新大來餐廳

营业中

休息中

長洲抵食茶餐廳。位於長洲大新街一間一睇就知道係做開街坊生意既茶餐廳，午餐時間都算幾多人，12:30去到唔洗排隊。$39 午餐簡直就可以講係長洲嚟計少有平價食物。一睇裝修就睇得出黎老舖，舊式裝修，環境一般但乾淨。筷子餐具等夠乾淨滑蛋叉燒飯：滑蛋夠香，叉燒唔算少，飯既軟硬度剛剛好，夠多汁，份量足夠。菠蘿雞粒炒飯：味道剛剛好，菠蘿炒飯黎計算多菠蘿咁，呢個價錢有驚喜。味道：🐧🐧🐧🐧價錢：🐧🐧🐧🐧🐧滿足：🐧🐧🐧🐧

放假到來走走,已是下午時份, 店內冷氣開放, 環境係舊式家庭小店茶記, 有幾張枱, 叫咗食物及飲品到來, 分別有牛腩湯麵好一般😑, 牛腩比較細粒無咬口, 湯底就無乜味😑, 豉油王炒麵就唔錯👍炒得幾干身熱辣辣再灑上芝麻好香口, 滑蛋叉燒飯就一般😑算正常啦, 至於凍檸茶就一般,反而凍奶茶就比較好👍夠茶味, 我個人就覺得炒麵及奶茶比較好, 其他就好一般啦。女店員服務態度算好, 到算帳時就$185。總結嚟睇試食過就算了吧😶。

午餐一個干抄牛河，凍檸茶1杯，首先凍檸茶淡而無味，茶無茶味，檸檬無檸檬朱牛河啲牛肉太少味淡，河粉黏而不爽，整体下次不幫襯，環境一般，。反而近碼头亞倫茶餐比較好食，價錢又合理讚!