新嚐泰泰國餐廳

营业中

休息中

新嚐泰泰國餐廳灣仔石水渠街10-12號匯富閣1樓1/F, Wui Fu Building, 10-12 Stone Nullah Lane, Wan Chai男朋友話口淡淡想食濃味些的食物, 我腦海中叮一聲, 就想到了食泰國菜, 因泰國茶善於利用香料同香草, 味道有新酸甜, 牆身兩邊畫了顏色繽紛的牆壁畫，$88 串燒沙嗲，6串，雞豬各要一半，燒至香噴噴啖啖肉，沙嗲醬勁香，甜甜地有花生香。$78！泰式炒椰苗 簡單蒜蓉炒香，因為加了少量紅辣椒，食入口很惹味，椰苗爽口黃咖喱跟薄餅 雞 $98 ，curry chicken 跟酥餅，好吃加了椰奶黃咖喱不太辣，加了三青椒，洋蔥，車里茄，薯仔菠蘿海鮮炒飯 $108，落了薑黃粉調味，令米飯色調呈黃，還有版，青口，燒菠蘿肉串超juicy ,仲有肉鬆腰果份量多，個菠蘿炒飯是食過數一數二好食 ，再來個dessert 芒果糯米飯，熱辣辣糯米qq,多芒果肉

今日響灣仔附近做完嘢，收工會合男友，佢忽然間想食泰菜，於是我哋就上OpenRice搵吓有咩泰國菜餐廳，見到呢間好似唔錯就一於試下~ 餐廳唔係地舖，而係樓上舖，仲要係隱身於灣仔街市附近嘅一棟好似住宅大廈咁嘅位置，我哋都以為自己行錯路，差d隱世到我地唔識上去好彩餐廳嘅指示都算清晰，跟着指引就會去到~ 一上到餐廳見到地方唔算大，不過都幾新淨，職員仲好似係泰國人嚟㗎添～希望食物嘅味道會正宗同好味啦~ 我地叫咗大蝦金邊粉，青咖喱雞配薄餅，椰汁雞湯，串燒同泰式奶茶~ 其中我最鍾意係青咖喱雞配薄餅，咖喱香得來唔會過辣，薄餅非常酥脆~ 食物分量十足夠哂飽肚兼色香味俱全，唔會太辣配合返香港人嘅口味，非常適合怕辣又鍾意食泰國菜嘅人~ 總括嚟講我地都食得十分滿足，性價比幾高，絕對值得一試~

兩日泰國🇹🇭味蕾之旅⋯⋯呢間係第二天嘅第二間餐廳！天外有天！隱世高手！價錢超值！正宗泰國料理🥰🥰⋯⋯🇹🇭🇹🇭新嚐泰泰國餐廳🇹🇭🇹🇭灣仔水渠街10-12號滙富閣一樓☎️9173 1893 馳名炒黃咖喱跟薄餅軟殼蟹黃咖喱做得相當出色，醬汁非常美味⋯⋯軟殼蟹炸得非常香脆，而且能保持肉汁⋯⋯份量相當大！仲有配埋啲酥脆嘅薄餅！超抵又美味！滷汁軟皮豬手這款豬手是泰式的signature菜式！幾乎每間泰國餐廳都會有這個菜式！皮爽肉嫩⋯⋯味道剛剛好！肥而不膩⋯⋯串燒沙嗲份量超大！有六大串！我朋友一個人食咗五吋，超級犀利！醉酒佬炒辣豬肉片肥粉呢個菜式相當美味！而且份量超大！肥粉質感＇口感＇有趣！肥粉吸收晒豬肉片嘅味道⋯⋯香濃美味！加上大量配菜！必食！🥰😋最後飲咗超凍嘅椰青！今餐非常滿足！🥰🥰

之前同阿大女去灣仔食過新嚐泰泰國餐廳，佢話好正宗又好食，阿妹又話想試吓，今晚趁佢放假帶佢過嚟食晚飯。餐廳位於樓上，去過就知入口右手邊有個門鐘，按一按門就會有人搖控開門。入去搭lift上一樓就是餐廳。阿妹話餐廳裝潢好有泰式格調，地方又乾淨。炸蝦餅，呢度嘅蝦餅真係好好食，即叫即做，外層好鬆脆，內裡鮮味彈牙，食過都會翻尋味。泰式燒雞半隻，本來想食海南雞，可惜已經賣晒，改要燒雞，即叫即燒，雞肉燒得微微焦香，配上秘製濃香辣醬汁，十分惹味。黃咖喱雞跟薄餅，黃咖喱醬汁帶點甜味帶少少辣。內有嫩滑的雞肉和薯仔，女兒說用黃咖喱來伴薄餅吃非常美味！她自己竟然吃掉整整兩塊薄餅。串燒沙嗲雞和豬肉，串燒燒得Juicy焦香有口感，配自家製的濃郁沙嗲醬汁，花生的濃厚配上香草辣椒的惹味，口感複雜，十分滋味。菠蘿海鮮炒飯，炒飯夠鑊氣又足料，有青口、大蝦仁、魷魚、雞蛋、腰果、肉鬆、菠蘿等，金黃色的炒飯粒粒分明好香口，還有一大串燒菠蘿伴碟，酸酸甜甜好開胃。

聽說灣仔嘅新嚐泰泰國餐廳的口碑不錯灣仔地鐵站行幾分鐘，就到係樓上鋪嚟嘅整體來說，餐廳環境舒適，服務也很好全部店員都係泰國人 好似係一家人經營價格也比較親民，是一個不錯的選擇。馳名炒黃咖喱軟殼蟹 加薄餅很濃郁的味道，黃咖喱香甜而不辣 充滿椰香配料豐富，有洋蔥🧅青椒紅椒軟殼蟹都有好多舊薄餅加咖喱簡直係絕配🫣冬陰公湯爐蒸脆炸烏頭魚湯底香濃 炸過嘅魚 外皮香脆，內裏好滑酸辣小辣都好正 龍眼冰 好清新 唔太甜椰青 大大個 已經起埋個殼嘅肉😻

同事最近食過一間泰國菜館嘅lunch，話好食又唔貴😮。今日我哋去試下個dinner，又睇下得唔得😆。我哋係灣仔地鐵站A3出口，過咗對面馬路再屈入水渠街，在匯富閣搭𨋢上1️⃣樓，就見到“新嚐泰泰國菜館”。店舖面積唔算細，裝修簡約乾淨，牆身有不少富有泰國🇹🇭色彩嘅圖畫，幾靚又有特色🥰。顧客要用QR code 落單，我哋叫咗幾款基本菜式試下😋。噴靚咖喱 (海鮮)小辣 $108店員🙍‍♀️介紹呢款咖喱有落椰漿🥥，咖哩汁相對濃稠。海鮮有蝦🦐、魷魚🦑、蜆及青口，全部都新鮮美味，撈埋咖喱汁就更加惹味好食。另配2️⃣件油酥餅，餅質酥脆鬆化又唔油膩，正😍。串燒沙嗲 (6串)小辣 $88只有豬🐖和雞🐓可以選擇，我地叫咗3️⃣串雞同3️⃣串猪試下，每串肉量多又燒得表面焦香☺️，內裡肉質軟嫩多汁，配上沙嗲酱一齊食更覺香口😋。炸蝦餅(4件) $82蝦餅🦐外層炸得乾身香口，肉質彈牙有肉汁，配上自家製酸甜醬汁 (只是微甜微酸)，既解膩又唔會蓋過本身嘅蝦味😋。泰式燒豬頸肉 $95豬頸肉🐖燒得乾身，肉質Q彈得嚟有咬口，有肉味同油脂香味😋。蒜蓉包 (4片) $32蒜蓉包🍞表面烤得好香脆，麵包內層非常軟熟，因為面層蒜蓉🧄未熟透，所以

今日我嚟到一間泰國餐廳，據說係由泰籍廚師主理，餐廳係樓上二樓，牆壁上掛了不少泰國風繪畫，我點咗五款菜式。😋😋首先係炸蝦餅，表皮炸得香脆，內裡鮮甜嘅蝦肉打成餅，配上醬汁，口感更加豐富。🍤🔥第二款菜式係冬陰公湯爐蒸脆炸烏頭魚，湯底夠香濃，有一定的酸辣味，加上烏頭魚肉質鮮美，滋味十足。呢款菜式附送左一碗冬陰公湯，味道正宗但不會太辣。🐟🍲第三款菜式係黃咖喱豬跟薄餅，咖喱的香氣配上炒得剛剛好的豬肉，加上薄餅脆口，非常好味，而且份量十分足夠。🍛🐖第四款菜式係泰式炒通菜，通菜炒得有嚼勁，配上泰式的調味，酸辣中帶甜，非常開胃。🥬🌶️最後叫左一碗白飯，飯粒鬆軟，配上其他菜式送飯，不會太油膩，非常完美。🍚

灣仔外賣誠意推介價錢親民份量超多味道好食過好多貴泰菜係灣仔five guys 附近灣仔地鐵站行1分鐘唔洗就到所以買外賣番屋企真係超perfect泰燒雞 半隻 $108超後悔叫左依個後悔點解我唔係叫一隻半隻真係食到唔夠喉即叫即燒，醃得隻雞超好食，唔鞋所以要早d 打電話叫外賣，到時一上去就攞得都要起碼15~20分鐘豬頸肉 $95火喉啱啱好，唔會太燶份量多。肉夠爽口乾炒肥粉 - 雞 $82肥粉幾得意多菜，健康辣豬肉片炒飯 $88辣同重口味之選仲有隻蛋 青咖喱炒飯 - 雞 $88唔太常見。勁又香料味道正宗，大家可以一試

今日星期一，7:30鐘嚟到餐廳！餐廳位於水渠道嘅樓上鋪，唔算太顯眼！不過門口有好大個海報！要注意，餐廳星期日係休息！一上到去，有泰國職員接待，牆上畫咗泰國風情嘅畫！真係充滿超級泰國風！呢度點嘢食都係用QR code ，10分方便！餐牌貴精不貴多！我哋2人點了三款食物，一杯嘢飲，一個甜品！前菜有生蝦，雞豬串燒，主菜有酸辣青檸烏頭！生蝦爽口彈牙，雞豬串燒和味香囗，烏頭夠惹味！食得出係泰國人主理！飲品方面叫咗好少餐廳有嘢有嘅珍多冰！下面有一條條綠色好似涼粉嘅東西，配上香濃嘅椰汁！好match!! 一餐飯點少得甜品，叫咗一客芒果糯米飯！估唔到份量咁多，差唔多有一大碗！芒果夠凍夠甜，暖暖嘅糯米飯上面嘅有椰汁，而且椰汁煮有加熱！夾埋芒果一齊食，有凍有熱，形成冰火交融嘅感覺！10分推介！兩個人total $470落樓，好抵食！

本身行緊灣仔玩具街，朋友同我講隔離條街有幾間正宗泰國舖頭係泰國人開嘅，就咁啱見到有個大牌原來有間樓上泰國菜，一入到去裝修覺得好靚，牆上邊啲畫同埋裝飾都好有味道，完全唔似樓上鋪。見到openrice d相都似模似樣。用QR Code落單，兩個人叫咗: 黃咖喱雞跟薄餅($98):上菜嘅時候同行朋友都有驚喜，估唔到樓上嘅舖頭質素都有返咁上下，絕對同出邊嘅地舖比冇分別。薄餅整得好鬆脆，一絲絲咁再點上黃咖喱，辣都可以自己係落單個時調配，叫咗小辣自己覺得啱啱好。咖喱入邊有薯仔粒同埋青椒洋蔥。雞肉份量都正常，如果叫多個飯撈汁就仲正。大頭蝦炒金邊粉($128): 上菜嘅時候份量好驚人，真係大蝦，而且都好貼心咁花生碎同辣椒碎會放喺隔離，除咗大頭蝦之外，旁邊會有一咋蝦乾，配上金邊粉食好惹味！金邊粉唔似一般出邊有少少帶甜嘅味道，反而鑊氣好重。小食拼盤($138):有魚餅，蝦餅，春卷，肉丸生菜包。春卷有少少咖喱味道，魚餅蝦餅就正常，最特別嘅係肉丸配生菜包，肉丸點少少蜜糖汁再放上生菜上面食感覺幾唔同。不過略嫌生菜份量比較少，如果再加多幾塊就可以包晒所有肉丸啦，因為肉丸就咁食會有少少咸。泰式青檸紅茶($40):

同事介紹灣仔樓上舖新嚐泰泰國餐廳，全由泰國廚師主理，100%正宗泰國菜，食物媲美泰國那邊。真係好似耐冇去泰國，一於搵埋阿女去試試！餐廳周圍放有大大少少的泰式裝飾擺設，泰國風味十足。曼谷海南雞半隻：雞肉不會很肥，肉質很滑嫩多汁，皮則偏薄呈現淡黃色，調味也偏向清淡，不會油膩。滷汁軟皮豬手：豬手肥而不膩，充滿膠原成分，用滷汁烹調，不只味道濃郁，有味焦糖色澤，鮮甜濃郁的醬汁使滷豬手更誘惑。鮮生蝦新鮮衛生，每隻都配上生蒜片及指天椒，再點自家製泰式辣汁，入口鮮甜爽脆，香辣刺激，生蝦的鮮味藉以提昇。還有配菜苦瓜，亦增加了清爽感覺。炸蝦餅，即叫即做，香脆彈牙的蝦餅配上酸酸甜甜的泰式醬汁，令人食不停口！濕炒豬肉肥粉，豬肉嫩滑，濃郁的醬汁調得味道啱啱好，肥粉掛汁後，口感煙韌，十分惹味。

朋友今晚帶左我上去間樓上泰國菜，呢度旺中帶靜，佢唔講真係唔知道。呢度係一樓全層，無論裝修同壁畫，全部都充滿泰國風情。地方寬敞，坐得舒服。呢度用qr code點餐，亦有實體餐牌作參考。朋友發辦點個黃咖哩加薄餅、炒粉、炒菜、兩杯飲品及甜品。黃咖哩雞跟薄餅：黃咖哩少辣，裡面有紅黃青椒同洋蔥。整體味道甜甜地，爽口，雞份量都OK，入味，配薄餅食一流。泰式炒通菜：通菜炒得夠青綠，微辣，好香豆辦醬味道，爽口。大蝦炒金邊粉：大蝦比一般餐廳大隻，肉質彈牙，仲有豆腐乾、雞蛋、芽菜同乾身大蝦仔等配料，金邊粉炒得乾身唔多油，有青檸味道，食嘅時候加埋旁邊花生碎同芽菜仲好食，唔錯。椰青及椰汁冰：兩款同樣係重量級，朋友話椰青好甜，而我杯椰汁冰就夠凍夠甜，幾好。芒果糯米飯：芒果甜，糯米飯煮到好淋，但唔會話黏住個口，口感軟熟，上面仲有甜甜脆脆炸左嘅綠豆仁，淋上椰漿甜甜地，朋友至愛。

泰菜可以話我最愛既菜式之一。耐唔耐我都要食下過下口癮😋今次去到位於灣仔超近地鐵站既一間泰國餐廳。地方乾淨闊落，牆身有壁畫。員工都係地道泰國人。當晚亦有一大枱泰國人係到食飯慶祝生日。✨柚子蝦沙律 $108平時食泰菜鍾意嗌柚子沙律，因為係屋企懶得剝柚子皮😂個沙律汁係甜甜地咸咸地既，比我想像下濃味得多。有4隻蝦，個size適中，蝦口感彈牙。✨沙嗲串燒(6pcs) $88有豬同雞揀，我地嗌左一半雞一半豬。肉燒得岩岩好，唔會覺得乾身。食串燒個精粹就係係個沙嗲醬到，好香花生味，仲食到花生粒，個醬要encore先得👍🏻✨泰式燒魚 $168呢條魚無乜細骨，非常易食。魚肉十分嫩！無魚腥味。配個泰式辣醬好惹味😋✨珍多冰 $45好香椰奶味，啲綠色啫喱粗身得黎滑捊捊。✨泰國凍青檸紅茶 $40茶味香，可自己落糖漿調較甜度。

好耐之前曾經有好食過，而家新裝修，簡約齊整得睇👍🏻，睇下menu先，價錢真係大眾化，不過好似只收現金😅。先來個黃咖喱配雞+薄餅，咖喱賣相幾靚，加上好多香料，口感濃厚加一點點辣👍🏻。薄餅先正，香脆鬆化，一絲絲有層次感，而家香港好難搵到咁既水準😊，點咖喱汁無得輸👏🏻👏🏻推介👍🏻。一定要encore薄餅。之後來個小食拼盤（魚餅、蝦餅、春卷、肉丸生菜包）配上泰式辣雞醬、甜酸醬，兩種醬料都好夾好正，由其是蝦餅，又炸到金黃色，咬落去又彈牙☺️。甜品要食芒果糯米飯，糯米飯配上椰汁微暖，質感唔錯，芒果新鮮甜到飛起。大滿足🙂。價錢真係抵食🙂

好耐冇食泰國菜喇！早幾日去開灣仔心血來潮想食🥹一search之下發現灣仔地鐵站附近竟然有一間泰國菜餐廳📍由A3出口行過去，唔洗3分鐘就到，勁方便👍🏻不過因為餐廳喺巷仔，同埋要上一層樓，平時真係未必會留意得到👀好鍾意餐廳既裝修，兩邊牆身都有大大幅油畫，好colourful☺️仲有一d好精緻既泰國傳統佈置，充滿泰國風情🇹🇭地方好闊落，坐得好舒服！❥ 泰式燒豬頸肉 $95必點呀💯💯💯豬頸肉大大塊，份量好多，一碟有成10幾塊😳❤️入口juicy，唔會太乾太硬，好好咬👍🏻仲有埋泰式醬汁可以點，好惹味😋❥ 串燒沙嗲(6pcs) $88叫左一半雞一半豬😛🍡有好香既炭燒味，無論係雞定豬肉身都好嫩滑，食落啖啖肉！配埋甜甜地既沙嗲醬，超正！❥ 大頭蝦炒金邊粉 $128平時食泰國菜我都好鍾意叫金邊粉🥢呢度既金邊粉特別在佢用左大頭蝦🤩食落好彈牙，仲有滿滿既蝦膏，想encore要多隻🤭金邊粉酸酸甜甜，都唔錯！❥ 龍眼冰 $45呢度既龍眼冰價錢比其他地方稍貴，一上枱我就明白了，因為真係好！大！杯！清甜解渴，仲有好多龍眼果肉👏足料！❥ 椰青 $48原汁原味既椰青💚好大杯！清清涼涼，解辣解膩都好適合👏❥ 雞油飯 $20叫