新南苑私房菜火鍋鷄煲 (華僑商業中心) (已搬遷) 新店位置

天氣涼返d 又係開始瘋狂打邊爐既季節 第一時間book左新南苑食返餐雞煲+海鮮邊爐 雞煲叫左小辣，都係一慣既水準。炒香左既三黃雞再落脆卜卜既油炸鬼，油炸鬼吸收左雞煲既味道 幾過癮食完雞煲就係最期待既海鮮拼盤。海鮮餐入面有鮑魚、蟶子皇、蠔、脆肉鯇、大蜆、同好大隻嘅虎蝦啲海鮮全部都好新鮮最鍾意打邊爐嘅地方，就係可以一次過落晒啲嘢落去，一次過有得食不得不提，佢送嗰份牛頸脊，一食落口充滿油花香，口感適中同埋好重嘅牛味，推介佢個飲品櫃，有好多唔同選擇，由於小妹唔係太鍾意飲甜嘢，清熱檸檬飲係我首選另外自助吧都有好多蔬菜，仲有個熟食位，有麻辣鴨血雞翼又有魚蛋，仲有日本螺肉。依度嘅任點食物，比出面嘅任食更加多選擇，重點推介係佢嘅海蝦，食落口好新鮮。同埋真係坐得舒服 又有勁大個電影一邊睇一邊慢慢食 仲有得睇英超直播食飽晒 仲有滑捋捋嘅奶凍食 好滿足

突然有好想打邊爐，聽朋友講有一間牛魔王放題火鍋好抵食.雞煲加火鍋食足三個鐘仲有英超睇足球直播睇。因為次次食完雞煲都打唔落邊爐今次決定直接打邊爐食牛食到爽.八點前離座嘅話$238仲唔使加一，好多放題都係食兩個鐘三個鐘絕對食到你好滿足.牛魔王套餐包括美國黑毛和牛肉眼/安格斯肩胛肥牛/安格斯牛小排/美國肥牛推薦和牛/牛小排小籠包都推薦，煮8分鐘好多隻好好味佢個雞煲配埋油炸鬼真係好正，油炸鬼夠脆，吸晒啲汁

D frd臨時話出黎見下面，拿拿聲求其搵左間雞煲，我都未試過，但見好多食評就去打訂位我地3個安排左坐卡位，我見好似有英超定唔知咩足球睇 ，隔離枱班男人係到睇緊，講返食物一坐低上左個小辣雞煲，味道唔錯，隻雞唔算好肥，都有肉食醬料香食完個雞煲其實都半飽，之後我地點左個海鮮火鍋食，有鮑魚，大蝦，扇貝，大花甲，生蠔，龍躉，同埋牛頸脊食完呢堆野基本上飽左8成😂 朋友仲話要tick放題紙繼續再打邊爐食到好飽，姨姨行埋黎話仲有甜品，好飽既情況下，食左個奶凍，凍冰冰幾好食Ps 呢到d任飲罐裝飲品係出邊好少見到Ps 個油炸鬼放落雞煲到好脆好好味

天氣開始涼，同事們都建議一齊打邊爐因為呢間係d類餐廳，可以坐得多人，就揀咗佢入到去個觀感都唔係太好，啲枱坐得好迫，背對背，地下又油林林我哋叫咗牛魔王餐首先一嚟就係食雞煲，正常貨色冇咩特別之後嚟到重頭戲—牛肉！大家睇到相都知道係咩質素啦好一般，多肥膏，有啲仲要比較「銀」之後打邊爐啲料，相都費事影，就好似以前去酒樓打邊爐咁最後埋單，每日差唔多到要$300老實講呢個價錢我食日式火鍋，可以食到澳洲和牛唯一賣點係有雞煲又有邊爐囉，但我寧願佢專注做好一樣唔係因為坐到多人，都唔會揀呢間食

由於當日係星期五，即興約左幾個朋友食飯，大家都知道星期五六日呢ｄ時間餐廳都係好難有位，竟是咁岩俾我見到佢地社交平台廣告話有得任食海膽同火鍋，大家都有興趣，於是膽粗粗打去餐廳睇下有冇位，竟然又有位留到俾我地，所以一於試一次佢咩料！坐低第一時間就左第一轉海膽，每轉都按人頭每人一件，如事者我地食到第三轉發覺好有問題，ｄ海膽係唔新鮮又腥又臭，即刻ｌｕｒ左出黎，之後我哋同餐廳職員反映，之後黎嘅海膽就變返新鮮海膽，再唔係臭嘅海膽。至於火鍋湯底同埋配料，可以講係非常之差，雖然已有心理準備任食火鍋嘅質素通常都麻麻地，但係我諗未至於係會差成咁，我只可以話不可一不可再。

Chicken Pot🐥 × Seafood Hot Pot🐟🦀🦐🦞🐙🥢..突然想食麻甩野。。雞煲🐥 加打邊爐♨️，一定係香港人喜好。而任食雞煲火鍋，加上新鮮海鮮拼盤，食得更滋味吧。最近係旺角食左一間樓上雞煲邊爐，CP 值算高呢，食得都盡興喔。ll 鮮味放題 食到你滯 (180 mins) $298✨時令活海鮮拼盤 (6-7款）✨本地手切牛頸脊 (每4位送1碟)3位或以上可免費享用：任食麻辣雞煲 &自選湯底。雞肉🐥 嫩滑又惹味，調味十足，encore 都夠喉為止。而湯底亦選擇多多：豬骨湯底、藥膳醉雞、四色火鍋 (沙嗲`蕃茄薯仔`皮蛋芫茜`麻辣)、椰青花膠蟲草花、四川麻辣湯底，總有一款合自己口味喔。除左以上海鮮 & 靚牛，仲有任食：美國肥牛、生猛鮮蝦、深海龍躉，呢3樣係任食推薦呢❤️。除此之外，特色既灌湯小籠包、本地脆鯇、黃油雞件 (三黃雞)、都值得一吃。40多種火鍋配料，特色小食 & 精選豚肉，仲有鮮蝦雲吞、韭菜餃、黑椒豬肉腸，雲吞都係必吃呢。最後食個滑滑奶凍，又香又滑 潤一潤吧。8:00pm 前離座 or 9:00pm 後入座，仲免加一😍..×××火鍋鷄煲 -San Nam Yuen]×

今日森仔去到旺角食餐好，慰勞一下自己。搵到一間火鍋雞煲任食嘅好餐廳: 新南苑私房菜火鍋🍲雞煲佢位於旺角華僑商業中心，係地鐵站行過去只需5分鐘，十分便利😍😍😍餐廳🍴裝潢如一般火鍋店。不過，佢貼心在於有卡位，圓枱和VIP房間，配合不同客人人數嘅需要👍🏻👍🏻食物方面，餐廳🍴都好多套餐可供選擇，包括：牛魔王通餐和海鮮套餐，豪華套餐(即係兩樣都有)。而最正係每款套餐都可以選擇要特色湯底或是重慶雞煲。而雞煲更是可無限添加雞件，辣度任君選擇😋😋😋同時，餐廳仲超級無敵好，每枱贈送新鮮海膽😋😋正到爆。海膽新鮮鮮甜，配上青瓜😂正子子！當日森仔選擇左海鮮🦞套餐，入面包括:時令海鮮拼盤和本地手切牛頸脊一碟，仲有各種火鍋🍲食物任點任食(美國肥牛,鮮蝦,深海龍躉片,灌湯小籠包,精選豚肉和火鍋配料）當中我最欣賞果個:時令海鮮拼盤。佢有大海蝦，鮑魚，蜆，生蠔🦪，聖子，深海龍躉和魚楠。樣樣都10分新鮮，食到原材料嘅鮮甜👍🏻👍🏻👍🏻特別係生蠔🦪，大海蝦🦞和深海龍躉。生蠔大大隻，鮮甜多汁，滾兩滾就食得😋而大海蝦🦞亦十分大隻，鮮甜滿蝦味，肉質爽口彈牙，正😄深海龍躉則係森仔甚少食的火鍋海鮮，原因係怕有骨。但係佢處理食材處理得非

之前嚟過 <新南苑> 食 <牛魔王餐雞煲火鍋放題>，覺得整體環境和食物質素都唔錯呀，兩食嚟講算係幾抵食，臨走前仲見到隔離枱食緊海鮮套餐，好吸引呀！所以今次海鮮控的我又相約friend子嚟試吓喇~職員安排左卡位俾我地，好闊落~ 海鮮套餐+雞煲放題可以食足180分鐘，超興奮啊！飲品和一些小食、蔬菜等都可以到自助區自取~首先食雞煲，由唔辣到唔同辣度都有，我地揀左BB辣，啲雞每隔2分鐘炒一次，共炒3次，最後加入油炸鬼就食得，啲雞又香又滑又惹味，油炸鬼索左啲汁準勁好味，食完一轉可以叫職員再添第二round, 食到夠就可以直接轉火鍋了~食海鮮火鍋我地比較鍾意原汁原味，所以叫左清湯湯底，湯底已經加入左幾款蔬果和菇類~海鮮套餐包左一個時令活海鮮盤，有新鮮鮑魚、蟶子、青口、生蠔、海蝦和脆鯇片、2隻灌湯小籠包，每4位仲送一碟好嫩滑嘅手砌牛頸脊，全部都係我嘅至愛，非常吸引~ 火鍋當然唔止咁少野啦～肥牛、灌湯小籠包、海蝦、龍躉片、響鈴、炸魚皮、各式丸類、麵類和餃類等近40款火鍋食材都可以無限免費追加，所以我地呢晚真係食得好盡情啊！我地已經plan定下次嘅聚會再嚟食過喇~

旺角新南苑私房菜火鍋雞煲有海鮮餐🦀同埋牛魔王揀🐂 兩款都好吸引😍最後我哋揀咗牛魔王 🐃🐃貪佢有四款牛可以任食😋 先呢就係食雞煲🐔🐔非常惹味 ，件件雞一口size 剛剛好又夠入味 👍店員教我哋雞煲每煮幾分鐘就要開蓋搞一搞🙈 但其實佢哋都有keep住會幫我哋手烹調 🤣 見到店員好忙但係又好細心 火鍋方面我們要咗椰青花膠蟲草花湯底，非常清甜😍最估唔到係成個椰青殼喺個鍋中間 😂初初以為椰青內外會唔同味，但原來個椰青底係穿窿嘅 😂😂 牛魔王餐碟牛正中間最靚嗰幾塊係本地手切牛頸脊 🤗油脂分佈均勻，最靚仔係佢！本來想再加單不過原來係定量🙈 所以我哋退而求其次食咗美國srs黑毛和牛肉眼😝雖然冇前者咁高質，但依然非常唔錯 ！火鍋任食嘅餸菜非常之多選擇 ，仲有少少熟食而家仲做緊優惠 $98@就可以有海膽任食😍雖然實物同廣告個買信相差有啲遠🤣 但味道絕對可以睇我哋食飽之後準備埋單竟然仲上咗一人一杯北海道3.6牛乳奶凍！勁好味！🍨 一定要留肚食埋佢！

去到見星期六晚都原來唔洗排隊就覺得伏伏地，但又見佢都多好評咁就試吓先衛生環境欠佳，四圍都係雜物同放左野係走廊邊，之後我地加左錢入房坐，覺得有得入房都幾好，都有好幾間房。但房間有電視同風扇，但都係有放上雜物同有少少味牆紙有剝落少少。但我睇餐牌對佢地海鮮餐都好有興趣，心諗黎都黎左就試下一開頭個雞煲都幾好，幾嫩滑好味唔錯飲野選擇都多，但個罐外面都唔乾淨但後期食食下冷氣機滴水，同海鮮蝦同魚片麻麻，個蝦係梅既，可以點既火鍋配料唔多，而且都好似雪左好耐咁，無咩味，最後買單係接近💰600一個人，咁價錢咁環境唔會再去食😖

好耐無食過雞煲邊爐， 中秋節過後涼咗少少，就約幾個朋友仔去試十，我呢間，朋友話食開好抵，我地大約7點多到，由於事先已book 枱，所以即刻有位，我唔係好知到walk in 要等幾耐，不過個場都full full 地。我地點左 "牛魔王餐" $288 一位 ，有加一，之後職員過來推介$98任食海膽，我地幾個海膽控2話不說就加左。首先來左個海膽先，青瓜鋪滿海膽大大啖，有啖啖既海水味配合埋青瓜既清新令到成件事好fresh，當然我地有追加la跟住即刻有雞煲到，職員會教我地炒幾次，最後一次落埋個油炸鬼，平時唔食辣，呢個小辣雞煲非常適合我過下口癮，小小麻辣但又唔太辣。最後主角係花膠蟲草花椰清湯底火鍋， 原個椰青上，好特別， 牛我哋最鍾意食黑毛和牛同埋牛小排，encore左好多次!!

旺角極多打邊爐店, 但正當間間都係食邊爐之際, 竟然搵到一間仲有小龍蝦食既係好令人驚喜! 放題式甘食小龍蝦, 實在太吸引~ 所以2話不說就去左試麻辣小龍蝦, 最重點的一定是佢個麻辣味! 即使唔多肉, 但麻辣程度恰到好處,好惹味~ 而且因為都整得好乾淨,可以好放心甘食2個人一大煲,食左2轉其實已經飽飽地, 但醒起仲未試邊爐, 即刻搵職員上個湯底開始打邊爐! 湯底揀左花甲蟹鍋, 果然真材實料, 入面真係有蟹同大大隻花甲本來個餐係食龍蝦既, 但可能今晚太晏, 餐廳轉左超巨型虎蝦, 話係超巨型真係無講錯, 同手板一樣甘長, 好誇張! 而且肉質超爽超彈牙, 爆晒膏, 好正!海蝦其實都唔輸, 都好爽口, 食埋湯底入面D 花甲同蟹真係好飽再加2碟肥牛, 好滿足啦!呢度所有野飲都係任飲, 汽水都飲左好幾罐, 唔中意汽水既都有好多韓式野飲選擇

來到呢間餐廳，覺得環境同其他嘅差唔多，之後見到側邊原來有間3-4間客房，有客房呢樣野真係無咩平民餐廳做到，想安靜少少同一班朋友傾計嘅可以book房。呢度最近做緊優惠，加$98有限度海膽刺身，味道頗為清甜，又無腥味，值得一試！雞煲上檯嘅時候，會連計時器一併上檯，每兩分鐘就要攪拌一次裡面嘅雞。雞嘅辣度有得揀，我地今次係BB辣，雞炒得好入味，而且肉都好多！食過雞煲之後，呢度係會另外上一煲清湯嘅火鍋，呢個安排真係非常好！好多食雞煲火鍋嘅餐廳係直接係雞煲裡面倒湯再打邊爐，搞到成個邊爐湯底油淋淋，而且雞煲味完全掩蓋曬其他食物。因為我地鍾意食牛，所以打邊爐就選左牛王套餐。其他餐嘅牛係呢個美國普通肥牛。而牛王餐嘅不同之處就係有得食到呢三款高質牛肉，包括美國和牛肉眼、安格斯牛小排、安格斯肩胛肥牛。三款牛嘅花紋同成色睇落都唔錯，而滾熟入口後，肉質相對普通美國肥牛真係無咁韌，好軟又有牛味，有點入口即溶個種嘅口感，質素真係幾好！火鍋配料都算係幾齊備！甜品係北海道牛乳奶凍，甜甜地，細細杯又唔heavy！

見新南苑好多好評，今晚同朋友來試試。先選火鍋吃哪款套餐，雞煲後才轉湯底打邊爐。我們吃不到太多肉，所以選了海鮮餐，正價時段$288每位，加一服務費，食3小時；如果就到特價時段仲抵，8pm 前離座或9:30pm 後入座，每位$218免加一，食2.5小時。未開始雞煲，先到雪櫃取飲品和小食，很喜歡有泡菜、酸鳳爪、咖喱豬皮魚蛋鴨血，款式不算很多但卻足夠開胃，鴨血和酸鳳爪是我最愛，非常好味啊！雞煲食得！朋友讚不絕口，點了小辣，都覺得很夠辣，味道入味又夠香，雞肉新鮮有彈性，最特別是有油炸鬼做配料，吸收雞煲醬汁，食落煙韌有口感。由於雞煲味道很開胃，不消一會就把雞煲消化掉。之後轉湯底打邊爐，有海鮮拼盤加本地手切牛頸脊一碟，吃完再點各款火鍋配料任食。先讚鮮蝦大隻又爽口，超喜歡，好鮮甜；鮑魚size 都算大隻，點醬汁食香口煙韌；蠔也是海鮮控必吃，夠肥又滑；脆鯇腩啖啖肉夠鮮味；花甲大隻很鮮甜呢！大讚手切牛頸脊，很爽口又滑，很新鮮，真的是打邊爐的精髓，要有碟靚牛肉！灌湯小籠包，第一次打邊爐食小籠包，非常好味，吸收湯底味道之餘又不會煮爛，滿是湯汁，豬肉結實。配料一定要點我最愛的芋絲和蘿蔔，打邊爐吸湯味之最，再點醬

同朋友過嚟打邊爐， 打邊爐之前整番幾個雞煲先， 我係叫咗小辣， 雞嘅份量可以任添， 味道也不錯。 然後我哋叫咗個至尊海鮮套餐， 每人五百幾蚊連埋加一。 最基本嘅海鮮都有鮑魚海蝦， 尚算新鮮。 每人加20蚊還可以有獨立房間。 其實普通套餐已經足夠。