加油。。。

昨天太太難得早放工,所以就去葵芳行街食飯,而太太一去到葵芳就好喜歡到這裡食潮州菜,因為這裡的鹵水好好味,我們好多時都係星期五幫襯成日都要等位,唔知今次係咪星期四關係唔駛等位.鹵水味好濃,豬耳和鵝腸好爽口.夠鑊氣,腐乳味香,好味.一樣夠鑊氣,雖然火腩少啲,但多白鱔搭夠,但冬菇好似有啲異味,不過應該唔係變咗.次次到這裡幫襯都好滿足,怪不得太太每次去葵芳都要到這裡晚飯啦!

老豆中了馬請食飯.於是去了這間店打冷.我們三個人叫了三餸一湯.有滷水鵝,魚香茄子煲,金銀蛋莧菜和豬肚湯.其中滷水鵝和金銀蛋莧菜都很好食.滷水鵝的滷水味很香,鵝口感都淋.金銀蛋莧菜的蒜香和金銀蛋的蛋味都很溶合和特出.但豬肚湯就很淡.可能廚師失手掉了半碗湯再加番半碗水下去.不言一個煮過的湯唔可能會有食水的咸覺.今時今日二百蚊,三個人食三餸一湯,都ok啦.

同事的新早餐聚點，今天我都係首次到來。$19-20 一個早餐，轉凍飲及多士不用加錢，我諗係同區最平。我點了炸菜米粉另加火腿蛋麵包，熱奶茶。只可以講係不過不失，杯奶茶就幾好飲。

上個月尾聽人講信芳街有間打冷d野好好食,特別係賴尿蝦,不過上次去食唔到,食左小菜:食左個薑汁芥蘭,炒蟹,嘩..............個薑汁芥蘭唔係間間都好似佢咁炒,好好食,,,,,,,因為多數都係用薑絲炒呀,但係佢地唔係呀,大家可以去一試,仲有個蠔仔粥.......好野味,

之前聽聞葵芳舊neway後面有好多大排檔,適逢琴晚收工係葵芳行完街, 於是就去果度兜個圈睇下有乜野食.平時無乜幾可會行去果度(最多都係去金潮果邊食)估唔到果度都幾多打冷舖的,之前又係聽聞"新豐"最好食,見到前後開左兩間分店應該都唔差掛~(我估係同一間新豐....掛~)就行去光猛d果間食啦!2個人食, 一入去就有位,不過坐一陣之後就要同人share檯,張檯其實可以坐6人的, 依家2+2, 一d都唔迫!叔叔們既招呼都唔錯,我地叫左3個餸1支啤酒: 韮菜豬紅: 好食, 如果再辣dd就仲好, 嘻~ 黑椒牛仔骨: ok啦, 佢切到細細件, 食得好方便, 不過我就唔太鐘意佢用d梳打粉醃過, 好似浪費左佢本身既肉味咁, 我自己就鐘意少少un un地咁o趙, 仲食得到牛仔骨獨有既肉味. 蒜容白菜仔: 好簡單, 但炒得好味.., 一邊食..我一邊仲諗"點解自己係屋企炒唔到呢種味, 唔通呢d就係鑊氣!!?", 哈哈!總括黎講, 我會再試,下次會試d鹵水同煎炸野!上菜快, d餸又夠熱, good!~2個人最後埋單$125(啤酒$25/支, 所以果3個餸夾埋都係$100咋)

　　今晚無端端返咗屋企都走返出街食飯，漫無目的咁嚟到信芳一帶，觀察晒附近嘅食肆，原本想去「金潮小廚」，但係 20:00 呢個閒日時段實在爆得太誇張，門口等位嘅人幾乎相等於食肆內嘅人客數量，所以唯有放棄，結果就去咗「新豐記」。　　次選「新豐記」，因為附近食肆係呢間最多人，而我走埋去又唔駛等位，再加上佢嘅裝修令我覺得佢會頂呱呱，所以入去坐低，但原來又中招。　　同老婆兩個人叫咗三個餸：　　一、墨魚鵝腸。無乜味道，覺得好嘅係啲墨魚並非硬硼硼嗰種，但價錢比荃灣食得貴，份量又比較少，連味道都唔係特別好，咁就真係唔值；　　二、辣酒煮花螺。一上枱好有期待，因為好神悉咁出晒煙。但係一打開個煲蓋，衝口而出就彈出一句：「有無搞錯？」個煲本身已經係細，仲要唔夠半煲。如果係美味的話都仲可以安慰自己「小食多滋味」，但係辣酒唔辣、酒無酒味、螺又細粒又無味道，如果唔係望住自己放咩入口，然後加上幻想力，啲螺同黑魚嘅口感係一樣，但唔會分得出食緊咩嘢。　　三、椒鹽鮮魷。經過兩道菜嘅心理調較，已經預咗呢個餸個 Size 都會係好輕巧，結果一如所料。好嘅係上碟都算乾身，碟底唔會有剩油，但係呢，就一啲都唔香口，賣相亦都只係普普通

同事加人工萬歲打冷! 韮菜豬紅 - 豬紅好爽滑, 韮菜新鮮, 好味!大腸墨魚 - 滷水嘅大腸唔太肥, 墨魚爽口, 唔錯.大眼雞 - 唔熱, 而且有d 腥, 唔得.豉椒炒蜆 - 蜆唔太肥, 不過都炒得唔錯.炸大腸 - 一心以為係出面食開橙色既, 點知上枱原來係滷水大腸炸嘅, 唔好食.椒絲腐乳炒通菜 - 個人認為鹹咗d.白灼花螺 - 螺大咗dd, 不過灼咗又唔韌喎! 好味!滷水鵝件 - 侍應見我哋飲酒, 所以介紹我哋食鵝件好過鵝片, 因為可以送酒, 真係細心. 鵝滷得好入味, 正!蠔餅 - 打冷~呢個餸唔少得, 不過蠔肉唔太多, 但係煎得幾好, 唔差.P.S. 多謝小兔呢個免費晚餐! Thanks!

最後輪到介紹埋呢兩個煲仔飯同埋另一款湯： 鳳爪排骨飯：呢個好似普通咗啲，食落味道仍然係好掂，鳳爪雖然係來貨，不過味道唔錯，有啲酒樓風味，而且啲皮唔會稔晒，有啲質感！ 排骨就係半肥瘦，醃得夠味，而且唔係成嚿都係骨，份量亦唔少，面頭幾粒豆豉突出咗成個飯嘅香味，咁普通都咁有心做，佩服！ 窩蛋牛肉飯：呢個煲仔飯真係好難先食到，我係要早一個鐘頭食晏，十二點半食都只係好好彩分到最後一客，有幾好賣可想而知啦！呢個飯嘅賣相好得，牛肉好大塊，仲有啲蔥花撈埋落啲肉度，隻雞蛋顏色好鮮艷，撈勻佢，蛋嘅香味同滑溜為呢個煲仔飯生色不少！牛肉剁得好幼細，質感好滑，肉味雖然唔可以稱得上濃郁，但係都還可以！成個飯唔駛落乜豉油已經好得，唔怪得咁難先食到！ 蓮藕排骨湯：呢個湯嘅味道唔錯，蓮藕煲到稔晒，排骨味亦好濃，例湯依然係咁有水準！之前唔記得講吓佢啲飯添！佢用嘅係中國絲苗，比較瘦長而且頗有嚼頭，嚴格嚟講佢嗰啲唔係真正煲仔飯，其實係蒸飯，因為佢係成個煲攞去蒸，冇咁熱氣之餘啱晒唔食飯焦嘅我，而且又唔駛比咁多油嗱過啲米，冇咁肥膩健康啲！呢間小菜館嘢食得，招呼得，真係正！

上次介紹完北菇滑雞煲仔飯同雙魷肉粒煲仔飯，今次繼續介紹另外兩個煲仔飯，一款湯同埋飲品： 鹹魚肉餅飯：佢嘅肉餅屬粗身派別中嘅肉餅，肥肉瘦肉配合得幾好，亦剁得幾有靱勁，所以塊肉餅切開就有好多肉汁，流晒落啲飯度真係幾正！最驚喜係嚿實肉鹹魚，成塊上，好抵食！ 呢嚿鹹魚當然唔會係一級貨色，但勝在鹹香有餘，搗碎嚟撈飯，個飯就會變得好精彩嘞！ 銀魚仔肉餅飯： 粗身肉餅又係佢一貫肉汁滿溢嘅美味，銀魚仔細細條，但係就好香，脆脆地，送飯一流！當然唔少得加番啲佢個自製煲仔飯鼓油啦！呢個飯係我認為呢度最好食嘅煲仔飯，唔係日日都可以食到，我食咁多次都係見過佢個名上菜牌上一次咋！ 羅宋湯：呢度嘅午市套餐，除咗日日唔同嘅中式老火湯外，仲有羅宋湯！佢嘅羅宋湯同中湯一樣咁多湯料，蔬菜味好濃郁，不過茄膏味都好重，搞到有少少封喉嘅感覺，如果揀意粉或者西式飯可能會好啲，不過配中式飯就麻麻地嘞！ 凍咖啡：好大杯，味道都好濃，飲到尾味道都冇乜點淡，唔錯！南北杏紅蘿蔔雪耳煲豬骨同熱咖啡已介紹過，就不作談論了！嚟新豐記食飯，除咗可以揀室內嘅座位，趁午飯時間睇吓電視之外，舖頭門外亦有數張枱可供選擇，仲有太陽傘，一啲都唔晒！雖然比唔上一

經濟低迷，百物仍然騰貴，樣樣嘢都想慳番啲，但係食就好難慳！好多食肆唔敢加價但係就將貨就價，唔係用料平啲就係出品細碟啲，要有番咁上下質素嘅又似乎真係貴咗，又平又正又抵食嘅食店究竟仲有幾多？等我嚟推介一下呢間食店比各位街坊，佢係我食晏嘅首選，$25 煲仔飯餐包中或西湯連熱飲，凍飲就加一蚊！味道食咁多次冇一次話唔掂嘅！咁啱呢個星期成個禮拜都咁凍，我就日日下晝都喺佢度食煲仔飯，貪佢夠晒暖，一次過介紹佢啲煲仔飯，湯同埋飲品 ： 雙魷肉粒煲仔飯：雙魷即係新鲜魷魚同埋晒乾咗嘅魷魚(俗稱吊片)，鮮魷魚似係新鮮貨色，味道鮮美，肉質夠爽又彈牙；吊片就香味濃郁有嚼勁！豬肉切丁粒粒好飽滿，肉味濃亦有肉汁，襯埋佢個自製帶甜味嘅煲仔飯鼓油就好好味嘞！ 唔夠鼓油嘅話只要出聲就多多都有！ 北菇滑雞煲仔飯：呢個飯款可能普通啲，但食落竟然有驚喜喎！ 好似發哥話齋，冰鮮雞整得好都可以好好味，呢個蒸飯就體現咗佢嘅說話嘞！啲雞真係好嫩滑好稔又入味，北菇仲散發淡淡香味！不過最美中不足嘅係佢今日煲仔飯賣得太快，啲煲又洗唔切，尾段用錫紙盆代替，啲飯比較快凍，影響咗風味！ 南北杏紅蘿蔔雪耳煲豬骨：雖然係例湯，不過都煲得幾認真！ 湯

噚日行過見到佢下晝都有煲仔飯食，仲有幾款可以揀，於是就問吓門口個阿姐仲有冇得食，佢話有我先決定入去試吓！點知入到去另外一個阿姐話乜嘢煲仔飯都賣晒啦，跟住就斟咗杯茶比我，搞到我唔係咁好意思起身走，於是就勉強睇吓有咩第二啲嘢食。阿姐就極力推介咗一個煎鹹魚肉餅飯，我都冇乜所謂就跟佢叫囉，原本呢個好似昆我入去嘅阿姐話可以飲羅宋湯，但係佢行完入廚房又話冇嘞，真係比佢玩死！ 例湯：係南北杏紅蘿蔔雪耳煲豬骨，飲落係幾甜，湯料亦足，可以！ 煎鹹魚肉餅飯：碟飯一上枱，我就忍唔住話，嘩！乜咁核突架？阿姐有啲唔好意思行開咗！我心諗：是旦啦，好又一餐，唔好又一餐，最多下次唔嚟囉！點知食落個煎鹹魚肉餅真係幾好味喎！佢外面煎得有啲脆口，而入面口嘅鹹魚就好香，豬肉餅唔會死實，仲有肉汁流出嚟，估唔到！ 配菜仲有啲 好似醃菜嘅辣蘿蔔絲同辣菜甫，又係唔好睇但係好好食，撈飯仲好正添，我忍唔住清晒成碟飯！ 凍鴛鴦：夠濃又夠茶味仲要好大杯，唔錯！錯有錯著，呢間舖頭齋以味道取勝，真係估佢唔到咁好味！

大家一定要試下, 其他地方食唔到. 麻麻地, 太多麵粉. 好得! 唔難咬, 乾身, 又唔燶. 又多肉, 鮮甜, 又唔老.**其實最正係佢d正宗潮州辣椒, 好香又辣.

個度d瀨尿蝦超正啊,仲有蠔餅同鵝片都好好味啊....值得一試架...食完一定會覺得好滋味....去試下啦....d野都唔貴,我覺得ok架....有好野就一齊分享啦....呵呵