新匯江美食中心

营业中

休息中

今日諗著食個快 餐 其實呢間新匯江係長沙灣已經出晒名咁差 里面食的人大多有一定年紀 未坐底已經問我地坐唔坐大圓台 (圓台超亂 跟餐餐廳餐具坐左一起 即使坐下來都會都只到約3位 之後想想坐別的位置再由餐廳員工指示下引導去另一張台坐 怎料比另一名聲大夾惡的中年職員 話已經有3個客同台 (我地2人) 事前根本沒留意 而且受了氣一樣 推卸責任

同屋企人喺深水埗呢間茶餐廳叫餸食飯。呢間好多街坊都有食開，喺區內幾乎個個都識。入邊環境真係比較窄，同埋噪音真係比較多，所以一般都係食吓晚飯唔會坐得好耐。我哋叫咗四樣餸，分別係：椒鹽九肚魚、生炆班頭腩、薑蔥蝦雞煲同埋馬拉盞鮮魷炒芥蘭。四樣餸都好惹味，而且都足料大份，十分抵食。特別係椒鹽九肚魚，啲魚新鮮炸，炸到好脆椒鹽又香口。鮮魷炒芥蘭入面有好多鮮魷，冇偷工減料，同埋啲魷魚煮到啱啱好，又鮮又彈牙。班頭腩好大碟，啖啖魚肉好正。整體嚟講抵食又大份，水準又唔錯。不過，環境上真係又窄又嘈，坐唔得耐。

長沙灣依間係街角既茶記無論早午晚都係咁多人好彩地方夠大普遍大家都係快食快走所以唔洗點等位今日食左佢個快餐但餐單本身寫牛扒黎到變左雞扒因為趕時間都唔理啦拿拿臨食完就閃如果食午餐A或B除左有野飲外仲會送湯對男士黎講一定夠飽黑椒汁唔算好辣果種個雞扒煎得好香口而已好大塊建議細食既朋友記住叫少飯杯凍央真係好岩我口味叫少甜就岩岩好個西湯夠熱但因為真係好飽所以都係飲左半碗就放棄左埋單50都唔洗如果本身係學生仲有得平以長沙灣黎講個價錢算中間啦份量就真係多所以CP值真係唔錯除左傳統快餐仲有車仔面選擇平均30幾蚊左右仲有雲吞面果D真係集百家之大成唔錯唔錯!但因為係傳統茶記相對"佬"味會濃D環境算幾乾淨地下唔會濕淋淋

其實係我公司個經理介紹我嚟食佢話每年佢都會嚟食所以我就試吓佢有幾勁我想講我返食咗兩次不過北菇滑雞飯係一定要食佢比起平時廟街嗰啲真係有誠意好多平時食嘅雞 係白色嘅佢呢個係葉過真係好好味同埋呢度好多人黎食機會要喺門口排隊但係就算好多人啲侍應都唔會燥底仲要好好禮貌所以我都幾鍾意嚟呢度食

即興朋友煲仔飯聚會 一行6人啲間係我地大家公認好食既冬天就係煲仔飯節 啲間鋪頭門口即煲次次都要排長龍 真的而且今日收到風話佢煲仔飯開鑼 仲等？？生菜3碟可加腩汁或豪油 腩汁唔會啖味油浸筍殼魚唔大條 侍應介紹 表面炸得乾身 內裏魚肉白滑小心骨 骨細條南安臘鴨飯 大臘鴨唔會太乾 唔想要大多飯蕉 就唔係蓋咁耐不過臘鴨唔係我既喜好黃鱔煲仔飯 大你睇下 幾多黃鱔 不過又唔係我喜好同行人話好食我最愛 潤腸雞/臘腸雞煲仔飯雞油入哂飯 雞滑 潤腸香 飯蕉脆4個煲仔飯 六杯飲品 兩個餸 3碟菜滿足 下次我應該自己食一個煲仔飯😂

人年紀越大越覺得食餐安樂茶飯好重要， 更何況香港正值多事之秋，就更加需要一啲好嘢食去振奮自己嘅心情 ; 但無奈，最係事與願違。 就連去茶記食個好普通嘅涼瓜牛肉飯都會中伏，真係no eyes see.涼瓜牛肉飯，亦即係苦瓜牛肉飯 ; 話明係苦瓜，就算點冇味，都應該有一啲苦瓜味嘅，好無奈呢碟的苦瓜係冇苦瓜味嘅 ; 飯好黏口，口感唔好 ; 個芡汁好杰，好漿口而且好咸 ; 牛肉好大陣雪藏味，完全食唔出有肉味，完全like唔落。完全諗唔明，點解簡簡單單嘅涼瓜牛肉飯都可以煮得唔好食。

除左大型連鎖餐廳之外，其實香港仲有好多唔同地道茶餐廳， 食物質素同埋味道都唔錯。今次黎到長沙灣探朋友，順便食個茶記，呢區有好多茶餐廳，以往都只係食大家樂同大快活，難得黎到呢度，都子想食下其他大眾平民既餐廳。我朋友話呢間都幾好食，而且大碟夾抵食，所以就去試下啦～佢地既下午特價炒粉麵飯，價錢唔算貴，包熱飲一杯，我朋友叫左碟豉椒肉片炒河，而我就叫左碟咖喱滑蛋飯。上到枱發覺真係幾大碟！一個人真係會食唔哂，唔大食既朋友share黎食都得，味道方面我同朋友都覺得唔錯，同一般既茶餐廳食到既味道無咩分別，但係分量就真係十足！而且餐廳環境唔錯，地方都好大，一班朋友一齊去食都無問題，唔洗分枱坐。

新匯江美食中心都幾大地方 茶餐廳都有中式早餐食到 都幾好好多食物選擇我叫咗鮮蝦腸粉 豉油偏咸 腸粉有少少酸 都有六隻蝦仔係裏面白粥都 越食越咸咁 不過糯米雞就食唔曬中式中餐可以配鮮奶 幾得意

兩仔爺食飯老豆想飲啤酒，所以求其搵左間茶餐廳食豉汁蒸䱽魚 （$55）雖時大約三十分鐘，太耐...正常份量，兩至三人食都可以魚肉都算滑豆豉較多，比較岩鍾意食咸啲既人加$9 可以配一個白飯同飲品白飯夠大碗，不過好硬...飯品揀左中湯（粉葛湯）得兩舊粉葛，硬身而唔夠粉，無瘦肉，個湯味精味好重...瑤柱雞絲西蘭花雞絲份量適足雞肉算滑，不過無雞味西蘭花較淋少量菇菌整體只吃得出芡汁...整體而言純粹為醫肚食物質素一般，態度惡劣，價錢亦不算便宜不會再來

同朋友夜晚11點打完波同睇下附近有咩食，見到呢檔門外有煲仔飯，就決定入黎試一試😋餐廳入面都算大，唔會坐得好逼，煲仔飯同客飯選擇都好多👍🏾首先我就揀左排骨臘腸飯，再加多條臘腸！上菜速度以煲仔飯黎講算快，10分鐘就有得食👍🏾，一開蓋熱辣辣出哂煙，自己加兩圈豉油，不但排骨新鮮，臘腸仲要噴汁，個飯仲有煲仔味，而且飯焦同飯各佔一半，相當出色🤤另外朋友叫左啫啫黃鱔煲，幾分鐘就上菜，同樣係熱到出煙！黃鱔唔算多骨，同樣係十分入味，撈埋飯食好正，而且個西洋菜煲豬肉湯都好足料，所以我認為呢間餐廳絕對算係長沙灣水準以上👍🏾

是晚消夜想食公仔麵，門口有位泊一陣車就來到新匯江，都唔肯定佢收工未就照入去坐！咩都有得叫嘅茶仔：小菜，炒碟頭，特餐快餐，車仔面乜都有一心想食公仔麵都離唔開叫個特餐最classic - 沙爹牛肉麵，火腿奄列叫完聽到伙記大叫冇曬沙爹牛，好彩剰下的比曬我地下一位就冇得食啦沙爹香但牛肉醃過咗少少籠口感一般，麵都仲可以，米粉好難食，火腿奄列好大份, 多火腿又熱辣辣，奶茶夠多奶飲埋夠曬飽！$35的宵夜都算好ok！只是下次不會再叫米粉～

當日趕住返工，打完排球即係去這間位於長沙灣的車仔麵。餸菜有好多選擇，點了芥蘭牛筋油麵。油麵好彈牙，牛筋亦好鮮嫩。口感一流。芥蘭好有菜味，他們烹調的方法非常特別。會用滷水汁煮牛筋，加在麵條，味道濃郁。香氣四溢。這間餐廳醫肚就最好。快靚正。😊

由於太趕時間，所以我們一行人就隨便找間茶記坐低，旨在填飽個肚！ 我點了豬扒米線🍜特餐！ 豬扒都ok, 算Juicy! 但米線煮到淋曬！ 重要要負皮的是 等太耐了 個奄列 多士！ 原來我地係為左趕快所以搵左間茶記！ 米線不是等很久！ 但是 米線食完，等左好耐都未來，我己經問左樓面3次！ 係我準備放棄不食的時候，奄到又到了！ 最後我要用5分鐘， 匆匆忙忙咁塞曬入口！ 而且個奄列是十分熱的！ 不想食唔曬，又浪費！

平時做完義工都會成日去新匯江食飯，平時冬天會有煲仔飯，夏天都係得小菜類嘅嘢。本身想食薑蔥魚腩煲，點知賣晒喎。咁呀帶咗個生炒排骨，啫啫雞煲同沙拉骨。生炒排骨排骨數量多，又唔會好酸，勁抵食。啫啫雞煲雞肉份量好多，醃得夠入味唔會一味死鹹，不過沙拉骨同生炒排骨有啲撞，兩樣都係酸野。

新匯江本身係茶記，早午晚市都有做開，另外仲做埋車仔麵，麵包，真係包羅萬有要乜有乜!今晚同朋友黎食宵夜，原本諗住點小菜，但我又心思思想食車仔麵，我最後都單車仔麵算24蚊最低消費，常見既麵種都有，但食得車仔麵緊係要油麵啦!另外仲點左豬手同雲吞，湯底仲有三款，沙嗲，腩湯，辣湯，我要腩汁算了豬手煮得幾入味，但係d毛清得唔乾淨，為免唔好咁吉口....自己清返哂d毛出黎-.-'而豬手少左d，無乜肉食，如果大舊d就perfect!雲吞唔錯，睇落係自己包既，每粒都有一隻蝦係入邊，但食落豬肉味唔夠香宵夜黎講都幾平，可一可再!