新南苑雞煲小菜點心 (已結業)

终于屋企楼下，竟然开左间【新南苑】，以后打边炉唔洗走咁远，平时食亲都系专程出旺角食，因疫情关系，开业一拖再拖，早前终于开喇！点知呢间有啲唔同，比较多元化㖞，有鸡煲边炉，点心，中式，西餐……呢几次分别唔同时间去食野，第一次系晚上，突然心血来潮，试佢个西式晚餐【虎虾拼牛扒】，虎虾唔算大只，但牛扒比我想象中好食，肉嫩唔鞋口，不过可能当晚我坐正风口位下面，食物冻得好快，啲汁杰晒，个罗宋汤好饮，既足料又够味，不过杯奶茶就有啲失准，淡而无味。第2次就早几日，同呀仔落去食点心，屈呀仔请饮茶，叫左几款点心，老实讲，点心款式唔算多，得大路野，当日我觉得最出色系个鲜虾春卷，同埋红枣糕，反而最期待个小笼包就一般，同埋，未开堂食前我都买过几次外卖点心，明显比现时好食，唔知系咪转左师傅👀今日早起，特登落去食早餐，点左个早餐，煎鸡扒／牛乳炒蛋／罗宋汤底公仔面，个炒蛋非常正，就系份量太少，2啖就食晒🤣鸡扒肉嫩，但鸡皮唔够脆口，可以再㶶啲就完美，罗宋汤公仔都好稳阵，唯独杯热杏霜，冲得太杰身，饮左两三啖我已放弃饮🥴试左几样，我仲未试到我最爱既大辣鸡煲边炉同中式小菜，不过我早几晚睇隔离枱食既𩠌菜卖相都唔差，下次再试过😋