新嚐泰泰國餐廳

营业中

休息中

今次趁day off 來臨到灣仔一帶食泰國菜-新嚐泰 , 為食群組有所介紹貎似不錯 , 專誠而來一探究竟餐廳相當近地鐵出口 , 行2分鐘就到 , 要上一層 , 個FEEL像甚私房菜我地晚市好早去到 , 所未未坐滿地方雖然不大, 但麻雀雖小,卻五臟俱全環境格局相當新, 乾淨 , 被安排了坐角落4人卡位 座位也寬敞舒適 , 店員客氣有禮餐牌相對較為精簡 , 一頁版面就是全部菜式 , 意味著每道也是拿手精選小菜QR CODE落單 , order左唔夠10分鐘就有野上枱滷汁軟皮豬手 $88豬皮軟滑, 肉好腍而入晒滷水味,肉質又鬆軟, 近乎少許入口即溶, 仲有開邊滷蛋助攻, 好推薦炸肉丸生菜包 $95有得選辣度選了少辣 , 酸酸辣辣 香口惹味, 非常開胃 , 香辣炒肉碎加入充滿泰式風情的香料 , 必需包住生菜食中其辣度 , 順帶一提少辣也辣度頗勁 , 後勁凌厲泰式燒豬頸肉 $95太喜歡其爽脆的口感 , 燒得好香脆 豬頸肉肥瘦分明 , 碳爐燒果真與別不同 , 唔靭亦爽口彈牙曼谷海南雞 半隻 $98唔柴唔乾 , 肉嫩皮爽, 亦見肥美多肉 , 醬汁恰到好處 , 雞肉與雞皮間的啫喱狀脂肪簡直係神髓大頭蝦

以前喺灣仔返工，好食嘅泰國嘢其實唔多，跟朋友嚟到呢間樓上舖，估唔到平日夜晚坐坐下都滿座，食第一啖就明解。醉酒佬辣炒豬肉碎肥粉可以話係呢度嘅名物，有鑊氣得黎完全唔油膩，其實淨係個肥粉已經足以令我嚟多次，非常透薄煙靭，調味好香口惹味，仲有好多豆角同雜菜，就算係怕肥嘅女仔都好啱口味。小食拼盤係少數令我覺得出色嘅拼盤，每樣小食都獨當一面值得單點。 魚餅、蝦餅、春卷同肉丸全部熱辣辣新鮮炸起，重點係感覺到用料唔頹，簡簡單單嘅粉絲春卷都好好味。 第一次試肉丸生菜包，肉丸炸得好透好酥脆，甜辣醬以外仲有個蜜糖汁，感覺到廚師嘅誠意。大頭蝦冬蔭公意想不到最有驚喜嘅係個蝦，從來未食過大頭蝦係咁爆膏，有食緊奄仔蟹嗰種感動，蝦肉都好彈牙，三大隻蝦已經值回票價。 冬陰功好重椰漿味，夠晒酸辣，但真係完全冇就香港人口味，食開九龍城lv真係必須叫少辣。

喺港島唔使一定去九龍城食先食到正宗泰國菜，灣仔呢間泰國菜都係唔錯嘅選擇，餐廳全部由泰國人主理，又性價比高！✨小食拼盤 $138呢個拼盤有魚餅、蝦餅、春卷、肉丸生菜包，性價比高！魚餅幾特別，有冬蔭功味，裏面有豆粒更添口感。肉丸脆口偏辣好惹味，配埋生菜食幾fresh。✨紅咖喱海鮮跟薄餅 $108咖喱海鮮有大蝦、青口、蜆，紅咖喱本身唔辣啱晒我，薄餅微微煎過，外表少少脆內裡好鬆軟，點咖喱食係絕配！✨冬陰功湯爐蒸脆炸烏頭魚 $188烏頭魚炸至金黃酥脆，再置於明爐上以保持溫度。配有檸檬葉、香茅辣姜、魚露同辣椒膏秘製而成嘅冬陰湯，湯底酸辣帶椰香，味道不錯。

呢間泰國菜係樓上舖，上到去餐廳幾有地道泰式風味，我哋坐咗喺卡位都幾舒服，基本上一般嘅泰國菜式呢度都有。呢度價錢唔貴都算幾抵食。▶️鮮生蝦$98生蝦刺身有7隻、生蝦大隻，辣椒同蒜片都非常香辣、配埋個泰式辣汁真係好辣🌶️好惹味。▶️炸蝦餅$82炸蝦餅夠晒金黃，新鮮炸起，夠晒熱辣辣，蝦肉有鮮味，幾香口。▶️黃咖哩雞跟薄餅$93黃咖喱微微辣。咖喱味幾香、配料有雞、薯仔🥔、青椒🫑等。連埋薄餅，薄餅酥脆點咖喱一流。▶️濕炒豬肉脆麵$88呢個揀咗脆麵，脆麵炸得香脆，煮法配上濕炒汁又脆又多汁。▶️馬拉盞炒椰菜苗$83揀咗小辣，辣味都幾香辣，對於唔太食得辣嘅我來講都幾辣。炒菜份量多、椰菜苗爽口。

今晚跟朋友去食泰國餐，後尾發現廚師原來係講泰文嫁，唔怪之得食落味道咁正宗啦！1️⃣黃咖喱雞配薄餅因為唔想樣樣都咁辣，所以揀咗黃咖喱，雞肉嘅份量唔少，配有甜椒、洋蔥、薯仔粒。配埋嘅薄餅，其實係印度式嘅牛油酥餅，上枱時熱辣辣，配黃咖喱一絕！2️⃣泰式生菜肉碎包呢味都幾辣，但係好惹味！生菜爽脆又多量！3️⃣大蝦金邊粉味道唔錯，少少甜，撈埋花生碎，啖啖花生香4️⃣泰式炒通菜炒得好香，通菜炒完仍然翠綠爽脆，賣相同味道都滿分5️⃣蒜蓉包見有咖喱汁，即刻點多一盒蒜蓉包，不過蒜蓉嘅味道比較淡，同薄餅相比，似乎薄餅配咖哩略勝一籌6️⃣椰青大大個，同今晚嘅菜式都有啲辣，有個椰青啱啱好中和一下辣度成晚嘅菜式都好滿意，而且仲唔需要加一，夠晒抵食！💰人均消費：$240📍地址：灣仔石水渠街10-12號匯富閣1樓❤️回頭指數：80%

平時係灣仔返工，一直都唔知道呢間咁正宗又好食嘅泰國餐廳！店舖裝修簡約又有泰國特色，牆身有好多好靚嘅壁畫。我仲留意到佢哋嘅侍應同埋廚師都係泰國人，真係好有泰國風味！今次試呢幾款都好好味：鮮生蝦沙律🥗生蝦夠晒新鮮，配埋醬汁一齊食夠晒開胃醒神！前菜嚟講真係一流😋😋😄盤肉奄列蟹肉份量超多，而且奄列炒得夠晒火喉！呢個價錢合理！👍🏻👍🏻大頭蝦冬薩公 佢哋嘅冬陰功湯真係值得一讚！好有泰國風味，同泰國飲嘅味道一樣！材料非常豐富，淨係食湯入邊嘅餸都夠晒飽！👍🏻😍泰式烤雞佢哋嘅烤雞肉質非常之鮮嫩，雞皮烤到非常之薄，真係忍唔住食晒！真係好食，又抵食！😚聽講佢哋嘅沙嗲串燒都好正，下次一定會再試！👍🏻

香港人一向鐘意食泰國菜，但平時食黎食去都係個幾間，今日係灣仔發現咗一間隱世泰國菜🇹🇭新嚐泰位置係石水渠街匯富閣1樓，唔仔細留意都見唔到原來嗰度有一間泰國菜館㗎！第一次嚟就諗住叫啲外賣返屋企試吓，上到樓上發現裝修真係好雅致🥰牆上有唔少泰國特色嘅壁畫，落單時仲聽到大家都用泰文講野😍泰式豬頸肉每次食泰國菜必食嘅泰式烤豬頸肉，豬頸肉肥瘦均勻，經過燒烤之後有燒烤特有嘅香味，油香四溢但肉質保持到嫩滑👍🏻菠蘿炒飯菠蘿炒飯用料十足，有青口魷魚菠蘿提子乾等食材，菠蘿更加係特別用竹籤串起，清甜多汁，就算拎返屋企食賣相依然一流。青咖喱蔬菜配薄餅青咖喱都係食泰國菜好鍾意叫既菜式，因為佢比較唔辣，蔬菜進一步中和左油膩感，配薄餅一流，薄餅返到嚟屋企用氣炸鍋翻熱好脆身，口感比較似手抓餅。炸蝦餅炸蝦餅份量唔少，算係比較厚身，咬落啖啖肉👍🏻外賣返屋企，一定要用氣炸鍋整返熱。馬拉盞通菜馬拉盞通菜都非常好食，馬拉盞用量應該不少，食起嚟比起一般既辣，通菜本身幾嫩唔鞋口👍🏻芒果糯米飯飯後甜品最鍾意食芒果糯米飯，本來以為只係細細一個，原來都非常大份相信係有一整個芒果，芒果勁甜加上椰汁糯米飯煙煙韌韌🥰作為一餐飯嘅完結好完美。大力推

終於約到一個好耐冇見ge朋友 諗住搵間坐得舒服ge餐廳傾計食好西 就係灣仔book左間泰國餐廳 環境舒服 我地揀左卡座 岩晒傾計 食物方面 都好多選擇木瓜沙律$88我超鍾意食木瓜沙律 木瓜爽脆 配料有大大粒ge蝦米 配合埋醬汁 好正 鮮生蝦$98好新鮮 點埋個醬汁好好食 停唔到口 沙嗲串燒（雞+豬）$88朋友鍾意食串燒 大大串 雞肉滑 豬肉又夠入味 凍青檸可樂$30食完辣野要飲杯青檸樂解解辣 爽 龍眼冰$45朋友飲龍眼冰 健康之選 青咖喱醬炒飯（蔬菜）配咸蛋$88呢個飯都好出色 青咖哩好香 個飯又多蔬菜配料 好豐富 芒果糯米飯$68朋友唔夠喉 要叫出甜品 點知又好有驚喜 芒果好甜 d糯米飯暖暖地 加埋椰汁超正 100分 Overall 食物水準好高 餐廳員工應該全部都係泰國人 佢地好nice 一定要介紹其他fd黎食

去完曼谷兩個月旅行都一直念念不忘泰國菜 早幾日聽朋友介紹灣仔一間樓上鋪 就決定平日放工黎食個晚餐🥣 地鐵站A3出口行入的一條內街 搭lift 上一樓就係餐廳 都唔算難搵 臨走時都有唔少食客陸續上黎開餐🍴餐牌選擇都非常之多 應該都滿足到大部分人的口味噴靚咖喱 🍛 （豬肉）平時都係食大路的青/ 黃咖喱 今次見到餐廳有Penang 口味 就決定一試 比起傳統咖喱更有酸香味 而且可以自選辣度 😚 菜式已包括薄餅 煙煙韌韌 建議可加點蒜蓉包 配搭酥脆口感都唔錯👍🏻泰式燒豬頸肉賣相吸引 豬頸肉的薄厚度控制得唔錯 而且最重要係個酸辣汁 可以提高惹味程度 令人開胃不少蔬菜濕炒河份量和飽肚感十足😚 醬汁/芡汁被河粉充分吸收 稠度都適中 濕炒河可配蔬菜/ 豬/ 雞 /海鮮 選擇都多樣化炸蝦餅上菜時熱辣辣 入口蝦肉香脆彈牙 再配上開胃汁料 係一個必點小食👍🏻 龍眼冰- 入口清新甘甜解膩 以人均二百蚊可以食到多款菜式 係灣仔黎講都稱得上性價比高

今晚老友突然來訪，又唔想出街食，想起他愛泰菜，便順路去新嘗泰泰國餐廳買外賣回家開餐，之前去過堂食覺得滿意，因抵食好食夾大碟。今日點了數個朋友喜愛的菜式，店保持水準，經濟實惠又好味。小食拼盤最啱一班朋友分享，炸蝦餅，炸魚餅，春卷和炸肉丸生菜包都好食。我尤其喜歡用生菜包住炸肉丸吃，初吃覺得辣，愈吃愈想吃。炒黃咖哩軟殼蟹配薄餅也值得推介，軟殼蟹大大隻又香又惹味，配埋香濃不辣的黃咖喱真是百吃不厭，薄餅用來點咖哩最好味。吃泰菜怎少得串燒。這店的串燒新鮮料足夾味，今晚叫了一打，讓朋友吃過夠，因為好吃，他竟然吃了三串雞三串豬。我愛吃這店的曼谷海南雞，雞去骨易食，肉質好有雞味，肥瘦適中。今晚大家都吃得開心滿意，下次有機會大夥兒約埋去堂食再試其他菜式。

行街之際的一個廣告帶我來到呢間地道泰式餐廳。“菠蘿海鮮炒飯”好大方哋有3大片菠蘿喺面，係燒過嘅，好好味，好滿足，仲有腰果，肉鬆都好多份量，係點咗先做嘅，需要少少時間等，但也不需要太耐，而唔係一早準備定然後熱番畀你嗰隻囉，非常之有誠意，有蝦有青口都大隻，同埋有啲魷魚粒。“小食拼盤”有四樣嘢，佢哋就係魚餅，蝦餅，肉丸，春卷，仲有生菜可以包返嚟食，又可以就咁食，全部都係熱辣辣即炸嘅。椰青和泰國奶茶插返啲泰國菜絕對係好夾嘅，以為就係咁少當然唔係啦，呢排食得菜少，所以嗌個泰式炒通菜，綠油油嘅蔬菜加埋啲辣椒同埋啲炸蒜好惹味。仲有個好值得推介嘅湯品就係"椰汁雞湯"，材料多雞肉多個湯都係好鮮甜，有啲椰汁真係好濃香，超好飲，好快飲晒㗎。

新嚐泰泰國餐廳灣仔石水渠街10-12號匯富閣1樓1/F, Wui Fu Building, 10-12 Stone Nullah Lane, Wan Chai男朋友話口淡淡想食濃味些的食物, 我腦海中叮一聲, 就想到了食泰國菜, 因泰國茶善於利用香料同香草, 味道有新酸甜, 牆身兩邊畫了顏色繽紛的牆壁畫，$88 串燒沙嗲，6串，雞豬各要一半，燒至香噴噴啖啖肉，沙嗲醬勁香，甜甜地有花生香。$78！泰式炒椰苗 簡單蒜蓉炒香，因為加了少量紅辣椒，食入口很惹味，椰苗爽口黃咖喱跟薄餅 雞 $98 ，curry chicken 跟酥餅，好吃加了椰奶黃咖喱不太辣，加了三青椒，洋蔥，車里茄，薯仔菠蘿海鮮炒飯 $108，落了薑黃粉調味，令米飯色調呈黃，還有版，青口，燒菠蘿肉串超juicy ,仲有肉鬆腰果份量多，個菠蘿炒飯是食過數一數二好食 ，再來個dessert 芒果糯米飯，熱辣辣糯米qq,多芒果肉

今日響灣仔附近做完嘢，收工會合男友，佢忽然間想食泰菜，於是我哋就上OpenRice搵吓有咩泰國菜餐廳，見到呢間好似唔錯就一於試下~ 餐廳唔係地舖，而係樓上舖，仲要係隱身於灣仔街市附近嘅一棟好似住宅大廈咁嘅位置，我哋都以為自己行錯路，差d隱世到我地唔識上去好彩餐廳嘅指示都算清晰，跟着指引就會去到~ 一上到餐廳見到地方唔算大，不過都幾新淨，職員仲好似係泰國人嚟㗎添～希望食物嘅味道會正宗同好味啦~ 我地叫咗大蝦金邊粉，青咖喱雞配薄餅，椰汁雞湯，串燒同泰式奶茶~ 其中我最鍾意係青咖喱雞配薄餅，咖喱香得來唔會過辣，薄餅非常酥脆~ 食物分量十足夠哂飽肚兼色香味俱全，唔會太辣配合返香港人嘅口味，非常適合怕辣又鍾意食泰國菜嘅人~ 總括嚟講我地都食得十分滿足，性價比幾高，絕對值得一試~

兩日泰國🇹🇭味蕾之旅⋯⋯呢間係第二天嘅第二間餐廳！天外有天！隱世高手！價錢超值！正宗泰國料理🥰🥰⋯⋯🇹🇭🇹🇭新嚐泰泰國餐廳🇹🇭🇹🇭灣仔水渠街10-12號滙富閣一樓☎️9173 1893 馳名炒黃咖喱跟薄餅軟殼蟹黃咖喱做得相當出色，醬汁非常美味⋯⋯軟殼蟹炸得非常香脆，而且能保持肉汁⋯⋯份量相當大！仲有配埋啲酥脆嘅薄餅！超抵又美味！滷汁軟皮豬手這款豬手是泰式的signature菜式！幾乎每間泰國餐廳都會有這個菜式！皮爽肉嫩⋯⋯味道剛剛好！肥而不膩⋯⋯串燒沙嗲份量超大！有六大串！我朋友一個人食咗五吋，超級犀利！醉酒佬炒辣豬肉片肥粉呢個菜式相當美味！而且份量超大！肥粉質感＇口感＇有趣！肥粉吸收晒豬肉片嘅味道⋯⋯香濃美味！加上大量配菜！必食！🥰😋最後飲咗超凍嘅椰青！今餐非常滿足！🥰🥰

之前同阿大女去灣仔食過新嚐泰泰國餐廳，佢話好正宗又好食，阿妹又話想試吓，今晚趁佢放假帶佢過嚟食晚飯。餐廳位於樓上，去過就知入口右手邊有個門鐘，按一按門就會有人搖控開門。入去搭lift上一樓就是餐廳。阿妹話餐廳裝潢好有泰式格調，地方又乾淨。炸蝦餅，呢度嘅蝦餅真係好好食，即叫即做，外層好鬆脆，內裡鮮味彈牙，食過都會翻尋味。泰式燒雞半隻，本來想食海南雞，可惜已經賣晒，改要燒雞，即叫即燒，雞肉燒得微微焦香，配上秘製濃香辣醬汁，十分惹味。黃咖喱雞跟薄餅，黃咖喱醬汁帶點甜味帶少少辣。內有嫩滑的雞肉和薯仔，女兒說用黃咖喱來伴薄餅吃非常美味！她自己竟然吃掉整整兩塊薄餅。串燒沙嗲雞和豬肉，串燒燒得Juicy焦香有口感，配自家製的濃郁沙嗲醬汁，花生的濃厚配上香草辣椒的惹味，口感複雜，十分滋味。菠蘿海鮮炒飯，炒飯夠鑊氣又足料，有青口、大蝦仁、魷魚、雞蛋、腰果、肉鬆、菠蘿等，金黃色的炒飯粒粒分明好香口，還有一大串燒菠蘿伴碟，酸酸甜甜好開胃。