新之食 (物華街)

营业中

休息中

跟同事幾個去了大家食。但一入到門口就見到有很多人客。足足等了成十五分鐘先有位。四個人分兩張枱坐！繁忙時間無辯法叫咗一個沙爹魚腐刀削麵加凍檸茶五分鐘有人送到.個湯底好香沙爹味好好飲！果個刀削麵麵質是粗厚。麵質外層出乎意料之外的滑。而且麵好吸湯汁呀⋯⋯單單食麵都已經覺得好幸福魚腐吸哂沙爹湯十分惹味！吃完之後整個口腔都是沙爹氣味。凍檸茶都不錯，仲有四片厚切檸片潻！同事食番茄蛋麵似乎都不錯...另外兩個唔知佢地食乜...因為唔係坐埋一齊不用10分鐘我們就已經吃完。整體滿意，價錢合理正常，都算經濟。門口還有客人，立即埋單走囉

早排晨早得閒落樓下買完野嚟左呢間茶餐廳食個下午茶。入到去都好大卡位好多此店除了悶到透的傳統早餐外，提供了西多士一點的選擇。來一個花生醬西多士。不能期望是煎的了......但不會太油，熱烘烘的，加上一整片的真牛油，雖然邪惡.......但是比含高脂肪的植物牛油強。糖漿另上，可自行控制甜度，讚。加上用瓷杯上的奶茶，濃厚茶香份外對味。大清早，偶然來一個重口味的早餐，心情非常愉快！哥哥吃奶油脆豬吃得很滋味！

當時已經係下午五點多附近有幾間仍然開鋪既餐廳看看門口下午茶比較一下隔離潮豐琴晚食左最後就簡左呢一間連鎖茶餐廳。入面得兩枱客！我一個人揀咗門口嘅四人卡位坐因為得門口先有卡位枱面餐牌早餐，下午茶都係一樣睇左一陣，最後決定Order常餐！因為呢個茶餐係去到六點！我都差不多夠鐘！火腿腸仔湯通粉！通粉爽口，但很快吸湯，腸仔略鹹。煎雞蛋有少少流心蛋漿！滿足到我既蛋癮，火腿加煎蛋感充實，很香口。多士即叫即烘，少油！外脆內軟，好味凍咖啡，香味濃郁，夠冰凍整間餐服務員人數多！點餐的效率很快。

觀塘物華街分店態度十分差....好似生意唔憂做，每次打電話叫外賣都諸多藉口，一時又話三個外賣起先送，一時又話人手不足，一時又話太遠唔送...其實有冇準則既呢間分店...未食到食物已經令人對呢間鋪頭好反感

講起東坡肉飯當然諗起晶瑩剔透五層樓，但係今餐東坡肉飯就令我大跌眼鏡，首先顏色偏黑，而且肉質好乾身，飯底又少，要叫多個白飯先至夠飽。希望下次去佢會有改變，整返一個名副其實嘅東坡肉飯。

番工飯堂又黎喇！今日同事帶我黎呢間新之食。主打好似佢個招牌咁寫，有手攪麵，雲南米線和馬來咖喱。新之食外面正進行裝修，所以搭晒棚架，連個招牌都遮住左。入面環境尚算乾淨，以白色簡約為主。餐牌。食物款式都幾多，而且價錢平民，廿幾蚊有交易。酸辣米粉我點了一碗酸辣小鍋湯底既米粉，再加豬排同凍檸茶，總共42元。新之食既米粉十分特別，不是一般的米粉，似公仔麵般彎彎曲曲，但口感又比公仔面爽口，我第一次食到，覺得幾好味。酸辣湯底味道濃郁，可以選擇辣度，我選了小辣，但俾我既感覺似食緊中辣，辣得過癮，配上酸菜芽菜，酸辣開胃。豬排煎得剛好，麵面不會太厚，美味可口。

我食雞扒酸辣米粉（小辣）個湯底好正唔會好油膩呢度嘅小辣就好似譚仔嘅10小？但份量真係可憐咗啲😂以前喺呢度食雞扒多少少米粉份量啱啱好幾既～甜酸醬同埋雞扒好夾味 正

其實我未試過這間分店的。我只試過裕民坊那間，印象中這個集團賣的粉麵都比較平價，接近「大家食」集團的路線。今晚因爲夜收工，想在觀塘區食宵夜，這間店剛好在通宵巴附近，又見佢好似新裝修了，所以來探索一下。不過其實我最後的結果係失望的。麵底+自選餸菜，其實在香港已經唔算咩新食法，這間餐廳的價錢中上，唔算平，但又唔算很貴，當然比裝修前都貴了。佢可選配的配料好特別，有肉有菜。最後點選了酸辣麵，但走辣，轉米粉，湯底很鹹、很酸，份量如果以宵夜黎睇都可以，不過配料的份量就好小，我選了貢丸就只有2粒，加左6蚊，即一粒三蚊，比譚仔更貴🙀如果我唔係選了這個多配料的湯底，只有兩粒貢丸的米粉，都成30多元一碗，所以唔建議大家要其他湯底，下次如果再食，都應該唔會去呢間，因為真係覺得唔抵，這個價錢，其實觀塘都好多選擇。

九月中旬‧晴其實我覺得二十幾蚊有碗真正即製的麵吃，就算配料只是一般般，都已無可厚非。飯局之後，還有點餓。當然了，邊吃邊講有時真的食不知其味，來這裡吃一碗菜肉餃手攪麵。麵爽滑，跟夠熱的豬骨湯式同吃也好吃。菜肉餃大大隻，肉不算鬆軟，但份量足，算是這樣。下了一點菜譜，真的頗辣，惹味。是個平民食堂。

自從 OFFICE 搬咗之後，很久沒有去新之食，(之前多數去裕民坊那一間)，昨晚行行吓街，見到物華街呢間，一於光顧。點了東坡肉酸辣刀削麵 + 檸茶。東坡肉好入味，又不會太肥，好味。可惜刀削麵比之前差了，很碎，又死實，一點都不像現做。埋單 $34，不太貴又不是太平，希望今次只是一時失手。

九月上旬‧晴這是區內一個飲食勢力，勝在平平地水準不錯又什麼也有得吃。所以就算在附近也開了好幾間，都見早午晚有不少人在開餐。要了碗南瓜刀削麵，麵一看就知道不是刀削的，真的長到好緊要，試問如何削到這樣長。不過吃起來有韌度，是即製的就是真的。要了蕃茄牛肉，蕃茄好吃，牛肉是疏打牛，湯底不錯。20元，便宜的了。

試食咗兩日,覺得唔錯,所以分享一吓.上次食咗東坡肉飯,yes !!!!!!! 幾得吓.呢個以價錢同埋佢個開門時間(開到都幾夜)唔驚無飯開 今次呢個相思骨, 依???咁骨軟骨嘅???咬落"咯咯"聲但唔會太硬,喏喏好噃.酸酸甜甜又幾開胃,仲可以叫佢加多啲啲汁唔會咁乾憎憎,再叫咗炸豬扒...嘩,好鬆化呢,呢個價錢好抵食.只輕輕的有一點"梳打粉"味,如果唔細心都未必覺架.啲漿汁有啲泰式 feel,唔錯唔錯.加多 $5 仲可以叫埋杯熱咖啡,一般茶餐廳嘅水準咁啦.呢度啲嘢食過得去!!!

夜晚到觀塘返學, 就近近地去新之食食碗麵吧!呢間新之食地方唔大, 但勝在選擇夠多, 由碟頭飯, 車仔麵, 小食都有, 任君選擇, 今次叫左自己最喜歡她的麻辣雲吞豬腸米線, 辣辣的, 滿滿的一碗, 很滿足呢! 有一次試過魚腐, 但有很多細骨, 可惜呢 ...飯方面, 佢地的蘿白牛腩飯唔錯呢, 一碟有很多牛腩, 唔似得出面得1, 2 件, 加上夠林, 冇牙都食到呀!!!小食方面, 近年很多人喜歡的窩貼佢地都有呢! 不過我自己就唔係太鐘意, 因為試過幾次都係凍的, 食落去覺得好油

周日一條友在官塘遊遊盪盪，竟被我在這兒發現在這兒開左間新之食﹗裕民坊既新之食之前係我至愛，那粗粗的上海麵配以足料的酸辣菜等，大碗抵食，美味飽滿。但自從佢幾個月前裝修，門口加入了台灣奶茶檔子後，麵少了，料也少了，阿姐待應又惡了，吃過一次半次後就無再去﹗新之食集團我吃過好幾間，感覺地方都係麻麻地衛生，地上必滿佈污垢，亦有垃圾，0的枱凳總是油油淋淋的，以呢間咁新淨的環境來睇，應開店後不久吧。要了最鍾意食的牛展酸辣小鍋上海麵，用料足，芽菜、腐皮、酸菜、肉醬等下得滿滿的，上海麵份量也不少，夾極都有一樣，令我回憶起數年前裕民坊分店的滿足感覺。吃湯麵我覺得小辣已是我的極限，上海麵夠粗，口感煙韌，掛上肉醬微辣惹味，牛展有三四片，鹵水味香濃，用料夠多令整碗麵也充滿豐富的感覺，吃後很滿足﹗加多碟菜以均衡飲食，都係$5，每次來新之食都係咁叫架喇﹗希望呢間可以keep到今天的水準，要吃新之食上海麵在官塘必來這間。