新南苑雞煲小菜點心 (已結業)

終於屋企樓下，竟然開左間【新南苑】，以後打邊爐唔洗走咁遠，平時食親都係專程出旺角食，因疫情關係，開業一拖再拖，早前終於開喇！點知呢間有啲唔同，比較多元化喎，有雞煲邊爐，點心，中式，西餐……呢幾次分別唔同時間去食野，第一次係晚上，突然心血來潮，試佢個西式晚餐【虎蝦拼牛扒】，虎蝦唔算大隻，但牛扒比我想象中好食，肉嫩唔鞋口，不過可能當晚我坐正風口位下面，食物凍得好快，啲汁杰晒，個羅宋湯好飲，既足料又夠味，不過杯奶茶就有啲失準，淡而無味。第2次就早幾日，同呀仔落去食點心，屈呀仔請飲茶，叫左幾款點心，老實講，點心款式唔算多，得大路野，當日我覺得最出色係個鮮蝦春卷，同埋紅棗糕，反而最期待個小籠包就一般，同埋，未開堂食前我都買過幾次外賣點心，明顯比現時好食，唔知係咪轉左師傅👀今日早起，特登落去食早餐，點左個早餐，煎雞扒／牛乳炒蛋／羅宋湯底公仔麵，個炒蛋非常正，就係份量太少，2啖就食晒🤣雞扒肉嫩，但雞皮唔夠脆口，可以再燶啲就完美，羅宋湯公仔都好穩陣，唯獨杯熱杏霜，沖得太杰身，飲左兩三啖我已放棄飲🥴試左幾樣，我仲未試到我最愛既大辣雞煲邊爐同中式小菜，不過我早幾晚睇隔離枱食既餸菜賣相都唔差，下次再試過😋

屋企樓下開左間新餐廳，主打港式小炒同點心，早上就港式茶餐廳，晚市有雞煲、小炒等等，款式好多，碟碟炒出嚟都好有獲氣～～😃咁又多個新飯堂啦～｜啫啫雞煲｜$88因為只係兩個人，我哋叫左個例牌但份量都好多，熱辣辣上菜又香又有獲氣，雞件都好入味腍滑，食到我地停唔到口🤣｜黃蟮煲仔飯 ｜$98已經好少見餐廳有黃鱔飯食，叫左一煲來食，點知好有驚喜喎！熱鍋上又多黃鱔，香噴噴，每粒飯都炒得香口，食到尾就有脆卜卜飯焦🥰｜剁椒魚雲｜$88魚雲新鮮一啲腥味都無，上面舖滿辣椒食落香口惹味，但又唔會太辣，下面有陳村粉墊底可以吸收所有醬汁，正呀～～｜櫻花蝦燒賣｜ $26燒賣食落唔油膩，好飽滿，蝦肉爽口～櫻花蝦可以帶來淡淡蝦香味～

好耐無同媽媽兩個拍拖食飯，原本想落去黃大仙北館搵嘢食，途經竹園商場發現有新餐廳，望下個餐牌又覺得幾吸到，於是就入去試吓。餐牌都有好多種類，小菜、雞煲、西餐扒類甚至點心都有，啱哂我呢啲鍾意多元化嘅嘢食可以咩都試吓。今次就選擇咗小菜為主，點咗個蝦醬通菜炒鮮魷、薑蔥生蠔煲、三色蒸水蛋同埋一個例湯。燉湯係粉葛赤小豆雞腳湯，一飲就覺得好足料嘅味道。蝦醬通菜炒鮮魷嘅魷魚好爽口，蝦醬味好香。薑蔥生蠔煲有8隻蠔，Size都唔算細隻，薑蔥味好濃。三色蒸水蛋可以話係我人生中第一次食到咁多咸蛋黃！總括呢一餐係好味之餘，職員嘅服務態度都好好。

竹園揾食得下的食店都幾費時間，上堂時間又未到，揾間餐廳坐下食個輕盈早點，行咗幾間都係MMD(麻麻地)，想走之際，見到間新開張點心雞煲店，裹面新裝潔净，就坐抵食個早餐。叫咗個雪菜米連炒蛋多士熱飲，套餐價$36, 一般街坊價，個米粉勝在湯底夠熱，味道唔錯，雪菜就普普通通啦，又唔係唔好食嘅，肉絲就少D啦，數得出有3條，此餐吃素人士必啱。炒蛋份量大概得一隻，炒得唔錯，味道也濃烈，惜份量小些，跟件牛油多士，都係普普通通，食完都唔知掂評論，没有特色但又唔係差啦！下次都會翻食的，試下他的點心。

San Nam Yuen has a couple of  branches in Hong Kong but they all serve chicken hot pot. But for some reason, their new branch in Wong Tai Sin doesn't offer this option. They instead offer dim sum and cha chan teng type items. Boyfriend was interested so I headed over to his neighbourhood for dim sum.Menu is in Chinese only. There is no English.  You pay on your way out.Char Siu Pastry was not that good. The char siu was sweet and tasted ok. But the pastry was terrible. A bit too doughy and thick