新天地美食

营业中

休息中

等伴侶收左工之後想搵野食醫下肚仔因為另一半唔肚餓既關係就走去搵湯水飲下食下小菜經過上網搜集資料之後就黎到我地叫左招牌雞腳湯 胡椒豬肚湯同埋蝦醬通菜炒牛肉首先講下個湯先啦招牌雞腳湯材料有雞腳同冬菇冬菇夠淋雞腳都煲得夠淋但我個人就喜歡再淋d 平時屋企會再淋d 個湯好似起膠咁不過可能餐廳又未必做到呢個效果湯帶有小小胡椒味道我覺得個胡椒味仲勁過豬肚湯可能無expect 有胡椒味覺得有小小怪但整體味道係無問題的到胡椒豬肚湯一般胡椒豬肚湯個胡椒味都比較突出即係入落口會覺得好辣反而佢呢個胡椒豬肚湯就唔會好辣打破左我一貫對呢個湯既味道既認知另外另一半話比起以前真係無咁辣 個胡椒味無咁重最後就係蝦通牛個蝦醫炒得唔勻有一大堆醬係菜上面開頭食面果d 就淡淡地食到下面就好咸餐廳提供tempo 盒裝紙巾比客人使用呢樣係完全估唔到整體黎講係唔錯有人會話湯水唔值個價錢但要煲到足料既湯水成本係好高

小王子問酒鬼：「為什麼喝酒？」「因為我內疚。」「為什麼內疚？」「因為我喝酒。」借酒消愁，古往今來，歷見不鮮。如果，有一碗孟婆湯，可以忘盡前塵往事，多好？活在香港，要找孟婆湯，新天地的胡椒雞腳湯如何？湯，醇，厚，火候足。冬菇，雞腳，需細嚐。胡椒，一點辣，微嗆，眼眶漸紅。不能如孟婆湯，一飲而盡。不能盡忘往事，至少可解今夜酒。酒聚亦限。酒，不需解。愁，靠一碗湯吧。今宵酒醒何處？2020，此刻時空，語塞。#新天地美食

同朋友飲完酒一定去我最鐘意既飲湯新天地已經由我19歲飲到今日鋪頭最岀名係雞腳湯，但係我鐘意蕃茄薯仔湯呢個湯其實塊幾足料，每次塊會有一塊好大既豬骨被我，而且係好林，唔會好似柴甘湯既味道好似我係屋企呀媽煮既味，冇味精，用左小量既茄膏，同埋蕃茄係取曬皮，好有心機所以喜歡飲湯既人，夜晚搵野食可以泥呢間鋪

4年先1次嘅 29.02.2020 ... 去完旺角要充充飢...梗係嚟到宵夜飯堂📍 新天地美食 (尖沙咀) 尖沙咀金巴利道85號地下.#我們這一家 三口👨‍👩‍👦飲番碗 #雞腳湯🥣先啦..胡椒味依舊咁重，驅一驅濕氣🤣飲完酒飲返碗暖下個胃都味話唔梳肝🍻 雞腳舒牌冇修甲，就係中意呢樣夠貼地，好似化骨棉掌咁入口即溶，都有成3、4隻雞腳🥳今日冬菇得1粒咋...戴係到喉唔到肺所以encore 多碗❤️冬菇好腍湖、冇牙婆都食到，小公主第1次飲都話辣得嚟好好味😋 .

男朋友好耐之前已經提過話試過呢間啲湯好好飲，今晚就決定帶我去試下。呢間店係條街既最盡頭，平時都好少會經過。一入到去我地就即刻叫左個湯先，我就試左個招牌雞腳湯，男朋友就叫左個鹹菜豬肚湯。招牌雞腳湯 HKD33一入落口好香胡椒味，湯係岩岩好一個人份量，個沙好足料，入邊有花生同埋仲有兩隻雞腳，啲雞腳煲到好淋同埋好入味😍😍鹹菜豬肚湯 HKD33佢個湯底都係好香胡椒味，啲豬肚煮到岩岩好，而且份量都唔少👍🏻之後我哋再叫咗兩個餸，蝦醬通菜牛肉同埋豉椒炒蜆，雖然兩個餸黎到都唔係話好熱，但個味道係正既，啲蜆全部都好大隻好厚肉👏🏻

成日經過呢頭都係為韓國餐而來 記得呢度有間開到好夜既新天地 今晚慕名而來 一嚐呢度既招牌雞腳湯 另外點左蒜蓉炒豆苗 西芹炒雞球 先講招牌雞腳湯 好足料啊 起碼3-4隻雞腳 仲有兩隻冬菇 個湯好夠熱 好重胡椒味 好出色！好鐘意食雞腳 ！蒜蓉炒豆苗 份量都唔小 2個人食剛剛好 ！西芹炒雞球 雞球似雞柳 size , 黃色既調味料 以為係咖喱 ，下次可以不點。欣賞呢間餐廳 開到甘夜 ，夜貓多個選擇！湯做得出色，講開，呢度係用Tempxx 紙巾架！

食完晚餐意猶未盡。今次無點招牌靚湯。 點了餃子同埋豉油王炒麵. 炒麵很夠鑊氣。配合肥o都o都既芽菜。口感一流。煎餃的水準比第一次吃差了。 可能放在鍋裡太久， 有點軟爛。 但還是會再幫襯的。 順帶一提。餐廳是用盒裝tempo 紙巾的。很豪！

今日落雨又濕濕笠笠，肥仔帶Vienn去飲挈愛雞腳湯😋😋😋雞腳超腍滑，細骨煲到入口即化，雞腳雖小但啖啖肉冬菇夠厚夠大，索哂湯汁😍😍再加上黑胡椒，辣辣地暖胃又驅寒祛濕👍🏽👍🏽味道濃郁，入口都feel到好多骨膠原🤪以前日日媽媽都會煲湯、滾湯、燉湯！但你搬咗出去住1星期返屋企食飯少不了有靚湯！但有時候未必個個星期返到去，嚟到呢度飲翻碗湯真係好有家的味道，而且店主店員都會寒暄慰問，十分有人情味！#肥dodo食記

喺尖沙咀返工有時收工收得夜就唔想食太多野..通常都會同啲同事過去飲碗湯裏面有超級多配料起碼有5隻嘅雞腳兩粒冬菇而且胡椒雞腳味勁重多膠質然後我最鍾意食埋呢度嘅韭菜煎餃子👍🏻好正

A friend brought us here for supper, which seemed to be famous for its soups. We arrived some time around 11:30p.m. I tried two types of soup, i.e. 招牌雞腳湯 and 菜乾豬肺湯 . There were really sufficient ingredients. But apart from that, there was really nothing special. That said, maybe they were really good for those who never make soup at home. The 番茄紅衫魚 was really good. The pan-fried fish was so crispy, and even the bones could be eaten. The sauce was delicious with fresh tomatoes and also tomato sau

收工有啲餓又唔想食咁heavy見唔少人專程嚟呢到飲湯就12點舖頭差唔多坐滿人買咗碗返去做宵夜🤪拎到返去仲熱辣辣 一開蓋好香🤩聞落飲落都好重胡椒味好足料 細細碗已經有5/6隻雞腳同幾舊冬菇雞腳煲完仲算完整 無煲到爛晒每隻都算多肉 食落幾彈牙$33都幾抵 小店嘅湯就算位置偏啲都值得買襯！

一進入店面，首先觀察到只得一位嬸嬸在默默埋頭工作，因此只能自行於並未作仼何清潔的餐桌中尋找心怡的坐位，一番折騰入坐後，一邊欣賞上手客人食剩的餸菜一邊思考接下來的點菜。兩人最後決定點了：1)雞腳湯-雞份量足夠但湯頭稍為胡椒味較重，不太合本人口味。2)蕃茄薯仔湯-湯料足夠但屬於偏向茄膏煲的風味。3)韮菜煎餃-皮薄，餡也充足可惜好處都被過多的油份蓋過。4)椒鹽豬排-味道很夠大概是導致要不斷喝水的元凶。5)麻辣雞柳-不麻少少辣。其實以深夜來說這個食物質素尚可選擇但不得不提導致這篇食評面世的原因，就是若果你誤以為自己身處於黃色場所請不要感意外，因為於單單一頓飯的時間，你可無法抗拒地在小姐們口中得知她們當晚生意的旺淡，當然從帶點醉意的欣客們口中也能聽出他們沒有被嫌的意思，隨著陣陣的飽意也為這餐畫上句號。結過賬單後，頓時一想決定表示無需找零，畢竟無緣再聚也希望留個少少的好印象。

湯味道唔錯，的確係足料，味道夠濃，但一D都唔平，一碗薯仔紅蘿蔔湯已經要價三十大元，仲要係細碗到爆，可惜既係鋪頭品流複雜，古惑仔同妓女食客較多，上年仲因為有顧客爭座位嘅問題大打出手，仲要係打死左人果隻，而且最不可思議既係，成間舖既樓面就只有事頭婆一個，搞到想叫野食都好似要碰運氣咁，你點菜佢愛理不理好似賺硬咁款，果度D野雖然好食，但會令你感覺上置身於弱肉強食蠻荒世界既感受，完全係不知所謂既飲食體驗，幾好食都無用

夜媽媽想食宵夜，但又唔想食到甘飽，有朋友就提議不如去新天地飲個湯喇，跟住1行3人就來左呢度呢度環境有d迫，隔離就係三角公廁，我地坐係門口位置張細台到，見到店內好多人都應該係落完酒吧過來食個宵夜，呢度除左湯都仲有小菜同粉麵飯我地3個叫左2碗蕃茄薯仔湯，一碗招牌既雞腳湯因為見到呢度得1個店員，又要執台，落單，傳菜，所以速度唔會太快，大家都唔好去吹佢喇湯來到就即刻嘗試一下雞腳湯，個碗略嫌有點細， 雞腳都伸到碗外，而且無剪腳甲，唔知大家接唔接受到，湯內仲有粒冬茹，唔算大隻，但都厚身既，飲完碗湯覺得有好多骨膠原丫而蕃茄薯仔湯，顏色夠深，好有蕃茄味，薯仔就煲到入口溶化，仲有舊豬骨定牛尾既物體咬下三十幾蚊個湯，個人覺得湯水可以多d，甘就完滿喇

今日第一次嚟食，話說佢個老火湯好像勁出名既，就去try try 喇入到去，已經見到有d 報紙都有賣佢個湯，由於諗住再食嘢既關係，所以就5叫另外小食了，疑似老闆同我地講聽日要裝修了，有幾個月都5開住，要食就要去棉錦徑嗰間分店。。竟然喺老店關門前可以一試，都算幸運聽講佢其他小菜類都做得幾好，有機會再try try 見到周圍啲廣告都話食招牌雞腳湯，咁就要依個分量唔算大碗，不過勁足料，好就好在佢個湯嘅表面冇咩油份，平時喺外面飲嘅雞腳既湯，全個面都係油，一係一飲落去就好重味精，依個就無依個問題佢入面有好多冬菇同雞腳啲雞腳煲到溶晒，佢啲骨都唔使點咬，好犀利，加上佢個湯好多骨膠原，骨膠原係女士們的恩物，要食多點哦飲完個湯之後完全唔會覺得口渴，雖然店舖環境比較細小，不過個湯已經贏人幾條街希望佢裝修咗之後個環境會靚啲，湯嘅水準再維持返就好啦