新大光燈

营业中

休息中

喺南豐紗廠行咗一陣個肚覺得有啲肚餓，睇吓時間已經差唔多十二點鐘，驚一陣間會人多，於是決定早啲食嘢，一心諗住試下呢間馳名嘅新大光燈巷仔雲吞麵果然唔係太多人，可以即時入座，坐低望下餐牌有乜嘢啱食先兩個人叫了個蔥油雞扒太陽蛋飯餐同一個雲吞撈麵呢個雲吞撈麵，撈麵同雲吞喺分開上，麵底有兩條菜心，麵幼得黎都夠韌，有少少鹼水味，雲吞嘅蝦都爽，味道 ok, 個湯稍嫌唔夠大地漁粉嘅鮮味。蔥油雞扒太陽蛋飯餐附送紫菜湯，雞扒煎得有啲硬，飯撈咗蔥油同雞蛋後就好好味，紫菜湯稍淡，一般啦！跟餐凍奶茶，唔記得叫少甜，好彩都唔係太甜，奶茶都正常。題外話：見隔離枱碟牛筋腩撈麵好似幾正，牛筋腩份量都幾多下，下次要試試。

📍#新大光燈#MFJ荃灣 #MFJ中菜 #MFJ港式人均消費: HKD53新大光燈位於南豐沙廠！原來當年60年代係紅磡橫巷一間雲吞麵店，以盞大光燈為記，之後2013重開！ 因為太餓，我就冇食雲吞麵喇，試個蔥油雞扒飯啦！⭐️蔥油雞排太陽蛋飯🍛$53嘩！勁大碟！ 金黃色嘅雞排加香噴噴又青咇咇嘅蔥油真係絕配！ 雞皮脆脆的，炸到咇晒油香，肉質都好嫩！ 煎蛋嘅蛋黃汁加晒蔥油撈飯，正！仲有碗紫菜湯，用嘅係雲吞麵嘅湯底，紫菜足料，$53咁有碟飯又有紫菜湯想點？🥴其實佢都係茶餐廳形式，服務態度還可以，不過你要預佢會催你😂 #mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblog #chinesecuisine #chinesefood #hkfood #hklocalfood #相機食先 #荃灣美食 #港式

大光燈係60年代嘅一間傳統始祖級巷仔雲吞麵店，源於伍師傅喺紅磡曲街横巷擺檔時嘅一盞大光燈，著左就即係有麵吃！因為想食粥而叫黎食，即使唔係佢嘅招牌雲吞麵，同埋唔好睇佢細細碗咁，十分之飽肚，唔知加左啲咩，熬得好濃稠好入味，一致認係碗高質粥！唔係味精味，啲鮮牛又多又腍，佢嘅熱奶茶都ok的！

公司附近嘅港式野，食左豬潤粥，豬潤都幾多片，粥都有味唔會太啖，43蚊都勉強ok la. 雲吞麵份量有啲少，女仔都食唔飽可能要加底，不過係好食嘅。蔥油雞扒太陽蛋飯就好香唔錯，雞扒好脆，太陽蛋熟度都岩岩好，唔錯。間唔中食下都ok，始終性價比唔算太高。

今時今日 唔介意無阻隔搭枱, 唔介意入去大大聲比人寸, 又唔介意食餐飯仲要受氣嘅話, 不妨試試鯪魚球好食 夠熱 大粒 真材實料 雲吞好食 如果呢頭有得揀, 寧願搵間食得安落啲 好味又如何

今日去了荃灣南豐紗廠揾食我由九龍走去新界，因為帶仔去玩好多好出名嘅雲吞麵都係衰在個麵度我從未吃過“新大光燈雲吞麵”咁幼身的幼麵非常彈口，唔會過淋或或過硬麵份量不會太少，最起碼夠成人食我分一些給仔仔吃也行現在好多雲吞麵，麵分量都縮水只有半碗分分鐘要叫兩碗才有少少飽🙊🙈4粒雲吞的蝦不算好大隻，但鮮甜又有蝦味雲吞皮不會太厚佢湯底沒有堿水味，味似濃湯，我也喝幾啖餐廳是普通茶餐廳的裝修，所以不拍照大大碗嘅雲吞麵才HK$34元下次有機會一定要試HK$40多元的豬雜麵現在出面很難找到“豬雜”，反而牛雜多對面食客食緊牛腩撈麵都唔錯🙊

買一個飯➕一個菜，問佢要多一套餐具都唔比。我同佢講我兩個人食，佢都係比對筷子比我！你估我要多套餐具當甜品咩！我對佢哋服務好失望，平時收錢個位女東主已經態度唔好，不過反正食嘢就算啦！現在真係有需要多套餐具都唔比！

先講講份量同價錢 都合理既正常5十幾蚊一個飯 同埋夠飽(對於我黎講啱啱好)首先要讚嘅係我好中意飲紫菜湯唔係間間包個湯都會有 所以係幾開心既蔥油雞扒 超級無敵咸送飯既汁又太少雞扒炸得唔夠脆係有d失望我食完之後半個鐘都keep住狂飲水真係太咸好口渴真心講依個價錢 我寧願去光榮冰室食個三眼仔雞扒飯 差唔多價錢三隻蛋 仲要大大塊雞扒 又炸得脆不過如果冇乜要求 都唔係話太差嘅呢間不過就要預咗真係飲好多水希望可以改善下唔好咁咸同多小小汁係個飯到

大年初二好多食肆都無開，本身諗住去王牌食返個沙牛麵，結果亦都係無開，最後揀左lee間醫肚。先黎蔥花蝦米腸，軟滑有水準，再黎薑蔥豬潤撈，試啖湯頭清甜唔咸，豬膶亦大塊爽脆，雖然價錢偏貴，不過難得有開門又唔使加收服務費，算得上係唔錯既選擇。枱面無擺醬（甜醬/麻醬/辣醬）差d，亦都無芝麻同豉油（原先食豬膶都想蘸點），只有辣油同浙醋，係可以改善既地方。最後想讚（出帖既主要原因）樓面姐姐，因為食剩半碟麵（腸粉同撈麵份量幾足），所以打包拎走宵夜，樓面姐姐（可惜我無留意名牌），竟然主動提出加湯俾我（因為我飲剩好少），算得上係一個超乎我預期既貼心服務，可惜我無利是喺身（未婚），唔係我都會作出實際性獎勵，唯有出帖以示嘉許。

閒日黎南豐紗廠行下消磨時間都唔錯黎呢度扮下文青就最啱！不過呢到竟然有間格調唔同嘅茶餐廳！聽個名以為賣燈添呀！行過見呢間餐廳好多人，就順便食個Lunch 蔥油豬扒太陽蛋飯🍳：塊豬扒勁大塊，煎得好香脆，豬扒都好淋，一啲都唔韌，加埋一隻煎到脆邊嘅太陽蛋，真係好邪惡！重點係勁多蔥，完全唔覺得膩！Lunch仲送紫菜湯，如果唔食太陽蛋仲可以轉炒蛋或者反蛋午飯時間都幾多人，附近好多工廠，上班族會黎食晏，所以建議平日早少少黎到

經常幫襯大光燈，因為食物品質唔錯，價錢合理，推介即叫即炸鯪魚球👍👍但今次主要是想反映職員欠缺衛生常識，疫情下人人自危，除了戴上口罩，很多餐廳職員都會戴上膠手套，但只能自防卻令食客更加危險😲😲因為手可以頻頻洗，膠手套卻戴上一整天。眼見職員戴住膠手套換垃圾袋、收碗碟、清垃圾，最後捧餐時手指公一手插入你碗麵或者你碗粥😤真係好恐怖😣已經即時反映俾店主聽，但職員聽後應都唔應...希望管理層認真處理😵

第一次光顧 荃灣南豐紗廠的「新大光燈」有港式粉麵、生滾粥、即拉腸粉及特色小食。鯪魚球麵 是用上生麵，麵質彈牙冇鹼水味，鯪魚球打得非常好，好有彈性，內裏有少少陳皮，爽口彈牙有魚味不錯啊。牛筋腩撈麵 材料十足，牛筋腩份量好多而且炆得好稔滑入味，我最喜歡牛筋還是有嚼口的，吃完也不會胡口，腩汁撈上麵條更加好味。即拉叉燒腸粉好滑，經調配後的豉油特別好味，而且價錢合理，下次再來品嚐其他食物，原來他們最出名是巷仔雲吞麵，下回再來試試。

係紗廠附近返工，第一次去新大光燈食午餐，食蔥油豬扒蛋飯（$52）送菜湯豬扒唔夠熟仲係粉紅色嘅食到尾先留意到啲飯同蛋都還可以嘅，飲熱飲都要加$7，凍飲加$10，但煮唔熟真係唔會再幫襯差評

大雨來這裏買外賣 ，蔥油豬扒煎蛋飯 。咬了一口豬扒 感覺很淋，但咬開後， 發現裏面是不熟的，紅心。 唯有用蔥油及雞蛋送白飯。檸茶茶底也沒什麼味道。 這個餐六十多元。。。貴喔

有日小編去南豐紗廠🏭的時候無意中發現呢間餐廳 佢係位於南豐紗廠🏭的地下一角 小編原本仲以為得個度只得文青cafe tim..餐廳以懷舊做主題 有別於平時的粥舗 幾特別😋1. 炸兩 ($28)熱辣辣上枱 份量都幾多😲 最好share 食 油炸鬼係脆卜卜的❤️ 出面已經好少可以食到脆😭 惟一個皮厚左少少同埋唔算滑 如果唔係真係好perfect 可惜🥺2. 狀元及第粥 ($38) 粥底好綿又有米香🥣 口感好實在 裡面有豬潤 豬心 粉腸 肉片 豬肉丸🐽 真係非常足料👍🏻 而且材料好新鮮 屋企人話食番以前的味道 所以好滿足😋 雖然價錢偏高 不過好值 推介💯