新加坡海南雞餐館

营业中

休息中

叫左個乾抄牛河，一d鑊氣都冇。河粉就一大碟，食左2舊牛肉後，發現已經沒有牛肉了。系呀，得2舊咋。發現得太遲，投訴沒有證據，怕他唔認數。非常失望，非常欺騙消費者。

因為今日喺附近返工，所以過嚟food court搵嘢食。店的選擇好似少咗，見到呢間以前食過記得係OK嘅。本身鍾意食福建炒飯，咁就試吓佢個福建燴飯囉。見佢餐牌話有靚湯或熱飲送，叫咗個熱咖啡囉，點知要加$5 ！餐牌冇寫明，非常之誤導😕·⋯⋯公道啲講句食物就OK嘅，味道略濃，杯咖啡就甜咗啲。就係唔高興，好似俾人呃咗咁囉😕

巧合在附近工作 夜至八點 紅磡站附近餐廳開始收爐 剩下選擇不多 機緣巧合下發現此等美食不講廢話 直入正題無骨才是海南雞 今次用膳海南雞有一舊骨 不完美 但依然好食其他雞件都係啖啖肉 已比起其他普通餐廳要好海南雞有豐富雞味 配上一碟菜心灑上雞汁 簡單而快活 餐飯是一碗雞油飯 雖然沒有海南雞鼓油 但跟餐有辣椒醬和薑蓉 我唔食辣 放棄咗辣椒醬)例湯略嫌細碗 湯渣配料略嫌多骨 整體屬正常水準一碗薑蓉落飯 一碗薑蓉落雞 令我想起新加坡旅行 海南雞飯 人生一大美食也

以前大學回憶，曾經抵食款式又多，依家無哂以往好食嘅選擇，例如福建炒飯、乾燒伊麵。叫咗個海鮮雜錦炒河，夠膽死係個河粉底加堆生粉芡加幾粒蟹柳同蝦仔就叫海鮮。。仲要係無味道，應該無第二次 😪

Intro: 除左演唱會時段同午餐放飯外，置富都會canteen（都can）都比較少人流，自從翻新後多番舊有嘅店舖，而新加坡海南雞餐廳都仲存在；呢間出名係即叫即炒，價錢都係$50內～___________________🍽 月光海鮮炒河💰 47（送餐湯）⭐️ 8/10✍🏻 想叫呢個餐就因為呢隻太陽蛋，真係幾得意，而海鮮炒河就有蔥、椰絲、蜆、蟹柳等配料；✍🏻 河粉係幼河粉，炒得偏乾身，有少少油膩，勝在即叫即炒有鑊氣；✍🏻 而湯就係菜乾湯，算係無味精，仲有幾多紅蘿蔔同菜乾粒；___________________🏠 新加坡海南雞餐館📍 紅磡都會道6號置富都會8樓FS02號舖⭐️ 8/10___________________

如果喺都會大廈翻工嘅人就應該知置富係冇咩嘢食, 來來去去都係嗰幾間, 所以呢間會係其中一間會REPEAT但直至今日真係決定唔會再幫襯, 寧願行遠D過天橋買或者日日譚仔都好過佢先講食物質素, 本身就唔係話好食, 係得個海南雞飯叫入面菜單最好嗰樣(咁當然佢店名都係佢, 一定係招牌嚟嘅)D炒飯款係好多, 但其實試勻曬都係千篇一律, 料都係咁上下, 轉下調味粉又變新款炒飯一D鑊氣都冇, 永遠都係一陣油益味+調味粉嘅味, 其他好少試就唔評論再講態度, 亦係我認為最重要最差嘅一環, 入面幾個呀姐全部態度奇差, 成日話D拎餐嘅人"聽唔到咩" "咁遲先嚟" "叫咗你好多次"試過之前見到有食客因為呢樣同入面最老嗰個呀姐(亦係態度最差嗰個)嘈交, 個呀姐一D悔意都冇, 不斷疊聲鬧翻個客而我今日亦一如以往喺鋪頭側邊等叫冧把, 我第一次聽到冧把已經上前拎, 一個後生D嘅呀姐就唔好老脾咁話"你要講你咩冧把, 唔係淨係俾飛我睇架"但我想講我講咗啦呢間嘢價錢唔係話好貴, 都係四十幾到五十幾, 但食物質素一D都唔符合個價, 莫講話仲要貼錢買難受路過置富想食個飯嘅人可以親身"感受"吓, 起碼個例湯係OK嘅, 應該係,

This mall is often a place we pass through on our way to Hung Hom. There really isn't anything there but I like to look at a snack shop there. We noticed the food court has been renovated lately and we went to take a look. As we haven't had lunch, we decided to eat at this stall called 新加坡海南雞餐館 (no English name). It seemed to be the most busy so it must be a good thing, right?Menu is in English and Chinese. There is no 10% service charge. You can order at the food stall or by touch screen menus

Unfortunately my go to go happy veggie was closed so I chose to eat at this restaurant. I ordered via the large screens when entering the food court. I got a sweetcorn fish rice, a comforting dish which tasted exactly as it should. Slightly sweet, soft flaky fish and a healthy portion of rice. Upon reflection should have opted for the less rice option! Came with an option of soup or a drink too

飢腸轆轆諗住食個快餐，原本foodcourt選擇不多，覺得呢間會快先選擇。落單時，問多兩句嘢俾姐姐以方言問候全家，仲要喺埋單之後才破口大罵，以為顧客聽唔明。嘢食麻麻，但對得起價錢。絕對唔會再幫襯。

去火車站上面食個下午茶，星期六日，四點幾左右，food Court冇人。自己自由揀位坐之前食過佢個炸雞髀飯，今次就試吓去啲麵食點咗佢嘅雞扒喇沙-雞扒後肉，有成隻手指厚-點咗米線🍜， 米線偏林，本人鍾意食有咬口嘅米線，所以下次會試下拉麵奶茶🥤-走甜，茶底好，好飲朋友點做咖啡，好難飲，下次記得點奶茶🧋抵食，份量夠大，性價比高

放工後去了附近的商場food court找餐廳吃飯，翻新後的food court環境更好，而food court內的餐廳也繼續經營。這次我選了我幾年前讀大學的時候經常吃的新加坡海南雞餐館，點了一份雞翼喇沙套餐。雞翼喇沙雞翼的南乳味十分香，雞翼另上沒有浸在湯裏面可以吃到半煎炸的香脆外皮，內裡的雞肉多汁鮮嫩。而喇沙湯啲湯底十分濃郁，用了馬拉盞熬煮充滿鮮味，配料方面除了吸收湯汁的豆卜之外，還有少量的青菜。配上凍檸檬水冰涼解膩作結，整個套餐也不過50元，價錢相宜，值得推薦。

小朋友揀咗呢個餐 甜酸豬扒飯 我叫咗家8蚊炒底, 加$5多一條腸，另外一杯菜蜜 五十幾蚊 。小朋一試話個汁好酸，😵 真係酸到接近搶喉， 跟住個豬扒 一塊比較薄亦唔大塊 好難咬 炸到超級乾 好似食緊豬肉乾咁 ， 炒飯仔其實都冇乜味， 反而係個飯嘅口感ok 起粒粒好口感 。可能嗌呢間真係要嗌返佢啲星加坡嘢會好啲我望人哋嘅炒粉個樣就正正常常 海南雞飯個樣都好似正常， 看似正常唔係話叫靚。 但我相信百分百好過我叫呢碟嘢。。。 小朋友 勉強食幾口之後 放棄咗了

雖然呢間餐廳叫海南雞餐館，但除咗海南雞飯，其實其他食物都好味。如果想食啲好惹味嘅炒飯麵，呢間係好好嘅選擇。沙茶醬炒河粉 $45其實呢個同普通乾炒牛河冇分別。不過好惹味，個炒河落咗好多配菜，牛肉份量都正常。不過最重要係成碟嘢好！大！份！男仔食都絕對冇問題!!呢個價錢仲包埋熱飲/湯，對學生哥同打工仔都係一個好好嘅選擇🌟👍🏻

第一次去紅磡火車站搵嘢見到翻新咗個food court就去試吓星加坡海南雞飯 知道係火車站嘅 老字號，每次翻身，佢都屹立不倒，就知道佢唔野少今日試吓佢要做一個鹹雞腿飯$45-雞皮都夠味-肉質唔會鞋，仲保留住嫩滑嘅味道-不過要注意碎骨，有時會有少少碎骨-女孩子的話記住要叫小飯，因為份量大概有三碗飯，有機會係你一個禮拜嘅飯量 炸雞腿飯 $45-可以免費轉油飯-切得好大舊，一個雞腿大概四至五件，不過咬落去啖啖肉，別有一番風味總結：環境尚算企理，所有杯、兜、餐具，全部都係新嘅。味道非常好，絕對唔會有下次歡迎外賣返屋企添！美中不足- 本來可以坐低之後先scan QR code點菜，不過喺電話度操作，手續繁複，結果都係去舖頭度直接嗌。

好耐冇嚟紅磡區，foot court新裝修，又遇疫情，小貓三、四隻，唔使等位，即叫即食。海南雞飯必點，因為真係好好味！第一次時係外送上屋企，一試驚艷，今次再食都依然咁好味！雞肉好嫩，雞皮Q彈，仲有一層好靚嘅啫喱層，望落已經好吸引，口感無敵，係令我會連雞皮一齊食嘅海南雞，超好食😍😌～油飯都好好食，單食都好滿足😋❤️三款醬汁都不錯，最鍾意薑汁，夠薑👍🏻菜乾湯清爽唔味精👍🏻辣菜脯爽脆，想要碗白粥😆～