新九記粥麵

营业中

休息中

D餐具十分之唔乾淨，環境都麻麻哋。同職員反映之後，佢細細聲話咁麻煩，走既時候叫我哋以後都唔好嚟！服務態度負分The environment is poor as the staff’s attitude! We did reflect the dirty dishes, the staff described us “trouble customers”. When we left, she said to us, not welcome you guys anymore.What a restaurant!!!

唔細心留意大王東街的話，都未必發現度依度有粥麵店。咁岩今日想食粥，於是就入去試試。叫左$49 自選2款材料，皮蛋肉丸粥，粥底夠綿滑，肉丸紮實又有麻油香味😍交足料👍大大碗，唔怕好快肚餓😂而朋友就叫左豬潤粉腸粥，同樣新鮮足料👍獲得好評！岩哂中意食內臟的朋友😄蜆蚧鯪魚球 $42我第一次食炸鯪魚球配蜆蚧醬。仲以為係鯪魚球裏有蜆蚧😅原來係作醬汁用😂😂😂長知識了鯪魚球好爽口彈牙，食唔到有骨🤣顏色金黃，圓潤飽滿，好吸引啊！可以連醬料中既蜆蚧一齊食，不過我就覺得醬料就咸左啲，可能係特色之一尼🤣

最近打邊爐食濟左 要食返清淡d 去左屋企附近粥店6點幾去 坐低無耐已經開始好多人 好多街坊&熟客 原來佢地上過米芝蓮 粥品同撈面好出名墻上痴滿報道 餐牌上面寫住食物不含味精鮮鯇魚腩粥$48魚腩大大件，一碗入面有成5舊，魚肉吾會過老，鮮甜無比。 粥底較綿綢鮮甜，一d都吾稀新鮮及第粥$46有幾塊豬肚，豬潤，有粒好好食既丸 應該係魚肉豬肉打出黎 好足料呢碗粥底就相對稀一d 但都依然鮮甜上湯净雲吞$38雲吞好彈牙 豬肉蝦比例完美不過相對於粥品相對遜色呢間小店細細間 平日6點半已經開始有人係出面等位好誇張見隔離枱特登訂左位黎食粥底火鍋用沙煲上 好吸引 下次試下先題外話 店員(應該係老闆?)超好禮貌 服務態度好好 唔該前唔該後 讚！

下午諗住食碗粥，黎左依間食中途食食下比隔離啲雀聲嚇親左幾次叫左及第粥$49+$10油炸鬼好難食及第粥都多料，食到d肉料有美極豉油味粥底略微小小咸左d依舊野幾好食，可惜得1粒幾爽口下豬肉片1舊幾滑唔洗點咬油炸鬼好唔掂上枱係一粒粒，凍既，又淋，難食到伏伏地，唔值依個價$10，似放左勁耐難怪餐牌無寫度有油炸鬼，我果下直接同店員落，佢細細聲話10蚊，事後我見到碟野，再望返餐牌，先發現係餐牌上面係無標明有油炸鬼伏食後感:粥黎講，唔太值依個價錢，油炸鬼，好差，店員應該要講明唔係新鮮原條炸上

經過一間老字號，標榜食面，見佢舖頭出邊癡咗好多報紙嘅報道，諗住試吓應該冇壞，出到去啲位置好少，個餐牌除咗貴之外冇乜特別嘅組合，淨係食個麵都要四五十，報紙話佢鯪魚球出色，，於是就食鯪魚球麵佢好快就送到，應該要一早就已經煮好，個面都幾彈牙，唔會有鹼水味，個鯪魚球都幾大粒，但係食到入邊會有少少骨，小心啲食都可以吞落去，因為佢其他嘅小食都頗貴，有冇套餐唔會包飲品，所以應該下次都唔會再食，個面貴得來份量太少，唔會飽

我本身都喜愛吃粥。佢出名是豬潤粥。雙拼係49蚊， 所以我揀咗豬潤豬心粥。如果49蚊一碗好味粥， 我覺得抵。但49蚊吃一碗味精粥，我覺得不值。豬膶味道可以。粥底似落了味精 ，是甜甜的。吃完以後，我覺得唔飽，唔好味，好失望。

今日天氣不似預期，成日都落雨，加上喉嚨唔舒服，決定食一碗熱辣辣嘅粥作為今日嘅午餐。嚟到呢間老字號，我諗咗一陣，本身諗住食粥，但又驚唔夠飽，最後決定嗌一碗泡飯。呢度嘅泡飯有好多唔同種類，我就嗌左一碗喺餐牌上面冇嘅泡飯-豬雜。除咗白飯係預先煲定之外，所有材料都係即叫即整，加上大量嘅薑蔥，碗飯一上到台就聞到香味。介紹吓碗野入邊有啲乜嘢先，有豬心、豬肚、豬膶、粉腸、肉丸同埋肉片。豬心切到好薄，食落去口感非常之爽脆，加上預先已經醃好，可以話係做得非常之出色。豬潤方面，雖然唔係厚切，但係都唔薄，火候掌握得非常之好，食落去非常之粉嫩，而且有事先醃製過，非常之好味。豬肚同粉腸就做得不過不失，食得出有事先醃製過，而且處理得非常之乾淨，屬於水平之作。肉片同肉丸方面，冇乜特別，但係都係因為有事先醃過，所以食落去非常之香。最後要講嘅就係佢個泡飯嘅湯底，非常之香，而且食完之後唔會頸渴，呢碗泡飯屬於近期滿意之作。

灣仔較高質素嘅港式麵檔。有別於潮州麵檔我個人緊喜歡港式麵檔。餐廳麵質爽口彈牙。雲吞入面既豬肉同蝦嘅比例做得非常好。炸醬甘口惹未，配撈麵真係一流。大地魚湯味道鮮甜清香。

屋企煲粥諗住買油炸鬼番屋企食點知伏左所謂既一份油炸鬼，問左即係一條拎到手，一條即係其他店既半條真心唔抵食拎上手又淋又凍所以不了之後仲要去過第二間買過，無下次粥無食，所以無評論

今日突然想食粥，喺OpenRice見到呢間有魚腩粥就試吓啦今次叫咗魚腩拼牛肉($64)，粥底係經過調味，菜甫味都幾明顯，食到尾會覺得咸咗少少。粥亦配上2塊油炸鬼。魚腩厚肉大塊，不過無乜魚腩嘅油香，味道只係一件正常的魚肉，牛肉片都幾多，不過切得比較薄，但不會有鬆肉粉味，整體係一碗幾足料嘅粥，但如果你係想要一碗清清地嘅白粥粥，呢碗就未必啱你啦P.S. 自取時順便影底堂食餐牌，價錢同OpenRice預訂的價錢相若

呢幾日喺灣仔開工，每日放工都已經八點，朋友知道我超級鍾意食豬潤粥所以就帶咗我去一間好出名嘅粥粉麵店食夜粥小店細細間而且入邊座位不多。剛好有食客食完我哋才有位。一坐低便急不及待叫咗一碗招牌豬潤粥，粥底軟綿而鮮甜，食得出大廚好畀心機去煲這煲粥底，然後試我摯愛的豬膶，果然冇讓我失望，豬膶咬落爽而彈，濃濃的豬潤味充斥著整個口腔，真係一塊接一塊地食到停唔到口。朋友就叫了一碗豬心魚腩粥，豬心亦是爽脆，而魚腩大大件冇乜骨，大廚煮的時候拿捏的時間剛剛好，魚肉不會過老，鮮甜無比。另叫了一碗豬手撈麵朋友就叫了一碗豬心魚腩粥，豬心亦是爽脆，而魚腩大大件冇乜骨，大廚煮的時候拿捏的時間剛剛好，魚肉不會過老，鮮甜無比。，每碟都有三大塊豬手，大厨用秘製醬汁去燜煮，咬落軟腍而不肥膩，每口都充滿著豐富的骨膠原。仲有一碗淨雲吞大家一齊分享，每粒雲吞的size並非很大粒，但一口咬落去有爆汁的感覺而且蝦肉爽口彈牙，好正。

今日食評有✍🏻新九記試食指數⭐️⭐️⭐️⭐️⭐店舖衛生⭐️⭐️⭐️⭐侍應態度⭐️⭐️⭐⭐️⭐((每項5⭐️為滿分)) ·N年冇光顧過的老牌粥麵店一入門口就感受到嗰份「人情味」我哋一定算係生面口嘅客人Cashier叔叔仍然熱情招待入座點菜係一位年輕靚仔，一樣風趣幽默地落單未食已經令人心情愉快·以為老牌店就一定污糟破舊佢哋每一張枱櫈都抹得好乾淨一點油膩都沒有讚👍🏻·我哋點了1️⃣豬肝拼魚腩粥⭐️⭐️⭐️⭐/5特登叫咗一個熟小小嘅豬肝🐽夠熟不老仲好爽口，正😋魚腩冇驚喜🐟但都好味粥底夠綿冇味精食到底都不會變稀2️⃣兩碗雲吞麵⭐️⭐️⭐/5雲吞ok👌🏻湯底正👍🏻麵身爽口👍🏻但係三樣嘢夾埋都冇乜麥奀記咁好味3️⃣蠔油菜心⭐️⭐️⭐️⭐/5正常·二人盛惠160抵食😋·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

中午冇食嘢，做完野成三點半想去附近既bakehouse grab少少嘢食，但係經過呢間粥店嘅時候，佢嘅招牌豬潤粥成功吸引咗我嘅目光。睇吓個價錢$42。呢間粥店開咗好多年，門面貼咗一啲報導呀相啊，由於我真係冇辦法抗拒豬潤粥嘅誘惑，一於入去試一試。講到呢度，都應該知我係豬潤粥嘅深度愛好者，所以都可以話係豬膶粥專家。食咗咁多年豬膶粥，咁多間豬膶粥，我未食過一間可以食豬潤食到飽，誇張d講甚至可以話係豬潤多過粥。碗粥入面有六七塊大大塊厚切豬潤，嗱，鍾意食豬潤嘅都知豬潤一定要有返咁上下厚度食落先有口感先好食嘅。除此之外係無筋架。熟嘅程度又啱啱好，有陣時出面食到㗎一係熟得滯，一係呢，攞上黎既時候仲有啲血水浮喺面咁，呢度岩岩好，真係好正。唯一一樣嘢唔好就係離我屋企好遠......🥲🥲🥲

次次口淡淡，就會諗起最簡單好味的傳統麵店，新九記雖然多老伙記，但服務態度非常好，十分有禮。午飯時間要搭抬實在無可避免，因為麵店大部分都係圓枱。等位都好快，因為大家食完就走。之前食過佢的粗麵，覺得唔夠爽唔夠彈，有少少梘水味，今次食肉片撈幼麵，果然好好多。幼麵彈牙，而且份量多，最鐘意係肉片啖啖肉得黎，一啲都唔會鞋，唔係鞋口嗰種瘦肉，仲會附有清湯，可以倒落去食，或者飯都得。見到好多人都叫佢地的粥品，下次試下先。

柱侯牛腩併南乳豬手撈麵 $50+15 🙌南乳豬手🐽其實不太吃得出南乳味 很微弱但無疑是出色的炆豬手好腍x3 未食過咁腍既豬手 ▪▪▪▪▪▪▪▪▪▪▪▪▪▪▪▪柱候牛腩🐮牛腩腍 顏色偏深 老抽下得夠重手😂柱侯味出 陳皮味香濃 👍腩汁濃郁 黏嘴 ▪▪▪▪▪▪▪▪▪▪▪▪▪▪▪▪撈麵鹼水處理好 麵爽好食 可惜雙併只有一隻豬手下次黎會叫一餸 豬手餐湯 餛飩麵湯底 偏咸